كلـــــــمة أحبك

كلمة أحــــــــبك

كلمة احبك ..مابتكفي وين منزلة الحب من ذاتك
والبستاهل طيبة قلبك ...ما مخلوق اباً وحياتك
***
انتي قليب الام لاطفالها ..ينشر فوقن ويرشح حنّو
وانتي صباح العيد واشراقو ..وفرحة شفّعنا الراجّنو


وانتي غنيوة العشق الراحل ..بالعشاق الفيها يغنّو
يغسل حزنالدنيا الفينا ..بردا يتحت من بسماتك
***
متل العافي دخلتي مسامي شوية شوية وقفلا لا حيلي
وكل الزمن الفات متغيب دابي فرزت نهاري وليلي
وفي عينيك صالحت الدنيا ..اتصافينا وقلت عديلي
مالا اليالي ادتني قفاها وحسدت تاني علي بي لماتك
***
يالشكلتي حياتي في لوحة بي الوان مستقبل رائع
فيها ظلالها تلاقي خطوطا ويبدا رجوع العمر الضايع
يرحل برج النحس ويظهر برج الريدةه وسعد الطالع
غبتي وغابت اجمل صورة قبل ماتختي آخر لمساتك
***
انا لازال متخيل رسمك وصورتك مالية مساحات فكري
أنشد في خطوات الماضي وزمن القية البشرح صدري واحلف ليك بالبيني وبينك صدق وفاي والحب العزري
أحلي ايام العمر زمانك واحلي زمان القية او كاتك
***
ماكان في الحسبان نتفارق ..ياها اقدارنا وحال الدنيا
وايد القسمة ان وقعت صابت ..ومابتشفع في ردها منية
الاّ الحلم البيك كان اكبر ..من احساس ينصب في غنية
والغرقان في الريشة اتعلق وريشتي التبقي صدي كلماتك
***
امشي وخلي الذكري التّزخ مابين صمتي وحدة شوقي
أو اتكاملي وابقي دواخل وارشحي رشح الدم في عروقي
أو من مدّك مدّي صباحك وزيحي ظلام الهم من فوقي
في كل الاحوال برجاك وبترجاك ..ورجاي ملا قاتك