اليكم احدى قصائدي النثريه
اتمنى ان تنال اعجابكم
----------------------------------
جت محبوبتي ... هلا بهلالك
اشرق علينا القمر
جت محبوبتي ... سألنا عن أحوالك
مالقينا خبر
جت محبوبتي ... والحنه مرسومه بالكفوف
جت محبوبتي ... ونقش الحنه زفوف
هلا بلون الفجر
وضوء القمر
هلا بمن طرز ... من غروب الشمس
عناقيد الذهب
هلا بأجمل رسم ... على ايدك ارتسم
هلا بأحلى وشم ... فوق الانامل انوشم
هلا بخطوه ... لبست الحنه ... في كفوفها
هلا بحلوه ... لبست الرشه ... في خفوفها
هلا بمحبوبتي ... نور البدر .... أوصافها
فرشت الشوق سجاده ... نصبت للفرح اعياده
ارقص يالليل ... وغني نغم فجري
واضوي دموع الظلام .... وانثر سحاب عطري
في مشيته وروحاته
جت محبوبتي ... بلون الذهب تسري
غنت وتر قلبي ... وعزفت خيوط انشاده
تعالي أنا وانت ... نحضن الليل أهات
تعالي ندفن جروح الشوق ... ونسرق من وقتنا لحظات
تعال يافرح .... دثر بردنا ساعات
اسمع من شفاهك ... اعذب الهمسات
نروي ضمى فراقنا .... ونرسم اجمل اللوحات
تعالي محبوبتي ... وامحي بخطوتك احزاننا
وانسي الظروف ... واقتلي الخوف
ترى الوقت يتغير مع الاوقات
تعالي محبوبتي ... ياهموم النسمه بانفاسنا
خلي عطرك بي يطوف
تعالي اشيل ايدك بيدي ... نحلق في سمانا
واتركي عاذلنا يشوف
ابي اسهر اسولفلك ... وابث الشوق وغربتي
وابحر في عيونك ... لشطك يطمن غيرتي
تكونين احساسي ..... داخل انفاسي
وأشم عبيرك ألاتي ... ونسماته تلمس فرحتي
تسقي ايامي العطشى
واذوب باحضانك واتلاشى
ويبتدي عمري من اوله ... ثاني
اقول احبك .. وكل حرف نبضه من كياني
اقول احبك .. وانت سنين عمري وزماني
ياروح الروح ... لاتغيبي ... بحق السما
حدثيني وانا قربك ... صبح ومسا
وتضحك عيونك ... والصدى عيوني
نشوة لقا ... زف موعده واتى
بدري محبوبتي تمشين ... ساعات سواليفي ... الان ابتدأت
والا علينا تغلين ... والا حضوضي هي ... ماتبدلت
اهه يافرح كل ما جيت .... ثواني وتغيب
بعدني منك ما رويت
والعيون لي شوقها ..... ما تغيرت
ابن الصحراء