عرض مشاركة مفردة
  #1  
قديم 02/11/2010, 10:17 PM
صورة لـ رضا توفيق
رضا توفيق
مُشــارك
 
ومشيت أدور عن قلم

ومشيت أدور عن قلم

علشان يوصل همستي

جوا الودان المسدودين عن كلمتي

علشان يعبر عن ألم

جوا الفؤاد إيلى اتظلم

ويكون لساني إيلى أتكتم

هتصدقينى يا ------------ لو قلت لك

إني حقيقي من البشر

وعمر قلبي ما كان حجر

أنا قلبي شايل فرحتك

وكان بيحضن دمعتك

وفى يوم لقيت إن وجودي في دنيتك

خلا العيون ترصد وتحرص خطوتك

فضلت إني أشم عطرك من بعيد

فضلت إني أموت شهيد

على أرض يوم شهدت لنا

إن الطهارة زرعنا

وإن حياتنا بدون دنس




الملفات المرفقة
نوع الملف: doc ومشيت أدور.doc‏ (21.0 ك/بايت, عدد مرات التحميل : 187)
من مواضيعي :
الرد باقتباس