الذگريـــــــــــــــاتــ  الســــعــــيـــــــدهــ

عمانيات (https://www.omaniyat.net/vb/index.php)

- شعر و أدب (https://www.omaniyat.net/vb/forumdisplay.php?f=4)

الذگريـــــــــــــــاتــ  الســــعــــيـــــــدهــ

صبـــــاحگـــــم///// مســـــائگــــــم 
. ورد. 

على (( مواعيد الغرام السعيده ))
احسب محاصيل الوفا بآخر العام

وانسى تفاصيل .. الجروح الجديده
واسامح الغالين .. من قبل لا انام

واكتب من انفاسي وشوقي قصيده
واغلف احزان المشاوير .. باحلام

وادور لشوق الغلا . واستعيده ؟؟
لك يا معنيّني مسافات .. واقدام

فتش حشا قلبي وفتش وريده ؟؟
يفداك يا اغلى من قعد به ومن قام

وتعال شف جوالي وشف .. بريده
رسايلك موجوده جداد .. وقدااام

واغلى هدايا ربي .. ويوم عيده
لا بان رقمك يا بعد كل الارقام

يا زين طبعك فالكلام ويا جيده
في مبسمك سحر الحكي مصدر الهام

مشاعري من قبل اعرفك بليده
احييتها بك من عقب ماهي صيام

لو هبت رياح الغياب الشديده
قصر المحبه ما تزعزعه الايام

خفف من غيابك .. علي لا تزيده
مشتاق والمشتاق . ماهو بينلام

لولا المخافه .. والشرف .. والنقيده
كحلت عيني بك .. لو ان خاطري شام

اصد من بيتك .. وانا احب سيده
صدة غريق صاح .. والموج لطام

يا لعنبو الايام .. وش مستفيده ؟؟
حدتني انسى الشوق واعيف الاحلام

يا موثق قلبي جفا .. فك قيده ؟؟
اسرتني .. لهفه وعبرات وهيام ؟؟

ان غبت كني فاقد لي .. فقيده
وان جيت هبت ريحة ورود وخزام

كل عام وانت سنين عمرك مديده
وكل عام وعيوني على شوفك ايتام

وكل عام وانت الذكريات السعيده
اللي تخاويني من العام .. للعام!

وسلآمتــكم..