..الفصل السادس والثلاثون..

السعوديه – الرياض

نواره وهي تعدل شماغها او العجره على قولتها بالمرايه : هههه وناسه بنات ندخل ونطلع ومحد حولنا

البندري: آآآآآآآآآآه ياليتني جد ولد

ذوق: استغفر الله الحمدلله اني بنت ..

البندري : الساعه 7 من 4 ساعات وحنا ندور بالشوارع ولا سوينا شي يسوى

ذوق : وشرايكم نروح لمجمع ونغازل شباب ..

البندري : هيه قولي بنات ..هههههههه نستهبل وناسه

مروا على شباب عند ماكدونالز يرقصون ....

نواره : واووووووو رقص

البندري قرت افكار نواره : لانونو تكفين داخله على الله ثم عليك بلا افكار تودينا وطي

ذوق: لاتقولوا نرقص

نواره : انتم متزوجات وتخافوا الفضايح اما انا بايعتها ..



صفطت السياره ...

نواره : اللي بتنزل تنزل واللي مو نازله كيفها

البندري وذوق ناظروها وناظروا بعض نواره مجنونه ..

نزلت نواره : هااااي شباب

الشباب مستغربين : هااااي

نواره : ابعدوا لي .. برقص معكم

واحد من الشباب : حياك ...

نواره تلثمت علشان يمكن فيه تصوير او يطيح الشماغ وتنفضح عدل ...

ذوق: مشعل تعال

نواره: انقلعوا ... – تبعد واحد - شوي يالحبيب

وبدت ترقص رقص عرابجه مخربط شوي ...
واحد من الموجدين شك فيها جسمها فيه معالم واضح انها بنت قطع الشك باليقين وشغل " ال ايه "لنوال ..

لاشعوريا من نواره صارت تنزل وتحرك يدينها بحركات انثويه ..

الشباب ناظروا بعض ..

واحد من الشباب :هذا الخكري عليه رقص

الشاب الذكي اللي غير الشريط : مثل ماتوقعت بنيه

الشا ب الاول : بنيه .. مروان بديت تخربط

مروان بذكاءه المعتاد :... اسمع جواد روح لثنتين اللي بداخل السياره وانا اتفاهم مع هذي ..

راح لعند نواره لان كل الشباب وقفوا يناظرونها .. واحد جسمه حلو ورقصه انثوي ... صار يجاريها بالرقص ..

نواره تناظره بعيونها الباقي متلثمه فيه ...وهو يناظرها بمكر ..ويقرب منها انهم يسون ثنائي بالرقص ... وهي تحاول تتوهه وتبتعد لحد ماقرب ومسك خصرها وصار ينزل معها بالرقصه ...
مروان بهمس : واضح انك بنيه

نواره وقفت العروق اللي بدمها وصار وجهها احمر وارتفعت حرارة جسمها اما قلبها فعرس بداخله من كثر مايدق .. وقفت عن الرقص .. ضغط عليها مروان : كملي لاتفضحي نفسك ...

كملت وهي قلبه ببطنها حتى رقصها قلة حركته : كيف عرفت

مروان بخبث: ميلان جسمك نعومتك ريحة عطرك ... كلها انثويه ..

نواره وهي تحاول تتخلص منه : وقف الرقصه بروح عند اخواني

مروان لزق فيها اكثر : هههه حلوه منك اخواني ... قصدك خواتك ... خواتك خايفين اكثر منك ..

نواره : طيب ابعد عني ليه لازق

مروان : عليك جسم يذبح ...

نواره وقفت وارفعت .. : خلاص شباب تعبت

مروان بصوت عالي: لا لاكمل معنا رقصك حلو

كملوا الباقي: ايوه بس هذي الرقصه ... يله يامشعل الشديد

نواره بلعت ريقها ...

الشباب : مروان شكلك حصلت لك ثنائي

مروان يقرب منها اكثر انه يرقص : شفت واخيرا ..

نواره ناظرت بعيونه وهي ترقص...... غصب عنها غرقة عيونها : تكفى خلني امشي

مروان : يلعن بو عيونك ياشيخ ...

اما عند البندري وذوق
دق جواد النافذه فتحت له البندري النافذه وعيونها على نواره اللي مشى لعندها مروان ..

جواد: هلا شباب

البندري وهي تدخن سيجاره : هلا فيك

جواد: حياكم انزلوا معنا

البندري تنفث الدخان بمهاره : لا ياخوي مشكور ننتظر مشعل ورانا مشوار

جواد فتح الباب: لا والله تنزلون

ذوق ساكتتتتتتتتته لان صوتها ناعم مهما حاولت تخشنه

البندري: لا وقت ثاني

مروان اشر لجواد حركتهم المعتاده يعني طلعوا بنات ...
ركب جواد الجيب من جهة الدركسون ...: معليه اجلس معكم شوي

البندري من ربكتها رمت السيجاره وحطت ثانيه بفمها بس ماشغلتها : حياك ...

جواد سكر النوافذ وقفل ابواب السياره .. ذوق والبندري ناظروا بعض بس حاولوا يكونون طبيعين ..

جواد مد ايده : انا جواد ..

البندري مدت ايدها البارده من الخوف : معك رائد

ومثل ماتوقع جواد الايد قطنه من نعومتها بنات وبنات مو سهلات بعد ...: هلا تشرفنا ياخ رائد ...

مد ايده لذوق : وانت يالطيب ماسمعنا صوتك ..

ذوق هنا الطامه انعم بنات الشله ايدها خلقه اسفنجيه وناعمه : احم احم معك ذيب ..

جواد ماوده يترك ايدها بس تركها : هلا والله بالذيب ورائد .. معكم جواد

البندري :ايوه قلتلنا من شوي

جواد : ههههه نسيت ... ممكن سيجاره

البندري مدت له البكيت : تفضل

جواد فز من مكانه سحب السيجاره اللي بفمها باسنانه مسك طرفها الثاني وسحبها ... البندري خافت من حركته وصار قلبها يدق بسرعه ... وقف ثواني يناظر بعيونها بعدين رجع مكانه : سوري بس اشتهيت السيجاره اللي بفمك

البندري وتحس ان عروق جسمها كلها تنبض : لاعادي ...

جواد بخبث ناظرهم : ها بنات وين حابين تروحون ..

هو بس قال بنات كل وحده طاح قلبها ببطنها ..

جواد يناظرهم : قسم بالله هالحلى حلا بنات ونجديات بعد ..

البندري بلعت ريقها : انت شارب شي ...

جواد : ههه علي يالحلوه واضح انك بنيه واحلى بنيه بعد

ذوق من الضغط النفسي بكت وفضحتهم ...

جواد : يابعد قلبي ليه البكي

البندري لفت على ذوق معصبه : يالغبيه كنت عارفه انك بتفضحينا ..

جواد : انتم فاضحات نفسكم بنفسكم ...

البندري: لوسمحت انزل وخلصنا ...

جواد: ههه واثقه ..

البندري: اوكيه بتجلس خذ راحتك (( والله ماتطلعنا من هالورطه الا نواره ))
&

قربت الاغنيه تخلص على الاخير ..

مروان: خويي عند خواتك بالسياره اركبي وركبيني بهدوء احسن لك ..

نواره : اوكيه فهمت بس فكني من هالشباب هاللحين ..

خلصت الاغنيه وراحوا لعندهم الشباب : ايش هذا خطير يارجال

واحد ثاني : يبغالك تجي السمره الليله

نواره : بالاذن شباب مستعجل

مروان : لاتخفوا باخذ رقمه ...

مشت لعند السياره ودخلت نواره وبعدها مروان ...

والجو في السياره متوتر حده .. ذوق تبكي والبندري تهز رجلها وجواد يستفزها ...

مروان : هااي صبايا

جواد : والله الكيكه اللي معك ...وش هالرقص ياشيخه ... اطربتينا

نواره فتحت الثمه : لا تنكت .. اقول انزلوا انت معها

مروان: ههههه بدري .. اول نتعرف

نواره لفت عليه وقالت بقوه : اسمعوا انت معه هذولا الثنتين متزوجات اعتقوهم لوجه الله واي تفاهم معي ...

مروان : لا رجاله والله

البندري: نواره ماعليك منهم هاللحين بينزلوا

مروان : نواره لا اسمك عليك لابق ..

نواره لفت على ذوق متنرفز ه : انتي يالبزر يالخوافه انطمي لاكفخك هاللحين

ذوق: كله من افكارك السواده