طبق البوتشيش من التراث الجزائري ....من مطبخي
جبتلكم طبق طقليدي من الجزائر و هو: البوتشيش
يصنع البوتشيش من الشعير المطحون
اولا : نشمخ دقيق الشعير ( البوتشيش) بالماء و نتركه يتشرب كل الماء حتى ينشف
ثم نقوم بتفويره في كسكاس على قدر به ماء
لما يفور مليح نشمخوه وهو في الكسكاس بالماء الحار الي طاب عليه و نخلوه يتشرب كل الماء
بعد ذلك نفرغوه في قصعة ( جفنة) و نحلوه مليح
و لما ينشف ندهنوه بالزيت و نحطواو شوية ملح (حسب الذوق)و نزيدوا انفوره مرة ثانية
لما يفور المرة الثانية نفرغو البوتشيش في قصعة و نشمخوه بالماء البارد هذه المرة و نحركوه حتى يتحل
و نكرر هذه العملية (يعني الطهي على البخار ) 3 او 4 مرات حتى اطيب مليح
و يقدم البوتشيش بالمرق المجهز باللحم و الخضار او باللبن
اتمنى ان يعجبكم هذا الطبق و تكونون تعرفتم على نوع من تقاليد بلادي في الاكل
و بالهنا و الصحة
|