عمانيات عمانيات
عودة   عمانيات > منتديات عامة > شعر وخواطر المكان
شعر وخواطر المكان بأقلام الأعضاء تجد هنا أفضل الشعر والخواطر والروايات

الرد على الموضوع
 
خيارات الموضوع طريقة العرض
  #1  
قديم 30/04/2011, 05:50 PM
صورة لـ رضا توفيق
رضا توفيق
مُشــارك
 
الحكم العادل على المفسدين

الحكم العادل للمفسدين

أه يا بلدى كل دا كان فوق كتافك

ناس بتسرق ناس بتنهب حتى طهرك أو عفافك

شايله همك جوا قلبك فين كلامك واعترافك

وإحنا فرشين لك قلوبنا تحت رجلك أو مداسك
***
إحنا شعبك م الغلابة الطيبين

إيلى عشنا طول حياتنا من حقوقنا محرومين

وإيلى سرقوا عمرنا وقوتنا وحياتنا المجرمين

إحنا شعب بأى حاجة راح نعيش

بأى حاجة راح نواصل فى الحياة لو كان مفيش

فى الارادة والتحمل زينا لأ ما تلاقيش

شعب عاش وسط المقابر والجحور

شعب حارب لجل تبقى الضلمة نور

لجل نزرع أرض عاشت طول حياتها وهى بور

انسرق منا الأمانى والأمان

عيشونا فترة واقفة من الزمان

شيبتنا وعزبتنا وصمرتنا فى المكان

ياللى بتحاربوا الفساد والمفسدين

إيلى نهبوا خير بلدنا وسرقوا قوتنا من سنين

عندي فكرة لحكم عادل تحكموه ع المجرمين

مش هقول ارموا لحومهم للكلاب

أو أقول يالا ادفنوهم وهما صاحيين في التراب

أو أقول دوقوهم كل ألوان المهانة والعذاب

عيشوهم زينا فى العمر مرة

عرفوهم قد أيه الحاجة مرة

والكرامة للغلابة أغلى درة

لما يركب فوق كتافك هم حفنة م العيال

إيلى فيهم جسمة ساخن وإيلى فيهم بخته مال

وإيلى شال الحمل بدرى لجل لقمة عيش حلال

عرفوهم يعنى أيه إنك تجوع

يعنى أيه المعدة تشكى أو تخبط فى الضلوع

وأنت مش عارف تعبر بالدموع

فى الطابور نلعب مصارعة لجل ناخد كام رغيف

مش مهم إن كان ملعبط أو دقيقة مش نضيف

ولا كان محروق وفحمة ولا وزنة كان خفيف

يعنى أيه انك تعدى جنب دكان جزارين

والقمر مربوط فى سيبيا وأنت حاسس بالحنين

بس مش ممكن تطوله لو قضيت عمرك حزين

شربوهم ميا مخلوطه بمجارى

إيلى موجودة فى حياتنا فى الأذقه والحوارى

خلت الأمراض بتنهش فى جتتنا زى وحش من البرارى

سكنوهم فى المقابر ويا صمت المقبورين

يعنى إنك تبقى عايش بس ويا الميتين

يعنى ميت جنب ميت هما وإحنا مدفونين

عرفوهم أى معنى للإهانة

والدموع تصبح جبانة

لما تشعر بالمذلة والمهانة

أه يا بلدي عال سرقوا المليارات

وبسببهم يا بلدنا الشعب مات

نعمل أية وإزاى نرجع عمر فات

عمر منهوش م الكلاب المسعورين

داسوا على كل المبادىء والقيم وأصول لدين

علمونا إزاى بندمن كل ألوان الأنين

صورولنا الهم تورطا بألف دور

لبسونا الحزن بدلة للسرور

علمونا أمته نضحك أمته نبكى أمته نغضب أو نثور

نفسي أبكى نفسي أصرخ نفسي أقولك أه يا مصر

حلمنا المنشود فى أرضك إنكسر ميت ألف كسر

وانحبسنا فى القزازة وانعصرنا فيها عصر

بس بنحبك يا بلدى وإحنا ليك مخلصين

مهما كان إيلى جرالنا مهما دوقنا من أنين

لمللمى جراحك يا بلدى وإدعى وإحنا نقول أمين

إننا نطهر ربوعك من الفساد والمفسدين






من مواضيعي :
الرد باقتباس
  #2  
قديم 30/04/2011, 06:20 PM
صورة لـ alanfal
alanfal
المحبة لله ورسوله
السياحة وموضوعات عامة
 
: الحكم العادل على المفسدين

شكرا على الطرح الجيد



من مواضيعي :
الرد باقتباس
الرد على الموضوع

مشاركة الموضوع:

خيارات الموضوع
طريقة العرض

إنتقل إلى

عناوين مشابهه
الموضوع الكاتب القسم ردود آخر مشاركة
عرض القرض العاجل ينطبق الآن Raihana Xavier إعلانات وتسويق 0 17/08/2016 08:03 PM
" معالجة طلبات الشراء العاجل" أكاديمية ميدل إيست إعلانات وتسويق 0 28/09/2015 06:44 PM
ورشة عمل معالجة طلبات الشراء العاجل مركز تدريب جلف راشد النائب إعلانات وتسويق 0 18/08/2015 03:04 PM
بعض الحكم الراااااااااائعة pcac موضوعات عامة 6 24/09/2011 04:03 PM
لب الحكم m_elthini شعر و أدب 1 11/07/2010 05:47 AM

vBulletin ©2000 - 2017
 
 
عمانيات  مراسلة الإدارة  تصفح سريع منتديات