الفصل الثاني والعشرون
بدر وطلال كانو يسمعونهم بس شوي لانهم بالمقاعد اللي وراهم بجهة اليسار
بدر:هههه ماعندها ذرة رومنسيه اكلت الشوكلاته ومافتحت الكرت
طلال تذكر رومنسيتها مع حسام : لا يالذكي ماتبغى تفتحها قدام الجوري نواره خبز ايدي واعرفها
**************
نواره وهي تاكل : لاخلاص انا بفتحه
الجوري بعصبيه: يله قدامي
نواره:امممممممم جد سويسريه تصدقي ان سويسرا افضل الدول في ص
الجوري والدكان طلع من راسها: نووووووووووووووووووووير
نواره:ههههههههه طيب ..شوفي الورد كيف عنابي ..ياي
الجوري سحبت الكرت
نواره:ههههههههه لاجد بفتحه
فتحتها وقرت بصوت عالي شوي ....
هو في مثلك ياللي الحسن ضلك
ليه العطر انت انفاسك دخون
وليه الكحل وانتي ماغيرك عيون
وحشتيني ... طلال
نواره غصت بالشوكلاته: طلال
الجوري انتبهي لاتموتي ...بليز
تنادي المضيفه : بليز وتر..مويه بسرعه
نواره وجهها صار احمر وصارت تكح : كح كح كح كح
المضيفه بسرعه جابت المويه وشربت اجوري نواره
الجوري: بسم الله عليك وشفيك بغيتي تموتين
نواره تاخذ نفس: طلال ..
الجوري: ايوه داريه قريت طلال
نواره: تدرين ليه اكح من شوي
الجوري:ليه
نواره: لان طلال قديم ههههههههه
الجوري:هو كيف عرف انك هنا وليه الورد والشوكلاته والحركات الرومنسيه انتم بينكم شي
نواره: لا اعوذ بالله ان وطلال وعععععععع
طلال كان يسمع كلامه وحس بضيقه معقوله لحد هاللحين ماحست مافهمت ..ليه يانواره ..ضاع حلمه معها تحطمت كل اماله واحلامه ...
بدر كان يبغى يلف على صديقه يضحك عليه شماته بس لما شاف شكل طلال كيف متضايق ولامره بحياته صار شكله كذا ..واضح انه انجرح من داخل ..ماتوقع بدر ان خويه طلال من جده يحبها طلال اللي لاعب بقلوب البنات وحده ترده بهذي الطريقه
***************
بلبنان
دخلوا البندري والجوري ونواره بيت ابو ذوق اللي عطاهم المفتاح علشان يروحون له
الجوري: دخيلون انا اللبنانيه شو مزوايين
نواره: اقول انتي معها دايخه وموصله حدي ..ابغى اقرب غرفة
الجوري: خليني انادي نتالي ...(تصارخ) نتالي نتالي
نتالي مدبرة المنزل : اهلا وسهلا
الجوري:هلا فيك وين غرفنا دايخين
نتالي : تفزلوا معي
نواره ماسكه الشوكلاته والورد مع شنطتها من او مانزلوا من الطياره لحد ماوصلوا للبيت وطبعا كانوا بدر وطلال يتبعونهم ..ولان بيت ابو بدر بنفس المنطقه ..ممتلكات سعوديه وكويتيه اغلب المنطقه
البندري طلعت فوق من غير لاتكلم احد ودخلت اقرب غرفه بوجهها فصخت عبايتها وجزمتها ورمتهم على الارض باهمال وكانت حاطه بيجامه (شورت وتيشيرت) احتياط لبستهم بسرعه ورمت كل ملابسها بالارض ورمت نفسها على السرير
سكرت عينها وماحست بشي بعدها
نتالي : وينا الانسه البندري
نواره:ماندري عنها اختفت ..
نتالي :ازاء بدكون اي اشي انا على رام 4
الجوري تتثاوب : اوكيه
*************************
طلال ماجاه النوم صار يتقلب بالسرير مقهورومهموم .... حاس بشي يخنقه ..(آه يالغلا كله ..آه يانونو ليه كذا ليه
غلطت زماني جبت قلبي من اقصاه ....
في حب شخص صار وياي سلبي ...
توي صحيت وعشت جو المعاناه
وتوي عرفت وقلت ياويل قليبي...
طلال: ارجع لسعوديه والا اجلس هنا ...ادق عليها والا مادق ...لاحول راسي بينفجر حرام عليك يانواره وش سويتي فيني
************************
نواره تمددت على السرير اللي هو مخصص اساسا لذوق اذ جئت لبنان تمددت واسندت خدها اليمين على يدها وحطت الورد قدامها تناظره وهي مبتسمه وتلعب فيه وتتخيل شكل طلال وهو يقول لها: لاتصدقين نفسك انا ماعطيت الورد الا لاني شتقت اسمعك تغنين وبس ..
نواره تكلم نفسها : والا بيقول .. اصلا انا متحدي واحد من الشباب ههههههههه هذا سوالف طلول الله يذكره بالخير
حطت الورد بجره فيها مويه .. وقطعت لها وحده ونامت وهي ماسكتها وتبتسم
************************
نتالي: اهلا وسهلا مسيو رائد كيفك
رائد رايق: هلا والله نتالي كيفك انتي
نتالي:منيحه
رائد: دوم ان شاء الله ..عن اذنك تعبان من السفر...واسمعي خليهم يطلعون الشنط من السياره
نتالي: اي حازر ..مسيو رائد
رائد: بعدين يانتالي انا تعبان هلا
طلع رائد لغرفته دايخ يبغى ينام فتح الباب وماقدر يتقدم خطوه وحده لقدام .. شاف قمر نايمه على سريره شعرها الاسود اللي مثل الليل متطاير حولها ومتمدده كانها تسبح ايدها بمكان ورجلها بمكان والغطاء على الارض ..ملاك نايم على سريره نفس البنت اللي بالطياره نايمه هنا بشورت قصير وتيشيرت (..من هذي وش تبغى ..)
ناظر المكان حوله العباءئه على الارض والشنطه متناثره اغراضها بجنب العبايه والملابس عند مدخل الحمام .. (وش هالفوضى )
رجع ناظرها حس بدقات قلبه سريعه وبارتفاع بدرجة حرارة جسمه .. (سبحان اللي خلقك ملاك ) تقدم لعندها متردد..
حركها بهدوء
البندري عفست وجهها: مريوم خمس دقايق بس
رائد ابتسم (شكلها حلو... اعوذ بالله من الشيطان الرجيم اعوذ بالله اطلع احسن لي )
طلع ونادى على نتالي :من هذي اللي بغرفتي
نتالي: ياي باينتى انسه البندري نامت بغرفتك
رائد: من هذي البندري
نتالي: هيدولاء صحبات انسه ذوق .. هي التلي"قالت لي " انو صحباتها حيجوا لهون "بيجوا لهنا "
رائد: وهذي المفهيه ماقالت لك اني بجي صدق حماره ...اسمعي انا بنام بالصالون واذا اي وحده منهم صحت قوليلي
نتالي: اوكيه
ذوق و لوجين بعد ماخلصوا لعب بالجانقل لاند جلسوا بمقهى فيه
معسل خاص للحريم ويعسلون
ذوق: لوجين متردده
لوجين: ليه ..؟
ذوق: اخاف ماقدر انسى فيصل او ماقدر احب عادل
لوجين: لاحول ولاقوة الا بالله ياذا الفيصل انتي وبعدين معك
متى بتنسيه
ذوق: لوقلتلك انسي مسفر بتقدري
لوجين صدمها السوال ماتوقعته من ذوق: انا غير الوضع عندي
مختلف ..
ذوق: وش مختلف فيه الا انتي اللي مفروض تنسيه هو متزوج
لوجين تنرفزت : وش دخل مسفر هاللحين خلينا فيك احسن ..
ذوق ماحبت تدخل في مشاعر لوجين : اوكيه ..اذا فيني فانا مراح اتزوج غير فيصل
لوجين: انتي مهبوله هو ببريطلنيا عايش حياته وبعدين تتعالي مع
وجهك تنتظري واحد خاين كل همه الفلوس ونفسه ..وانتي
قلتيلي بعضمة لسانك ان ابوه حرامي سرق فلوس ابوك وانسجن
ذوق تبلع ريقها : مادري يالجو محتاره
*****************
الساعه 6 المغرب
طلعت البندري من الغرفه علشان تصحي البنات شافت رائد نايم
بالصالون اشهقت : هذا وش جيبه هنا ...
وراحت بسرعه لعنده .. ناسيه ان رائد اخو ذوق وهذا بيته : انت هيه انت
فتح رائد عيونه بسرعه لانه مو مرتاح بنومته على الكنبه ..ابتسم اول
ماشاف شكل البندري بالشورت والتيشرت طالعه بنوته مره
البندري معصبه : انت وش جيبك هنا
رائد يتمدد ويناظرها من فوق لتحت : انا ببيتي
من نظراته تذكرت انها مولابسه غير شورت قصير مره تستحي
تلبسه قدام خواتها وان شعرها بدون حجاب ... شهقت
وركضت لداخل الغرفه
رائد : هههههههههههههه
يضحك عليها "واضح انها نست نفسها ..بسم الله عليها قمر الله
يحفضها ياناس في سعوديات كذا..بس شرسه و ذيبه "
دخلت غرفتها وقلبها يدق بسرعه وجهها احمر حطت ايدها
على خدودها اللي صارت نار من الاحراج : يلعن بو الفشله ..يالله
احراج كيف بطلع هاللحين ..لا ورايحه بكل ثقه اصارخ –تقلد
صوتها – انت وش جيبك هنا ..؟ يالله وين اودي وجهي منه
فشيله ..يعني مالبست الشورت الا اليوم وش فيه الجنز ..-ناظرت
الغرفه توها تنتبه فيها عدل كانت صورة رائد على الجدار
والطاوله – ليكون هذي غرفته بعد – فتحت الدولاب وتاكد
ضنها ملابس شباب – يالله غرفته ..مستحيل تكون غرفة نايف
ونواف مبزره مافيه الاهو –لفت على السرير بسرعه – وع انا نمت هنا
وع وع نمت على سريره وبطانيته وع
البست الملابس اللي فصختهم ورمتهم على الارض ..ولبست عبايتها وغطائها وطلعت ماشافت رائد بالصالون :الحمدلله انه موهنا
راحت بسرعه لغرفه اللي فيها نواره
البندري : نويييييييييييييييييييييييييير قومي فزي
نواره بكسل فيها النوم:امممم
البندري تصارخ :نويييييييييير
نواره: بسم الله وجع ليه الصراخ
البندري: اكيد نايمه بالعسل ..الحقي رائد اخ ذوق هنا
نواره فزت : رائد ..وينه ..؟
البندري: وش اللي وينه تحت ... كيف مافكرنا انه معنا بالطياره يعني اكيد بيجي بيت ابوه ..هذا اذا ماكان باسمه
نواره : يوه ليكون درى اننا هنا
البندري صارت وجهها احمر: دراء شفته
نواره مستغربه : وليه مستحيه ووجهك احمر ليكون
البندري: ليكون شنوو انتي مع وجهك ...قومي وانتي ساكته
نواره: هههههههه احس ان في قلب يدق باسم رائد ..رائد ..رائد
البندري ترمي المخده : وجع ان شاء الله انا احب بعد وليد ...اتفلي من فمك
نواره : نشوف ..
البندري: اقول البسي عبايتك وشيلي قشك وتعالي معي نصحي الجوري نروح للفندق
*****************
بدر: ياخي اقلقتني ماخليني انام طول الوقت تتحرك
طلال: تكفى ياللي موقادر تنام تنافخ كانك ابريق شاهي اقلقتني
بدر: قول لااله الا الله
طلال وماله خلق : لااله الا الله
بدر: ياخوك ماعليك منها اللي خلقها خلق غيرها
طلال فهم قصده بس ماحب يبين لبدر انه مانام يفكر في نواره : عن مين تحكي
بدر : يا عمي عيونك فاضحتك
طلال وضايقه فيهه الدنيا : شكلك ناوي تقضيها بالبيت يله خلنا نسهر ونشرب من زمان عن الشرب ابغى اطير اليوم ...
بدر: ابشر طال عمرك اذا ماجبت احلى لبنانية
طلال: لا مالي خلق بنات
بدر: افا طلال وماله خلق بنات بلبنان شالسالفه
طلال: لاجد بدر مالي خلق
بدر استغرب حالة صديقه لهذي الدرجه نواره مكفيته ومعميه عينه عن البنات.. انا لازم اجلس معها واعرف السبب او السحر اللي تستخدمه
*******************
نزل فيصل من الطياره لارض المملكه كله شوق لامه ولخواته ولذوق وماجاء الا علشانها
سلطان ولد عمه وزوج اخته حصه : هلا ..هلا والله بالغالي
فيصل وهو يضمه: هلا فيك
حصه وهي تبكي : ابعد خلني اضمه
فيصل:هههه ليه البكي الله يهداك ياسلطان كان ماجبتها معك
حصه : انا الغلطانه اللي جيت علشانك
فيصل: وين امي ليه ماجبتوها معكم
حصه: مسكينه امي بعد العمليه ماتقدر تتحرك كثير
فيصل خاف : وش عمليته..؟
سلطان: الله يهداك ياحصه حد يتكلم كذا .. لاتخاف يافيصل عمليه بسيطه لركبتها تعرف حكم السن ..
فيصل : وهاللحين شلونها ..؟ وليه محد قالي
سلطان: عجبك هاللحين خرعتي اخوك ...تعال معنا للبيت تطمن عليها
فيصل طول الطريق يفكر بامه وخايف عليها نسى اللي جاء علشانها نسى ذوق
************************
وهم جالسين يعسلون
لوجين : اذا سالتك امك وش بتقولي لها موافقه والا ..؟
ذوق : مادري ...
لوجين : تراك لوعتي كبدي من اول ماجلسنا وانتي مادري ومحتاره ومش عارفه ايش
ذوق: انا بستخير وبشوف
لوجين: بستخير يعني شنو بستخير
ذوق: اممم يعني بصلي ركعتين استخاره لربي
لوجين: وبعدين ..؟
ذوق: وبس الله يلهمني اللي فيه خير لي ..اذا كنتي محتاره بشي او متردده بقرار صلي ركعتين وقبل لاتسلمين من الصلاه قولي دعاء موجود باذكارات المسلم وبعدها ان شاء الله بترتاحي
لوجين:ههه اول مره ادري.... ؟
ذوق: الله يعين اللي بياخذك يبغاله كتب عن الاسلام
لوجين: مثل العسل على قلبه وبعدين من قالك اني بتزوج
ذوق: اممم صدقتك
*******************************
الجوري : وهذا رائد وينه هاللحين
نواره: مادري نسال نتالي – تصارخ- نتالي نتالي
نتالي طلعت فوق: اي صباح الخير كيفكن
البندري معصبه : وينه ..؟وين رائد
نتالي: مسيو رائد بينطركوا بالحدياء (بنتظركم بالحديقه ) بدو يحكي معكن (يبغى يتكلم معكم )
الجوري: وش يبغى هذا ..؟
البندري: قوليله مانبغى نحكي معه ولاشي حنا لمينا عفشنا اللي مانفتح وطيران على الفندق ..
نواره: انتي معها اصبروا ...خلاص يانتالي هذا حنا نازلين له
نزلوا لتحت شافوه جالس بالحديقه يشرب كافي والانوار الصفراء مخليه عليه مثل السحر ..البندري حست انه نظيف وكشخه عكس شكله قبل دقايق
نواره: السلام عليكم رائد كيفك
رائد: اوه نواره معهم هلا ..كيفك انتي ..؟
نواره: كويسه وسوري على الازعاج مادرينا انك هنا
رائد وعينه على البندري : لاعادي الغلط على ذوق
البندري معصبه : يله نواره لاتكثرين معه .. تراه موسهل
رائد تذكر الكرت اللي قطعته بالطياره : هههههههه.. زوجة محمد معصبه
الجوري ونواره: محمد ..اي محمد
البندري تصرف الموضوع : يله يادوب نحصل حجز اكيد الفنادق زحمه
رائد: فنادق ..وليه الفنادق ..اجلسوا هنا
البنات فتحوا عيونهم :هنا ....؟
البندري: واثق من نفسك بزياده- تقلده - اجلسوا هنا
رائد: لحضه يالبندري –قال البندري بصوت هادي ورومنسي - لاتستعجلي الامور ..
البندري فهت (ياحلو اسمي على صوته ): تفضل اتحفنا يامسيو رائد
رائد طنش استهزائها وابتسم ذيك لابتسامه اللي اذبحت البندري:انا اقول انتم جلسوا هنا بالدور اللي فوق ..وانا الديوانيه اللي تحت وشرايكم
الجوري توها بتتكلم اشرت لها نواره وقالت بهمس: اسكتي خلي البندري تتفاهم معه ههههه شوفي كيف ووجها احمر انا اول مره اشوفها كذا
البندري: لا .. انسى ولاباحلامك ..اليوم بالملحق بكره بالدور الارضي وبعده ب
قاطعها رائد وهو يشرب العصير: اوكيه .. اهم شي راحتكم انا اللي بروح للفندق
البندري تفشلت من نفسها ولفت تناظر الثنتين اللي ذايبين من الضحك عصبت عليهم : انتم معها على شنهو تضحكون
نواره وهي ماسكه ضحكتها :لا مافينا شي
البندري: والله اذا مانطميتي انتي معها ترى بالجزم
الجوري: لا لاوش جزمه ..وبعدين الرجال ماقصر وين يروح لفندق ..حنا اللي بنروح
رائد وقف قفزت البندري متخرعه ابتسم رائد: بسم الله عليك ليه اخترعتي
البندري دق قلبها بسرعه "بسم الله عليك ياحلوها من فمه "
نواره والجوري ماقدروا يستحملون اكثر انفجروا من الضحك : هههههههههههه
البندري وجهها صار احمر ..حس رائد باحراجها حب يضيع السالفه : اسمعوا انا يومين وراجع لسعوديه ليه تبهدولوا نفسكم
البندري بانفعال: انتم بتجلسوا اجلسوا انا دقيقه وحده ماني جالسه هنا ..
نواره والجوري عارفين انها خوافه وما تقدر تروح لوحدها
نواره : بتروحي لوحدك روحي حنا عجبنا الاتفاق ..
الجوري: صح روحي الفندق لوحدك
رائد: اذا كنتي شايله هم زوجك انا مستعد اكلمه وات
قاطعته الجوري: زوجها اي زوج ..من اول ماجيت وانت تحكي عن زوجها
رائد لف على البندري : ليه انتي مو متزوجه
نواره: لا
رائد يناظر في عيونها مباشره : ومحمد
البندري وودها الارض تنشق وتبلعها من اول ماشافته وهي تحط نفسها بمواقف مثل وجهها : محمد اي محمد
رائد رفع حواجبه : محمد اللي معك بالمطار ويقولك مافيه ضمه ..محمد اللي رسمتيه بالطياره واللي قلتي انه شرطي وهو زوجك
البندري :هذا اخوي
رائد: اخوك ..وليه كذبتي يابنت اللبنانيه
الجوري ونواره:ههههههه
البندري من الفشله شوي وتبكي غرقة عيونها : مالك دخل
ومشت بسرعه لداخل البيت ..رائد كسرت خاطره ..
نواره بعربجه كانها واحد من الشباب : اوكيه يارائد اتفقنا انت بالديوانيه وحنا داخل مشكور وماقصرت وماهي ببعيده على ولد عبدالعزيز الثاني ..
رائد: العفو تسلمين
ارجعوا البنات للبيت يشوفوا البندري ..بس البندري دخلت غرفة البزارين اخوات ذوق ريم ورشا التوم ..
نواره : بنو افتحي
البندري بعد مافتحت : الله ياخذكم احرجتوني
الجوري: والله انتي اللي حطيتي نفسك بمواقف مثل وجهك
نواره: اقول ياحرم العقيد محمد فضحتينا وانتي تقزي بالرجال
البندري تتنهد : يجنن عليه ابتسامه تذبح
الجوري تقلدها: هو بس ابتسامه
البندري اخترعت : جوير ليكون... وليد وسكتلك بعد رائد
نواره: ههههههه البنت حبت
البندري: لا شدعوه ..بس عجبني شكله طريقة كلامه ..بس
الجوري: بس .. اقطع ايدي اذا ماكان فيه قلب يدق بسرعه هنا
البندري : انقلعي
دخلت الغرفه بسرعه
نواره والجوري : ههههههههه
***************************
الساعه 4 بالليل ..
نواره جالسه بالنت مع لوجين يسولفون ..
نواره<< لا ورد وشوكلاته سويسريه كشخه طعمها جنان >>
لوجين << حركااااااااااات وش عنده طلال >>
نواره << مادري اصلا كيف عرغ اني بالطياره معهم >>
لوجين << ليكون يراقبك مثل اللي يراقب الجوري >>
نوره<< انتي وش دراك عن بدر>>
لوجين<< ههههههههههه توصلني اخباركم اول باول ..كلمة الجوري وقالت لي كل شي >>
دق جوال نواره "من تكون السندريلا غيرك انتي "
نواره<< دقيقه لجون تلفوني يدق >>
ركضت بسرعه لسرير ترد من غير لاتشوف المتصل كانت خايفه يسكر الخط وعلى بالها انه ابوها :الوووووووووووووووووووووو
طلال شبه سكران وداق عليها : هلا والله نونو ..هلا كيفك وحشتيني
نواره استغربت ابعدت السماعه وناظرت الشاشه "طلال ": الو طلال
طلال بصوت مبحوح : نواره طلبتك ..
نواره مستغربه وش فيه هذا داق بالليل ويطلب بعد عصبت : خير
طلال وشوي يبكي ويناظر الكاس : طلبتك نواره تكفين ماترديني غني لي
نواره مستغربه حست انه مو على طبيعته : ها ..
طلال: غنيلي انت الحب الكبير ..اللي ...حلله ربي وباحه ..انا الشاكي
نواره : وشفيك طلال مانت صاحي وبعدين وشالازعاج اللي عندك جالس بكبريه
طلال وقف ومشى يطلع من مكان الازعاج للحديقه : هذا اللي مضايقك دقيقه .. اهم شي ماتزعلين
نواره ماهي فاهمه شي :ها
فجاءه راح الازعاج .. ووضح صوت طلال : نواره وينك
نواره سكتت تستوعب شوي
طلال: الو نونو
نواره: طلال وشفيك شارب شي
طلال رمى الكاس على الارض وماهو قادر يوقف: لا .. غني لي
نواره تاكدت انه موصاحي من طريقة كلامه ومن صوته وكلامه اللي مو مفهوم تذكرت ابوها وحست بالاشمئزاز : اذا صحيت كلمني
سكرت بوجها معصبه ومتنرفوه
..طلال: الو ..الو نواره حياتي وينك ..نونو ..
رجع دق ماردت عليه ..ورجع دق سكرت جوالها
طلال صارخ : يابنت الكلب ررررررررررررردي ..تكفين نونو ردي ..غني لي
نواره سكرت متنرفزه : وجع ان شاء الله ناس ماتستحي .. حقير لا ويرجع يدق
قفلت جوالها ورجعت للوجين .. شافتها طالعه من الماسنجر تنهدت تفكر بطلال وحالته (( اول مره ادري انه يشرب .. يه ياطلال تكرهني فيك يوم عن يوم .. وليه داق علي انا وشيبغى جد سكران ماياخذ الواحد عليه ..ادق على ابوي والا هو سكران الثاني اكلم صفاء احسن
*********************
اليوم الثاني
ذوق بعد مارجعت من جده نامت وماقامت الا الساعه 6 الصباح قامت على صوت ابوها يصحيها
بو رائد: بابا ... بابا ذوق
ذوق ابتسمت : ايوه بابا
بورائد : صباح الخير
ذوق: صباح النور
بو رائد : كيف جده امس
ذوق : اوه عال العال تجنن انبسطنا وتسلينا كثير
بورائد: دوم يابابا ان شاء الله ..اقول بابا تروشي والبسي وتعالي معي نتمشى
ذوق: نتمشى هاللحين وين ..؟
بو رائد : اي مكان تحبي
ذوق : غريبه ماعندك دوام
بو رائد : علشان بنتي وحبيبتي اترك الدوام
ذوق :ههههه تسلملي ..دقايق واكون جاهزه
بو رائد وهو يوقف : انا انتظرك تحت واستعجلي لا تاخذي راحتك
ذوق : من عيوني
بو رائد : تسلم لي عيونك
********************
لوجين كانت بالبنك طفشانه مرره ..نواره وتركت البنك وعوار الراس حتى رائد اللي من وقت لثاني يجلسون يسولفون ماهو موجود .. اقتربت منها عميله وخلصت اوراقها .. وهي مندمجه شافت باقة ورد على طولتها قبل لاترفع راسها سمعت صوت مالوف بالنسبه لها : صباح الخير
لوجين رفعت راسها تتاكد .. فتحت عينها على الاخير :علي
ابتسم علياللي تغير شكله بعد ماكشخ بالسكسوكه وكان موقف شعره سبايكي : ايوه عليياعيون علي
لوجين قلبها صار يدق بسرعه ((لا وش يبغى هذا لا ...)) : نعم شتبغى
عليابتسم بخبث : وحشتيني قلت امرج
لوجين تبين عكس الخوف اللي بداخلها : تطلع والا انادي السكيورتيه
بشار:هههههههههه انا عميل عندكم
لوجين وقفت : اسمع والله العظيم اذا ماتحركت ماتلوم الا نفسك –رفعت باقة الورد- وخذ وردك وانقلع من هنا بالطيب
عليتكتف : انتظر..؟ وش بتسوين
رمت الورد عليه لفوا اللي بالبنك وقالت بين اسنانها : هنا بالسعوديه اقدر اخليهم يجلدونك انت تتحرش فيني والا على بالك ببريطانيا
علي: اشوفك بمكتب المدير
لوجين:ههههه حياك تراه بالدور الثاني على اليسار
علي : اوكيه نشوف لسانك بغرفة المدير
تركها وراح لفوق وهي ميته ضحك على غبائه مايدري انها مساهمه بالبنك واكبر مساهمه فيه بعد .. ماحد يقدر يكلمها رفعت التلفون : مرحبا استاذ صلاح
صلاح المدير: اهلا انسه لوجين
لوجين: اسمع في عميل بسيط اسمه عليهو جائي لعندك هاللحين يشتكي علي ياليت تطرده بره ..
صلاح: ليه يشتكي وش السالفه ..؟
لوجين: هذا واحد حاقد وماعنده سالفه
صلاح وهو يسمع صوت الباب يندق: شكله وصل ..
لوجين: تفاهم معه
صلاح: اوكيه اهم شي عندنا راحتك
سكرت من صلاح وهي متضايقه ..(( هذا متى بيتركها براحتها اصلا وش اللي جابه هنا .. ياربي مافي شي بعيد عن علي الملعون ))
*************************************
البندري والجوري ونواره يفطرون ...
البندري : انا ماني مرتاحه بالجلسه هنا بهالبيت
الجوري : حرام عليك ليه ..؟هههههه
نواره:هههههههه
البندري: احلفي انتي معها ليه الضحك
نواره تغمز للجوري: انا بروح شوي وبجي
البندري: وين ..؟
الجوري : وش عندك ..؟
نواره نزلت من غير لاترد عليهم ..
البندري: وش عندها هذي الهبله ..ترى انا ماحبها اذا استخدمت هالاسلوب
الجوري وحاسه ان نواره بتسوي شي خايس : لا ماتوقع