عمانيات عمانيات
عودة   عمانيات > منتديات عامة > شعر و أدب
شعر و أدب واحة من الخيال والحقيقة ونشر المشاعر النبيلة الهـادفة من شعر وخواطر وروايات

الرد على الموضوع
 
خيارات الموضوع طريقة العرض
  #1  
قديم 29/09/2007, 12:22 AM
صورة لـ المـــآ،،،ـــه
المـــآ،،،ـــه
هــادف
 
غدر الخناجر

قصيدة اعجبتني جدا واحببت نقلها لكم هي طويلة شوي بس رائعة وتستاهل:

غدر الخناجر لحامد زيد ((احب كتاباته واااااااااايد))





عفا الله عن خطا غدر الخناجر والضلوع ابطال
بسامح واتركك تحت الظلام الحالك لحالك

دخيلك وفر دموعك ترى هدر الدموع اذلال
وترى ما فيه احد يصبر مثل صبري بغربالك

انا عيب علي أنقض كلامي والرجال افعال
واذا قلت اقطع احبالك تراني بقطع حبالك

عشان اكسب هدب عينك تجرعت العذاب اشكال
وليتك ترأف بحالي علشان ارأف بحالك

مسوي في حياتي شي ما يذكر ولا ينقال
حشا حتى العدو وهو العدو ما يعمل اعمالك

تمسيني على الهم وتصبحني على الغربال
تقلطني فناجيلك وتقصر عني دلالك

تحملت التعب لجلك وانا حملي يهد جبال
رحلت من العذاب وما وقفت الا على جالك

علامك كل ما جيك متواضع جيتني تختال؟
معاك اليا متي بصبر وصبري معك يحلالك؟

مثل ما اقبلت لعيونك لزوم تلد لي باقبال
ومثل ما قد حشمتك حس واحشم قلبي اشوى لك

أنا محدن بجابرني أساير معك هالمنوال
ترى لاني تبيع لك ولا ني باصغر عيالك

أنا جيت اعشقك نبض ومشاعر ما اعشقك (تمثال)
أنا جيت اسكنك واحياك وابقى فيك وابقى لك

أنا جيت بظما عاشق تعب يطرد سراب اللال
أنا جيت استفز رضاك من فرقاك والجا لك

أنا ما همت بك عاقل أنا كنت اعشقك بخبال
أنا ما كنت احبك حي أنا كنت اعشقك هالك

تخيل من كثر ما اخاف تلقى للزعل مدخال
أخاف اخطي على طيفك وادوس برجلي ظلالك

تبعتك والعرب تتبع رعود البارق الهمال
وانا شفت المطر يتبعك في حلك وترحالك

كأن اللي خلق حسنك خلقني مع جسدك ظلال
وصرت اقرب جسد يمشي معك باقفاك واقبالك

أبي قلبك يحس انه فقد بمحبته رجال
ملكته من هدب عين وخسرت رضاه باهمالك

صحيح ان الفراق اقسى ولكن الوصال محال
أنا صعبن علي أرضي غرورك واضعف قبالك

بعد ما حققت عيني فبعدك للرقاد امال
أعود للسهر؟ -- يا خوي فال الله ولا فالك!

ببدل نظرتك فيني واجي لك كل يوم بحال
بكون اقرب من ثيابك عليك ولا تهيا لك

بالمك وانثرك واجمعك وارجع وانثرك باهمال
بخونك وازعلك وارضيك وازعل منك وارضى لك

أبرسم بالثرى وجهك وابدفن صورتك برمال
أبشكي للعرب فرقاك واضحك عند عذالك

أبهديك الوصال فراق واهديك الفراق وصال
بسوي مثل ما شوفك تسوي وافعل افعالك

عشان تعرف من فينا الزعول ومن وسيع البال
أبيك تذوق فنجالي وانا بذوق فنجالك

نصيحة واحتفظ فيها قصر معك الزمن أو طال
أبي تسمع كلامي زين وتحطه على بالك

اذا حبك هبال اطفال لك عندي هبال اطفال
ولا --- وابشر بعد بهبال حب ما هو بهبالك

واذا قصدك تهين اسمي عشان تشمت العذال
ترى لا انته ولا غيرك --- ولا عشرة من اشكالك




من مواضيعي :
الرد باقتباس
  #4  
قديم 29/09/2007, 04:46 PM
صورة لـ فارس بلا جواد
فارس بلا جواد
وفــي
 
رد : غدر الخناجر

شاعر له مقامه في ميزان الشعر
شعره ترك بصمة في عالم الشعر
جميل شعره كثيرآ
احييك على النقل



من مواضيعي :

آخر تعديل بواسطة فارس بلا جواد ، 30/09/2007 الساعة 03:47 AM
الرد باقتباس
  #5  
قديم 29/09/2007, 07:42 PM
صورة لـ المـــآ،،،ـــه
المـــآ،،،ـــه
هــادف
 
رد : غدر الخناجر

مشكور فارس بلا جواد على مرورك

والصراحة احلى كلمات الشعر عندي اللي يكتبها
احس كل قصيد احلى من الثانية



من مواضيعي :
الرد باقتباس
الرد على الموضوع

مشاركة الموضوع:

خيارات الموضوع
طريقة العرض

إنتقل إلى

عناوين مشابهه
الموضوع الكاتب القسم ردود آخر مشاركة
لم تزل تهتف بالحق الحناجر- د.محمد الحسيان semo ألحان التقوى 5 29/05/2011 05:20 PM
أنواع الخناجر العمانية !!! قمر هالكون السياحة في بلادي 14 26/10/2005 06:50 PM

vBulletin ©2000 - 2017
 
 
عمانيات  مراسلة الإدارة  تصفح سريع منتديات