الموضوع: مذكرات علايه
عرض مشاركة مفردة
  #48  
قديم 17/02/2007, 04:11 PM
المتمردة
مُتـواصل
 
رد: مذكرات علايه

الرحييييييييييييييييييييييييييييييييييييل...
منظر يدتي كان يقطع القلب..
مقدر أكتب أو أعبر عن لحظة وداعي مع يدتي..
لو تشوفوها وهي متعلقه فيني ماسكتني ..ما تباني أروح والدموع الحارة
بس ما أقدر أسوي شيء ولا أمايه ولا أبويه...حنا بنسافر بكره الصباح
ولازم أرجع عشان أرتب أغراضي...
>>>>>>>>>>>>>>>>>>>>>>>>>>>>>
قبل دقايق من خروجنا
رحت لماري وحظنتها بالقوه ..لو تشوفوا دموعها ..كأن حد مات..
بعدين خرجت لحديقتي الصغيره..
...:علياء
أنتقزززززززت ..المكان كان مظلم
أقترب أكثر ..عرفته باللمبات
يوسف:المفروض ما تطلعين لوحدج وإنتي بعدج تعبانه
أنا (مب متجرئه أحط عيني بعينه)>>>>>أنتوا عارفين السبب...
سمعت صوت حمد الجبان:علاااااااايه..طلعي بسرعه ...يممممممممه(إذا خاف)
أنا:حمد خايف ..لازم أروح..
وزززززززززت...أختفيت...
>>>>>>>>>>>>>>>>>>>>>>>>>
في الحوش..
طلعت يدتي بمساعدة عايشه وأنا عشان تودعنا!
وحنا داخلين السيارة..
أبويه:يا عمه دخلي مب زين لج الوقوف
يدتي (تدمع):ما قدر ..لازم أودعكم يا عيالي
أنا(ما ستحملت):يدوووه..لا تسوين بعمرج كذا..أرجوج
أتعذب إذا شفتج بهالحاله..
يدتي :قربي لعندي ..أبى أشمج وألمسج قبل ما تروحين
قربت لعندها وعيوني مليانه دموع وغصه بحلقي..
أجمل لحظه ...الله ..طمأنينه ودفء وأمان في حظن الحبيبة شيخه
لو بودي أتم كيه علطول...أنا :أحبج والله أحبج
حبيت راسها ويديها وكتفها وجبينها...
يدتي(بصوت متقطع):الله لا يحرمني منج يا العلال المال الحلال..
والكل كان ساكت ومحترم هاللحظه ..حتى عايشه دمعت وليث يبكي
منظر يدتي كان يقطع القلب..
مقدر أكتب أو أعبر عن لحظة وداعي مع يدتي..
لو تشوفوها وهي متعلقه فيني ماسكتني ..ما تباني أروح والدموع الحارة
بس ما أقدر أسوي شيء ولا أمايه ولا أبويه...حنا بنسافر بكره الصباح
ولازم أرجع عشان أرتب أغراضي...
ليث ركض ونط عندي بثقله..ياااااا حبيبي
حظنته بقووووووه ومطرته بوسات كالعادة بس هالمره مع دموع..
ليث يبكي :لا تروحين..أباك معاي
أنا(أبتسم بصعوبة):لا تخاف برد..برد قريب
ليث مسك يدي بالقوه:لاااااااا...لااااااااااا
عايشه أخذت ليث بصعوبه وهويتلوى بين إيديها ويبكي
الكل أرتبش بليث ...
حصلت فرصه ودورت بعيوني ...وينه؟؟



من مواضيعي :