يوم الوفاء له .. فى مشاعرك عينه
وانا معك وافي .. ورى ماهقيتي
انسقت مع شوق الخفوق .. وحنينه
ماقلت كم خذتي .. ولاكم عطيتي
اعطيك نور العين .. لو تطلبينه
واخلق لك الاعذار .. مهما قسيتي
ويوم اعترفت .. انك لقلبي وزينه
طاح القناع .. اللى وراه اختفيتي
وين الحنان .. اللى معي تدعينه
وين الوفاء .. اللى فى ثيابه بديتي
صرتي لدهري .. فى عذابه عوينه
هدمتي .. اللى بالاماني بنيتي
تأكدي كل البشر .. تخدعينه
الا خفوق .. من حنانه رويتي
معاد انا الطفل .. الذي تخبرينه
يزعل وترضينه .. متى مابغيتي
شوقي غدى .. كتلة رماد فى طينه
وهو امس نار .. من وهجها دفيتي
وش عقب موت الشوق لك .. ترتجينه
ياللى براى مانفعك .. اقتديتي
غلاك فى قلبي .. هدمتي حصينه
وعليه .. باقدام التعالي وطيتي
لادمع هل .. ولا مشاعر حزينه
سراب بديتي .. سراب انتهيتي
منقوووووووووووووووووول