في رايي .. اللوم كله على الاهل ..
يعني لو هم راعوا عيالهم .. وربوهم عدل و راقبوهم .. و حرصوا عليهم .. مثل ما علمنا الرسول عليه افضل الصلاة السلام .. ما بيصير ها الشي ..
و عندكم امثله :
في بنات بلبسهم و طريقه مشيهم و كلامهم .. يجذبون ضعفاء النفوس ( لو اهلها منعوها من ها اللبس و الاسلوب ما كانت خلت فرصه لها الشاب انه يصيع )
و في بنات يدورون على العلاقات العاطفيه .. و تمضيه وقت الفراغ وهذا اكيد بيكون عن طريق الشباب الي يرقمون ( لو اهلها مهتمين فيها اكثر .. و شاغلين الفراغ العاطفي الي فيها .. و معلمينها كيف تستغل وقتها ما كان هذا حالها )
و في بعد الشباب الي يدورون على صدر يحن عليهم ( على قولتهم ) .. و حد يسمعهم .. فيكون الحل يرقمون بنت في الشارع .. ( بعد لو اهله شغلوا الفراغ العاطفي الي عنده و علموه كيف يستغل وقت فراغه ما كان هذا حاله )
و طبعا في من الشباب الي يبا يرز عمره بين ربعه .. و يتحداهم في عدد البنات الي طيحهم ( لو كانوا اهله مراقبينه و حريصين عليه و على نوعيت الناس الي يرابعهم .. و معلمينه ان بنات الناس مو لعبه .. و ان الي بيسويه في بنات الناس بيستوي في خواته ما كان هذا حاله .. ) ..
و في شباب الي هم مريضين نفسيا صراحه ما اعرف شو اقول عنهم .. الي بس يشوفون بنت يربعون وراها كان عيوز ولا صغير حلوه و لا خسفه .. ( لو اهله عارضينه على طبيب نفسي ما كان هذا حاله )
و في امثله واايد .. و كلها في الأخير تعود على التربيه .. لو كانوا متربين صح .. ما كان هذا حالهم ..
و السموحه على الاطاله .. ^^ .. ,،