انا بخير مع عيالي مع ان الاعصار دمّر بيتي في منطقة " غَبرة " القريبة من المطار والماي دش علينا وطلعت انا وعيالي للدور الثالث بس الله كاتب لنا إنا نعيش ولا تنسونا بالدعاء..

بهذه الكلمات المعبرة تحدثت النجمة العمانية فخرية خميس بصوت متهدج بعد الاعصار الذي اصاب الاشقاء في السلطنة.

تقول فخرية:

الحمد لله على كل حال، والحمد لله ان ما في ارواح راحت بسبة هالاعصار وهذا اهم شي، وان شاء الله ينتهي على خير وانا الحين موجودة في بيتي بالدور الثالث بمنطقة " غبرة "


اللي غطتها ماي الأعصار، ودش على بيتي لدرجة اني قاعدة اكلمكم وانا وعيالي متعلقين بالدور الثالث لان الماي غطى حوش البيت ودش داخل وانقطعت الكهرباء والارسال التلفزيوني


وعايشين عالشموع والحال ما ينوصف، والله يكون بعون الناس،


بس اللي مخفف علي معاناتي الاتصالات اللي تجيني من عندكم الكويت من فنانين كبار واخص بالذكر الفنانة القديرة حياة الفهد اللي دايما تتصل علي من اول يوم للاعصار والفنانة البحرينية سعاد علي اللي



قاعدة تخفف علي وايد وما انسى الفنانة منى شداد اللي ساعدتني وايد ليما عطتني رقم تلفون الانقاذ في السلطنة لان الارسال التلفزيوني عندنا مقطوع وجزاها الله خير اتصلت



علي وعطتني الرقم واتصلت عليهم بعد ما دش الماي علينا في البيت وكانوا عيالي نايمين


والحمد لله على كل حال، والله يعوض علينا باللي راح بس المهم ان لا تنسونا بالدعوات علشان الله يفرج علينا من هذه المصيبة.

وشكرت النجمة فخرية خميس بصوت متهدج كل من سأل عليها وخاصة من جمهورها الكويتي


والخليجي الذي يواصلها حاليا من خلال المسجات القصيرة وتمنت ان تستمر

الهواتف شغالة حتى تتواصل مع احبائها لمعرفة اخر الاخبار منهم لعدم وجود وسائل اعلامية هناك .[/B]