رحلت
رحلت وصرت انا والليل وحدي
وش يبي هالليل ناطر؟
ليه بعده مارحل؟
كانت الدنيا سهر
وكل ما أسرح تمر
في خيالي لمحة منك
مرة طيبك.. ومره همك
وأكتفي فيها بوجودك
وأنا ذابحني صدودك
وأحلم بقربك عمر
كانت الساعه ثلاث
و تمت الساعه ثلاث
وأنطر اللحظه تمر
أنطر الساعة تمر
! والصبر .. مل الصبر
ياحبيبي
ليه رحلت؟
وكل مافيني يبيك
حتى شعـري يوم قلته
! قام يسألني عليك
صرت أنا والليل
وانت والزمن
قصة غياب
كل ماأنادي تباعد
كنك تزيد العذاب
وما أبي أكذب حبيبي
إني أهوى بك غيابك
حتى أكتبلك حبيبي
وأنقش بدمعي عذابك
إيه رحلت
وصرت انا والليل وحدي
وش يبي هالليل ناطر؟
!! ليه بعده مارحل ؟
للشاعره بشاير الشيباني