عمانيات عمانيات
عودة   عمانيات > منتديات عامة > شعر و أدب
شعر و أدب واحة من الخيال والحقيقة ونشر المشاعر النبيلة الهـادفة من شعر وخواطر وروايات

الرد على الموضوع
 
خيارات الموضوع طريقة العرض
  #1  
قديم 31/12/2010, 07:49 PM
صورة لـ عصفور الشرق
عصفور الشرق
نشيـط
 
زهرة المكان مختارات

ياللي سكنت أجمل زوايا كياني
.ياماعلى نفسي لجلكـ تحاملت
مرات.. أحس انك معي شخص ثاني
ومره.. أحس انك حبيبي ولازلت
عشان عشرتنا الطويله وعشاني
حاول تشيل من الوفا ربع ماشلت
???
(وياكم)
تمنيت السعادة بدنياي
وشفت السعادة تبتعد ماتبيني
(أشكي)
لربي خالق الخلق شكواي
عساه يسعد مابقى من سنيني
(أخفي)
عن الجلاس همي وبلواي
وأضحك ودمعتي وسط عيني
???
أبي أكتب قصيدة حب
أبي جزلة معانيها أريدك بين هالعالم
تفاخر يوم تقراها
ابيك لحرفها تطرب
أبي غيرك يغنيها
أبي لامن سألك انسان
من الي فيك سواها
تقول اللي سكن قلبي وروحه لي مهديها
???
لاضاقت الدنيا علي قلت
وينك..؟
ياللي تسلي وحشتي
كل ماضيق
ان كان إنعقد حبل
الوصل في يمينك
من يسقي الضامي وهو
ناشف الريق
عذرك معك وإن شنت
الشين مايشينك
وإن زنت فإنت الزين من
دون تعليق
???
أتعبت قلبي من جفاك وتغليك
وتاهت بي الشرهه ولا أحد ذكرها
المشكله قلبي حلف مايخليك
ومدري متى ظروفك توقف ضررها
قلبي وعقلي والمشاعر تباريك
وروحي هوت روحك وحبك سحرها
الذنب ذنب الحب
ماهو خطا فيك هذا خطا
نفسي وهذا قدرها
???
اسألك بالله وش مـعـنى الـصـمـود
لاغـدى (ماي البحر) جـمر بيدي
واسألك بالله وش مـعـنى الـصدود
لاغـدى مـوتي يـساوي مـولـدي
???
جيت أبنساك من بعد الفراق
نازعتني فيك الأشواق
حاولت النسيان
ولقيت نفسي
أشتاق وأشتاق
حاولت واشتقت ثم حاولت واشتقت
حاولت ونسيت
انا فعلا نسيت أهلي ..نسيت ربعي
لكن
نسيـــــت أنسـاك
???
ماأبي جرح
ولا أبي خوف
ولا أبي أحزان
أبي موقف
أبي كلمة تهز أوطان
(أبي إنسان)
إذا طحت من طولي يفز ويسند حمولي
يحس فيني قبل لااشكي
يواسيني قبل لاابكي
ومن قلبه اذا حنيت الاقي بداخله احضان
دخيل الله ابي إنســـــــــان
???
أبسالك ؟
لو قلت لك اشتاقلك !!
كثر الجفا وكثر السهر وأكثر من هموم البشر ...
أستاهلك ؟
???
أدري انك صرت ضمن المستحيل
بس قلبي رغم بعدك مانساك
وأدري اني منك ضيعت الدليل
والسبب لاشك هو كثر غلاك
وأدري اني من سبب بعدك عليل
الله واكبر صار حبي لك هلاك
وادري اني ممكن القى لك بديل
بس وين الي يساويك بحلاك
???
إنت تامر
ما أقدر أتأخر عليك
أطلب عيوني تجيك
روحي احطها بين إيديك
لا يردك شيء يا معنى وجودي
أعتبرني يا حبي أنا كلي لك
بألف خاطر يا عمري مشتريك
???
حبيبي رساله أرسلها لك عبر الأثير
أبثها لك وأنت بعيد
كتبتلك فيها ما عجز عنه لساني
بأنك أغلى وأروع ما في حياتي
ولو تطلب روحي
أرميها بين إيديك بثواني
???
ليتك
بحلم الروح ليله تجيني.
وأقول:
ياحلـمي أنا أطلبك تزداد
حلمي في حلمن
‎.‎بين روحك وبيني
ليت الحلوم تصيرللوصل ميعاد..
تعــــــــبــت
وأتعبت
الهوى من حنيني
وأتعبت قلبك
بالهوى يابن"الأجـــواد" ‏
???
كيف أصبروأتصبرفي غياب أغلى الحبايب
وكيف أداري دمعتي وحسرةالروح وقهرها
آه يانفسي وياجرحي ويادنيا الغرايب
جمعتي لي سحاب الهم لين أغرقني مطرها
ياحبيبي ياحياتي يابعد كل القرايب
لاتخليني وترحل ياعيوني ويانظرها
???
خذني جريح شعور يعشق وصالك
ينزف جروح العشق وايامه شهود
خذني غريق أحلام عانق خيالك
يرجي سحاب ايديك والشوق موجود
خذني بقايا إنسان كلي حلالك
وأسكن عروق القلب والعشق موجود
???
لا تعاتب من جفاك ...!
من زهد في عشرتك
خله يروووووح
أخطيت ... وعذرناك
وقلت لك ياصاحبي
مسموووووح
لكن اليوم .. وش بلاك
تراك زودت علي
الجروووووح
???
يمرالليل في وقتي وشوقي كسرالاضلاع
وعيني ساهره تبكي وكل الناس هجاعه
الاياشوقي السامرتطوع وارسل الاوجاع
الامن هو برمش العين ساكن الحاله
انا مليت من فرقا حبايب ذكرهم ماضاع
وشوفتهم بتشفي قلب ضامي زادة اوجاعه
???
مهما تصد
اعشقك .. واهواك .. واغليك
ماهمني رفضك ولاابغى ردودك
كيفك اذا بتحن في حال هاويك
وكيفك اذا تبغاني اعاني صدودك
تصد تبعد تبيع شاريك شاريك
اصلا حياتي بس مجرد وجودك
???
أحبك عدد طلات القمر
أحبك عدد حبات المطر
أحبك عدد ليال السحر
أحبك عدد أوراق الشجر
أحبك عدد أيام الدهر
أحبك عدد أسماك البحر
أحبك عدد أنفاس البشر
أحبك عدد شعرات الوبر
أحبك
أحبك عدد أنفاس البشر
أحبك عدد شعرات الوبر
أحبك
???
يارب .. هوّنها عليّ ..
و اغسل روحي بماء رحمتك ..
و عطرها بغفرانك .. و قوّيها بإرادتك ..
فقد بت " هشة " ..
و قابلة للكسر .. عند أول عصفٍ للريح !
???
لا تســــــــــآفر ..
والمطـــــر بين الاصابع ..
من يـــزف الرمل .. ؟
في عرس السحابه ..
بـــالثرى .. يبني مـــدن ..
يبنـــي شـــوآرع ..
بينها بيـــت صغير .. ودق بابـــــهــ .. !!
مـــن يرتب فوضتي واوراق ضــــــايع ..
بين نـــار الاسئلهــ .. وسيــف الاجـآبهــ ..
لآ تســــــافر والقلم بين الاصـــابع ..
تــــــــدري انك .. / من ضلوعي .. للكتـــــــــابه .. !!
???
الف مرّه قلت لك .!
خل العذر ../.. خل العذر
لا تعتذر لو بسإلك
ليه الغياب المستمر
من ثلاث ايام
و
الدنيا سواد
و
المشاعر
صابها ضعف الجماد
و
الليالي تمر بسهولة
وإنت .!
اكذب عليك إن قلت لك
إنت ./. إنت
???
ياصاحبي مثلي عن ألـوان العمـر .. لا تسألـهـ
أنا تساوت عندي ألـوان .. السعـادهـ والعـذاب
انا حياتـي مالهـا إلا لـون .. واحـد واجهلـهـ
خليط من لون الهواء .. والنار .. والماء .. والتـراب
طرد السراب لمن يحسبهـ ماء .. ماهـي مشكلـهـ
المشكلهـ ( طرد السراب ) للي يعرف انهـ ( ســ ــ ــ ــراب ) !!
???
تروح شلون عَنْ عيني .. وتبدِّل قوِّتي بـــ ضعفي !!
ولا بـــ/هـ/ شي يستاهل عشانـ/هـ/ .. تبـدا إيذائـي ..
غيابك ما رحَـم حالـي وحرفـي آهـ .. يـا حرفـي
تلعثمت ,, وعجزت آخذ في وقـت البُعـد إجرائـي
أحبك يا [ وَطَنْ ] غالي عَليْ وحَضْرتِي " منفي " ..!
كفايـ/هـ/ لا تِشتِّتْنِـي تعـال .. وجَمِّـعْ أشيائـي !!
( ثلاثْ أيَّامْـ ) ما نامَت عيوني وما قِدَرتْ أغفـي !!
لي الله كِلْ ما حُولـي غريـبْ وعَالَمِـي .. نائـي
تِصَدِّق حتَّـى بسماتـي .. أهَلِّـي فِيهـا وتِقفِّـي !
تعال ولَمْلِـمْ جُروحـي ورَتِّـبْ فُوضَـة " أحزانـي " ..
???
الا يا صبر قلي دخيلك ...
لي متى بتقوى ؟!
فراق الي نقش اسمه داخل اعماقي !!
اقول: يا قلبي لا تبكيه..
ويقول لي : "يسوى" ..
ابذرف الدمع لعيونه ...
لو تذبل احداقي!!
يا خسارة ذاك الجنــون
وقلبٍ يعشق ويهوى
يبي قربي ولو ساعه
يبي يحس .....
بعناقـــي !!
انا ادري انك يا زمن
اغبـــر
ذبحت الحب وهو توّه
دخيــــلك يا زمن
اذبحني أنـــــــا وكمّــل الباقي
???
ويعني لي متى بسهر عليك .....
وأتأملك ؟!
ويصدني سكوتك .....
واتحملك ؟!
هو الحكي واقف على طرف فمّك ؟!
والا ماعادك تبيني ولا عدت اهمك ؟!
ياعمري الصبر ملّك ...........
اختارلك وحده من الثنتين ..
ان هي الاولى ..........
ابيها الحيــــن !!
وان هي الثانيه.........
"اقسملك" اختفي بغمضة عين !!
???
توادعنا وودعنا المكان وحارت الاقدام
ولا ملت شفاه افواهنا ترديد اسامينا
ايلين الدمع طاح وطاح معه الشال والبسام
ياليتك تدرى بذيك الدقايق وش حصل فينا!!!
???
عــتب ..
ولا ســوالف خـاثرهـ ..
أو همـس .. أو مــوال ..
حـروفكـ لبجديـــهـ دغدغت سمعي بمظنونكـ ..
شعــر ..
ولا نثــر .. ولا خـواطر ليـتها تنقــال ..
تبعثـر فالمســا حبـكـ وتعـلن خـافي افنـونكـ ..
حديثــكـ ..
مطلعــهـ شهـر لفـى تـوهـ علي بهـــلال ..
حـلاتهـ .. لكتمــل و ارخــت ..ليـــالي بـــدرهـ جفـــــونكـ ..
???
لاصار عقلك ثقيل.. وصار قلبك خفيف
عزالله إبتبتلـش ...وإتضيع فالمعمعـه
ولاصار صاحبكْ.. دلوع.. وجميل.. وعفيف
خل العقل يسكت وقلبك .. تفاهـم معـه!
???
صبحيّة البرد .. شينـه .. وأنت بلحالك
. . . . . كــنّـك على كثر ناسك عايـش بمنفى
بالذات لا جـف دمــع .. وســال في بالــك
. . . . . والله لـ تبطي تبي تدفـــا ولا تدفــا
???
بعض الفرح يا صاحبي باطنه هم..
وبعض الهموم افراح لو هي حزينة...
???
.. " مشكلتي إنـّي " ..
أتظاهر بالفّـرح
ثم اتظاهر .. و اتظاهر
ليـيـيـن أتعب
ثم اطيح
.. وقتها ..
كـل شي ظاهر
???
لله عـطـاك ( الـمـوهـبـة ) .. والله عـطـاك الانـفـصـام
الأولـه والثـانـيـة // ماجـتـك مـن غـيــرك .. " هـبـه "
وانـا اتـنـهـد كــل ماشـفـتـك .. واردد : [ ياحـرام ] ..
مسكيـن " كـائن حي " عـايش ، بإنفصام .. ومـوهـبه !!
???
رجع بعد الندم يسأل .. ويستفسر عن جروحي ..؟!
ضحكت وقلت له : طااااابت / أغيظ بضحكتي روحه
أرد بكبريــا : طـاااابت وتفضح كذبتـي روحي
أنا أضحك له وهي تحلف : قسم بالله مجروحه
???
" لحظهـٍ " ما تمنّت عيني حضــورها !!
منّــها العـين صارت بـ الدمــع غارقهـ !!
" كـــلمهـٍ " ما تمنّــت إذني مــرورها !!
يوم قالت وأنا اسمع كلمهـ " مفارقهـ " !!
???
ثلاث وخمس ...!!!
مدرى شصاير الليله
تأخر حيــــل .... طلوع الشمس
احس بخرفشت رجلين
ولالى بهالظلام عيون
ثلاث اصوات تتشابه
مدرى ناس ..... مدرى جنون
كوابيس
كوابيس
كوابيس
احس الليله متسلط على .... ابليس
???
قد دعالي اني انساهـ لكن مانسيت ..
يمكن انهـ كان يدعي بـ غير اللي نوى ..
.. أو ..
يمكن يقصد انهـ دعا علي أموت ..
لكن أنا لا يمكن انساهـ وبـ روحي ضوى ....!
???
يا غالي ليه تِطْعَنِّي .. وأنا اللِّي لدنيتِكْ شفقان
( افا ) وشلونْ تتْرِكْهَا .. عُيوني تِنامْ زعلانه
تِخيِّلْ ما قِدَرْ يِمْسَحْ دُموعِي مِعْطَفْ النسيان
تِطِيحْ الدَّمْعَه مِنْ عِيني على طاريكْ ولهانه
???
كـنت احسـب ان المـسـا هـذا
؛؛ ظـلام بـ ظـلام ؛؛
لقـيت هـذا ’ المـسـا , ما فيـه مثـله [ مـسـا ] ... !!
السـاعة الأولـّه ؛؛ فيـها نسيـت الكـلام ... !
والسـاعة ~ الثـانيـة ~ فيـها الكـلام انسـّى ... !!
???
دورت لي شي احبه وقلت في بالي "..احب همي.."
وقال القلب: روقنا!!
قلت ".. انت وش دخلك بحب غربالي..؟؟
اقل حاجـــه نمــوت ماتــفــــارقــنـــــا..

؟؟
أبيك تذكرني لي صرت تعبان،
ترمي لي الحمل الثقيل واضمه..
ابي اكون النوم لاصرت نعسان،،
وحضن الحنان لقلب مشتاق لأمه..
أنا قلبي لك حيــــل ولهان،،
شوق "اليتيم" اللي فقد من يلمه..


معقول ما حسيت
مثلي ولا عانيت معقول
ما فكرت لجلك أنا شسويت
أرخصت لك دمعي أضويت لك شمعي
وإنت ولا حسيت
نسيت أصحابي وأبعدت عن أحبابي
حزني عليك أكبر من همي وعتابي
خليتني بدربك حاير مع حبك
حلفتك بربك ما إشتقت لي وحنيت؟؟


من كثر ماأحبك وصلت لحالة الإدمان!!
إدمان صوتك وشوفك وطاريك..
العفو ماأحبك،،،
أنا فيـــك هيمـــــــــــان!!
يعني:
أحبك..
وأعشقك..
وحيــــل أغليك..
تدري إذا غبت عني شيصير يافلان؟؟
ينشغل بالي وأفكر وأحاتيك...


أحتاجلك لا ضيق الوقت صدري
أبيك تمسح عن عيوني شقاها
وأحتاجلك إذا الفرح ضم فجري
ودي تحس بفرحتي ياهناها
أبيك تسأل عن حياتي وتدري
عن ضحكة أيامي ووافي عناها
أحتاجلك في كل لحظه بعمري
لاصرت روحي كيف أحيا بلاها


عجزت أخفي مشاعر حب،
عجزت أوصف مدى الاعجاب ..
عجز قلبي يفسرلي ..
إحساس الوله فيني ،،
فضحني الشوق .. شوق القلب ،
أشوفه بكل عيون الاحباب ..
شوق يحركه خلي ..
إذا لحظة يخليني ،،


وتسألني عن أخباري ؟!!
كانك مادريت اش صار ..
وكانك مب سبب ناري
وجرحي وهمي والتذكار ..
غدى جرح الزمن جاري
يمر قلبي بكل نهار ..
ويصب جروحه في بحري
ويوقعلي أنا الغدار ..


بحاول أنسى كل الهم وبتناسى بعد الجـراح
بأصبر نفسي عالغربة كثر ما أقـدر اتصبـر
إذا ثلث الطموح عناد وثلثينه صبر وإلحـاح
بأجبر خاطر آمالي واحـاول أكثـر و أكثـر
وإذا بعض الألم باقي ترى بعض الأمل ماراح
وكل ما قلت ما أقدر بأعاندني وأقـول أقـدر


' مما راق لى "




من مواضيعي :
الرد باقتباس
  #2  
قديم 31/12/2010, 08:15 PM
صورة لـ همسة مشاعر
همسة مشاعر
اميرة الكلمات و المشاعر
 
: مختارات

مهما تصد
اعشقك .. واهواك .. واغليك
ماهمني رفضك ولاابغى ردودك
كيفك اذا بتحن في حال هاويك
وكيفك اذا تبغاني اعاني صدودك
تصد تبعد تبيع شاريك شاريك
اصلا حياتي بس مجرد وجودك



كلمات في غاية الروعه والاروع اختيارك

والله ابدعت وهو المعتاد منك



من مواضيعي :
الرد باقتباس
  #3  
قديم 31/12/2010, 09:02 PM
صورة لـ استبرق
استبرق
خليــل
 
: مختارات

حقيقى كلمات ابكتنى


اذا كان الذى يقول

تجربة حقيقية



من مواضيعي :
الرد باقتباس
  #4  
قديم 02/01/2011, 10:43 AM
صورة لـ عصفور الشرق
عصفور الشرق
نشيـط
 
: مختارات

وتسألني عن أخباري ؟!!
كانك مادريت اش صار ..
وكانك مب سبب ناري
وجرحي وهمي والتذكار ..
غدى جرح الزمن جاري
يمر قلبي بكل نهار ..
ويصب جروحه في بحري
ويوقعلي أنا الغدار ..

اشكرك الياسمين على المرور



من مواضيعي :
الرد باقتباس
الرد على الموضوع

مشاركة الموضوع:

خيارات الموضوع
طريقة العرض

إنتقل إلى

عناوين مشابهه
الموضوع الكاتب القسم ردود آخر مشاركة
مختارات من وحي الواقع I الحلقة الاولى سمير كمال فيديو وكليبات 0 10/11/2015 06:18 AM
مختارات من أذكار التوحيد و أدعية عبد السلام إسلاميات 2 04/12/2009 07:44 PM
مختارات من مواعيظ هرمس الحكيم طالب القرب إسلاميات 3 17/04/2007 10:14 AM

vBulletin ©2000 - 2017
 
 
عمانيات  مراسلة الإدارة  تصفح سريع منتديات