عمانيات عمانيات
عودة   عمانيات > إيمانيات > رمضان وأيام الصيام
رمضان وأيام الصيام صيام شهر رمضان, صيام القضاء, صيام ستة من شوال, صيام يوم عرفه, صيام الأيام البيض, صيام الأثنين والخميس ...الخ

الرد على الموضوع
 
خيارات الموضوع طريقة العرض
  #2  
قديم 03/09/2008, 11:30 AM
ROSERY
خليــل
 
: مطبخ روزري الرمضاني...!!!

واتمنى Cinnamon Roll اليوم الي بسويه يعجبكم

خلونا نبدء

بسم الله

مقادير العجينه

استخدمو كوب جبنه بوك الي مثل كوب الماي عشان تضبط المقادير عندكم

2 كوب طحين متعدد الاستخدامات منخول
نص كوب حليب بودره
نص كوب حليب على درجه حراره الغرفه
فنجان سكر
فنجان زيت نباتي
فنجان ماء دافئ
م ص ممسوحه بيكنج باودر
م ص ممسوحه خميره فوريه
رشة ملح اي نص م ص




نخلط المقادير الجافه : طحين - ملح - حليب بودره - بيكنج باودر - ونحطه على جنب
نخلط : السكر - خميره فوريه - وفنجان ماء دافئ - مع بعض ونخليه لمده 10 دقائق



وبعد 10 دقائق نحط في خلطه الخميره الفوريه حليب و الزيت
ونعجن فيه الطحين اذا اظافركم طويله اعجنوها بمكينه العجن
واذا تقصووون اظااافركم اعجنوها باليد ^_^
وكثر ماعجنتوها كثر ما صاارت العجينه طريه ونتركها تتخمر لمده ساااعه
وهاااي العجينه قبل التخمير وبعد التخمير



والين تتخمر خلونا نحظر الحشوه الداخليه
وصوووص الي نحطه فووق التوفي و الصوص الابيض

طبعا كل واحده لها طريقتها في عمل صوص التوفي وصوص الابيض و الحشوه
وهاااي طريقتي في عملها الي تعجبني

خلونها أولا نسوي الحشوه الداخليه

نحتاج الى
1 م ط ك كاكاو بودره
1 م ط ك قرفه بودره
1 م ط ك سكر عادي البعض يفضل السكر البني بس احس انه فيه طعم حاد لهذا افضل العادي
25 جرام زبده على درجه حراره الغرفه
نص كوب جوز أو مثل مايسميه البعض عين الجمل مقطه الي قطع وسط



نخلط الكاكاو وسكر ولقرفه مع بعض ونحطه على جنب



الحين الصوص الي نصبه فوقه
نحتاج الى
لصوص التوفي نحتاج الى
4 حبات من التوفي مثل مافي الصوره
وفنجان قشطه ساائله
ولصوص الابيض نحتاج الى
ربع من قشطه قيمر
م ص سكر عادي



صوص التوفي
نحط على نار هاديه التوفي ولقشطه السائله الين تسيح
بعد ماتسيح نشيلها عن النار ونحطها على جنب

الصوص الابيض
نخلط القيمر مع السكر ونحطه على جنب
وهذا الصوصين جاهزين عندنا



بعد ماصارت ساعه وتخمرت العجينه
نفردها على طاوله المطبخ نظيفه بعد رشها بطحين عشاان ماتلصق العجينه



ندهنها بزبده لاتخلصون الزبده خلو منها شويه عشاان ندهن السينابون قبل تدخيلها الفرن
ونرش عليها خليط القرفه ونحط فوقه الجوز الي هو عين الجمل



ونلفها شوي شوي مب بسرعه براحااات يعني وبعدين نقطعها على شكل دوائر
مب لازم تقطعونها بنفس المقاااس عادي لو طلعت كمن وحده على احجام مختلفه براحتكم يعني



ندهن الصينيه ونصفيه فيه
ونضغط بأيدنا السينابون شوي شوي



نخليها ترتاح لمدة 15 دقيقه
وفي هاي الاثناء نشغل الفرن ونخليه يسخن استخدم فرن كهربائي
بعد مارتاحت


ووقت التقديم زينوها بشويه هريشه شوكولاه ومكسرات على ذوقكم


ندهنها بزبده وندخلها الفرن الساخن أول شيء من تحت لمده 10 دقائق
وبعدين نشغلها من فوق وتحت الين تحمر من من فوق ونطلعها من الفرن






وقدموها مع القهوه البارده او الساخنه او اي مشروب انتو تفضلونه
وهذا اول طبق لاول رد ^_^



من مواضيعي :
الرد باقتباس
  #3  
قديم 03/09/2008, 01:00 PM
الفارس الاخير
مُخلــص
 
: مطبخ روزري الرمضاني...!!!

يممممممممممم
:www.almakan.co.uk-VB(4)P
بصراحه فتحتي شهيتي للاكل
جزاك الله خير بهذه الحلويات اللذيذه

اختي روزري...
شكلها شهيه وراح احاول اطبقها من ارجع للبيت ان شاء الله

والحين عاد ممكن تعمليلي طلبيه وترسليها للصحراء "مخيزنه"



من مواضيعي :
الرد باقتباس
  #4  
قديم 03/09/2008, 09:51 PM
صورة لـ PiNk PaNtHeR
PiNk PaNtHeR
ام نرجس
 
: مطبخ روزري الرمضاني...!!!

الحين انا تورطت

لما فتحت هالصفحة كان اخوي جنبي وقالي عندك الاسبوع الجاي

لازم تسويلنا ولا بنزعل منك ..

بنجربهاا وبنشوف النتيجة

وتسلم إيديك يالشيف روزري

ننتظر الباقي



من مواضيعي :
الرد باقتباس
  #5  
قديم 05/09/2008, 03:57 PM
صورة لـ اللحظه الأخيره
اللحظه الأخيره
مُشــارك
 
: مطبخ روزري الرمضاني...!!!

يم يم يم شكلها شهي ولذيذ ...



من مواضيعي :
الرد باقتباس
  #6  
قديم 06/09/2008, 09:11 PM
ROSERY
خليــل
 
: مطبخ روزري الرمضاني...!!!

الكرواسون له عدة طرق والطريقه الحاليه مب هشه مقرمشه شوي

بسم الله الرحمن الرحيم

المقادير

4 اكواب طحين ابيض / نص كوب زيت / نص كوب سكر / كوب ماء / 2 م طعام خميره

فوريه / ملعقه صغيره بيكنج باودر / 2 بيض / ملعقة شاي ملح / اصبعين زبده

الصور الاولى عباره عن ماء وزيت وسكر / الصوره الثانيه نسخن الزيت / الصوره الثالثه نضيف السكر والماي على الزيت ونخلطهم بسرعه دقيقه / الصوره الرابعه نخلط النواشف مع بعض / الصوره الخامسه نضيف الزبده عقب العجن / الصوره السادسه عقب ما خمرت حوالي ساعه

شرح الطريقه / الزيت نحميه ونحط عليه الماي والشكر لمدة دقيقه ونخليه يفتر/ وعقب نصبه على النواشف ( الطحين والملح والخميره والبيكنج باودر ) / وفي النهايه نحط الزبده على العجينه






نجهز الحشوه عباره عن جبن كيري وزعتز وزيت زيتون



عقب نشكل الكرواسون والطريقه بالصور




واذا حبينا الكرواسون كبير شوي نسوي هالطريقه



نمسح الكرواسون بخليط عباره عن ملعقة حليب بودر مع ربع ملعقه سكر مع ملعقة ماء
الخلطه تعطي طعم لذيذ للكرواسون ولون جميل // بالاضافه للخلطة الثانيه وهيه عباره عن بيضه ندهن الكرواسن بها وممكن نخلط البيض مع الخلطه الاولي عقب نزين بالسمسم وحبة السودا



وشكرا لكل من يمر او يرد على موضوعي

وبالهناء والشفاء



من مواضيعي :
الرد باقتباس
  #7  
قديم 07/08/2010, 09:42 PM
صورة لـ naswm
naswm
نشيـط
 
: مطبخ روزري الرمضاني...!!!

وااااااااااااااااو شكرا شكرا بيتجنن



من مواضيعي :
الرد باقتباس
الرد على الموضوع

مشاركة الموضوع:

خيارات الموضوع
طريقة العرض

إنتقل إلى

عناوين مشابهه
الموضوع الكاتب القسم ردود آخر مشاركة
مطبخ ارو – مطبخ قوائم زان – مطبخ اكريليك – مطبخ بولى لاك .... للاتصال 01013843894 يوستينا عاطف إعلانات وتسويق 0 07/12/2016 01:09 PM
مطبخ اكليريك - مطبخ بولى لاك - مطبخ خشب - مطبخ مودرن ( مصر الجديدة - التجمع الخامس ) يوستينا عاطف إعلانات وتسويق 1 21/11/2016 06:20 PM
مطبخ خشب - مطبخ ارو - مطبخ مودرن - مطبخ كلاسيك ( يوتيوب ) رونا رانا إعلانات وتسويق 0 11/10/2016 05:08 PM
المستشفى الرمضانى بحر السلام رمضان وأيام الصيام 6 30/09/2006 10:46 AM
مطبخ جيريشوووا الرمضاني Y2Jericho رمضان وأيام الصيام 20 24/10/2005 02:55 PM

vBulletin ©2000 - 2017
 
 
عمانيات  مراسلة الإدارة  تصفح سريع منتديات