مشكورة إختي على الموضوع الهام والحساس...



بصراحة سالفة الإعجاب وخرابيط البنات منتشرة هذي الأيام بصورة كبيرة بين البنات وبشتى مراحلهن...

إذا مثلن البنت الضغيرة تشوف أختها الأكبر عنها تسوي هذي الحركات لازم إيها الفضول وتقلدها وتقول ليش أنا ما عندي ربيعة مثل إختي اللي تقضي وياها 24ساعة رمسة فالتلفون أو طلعات وغيرها... فالحالة اللي جرها لهذا الفعل حب التقلييييييد من إختها الأكبر منها... وهذا خطير...

والشيء الثاني إن يمكن هذي البنت ما لقت الحنان والحب والاهتمام من أهلها فتلجأ لهذي الطريقة وتكون ملهوفة على غنها تحصلها بنت تحبها وتعجب بها وتهتم فيها... هذي وجهة نظري وهذا اللي سمعت من هند بعض البنات...

والشي الأخير والمهم... وييييييييين دور الأم فإنها تحفظ بنتها وتمدها بالحب والحنان لأن هذي المرحلة عند البنات هي أخطر مرحلة وأصعبها فلازم من أم أو أخت أكبر عنها تهتم فيها تبادلها مشاعرها وتنصحها..

سالفه اعجاب البنات في بعضهم البعض مب يديدة .. وموجوده على مختلف المراحل من الابتدائيه الي الجامعات والكليات ....

بس في رايي مب لازم نجمع .. صحيح اتكون فيه نماذج شاذة وغريبه علينا من حب وتعلق في بعض ورفض البنت رفض قاطع انه اربيعتها اتعرف او ترابع حد غير والله جنها الا ريلها ... بس بعد فيه نماذج بريئه وبينهم صداقه بكل ما للكلمه من معنى ...

قبل لا نحكم على البنت ... لازم نسال اشو ظروف هالبنت .. وظروف بيتهم ... عندها خوات بنات والا لاه ... عندها مثل وقدوة فيه البيت والا لاه ؟؟ وبعدين اشو اللى وصل مفهوم الاعجاب لوحدة بهالسن .؟؟؟

اتعرفين الغريب انه مساله الاعجاب انتقلت من بين الطالبات .. الى اعجاب الطالبه بالمعلمه .. واللي ايزيد القهر اكثر انه فيه بعض المعلمات ايجاروون الطالبه في مساله الاعجاب والرسايل والهدايا .....


وهذا كل اللي عندي وأتمنى الهداية للجميع...
والسموحة إذا طولت عليكم..