طق طق طق
الام : دنووووووووووووووو وينج في تعالي بقولج شغله
دانه : دشي يمه دشي كنت البس ملابسي بس
دخلت الام وقالت : تذكرين حسين ولد رفيجتي مريم الله يرحمها ؟
دانه : اي اي اشفيه لا تقولين بيخطب توه صغير
الام : لالالالا شنو بيخطب بس لانه ترقى في وظيفته واخته مسويه حفلة استقبال
دانه : حسينووووو يشتغل ، افففففففف وانا ليما الحين ادرس
الام : يمه حسين ما دش الجامعه ، وحمدي ربج
المهم راح تييين وياي ولا شلون ؟
دانه : يلا اشعندي انا خليني اروح وياج
وبالفعل راحت دانه مع امها وهي لابسه احلى ما عندها وهناك في الحفله شافت العديد من صديقات والدتها وبناتهن ، وتعرفت على البنات بسرعه وتأقلمت معهن ( من شخصيه دانه انها اجتماعيه وتتأقلم بسرعه وحبوبه )
وفي نهايه الحفله قالت ام دانه لاخت حسين : وين حسين ابي اشوفه ابارك له وبعدين صار لي سنين ما شفته
ذهبت اخت حسين ونادته
حسين : هلا خالتي شلونج شخبار العيال
الام : هلا وليدي حسين مبروك وتستاهل اكثر يا الغالي يا ولد الغاليه
دانه : قووووووووووه حسينوووووووووو خخخخخخخخخخخ كا كبرت بعد منو قدك
حسين : بل وهذا انتي لسانج متبري منج من يوم كنتي صغيره
دانه : وخر عني مو ناقص الا انت ، بس تدري والله ايام تذكر شلون كنا ربع
حسين : بس كنتي مسكينه البنت الوحيده بينا ، ودوم مظلومه
دانه : الله كريم يا حسين بس وربي لو يصير نعيد هالايام ، وربي عدتها يوم واحد
حسين : دانه هالايام الحلوه راحت خليها على الله بس ، بس تدرين في واحد من ربعنا وياي قاعد تعالي براويج اياه اذا تذكرينه !
دانه تستأذن من امها وتروح مع حسين
ولكن ،،،
حسين ينادي صديقه لكي يذكره بدانه ، ويأتي هو لكي يسلم
تشاهده دانه وتقول لحسين : منو هذا لا يكون الصغير الحلووو الي دوم يهاوشني وما يرضى العب معاكم
حسين : انتي بس شوفيه الحين وبعدين يصير خير
وازداد قربا منهم انه شاب بمنتهى الوسامه ( كانت دانه تغني يوم شافته حتى الحلا ياخذ حلا من حلاته )
دانه : حسينووووو منو هذا
حسين : هلا والله هلا وغلا
هو : اهلين قوه شلونكم
دانه وحسين : هلا فيك اكثر
حسين : تذكر هذي ؟؟
دانه : ويعه شنو هذي لا يكون اشتغل عندك ؟
حسين : اففففففف والله ملسونه هالبنت
هو : شلونج شخبارج عفريته
في هذي اللحضات تراءت لدانه طفولتها معهم فهو ذاك الطفل الذي طالما احبت اللعب معه وهو لا يريدها تلعب من الاولاد
وكيف كانت تبكي لاجله
دانه : تصدق مافي احد غيرك يقولي عفريته شلونك شخبارك شلون الدنيا وياك
هو : انا بخير وانتي
دانه : بخير بشوفتك
حسين : لحطه شباب ببجي لانكم قلبتوها فلم عربي
واستأذن هو وبقي حسين مع دانه