|
شموع الحزن***
قصيده من كتاباتي المتواضعه,,,اتمنى تعجبكم
حبيبي مسـتحيل انـك تطـفّي نورها الـحين تعودنـا تطفّيـلي شـموع الحـزن تضويني تنوّر دربي العاثر تخـاوي قلـبي المسكـين وصار القـلب بك مغـرم على كيفك توديني على كيفـك تسايربي يسـار فرحلتك ويمين دفى صوتـك اهو بالذات بس اللّـي يكفّيني حياتي اشبه بقربك مثل مدمـن على التدخين تسلط حـبّك الغلاّب في دمـي بشرايينـي اشم العـطر بغـيابك كأنّـي فاقد الهروين وانا في غيبتك فاقد شعـوري واروع سنيني اجرّ الصوت في بعدك ولا ادري بيوصل وين ابيه يقبّل احساســك ويهمسـلك بمـا فيني دموعي صارت تجرّح خـدودي آآه لو تدرين وزهـري والـورد يذـبل في شتّى بساتيني احــاول اكتم جروحي ولكـن تفضح العينين انا ما عدت استحـمل غيابك يا نــظر عيني تغيب انته وانا ناطر جوابك بالمسـج كل حين بعد مـا شفت انا همومي على بـعدك تعزيني انـا مستهـجن افعـالج بديتي بنفسـج تهملين وانـا في مجمل افكـاري كذا انـتي تهمليني وصـرتي عـاشقه الآلام حتّـى للدوا تردين حــرام اللي تســوّيـنه تقلبين الألف سيني تقــول برحلـتك بنطر وانا متكتّف بإيدين!! دخـيل عيـونك النّعسى وعشان انج تطمنيني تخـلى بـالك بنفسك وتـداري قـلبنا بالزين تناسـي ذكـريات الأمـس مـدام انج تحبّيني بحـاول قدّ مـا اقدر وصاتـج لي بحفظ الدين وجـودج غيّـر بنفسي مطبّـات الفّـشل فيني دعائـي يا خفـيَ اللطف بانج بالفـرح تزهين دخيـل الحـب يـا روحي طلـبتج لا تـخليني عسى يومي قبل يومج تروحي وترجعي بصحتين بحـاول اكتم الأنـفاس وادور حـاجه تلـهيني ولو بـيدي قسـم بالله اجيـلج لو بـلاد الصين واخـلي كـل هالعـالم تنادينـي انـا صـيني يالـيت ان القـدر يطعن بـقايـا قلـبي بسكين ولا انّـه يخلّـيني اشـوف الـبعـد يـكويني طلبـتك كـان انـا اخطيت تسامحني ليوم الدين تدوّرلي مـن احـساسك وقـلبك حـاجه تعفيني بنـادم والخطـى يحـصل مدام اني انا من طين وانـا مـابي احـد غيـرج تحاول يوم تشريني انا عايش لـجل وصـلـج دخيلج عاد لا تنسين وشيلي فكـري مـن بـالج اخـاف انّج تناديني بلا احـساس وانتـي مـخدّره بالبنج ما تدرين اخاف انّـي اذا تقدّمـت يجـبرونج تـرفضيني تذكري يــوم تـحكـيلي بـأنج صرتي تحبين؟ وانا اسـأل اخـاف ان الـهوى غلّاب تـجفيني افكّـر فـي احـد غيـري وبديتي بانج تعشقين وجاوبتي على استـغراب:وانـته ساكنن فيني!! انا مـاني مـثل غيـري انـا ما امتلك قلبين ومـا طبـعي اخون وليه اخونك وانت شاريني! نقشت اسـمك علـى قـلبي وخلّدته يضل سنين لآخر يوم في عـمـري لآخـر نبض يحويني تذكري هـذي وعـودج كلامـج بالوعد تحيين واذا مـاصرتي تفتكـري طلبـتج عـاد خليني بقاسي من ضمـى دربك وبرد الشين لج بالزين واذا قالوا بأنـي مـت,,دخـيـل الله انـسيني دمتم بود |
: شموع الحزن***
[grade="8B0000 FF6347 008000 4B0082"]ولو بـيدي قسـم بالله اجيـلج لو بـلاد الصين
واخـلي كـل هالعـالم تنادينـي انـا صـيني يالـيت ان القـدر يطعن بـقايـا قلـبي بسكين ولا انّـه يخلّـيني اشـوف الـبعـد يـكويني ما شاء الله كلك على بعضك إبداع × إبداع تنسيق رائع ووزن وقافية ,, والكلمات أروع ,, بس ممكن نعرف لمنو ؟؟؟ ^^ تقبل مروري : الــ م ــاســـ ح ـــه |
: شموع الحزن***
إقتباس:
كلج ذوق اختي لا هان قدرج عاد هذي لساكنة قلبي وروحي,,هع بس حطي فبالج ان ماكل ما يكتب من شعر يعبر عن حياة صاحبها:123: تسلمي عالمرور الطيب |
: شموع الحزن***
صراحة ابداااااااااااااع ما كنا نعرف انك مبدع هالكثر طلعت فنتك:nice:
شوف انت اشترك بشاعر المليون وانا بكون مديرة اعمالك بس لي 40%ها موافق:deal: وعاد لا تحرمنا من يديدك:12: |
: شموع الحزن***
إقتباس:
تسلمي الغاليه دامج بتكوني مديرة اعمالي اظن بطلع من اول حلقه هع دمتي بود |
: شموع الحزن***
يا سلام عليك يا احساس صادج
القصيده فظيعه ولا اروع ماشاء الله عليك .. كلماتها كلها احساس مثل صاحبها .. ويا حظ المكتوبه فيه ..!! اتمنى لك التوفيق ..ننتظر باقي كتاباتك الجميله اللي خاشنهم عن المنتدى (^__^) يا الله طلعهم يا الله اشوف طلعهم :) |
: شموع الحزن***
إقتباس:
تسلمي اختي احزان البنفسج هذا من ذوقج دمتي بود |
| الساعة الآن: 07:28 PM |
vBulletin ©2000 - 2024