عمانيات عمانيات
عودة   عمانيات > منتديات عامة > قصص حقيقية
قصص حقيقية قصص يومية, قصص من المـاضي, قصيرة وطويلة

موضوع مغلق
 
خيارات الموضوع طريقة العرض
  #151  
قديم 02/10/2007, 09:27 PM
صورة لـ المـــآ،،،ـــه
المـــآ،،،ـــه
هــادف
 
رد : سعوديات في بريطانيا

الجوري : مافي ازين من بدر والله

ذوق : هههه نواره ليه ساكته

نواره : وين ناصر مادخل

الجوري : ليه يدخل ..؟


نواره : يعني ليه مع هالامه الداخله ..

ذوق : قلتولي عائلي ههههه

لوجين تناظر مفر وهو يضحك مرتبك / ياحياتي مرتبك بعدقلبي ياخذ العقل ..

نواره : ذكريني اعطيك النظاره هدية زواجك

لوجين معصبه : نوووووير ابذبحك

نواره /: هههه خلاص توبه

الجوري : مسكينه بنو جالسه لوحدها اكيد طفشانه

ذوق: واللي يرحم والديكم لاتحكون لها عن اللي صار لي او لرائد حتى لو ضربتني

نواره : هي ودبتها ماتقدر تضربك ...

البنات : هههه

بعد زفت رجال دخلوا البنات علشان يجهزوا لوجين لان اكيد بعد دقايق زفتها ...

نهار واقف وعيونه على اللي بالصاله يدورها يدور اللي جاء علشانها ... شافها اخيرا شاف قلبه غايب شهر ..

رنا ماسكه العصير وعيونها مغرقه اخيرا اخوها مسفر تزوج ومن اللي عور راسها فيها .. لفت بعيونها بتحكي مع هنادي شافت نهار يناظرها احتقرته ولفت عيونها عنه .. نهار ابتسم (( هو السبب وتزوج وحنا نتعذب علشانه .. بس والله ماتتهنى ياولد عمي ))..


كانت عيون الحريم كلها على منصور الحلو والكشخه ..

بدر كان فالها ويرقص ويصفق وتذكر ان ذوق اكيد موجوده دق علىفيصل يدخل .. ودق على الجوري تخلي ذوق تناظر ...

الجوري : بنات تعالوا نشوف بدر يقول بيستهبلون ..

ذوق وهي تعدل مع المصفف طرحة لوجين : انتي ونواره روحوا انا ب

الجوري : لااااا انتي تعالي واتركي المحروسه تجلس هنا ..

نواره : لا والله ابغى اشوف

الجوري تغمز لها : انتي اجلسي وذوق تروح

نواره بعصبيه : اضحكي علي بالتغميز ونتم قزوا

الجوري : ياحماااااااره

نواره : وش فيكم اليوم تعلقوا على الحرف ترى اتنرفز

ذوق : جد جواره مشغوله خذي نواره

الجوري مقهوره وحاقده على نواره : آآآآآآآآه .. خلاااااااص نونو اجلسي انزعي هنا

رسلة لبدر (( الخايسه نوير خربت علينا دور فرصه انيه ))

نواره : انا اللي مفروض اعصب موانتي كفايه انك مانديتيني معكم

الجوري سكتت مقهوره مافي فايده مع نواره مراح تفهم

مشى فيصل وهي مستحي بين لحضور هو اخر واحد داخل (( الله يقلع بليسك يابدر احرجتني))

بجر ابتسم داري ان فيصل ميت من الاحراج من وجهه المتغير : هههههه

مسفر ماسك ايد ابوه وهو طاير من الفرحه ويتكلم معه وابوه مبتسم لفرحة ولده اللي عذبه على ماتزوج ...

فيصل وده يذبح بدر كلمه وهو معصب : يالخايس وينها يالكذاب

بدر : مادري وين بس هم يناظرونا هاللحين تسنع قدام ذوق

فيصل يتلفت : وينهاااااااا ..؟

بدر : اصبر اعرف الاخبار اذا طلعت

فيصل فوق السبع مرات عدل شماغه ...

.......

منصور ابتسم للحريم لانه عارف انه هو اللي ملفت الانتباه اكثر من المعرس ...

رناد : آآآآه ياقلبي على هذا

رنده : يشبه لوجين مره

رناد : لو انها متزوجته مو احلى من هذا مسفر

ام سعود : اننتم وش عندكم تتساسرون من ساعه

رنده بسرعه : بالكوشه والديكور احس اني جالسه بالبحر

رناد : متحمسه اشوف شكلها ..لوجين وهي عروس

لمياء : اكيد فاصخه

ام سعود : وانتي صادقه

..........

لوجين واقفه وبيدها الورد كان الشكل النهائي ها وش رايكم

البنات يصارخون ويصفرون من حلاها ...

نواره : راح فيها مسفر هههههه

ذوق : وانا اشهد ههههه

..................

نزفت لوجين وبجنبها عمها اللي ماشافته الا مرتين ..

مشت على الجسر بفستانها الابيض الفخم والحرفين الفوشي بوسطه .. والطرحه الطويله من وراها كانت اميره من كتب الف ليله وليله .. تاجها الالماس يزين شعرها المصبوغ بالاشقر والبني وجسمها الرشيق والطويل ..وابتسامتها تزيد جمالها ... مشت ماسكه الورد الفوشي بيدها ..

جمالها حبس الانفاس وسمت عليها كل عين شافتها ...


ليلة خميس طرز بها نور القمر
شط البحر نصف الشهر..
و الليل من فرحه عريس ليلة خميس...

مسفر وقف وهو مبهور من شكلها حس بالعبره خانقتها هذي اللي يحبها وتحدى العالم علشانها .. تستاهل كل شي ..

لوجين وصلت للكوشه مع عمها اللي كان وجهه خالي من المشاعر ...

مسفر باسها على ججبينها وجلست بقربه والفرحه تشع من عيونهم ..

البنات مبسوطين مره لهم

البندري اتركتهم لان ذوق معهم وجلست مع امها و مريم وتهاني اختها .. بنو زعلها كبير وماترضى بسرعه ...

ذوق سكتت وماناقشتها اللي فيها مكفيها ...

نزفت العروس مع عريسها لاول ليله يقضوها سوا وهم زوجين ... هاللحين صارت لوجين حلاله وله ..

نواره ساعدتها وحلفت تركب معها وتوصلها مع منصور للفندق بس قرر ناصر يلحقهم بالسياره مع نواره ومنصور ياخذهم للفندق ..

........

نواره حست بضيقه بالسياره : ناصر ودني للبيت

ناصر : هاللحين

نواره : ايوه شفت لوجين تنزف خلاص العرس بايخ ..اسمع لاتنسى ذوق رجعها هاللحين

بعد مسافه قصيره

ناصر : يله انزلي وصلنا بيتكم

نواره تناظر البيت المظلم هاللحين بتجلس فيه لوحدها ابوها بالمستشفى : ودني على بيت لوجين

ناصر ناظرها بحنان : نفس الحكايه مافيه احد يمكن غرفتك احسن لك

نواره : آآآآآآآف – نزلت بكسل – باي اشوفك بكره

ناصر : اكيد باي

مشت نواره لداخل البيت بهدوء وتردد ماودها تدخل من جوا يخوف الخدامتين اكيد هاللحين نايمين والبيت ظلام ..


فجاءه سحبتها ايد صرخت من الخوف : يمممممممه



من مواضيعي :
  #152  
قديم 02/10/2007, 09:30 PM
صورة لـ المـــآ،،،ـــه
المـــآ،،،ـــه
هــادف
 
رد : سعوديات في بريطانيا

سد فمها بقوه وهي تحاول تصرخ ماكانوا واحد كانوا اكثر من شخص سحبوها لداخل السياره وهي تحاوول تصرخ تفلت من ايدهم بس مع الاسف محد سمعها بكت من الخوف فجاءه ظلمت الدنيا بعيونها غطوا عيونها بقوه ...
كانت تبكي بصوت عالي بشكل هستيري ..

بعد اكثر من ساعتين

- : كلي تبن لاترفسي لا ذبحك هاللحين

نواره منهاره تبكي وتحاول تفكك نفسها من الحقيرين تتحرك يمين يسار لكن الايد القويه اللي ماسكتها شلتها .. والحبل على ايدها قوي ...
.كانت تصرخ لكن صوتها مخنوق يرجع صداه باذنها ..

فجاءه السياره وقفت والاصوات هدت ارتجف جسم نواره مع الهدوء تكلمت بصوتها المخنوف لكن لسانها خانها

- : انزلي بسرعه انزلي

نزلها من السياره وصوت اثنين معه يسكرون الابواب

- : خلاص عملنا اللي علينا

- : وين يابابا وفلوسنا..؟

- : خلاص انا تحاسبت معه

- حلو

جرها بقوه لمكان حست انها غرفه او شي لان الهواء انكتم بداخلها...
تركها اللي ماسكها ومشى
وتسكر الباب بقوه .. بعدها صوت ابواب السياره تتسكر حاولت تحكي تاشر لهم وصوت تشغيل السياره وتحركت

نواره تبغى تقولهم وين بتروحوا...؟ وليه تركتوني ...؟
لكن
دموعها حكت مكانها ورجلها ماقدرت تشيلها ركعت برجلها على لارض وهي تحرك يدينها تبغى تشوف وش صار وين هي بس كانت ضعيفه ضعيفه مره ..
حاولت وحاولت يمين يسار
مارضت تفتحت حرك راسها يمين يسار هي وين ليه هذي الارض بارده
وقفت لكنها رجعت طاحت .. وشهقت مع طيحتها .. وقفت مره ثانيه وطاحت ححست ان عظام ركبتها تنحت ليه جسمها ضعيف ...
من الخوف جسمها موقادر يستحمل او يتحرك .. زحفت بركبتها تبغى تعرف هي وين بغرفه ..؟والا وين ..؟

افكار كثير مرة ببالها ناصر مغقوله ناصر ... مخها بهذيك الساعه ماكان معها كان كل همها تطلع من هنا ترجع للبيت ... بس خذوا ساعات طويييييييله بالطريق وين ودوها ..؟

زحفت وزحفت لحد ماصدمت بجدار .. رمت نفسها على الارض تبكي خلاص ماعاد شي ينفع ... بكت بضعف ..

بعدها بربع ساعه تقريبا .. سمعت صوت رجال بره كلام كثير واصوات كثير ماركزت مين ..؟وماعرفت شي الا صوت تهياء لها انه هو ... لكن هزت راسها تبعده من مخيلتها .. مو وقته هاللحين الله يسامحك ياطلال حتى باقوى المواقف مافكر الا فيك..؟ لو انك هنا ..

ارتفعت الاصوات وصار صراخ وسياره ثانيه راحت ..
نواره راسها بينفجر ماهي قادره تفهم شي ..؟

صوت باب انفتح ونفس شاركها انافسها .. وصوت خطوات ثقيله بالغرفه ...
قلبها دق بسرعه ولصقت بالجدار وهي ترتعش وضمت جسمها لبعض ..

طلال انشلت حركته وهو يشوف شكل نواره كذا اول مره بحياته يشوفها خايقه كذا : نواره ..

نواره اول ماسمعت صوته وقف شعر جسمها ورتجفت اكثر ماكانت مصدقه انها سمعت صوته اكيد تتوهم ...

طلال مشى لعندها بسرعه و مسك ايدها هو بينجن فتح الحبل بسرعه وهي ترتجف بين ايدينه : لاتخافي نواره والله انا معك ...

نواره رمت نفسها على صدره وهي ماتدري هو طلال والا طيفه المهم تحس انه حولها انه معها

طلال شال اللزقه من فمها ... شهقت مع فتحته : آآآآه

طلال عوره قلبه عليها ولعن الاغبياء .../ الله ياخذكم ويلعن بليسكم انا اوريكم الكلاب .. لاتخافي لاتخافي حبيبتي انا معك ...

نواره اول مارفع طلال عن عيونها الربطه
غمضة عيونها بقوه من شدة النور وهذا اللي عذب طلال اكثر .. بعد ثواني فتحت عيونها وجاءت عينها بعين طلال ..

نواره قالت وهي ترتجف : كيف عرفت مكاني من قالك عني ..؟

طلال بلع ريقه ماعرف وش يقولها

نواره ناظرت المكان بعيون مليانه رعب كانت غرفه فيها تلفزيون وكنبين وثلاجه صغيره والواضح انها استراحه ..: تعال خلنا نطلع من هنا بسرعه .. بسرعه نهرب قبل لايرجعون ...

طلال مسك ايدها البارده والمرتجف : نواره حبيبتي لاتخافي محد بياذيك

نواره حاولت توقف : تعال انت ماشفتهم هم كثير ان
طاحت على ركبتها مره ثانيه .... ورجعت لها نوبة البكي والانهيار

طلال : لاتخافي نونو لاتخافي كلهم راحوا من هنا مابقي الا انا وانتي

ناظرته ماهي مصدقه ..ناظرته مرعوبه : راحوا ليه ...؟
ترددت كلمته باذنها ... "مابقى الا انا وانتي ..." يعني طلال ورى كل هذا ..

طلال : لاتخافي مراح يرجعوا

ماقد كرهة طلال وشافته بالحقاره هذي.. دفته بقوه عنها : ياحقيييير يانذل .... ابعد انت جد حشره ... انت ورى كل هذا صح ...؟

طلال : ايوه انا ..- وقف ومشى بعيد عنها – نواره حاولت اعيش بدونك ماقدرت ..انتي ح

نواره وقفت بسرعه وصرخت فيه : كل تبببببببن كل تبن مابغى اسمع شي اكرررررررهك اكررررررررررررررررررررهك

طلال : نواره اسمعيني لاتخافي انا جايبك لهنا نتزوج ون

نواره تحس انها مستحيل بيوم حبت هذا الانسان : انت قذر قذرررر ..

طلال مشى لعندها بثقه : نونو لات

نواره زاد صراخها وكانها تطلع قهر الشهر والايام هاللحين : لاااااااااااتقرررررررب ... لاتفكر حتى تلمسني ....

طلال كمل مشيه وهو عارف انها معصبه شوي بعدها بتسامحه مثل العاده : طلالاااااااااااااااااااااا ل – تصرخ وتبكي – قلتلك لاتقرب ...

طلال كمل مشي لحد ماوصل عندها

الفصل السابع والابعين – الاخير -


كل دمعه ولها نهايه , ونهايه الدمعه بسمه
وكل بسمه لها نهايه , ونهاية البسمه دمعه
والحياه نهايه وبدايه , وبسمه ودمعه ...
كما لروايتي نهايه فقد اقتربت سفن حياة الفتيات تصل الى الشاطى قبل ان تغرق بعد ان تعرضت لعواصف واعاصير في بعضها ...




نواره : تكفى طلال ابعد لاتقرب والله ماعرف وش ممكن اسوي .. انا مجنونه هاللحين ابععععععععععععععد

طلال رفع ايده : نواره حبيبي انتي حياتي لاتخافي والله مراح ااذيك ...اسمعيني

نواره كانت تبكي وتهز راسها معترضه ماكانت تسمعه كانت تصرخ : اببببببببعد ابعد

طلال ابعد عنها كم خطوات : نونو خلاص ابعدت شوفيني بعيد بس انتي اسكتي

نواره : طلعنننني من هنا ... اقولك طلعني من هنا ...

طلال : نواره ناظريني كويس انا طلال طلااااااال لاتخافي انا جايب معي الشهود والشيخ وبنتزوج

نواره تصرخ : انت وييييين عايش شكلك متاثر بالمسلسلات المكسيكيه والرواياااااات ..طلال حنا عايشين بالسعوديه مو بريطانيا .. اذا سافرت لبريطانيا تعال اخطفني واعمل عصاباتك ..

طلال ناظرها مصدوم : يعني ماتبغيني

نواره : طلاااااال انت مجنون والله مجنون ... اكرهك ..

طلال وقف يستوعب شوي لهذي الدرجه تكرهه : نواره لحضه لحضه اسمعيني شوي انا احبك وانتي تحبيني

نواره : اكرررررررهك ماتفهم اكرهك

طلال عصب : اجل اذا رجعتي تحبيني قوليلي ..

مشى لحد الباب بيطلع ..

نواره : تعااااال وين رايح مانت بصاحي بتتركني هنا

طلال بتهديد : اذا اذا يابنت امك طاح اللي براسك ناديني ههههه

نواره : لاتكفى ابوي بالمستشفى تعبان

طلال ابتسم : دامه بالمستشفى اجل ماينخاف عليه

نواره بترجي : لا طلال تكفى ابوي عنيد ومايرضى ياخذ الدواء الا وانا معه والله بيموت

طلال ببرود : محد يموت ناقص عمر

نواره خافت ان ابوها يصير له شي : ياغبي اقولك ابوي ماياخذ الدواء ولا ياكل الا وانا معه انت كيف تفهم

طلال رفع كتوفه بدون اهتمام وطلع ...قبل لايسكر الباب ركضت له نواره : طلال لحضه طلاااااااال

طلال وقف ولف عليها ويحس ان شجاعته بتخونه وقسوته بتلين : نعم ...

نواره :طلال وغلات اغلى غالي عندك هذا ابوي

طلال : نواره انتي اغلى غلاي على فكره و انا اقول كلمه وحده بتتزوجيني تطلعي من هنا مانتي متزوجتني الله يرحم ابوك

نواره كانت نظراتها تلين الصخر وكيف بطلال اللي يحبها ...ماقدر قال لها بحنان : نواره ليه كل هذا ليه تحرمينا من بعض خلاص واقفي تتزوجيني ووالله لاشعلك اصابعي شمع

نواره مسكت راسها بايدينها هذا مستحيل يفهم ...ورجعت لورى بياس

طلال طلع وقفل الباب عليها ...

%%%%%%%%%%%

لوجين وبجنبها مسفر بالسياره ماسك ايدها ومنصور يسوق واعصابه متوتره (( وانا بنفسي اوصلهم بعد والله قهر ))

لوجين كانت بقمة السعاده معها مسفر وباهم ليله بحياتهم

مسفر طول الوقت يبتسم وكل ماجاء يحي او يقول شي ماتطلع من لسانه الا كلمة : احبك والله احبك

لوجين : ههههه خلاص عاد

مسفر : احبك ياقلبي وربي امووووت فييك ...

منصور كان ضاغط على اسنانه بالقهر ...لحد ماوصلوا الفندق

مسفر : حياتي حابه اساعدك بالفستان

لوجين : لا ميسو انت بتخرب علي كل شي ههه منصور يعرف

منصور بمهاره رفع الطرحه وجمعها بيد مسفر
بابتسامه صفراء : يله خذ عروستك وتفضلوا والشنط هاللحين بتوصلكم

مسفر : مشكور يالنسيب

لوجين : ماباركت لي منصور

منصور بابتسامه مرتبكه : مبروك

مسفر : الله يبارك فيك .. يله حياتي ..

دخلوا للفندق ومثل العاده الصحافه كانت هناك .. منصور دخل وصرف الصحافه وطريقته الذكيه اشغلهم باهم مشاريعه لحد ماوصلوا العرسان لجناحهم ...

وكانت ليله ولا الف ليله بالنسبه للمعاريس

%%%%%%%%%%

ذوق : لا الجوي هي راحت مالي دخل فيها

الجوري : انتي عارفه البندري تزعل كثير ...

ذوق : قلتلك لا انا اللي فيني مكفيني ..الجوري انا اموت باليوم مليون مره ماني بفاضيه لبنو ولدلعها .. يله باي ناصر دق

الجوري : اوكيه براحتك ... باي
مشت مسافه بعيده عن ذوق ودقت على بدر

بدر : ها حبيبتي وش صار فيصل ينتظرها هناك

الجوري : ماني قادره عليها جالسه مع ام عبدالرحمن ولا هي راضيه تتحرك حاولت بكل الطرق .. قول لفيصل يرجع للرجال احسن

بدر : حاولي من هنا من هناك



من مواضيعي :
  #153  
قديم 02/10/2007, 09:32 PM
صورة لـ المـــآ،،،ـــه
المـــآ،،،ـــه
هــادف
 
رد : سعوديات في بريطانيا

الجوري : والله حاولت مسكينه مهمومه ماحبيت ازيد عليها ..

بدر : لاحووووول هذا بيذبحنا هاللحين

الجوري : لاتخاف قول له انا بخليه يشوفها ووقريب ان شاء الله

بدر : وييين ..؟ ووكيف ..؟

الجوري : ببيتنا .. اسمع حبيبي اذا رجعت نفكر بالموضوع هاللحين بروح لبنو شكلها تعبانه مره وبتطلع

بدر : اوكيه وادعي لي مع هذا الفصل ..

بنو : لا يمه انا كويسه مافيني شي بس مكتومه شوي

مريم : خلاص حبيبتي ارجعي للمستشفى

البندري : لا مو لازم اصلا الدكتور قالي يومين واطلع

ام البندري : يمه رجعي خلاص الساعه 3 الفجر كلنا بنظلع اصلا

الجوري جاءت وهي ترفع فستانها الاحمر : بنو وشفيك شكلك مره تعبانه

البندري : ايوه ابطلع للمستشفى هاللحين

الجوري تساعدها توقف : ايوه احسن لك وحنا شوي وطالعين القاعه فضت ..

مريم : وين نواره ..؟

الجوري: ناصر يقول انها تعبانه رجعت للبيت

ام البندري: ياحليلها واالله ماقصرت بيضت الوجه من اول مارجعت لوجين وهي معها اكيد تعبانه هاللحين

البندري:ههه ماعليكم منها كلها كم ساعه الا تنط عندي بالمستشفى ومانامت الا كم ساعه

مريم : هههه ياحليها

.......................

فيصل : هذا حركاتك انت وجهك دامك مو قدها ليه دقيت الصدر

بدر : والله عملت اللي اقدر عليه وش تبغى اكثر احمد ربك اني حبيت اساعد

فيصل : لا مشكورين مرتين وتفشلنا فيهم

بدر يغير الموضوع : شوف منصور كاشخ تقول المعرس

فيصل : مشاء الله عليه محترم ومزيون

بدر : بس ثقيل دم مايعطي احد وجه

فيصل : هذا البطارع يافالح مو انت انت وجهك ..

بدر : هههههه حاقد

...................

ناصر : انتبهي ادخلي بهدوء

ذوق : مانت بنازل معي اخاف

ناصر : لا انا مشغول العم بو منصور يبغاني

ذوق : اوكيه
نزلت من السياره وهي ميته من الخوف تحس ان قلبها بيوقف ...مشت بهدوء للحديقه اللي ورى وحاولت تتسلق البلكون ماقدرت وماعرفت .. تجمعت الدموع بعيونها بتبكي كيف هاللحين ..
مشت قدام شوي شافت نادبه جالسه وومعها الخدم ينظفوا المسبح ...اشرت لها مانتبهت رمت حجر صغير ...
لفت عليها نادبه وقبل لاتصرخ انتبهت بذوق بفستانها الكحلي تاشر لها
استغربت ليه كاشخه وين بتروح ومتى طلعت من غرفتها ...
مشت وهي مستغربه وذوق كانت ترتعش من الخوف

نادبه : الساعه 3 الفجر وين سايره

ذوق :ماني برايحه لمكان بسرعه دخليني لجوا بابا فيه

نادبه : ايوه خش ينام من ربع ساعه ..

ذوق : بسرعه كنت بزواج لوجين طلعت من البلكونه دخليني للبيت باي طريقه

نادبه : وكيف نزلتي .. ذوق انتي تخافي

ذوق وهي ترتعش من الخوف : اللي يمشي ورى نواره مايضيع ههههه يله بسرعه ساعدين اتسلق ...

نادبه : اوكيه حاضر

وساعدتها تصعد للبلكونه وثنتينهم يرتتعبون من الخوف يحسوا ابوها بيطلع باي لحضه لكن مرت سليمه ..

تمددت ذوق على السرير بالفستان الكحلي الفخم وهي مبتسمه ...: عرفت هاللحين احساس نوير لما تستهبل والله وناسه بس ماعيدها لو ايش ...

رفعت الجوال اللي من لوجين علشان تحاكيهم : الله يوفقك يالجونه ياررررب ويسعدك مع مسفر ..

قامت تروشت وبدلت بسرعه قبل لايفتح عليها ابوها الباب ..

طلعت ونامت على طول بذلت مجهود نفسي وجسدي ...

%%%%%%%%%%%%%%%%%%%

الساعه 7 الصباح

رائد ساجد لربه بهذي الساعه ..

((اللهم اني عبدك ابن عبدك ابن امتك ناصيتي بيدك ماض في حكمك ..عدل في قضائك ....اسالك بكل اسم هو لك سميت به نفسك او انزلته في كتابك او علمته احد من خلقك او استاثرت به في علم الغيب عنك ..ان تجعل القران ربيع قلبي ونور صدري وجلاء حزني وذهاب همي ))

يارررررررب يامفرج الهم فرج همي واظهر برائتي يارررررب ياررررب ...

رفع ايده لفوق اكثر : يااااااارب احفظ البندري وذوق ياااااارب ...

%%%%%%%%%%%%%%%%%%%%%



لوجين ومسفر مستعدين لسفر على الهند لشهر العسل وبعدها ناوين يسافروا على بريطانيا على طول ...

منصور ودعهم بالمطار وقرر يتمنى السعاده لبنت عمه وينساها لكن يضل حولها متى ماحتاجته ...

منصور يهمس باذنها : لجون ماوصيك لو شيصير ماتتنازلي له عن املاككه

لوجين هزت راسها : اكيد انا انقرصت مره وماعيدها

منصور ابتسم : والله عارف كم يوم الا وانتي متنازلته بس ماقول الا الله يوفقك

لوجين : لا والله اوعدك


منصور : وعد وعد

لوجين : وعد انجليزي

منصور : ههه اجل ماتنفذ

لوجين : لا ص

مسفر :: وبعدين حبيبتي انتي وولد عمك مانتي ناويه تسافري


لوجين : هههه لا اكيد يله .. باي منصور اشوفك على خير

منصور : اذا حتجتي اي شي اي شي انا جاهز

لوجين : مشكور مسفر موجود مع السلامه

منصور باحباط : مع السلامه ...

%%%%%%%%%%%%%%%


ناصر مر على نواره البيت ودق عليها ماترد نزل سال الخدامات قالوا ماجئت من امس

ابتسم : اكيد راحت لبيت لوجين ...

وببيت لوجين ماحصل : وينها هذي ..؟ وين راحت ...؟ يمكن نامت عند امها ...لااااا هاللحين بالمحكمه وتنام عندها ...
اجل وش صار ..؟

مافي الا ازور ابوها اكيد عنه ...دخل على ابوها : صباح الخير حجي

بو نواره : نعم من انت ..؟

ناصر ارتبك : انا انا الدكتور

بو نواره : وانتم يالدكاتره كل شوي شكل اسمع يادكتور انا اكل المستشفى هذا
مايعجبني وطلعني هاللحين بسرعه

ناصر : ان شاء الله ان شاء بس بنتك وينها اليوم عنك

بو نواره : مادري عنها من امس ماشفتها قاطعت الرحم رمتني وماتبغاني عندها

ناصر : اذا هي مو معك وين راحت اجل

بو نواره : من اللي وين راحت

ناصر : ها لا ولاشي وكل من المستشفى لاتموت علينا

بو نواره يصرخ بانفعال : والله ماكل ولا اخذ دواء انا عارفكم تبون تقتلوني اذا جئت نواره اباكل

ناصر طلع من قلقل الشايب لامله الوحيد غرفة البندري بس كيف يدخل ..مافيه الا يعمل نفسه غلطان ...

دخل لغرفة البنددري وكانت نايمه وبجنبها عجوز تقراء قران ..وقبل لاترفع راسها ام البندري كان ناصر براء الغرفه ... (( اجل وين راحت ..كيفها انا مريت لعندها وعملت اللي علي ... بس وين ممكن تروح بهالوقت وامس بالليل ..)) رفع كتوفه وطلع من المستشفى لشركة بو منصور

%%%%%%%%%%%%%%%

الجوري : يلللله ذوق اهربي مثل امس وتعالي لي انا وبدر بننتظرك بالسياره

ذوق برعب : لاااااا والله لو اموت

الجوري : مالت عليكم صديقات ماافيكم خير محد شاف بيتي الا نواره حبيبتي اما البقيه م

ذوق : هههه اعصابك علي انت وجهك ..والله ماقدر اموت من الخوف بعدين

الجوري : طيب براحتك يله باي بعمل لبدور الفطور

ذوق : حركااات وصرنا نعمل فطور

الجوري : ههههههه مو انا انا بس اشراف هذي حسيناء خدامة عمي على ماتوصل خدامتي

ذوق : وانا اقول صاير مراءه

الجوري : هههه

ذوق تكلمت بسرعه : يله باي صوت بابا صح من النوم

سكرت السماعه وقفلت الجوال واصطنعت لنوم

دخل ابوها للغرفه ووهو مقهور : ذووووووق ...

ذوق برعب رفعت الغطاء عن نفسها : نعم بابا ...

بو ذوق : اخوتس بيطلع اليوم جهزتي اللي قلتلتس

ذوق والفرحه مو سايعتها : والللللله متى ..؟ وكيف كيف تنازل الزفت عادل ..؟

بو ذوق بقهر : لاتنبسطي والله لو يطلع اخوتس ليذبحتس على سواد وجهتس ...

ذوق خافت من حكي ابوها وش بيسووي لها رائد بعد : طيب بابا مااقلتلي كيف طلع ..؟ من حكى مع عادل ..؟

بو ذوق ناظرها باحتقار وحقد : قبل لانسى جهزي نفستس ملكتس الليله

ذوق ضمت يدينها لصدرها بخوف : ملكتي

بو ذوق : ايوه انا اشتريت حرية اخوتس بزواجتس .. اللي توسط لاخوتس كان يبغى مقابله زواجتس .. وانا وافقت لانتس ماتهميني ..

مشى بيطلع وتركها مصدومه بهالخبر من هذا اللي توسط لاخوها وبيتزوجها وليه ماشاف صورها

بوذوق وقف عند الباب قبل لايطلع : قبل لانسى بعد مايملك عليتس ولد الفاجره مابغى اشوف وجهتس بهالبيت تروحي معه تجلسي بالشارع مشكلتس ولا عاد اشوفتس هنيه عندي ... بس ينربط اسمتس باسم – لمعت عيون ابوها بحزن – اسمتس باسم فيصل التركي ماعندي بنت اسمها ذوق بعتبرتس مسافره ولا لتس رجعه سمعتي

ذوق مسمعت شي بعد ماقال لها ابوهافيصل التركي يعني فيصل هو اللي بيتزوجها كيف : فيصل ...؟؟؟؟؟؟؟؟؟؟

بو ذوق ميل فمه باستهزاء : ايوه عشيقتس السري

طلع وقفل الباب عليها ماكانت مصدقه وقفت لدقايق او يمكن ساعه مصدومه ((.. فيصل فيصل بتملك عليه الليله وابوها جائي يخبرها ... بس انا مابغاه خاين فضحني ..))

%%%%%%%%%%%%%%%%

نواره .. جالسه على الارض تبكي ماقد كانت ضعيفه مثل اليوم او هاللحين ....

طلال جالس عند الباب من امس ماتحرك من الباب ولا نام طوول وقته يناظر الباب معقوله نواره فيه وبداخله ومايفصلهم الا باب ..

نواره (( حسيت باحساسك ياذوق هاللحين وانا اقول ليه انتي ضعيفه وساكته لكن انتي اقوى مني بكثير قدرتي تصرخي تضربي الباب تدافعي عن نفسك بس انا هنا مو قادره اتحرك ارتعب من الخوف .. يمكن لانك عند اهلك واللي يحبوك وعارفه انهم بيحنوا عليك اما انا تحت رحمت عاشق مجنون مثل طلال ))

على اخر فكره سمعت صوت المفتاح يفتح الباب خافت اكثر تكومة على نفسها ضمت جسمها على بعض كانها تدور الامان

طلال وقف يناظرها وكان ناوي عليها الشر لانها ماتبغى تتزوجه لكن قلبه فز لها وركض لعندها : نواره

نواره بعدت خايفه ...

طلال يحاول يوقفها وهي كانت مستسلمه له تحس انها مسيره مو مخيره ..: لاتخافي برجعك للبييت لاتخافي انا كنت غبي بتصرفي وما

نواره ضعفها وخوفها وقلبها كلهم خانوها ورمت نفسها بحضن طلال تبكي خوفها واعصابها التعبانه
رمت نفسها بحضنه المفتوح لها دايم مثل ماكان مفتوح لها بلبنان بازمة الجوري

طلال جمد بمكانه ماتصور منها هالحركه وهو اللي يسقيها من حقارته كل مره كاس ..قرر وهي تشد بلوزته بيدها الضعيفه انه يخليها له ..له لوحدها ويبعد عنها كل شي يضايقها او يحزنها ... وبيوقف بوجه ابوه ويخطبها

نواره كانت تبكي تعبت خلاااااااص استحملت شد الاعصاب وتمثيل القوه كثير :

نواره وهي تبكي قالت بصوت متقطع :ط ...لال انا........ ماني .......قويه ... والله اني تعبااااا......نه........ احس بالموت..... كل يوم ...

طلال مسح على شعرها : بسم الله عليك من الموت ..نواره انا اسف اسف والله اسف على كل شي .. – باس ايدها – والله احبك وماتهون علي دمعتك ..

نواره بكت اكثر بدل مايهديها زاد عليها قالت بصوت مرتجف : ماقدر ماقدر اكرهك والله حاولت ماقدرت

طلال مسح دموعها بايده الكبيره بالنسبه لخدها الناعم : والله اوعدك يالغاليه ماتنزل هالدموع مره ثانيه وانا سببها ..والله وعد علي لحد ماموت محد يمسحها لك غيري

نواره حاولت تكرهه تبعده تشمئز من حكيه لكن مع الاسف كان العكس قلبها سامحه ونفسها ارتاحت لحكيه وصدقته : ابغى ارجع للبيت ...

طلال مشى معها لحد السياره وهو ماسكها كانه خايف عليها تضيع او تبعد من ايده ....
جلست بالسياره وارتاح جسمها للجلسه وراسها كان يعورها وكل تفكيرها بطلال .. حياتها ماتصير بدونه وهو شر لابد منه ... امها طلعت خبيثه وضحكت عليهم بالتوبه علشان تسرق ارضهم وبعدها سافرت لاهلها الشرقيه علشان تبعد عنهم ..وابوها بالمستشفى يتعالج من السم لان جسمه
ماعاد يقدر يستحمله ..

طلال رجع لداخل الاستراحه بسرعه وهي خافت يتركها ويرجع لحركاته ..بس ارتاحت وارتخت اعصابها من جديد وهي تشوفه يمشى لسياره وكان عاقد حواجبه مندمج بالتفكير .. خافت وش يفكر فيه ندم من وعده .. اكيد هذا خاين ..

سكر باب السياره وقفزت بمكانها خايفه لما شافت سكين صغير بيده اكيد بيقتلها

طلال ابتسم ومد ايده لعندها وكانت يشوفه باسط ايده من جهة كتفه ..لفت عليه وعلى وجهها استفهام ...مد السكين وجرح كف ايده

نواره شهقت وهي تشوف الدم على السكينه وعلى ايده دم نزل بسرعه وبغزاره وكانه قطع عرق وطاح من الدم على عبايتها : آآآه

طلال : نواره والله وهذا وعد مني وقطعة عرقي معه .. واللي خلق هالجسم ومشى في عروقه الددم اني ماضرك بعدها ولا ااذيك ولو عملتها دمي عليك حلال



من مواضيعي :
  #154  
قديم 02/10/2007, 09:33 PM
صورة لـ المـــآ،،،ـــه
المـــآ،،،ـــه
هــادف
 
رد : سعوديات في بريطانيا

نواره ناظرته ورجعت الدموع لعيونها ماهي مصدقه طلال بعيونه الصدق والوعد الصادق ودمه على عبايتها وهو يوعدها
سحبت منديل بسرعه وحطته على ايده : طيب ليه تضر نفسك كذا والله مصدقتك ولاقطع ايدي انا بعد علشان تصدق ...- بكت – طلال تكفى لاتضر نفسك كذا ..

طلال باس ايدها : اهم شي رضاك ياحياتي

%%%%%%%%%%%%%%%%%%


جلس بدر على طاوله الطعام ساكت وماحكى من اول ماصحى وهو ساكت ناظرته الجوري مستغربه

الجوري بدلع : بدوري حبيبي

بدر ناظرها ساكت : ...........

الجوري تاكدت ان فيه شي بالعاده يرد عليها (( اكيد شايف ام سعود امس لازم يصير كذا بس مو انا الغبيه اللي انويلها ببالها )):............

بدر : وش فيك تناظريني كذا نعم ..

الجوري ابتسمت بدلال وقربت كرسيها منه : بدوررررري حياتي انت متضايق

بدر عرف ان الحركه مشت عليها وانها صدقت زعله تصنع العصبيه : لا مافيني شي

الجوري قربت لحد مالصقت كرسيها بكرسيه ومسكت كم بيجامته : اجل ليه – مسحت باصباعها على مابين حواجبه المجموعه ببعض من العصبيه – ليه هذولاء معقودين

بدر وهو ماسك ضحكته : والله كيفي حواجبي

الجوري حطت ايدها على كتفه وهمست باذنه : قرب ترى عندي كلام يعنيك ..عمر التغلي مار فع حب مغليك ..الحب لو تعطيه دوم يعطيك .. وواضح عليك كاتم الضحكه ماتعرف تتغلى

بدر ضحك وكان حد مدلدغه : هههههههههه

الجوري ضربته بخفه على كتفه بدلال : وجع كنت عارفه

بدر : هههههه تغييييييير جو

الجوري بدلع : لااااا تزعل وتخوفني تغيير جو

بدر بخبث : بذمتك ماخفتي ان ام سعود هي السبب

الجوري : الا والله قلت اكيد العقربه جايبه مصيبه .. ابغى اعرف هي ليه تكرهني كذا

بدر بثقه : لا نها ببساطه كانت تحبني

الجوري ا نصدمت : بدر عن الاهبال هذي زوجت ابوك مو وقت مزحك

بدر بجديه : والله كانت تحبني وعلى بالها اني احبها وبتزوجها وكانت خويتي قبل لاتتزوج ابوي

الجوري تحت تاثير الصدمه: وانت اقصد عمي كيف تزوجته وهو يعرف

بدر تسند على الكرسي : اكييييد لا ..
هي بنت جيراننا ولعبت عليها بالمكالمات كانت مدلله كثير وتركتها حبت تنتقم الهبله تزوجت ابوي

الجوري : بدر بلا كذب هي كبيره مره وسعود بعد كبير وماينفع مع حكيك اعمارهم

بدر : ايوه كانت مطلقه وعندها سعود اللي هو اكبر مني بسنه تصوري تناظر مراهقه بال19 وكبر ولدها جد قذره ولما يائست تزوجت من ابوي

الجوري : يعني سعود مو اخوك

بدر : لا انتي شكلك ماشفتيه بالبطاقه اسم ابوه غير

الجوري : ولمياء كيف يكشف على لمياء وهو يشبهك كثير

بدر : لا مايشبه لي ابدا وبعدين امي كانت راضعته لانه ولد بنت جيرانه ودايم تجي لعندنا علشان تقابلني كنت مراهق ومتخلف وهذا النهايه تحاول تقهرني باذيتك لانها عارفه اني اموت فيك وهي المتصوره اني مراح اتزوج ابد

الجوري: اها علشان كذىا تسكت لاهاناتك وتخاف منك

بدر : لانها عارفه اني اقدر افضحها مع اني مافكر ولا بشايل لها بال

الجوري : جد صدق من قال البيوت اسرار من توقع كذا

بدر بتهديد : انتي لاتحكين لاحد حرام رنده ورناد مابغاهم ينصدموا بامهم

الجوري تحت تاثير الصدمه : اكييييد

بدرباسها على خدها : يله حياتي ابطلع لشغل تامرين على شي

الجوري تحاول تنسى اللي سمعته : لا حياتي الله معك ...

%%%%%%%%%%%%%%%%%%%

نواره ساكته بالسياره تناظر بطريق القصيم الرياض ..بعد بعد كم كيلو عن الاستراحات والمزارع

طلال ماحب يضايقها او يحكي معها تركها تفكر براحتها وهذا اللي قرره انه يتركها على راحتها ومايضيقها ياترى ياطلال بتقدر والا بدمك ...

نواره صرخت فجاءه بالسياره : طلال

طلال خاف ووقف السياره بريك جامد: بسم الله وش صار

نواره ناظرته بحزن : انت خاطب صح كيف نسيت ..

طلال حط ايده على كتفها وابتسم وبعدها ضحكاته علت : هههههه ..

نواره ناظرته يضحك عليها ماعادت تثق فيه مهما عمل ها حتى لو يقطع شرايينه ... رمت ايده من كتفها وتحس باثرها لهاللحين

طلال مبتسم : اسف قصتي كلها اكذوبه .. انا احبك ومالي غيرك وومايملى هالصبع – رفع اييده مكان الخاتم اللي كان موجود - غير خاتم فيه اسمك يانواره

نواره ناظرته باستهزاء : و الخاتم ..

طلال : كنت اجرب دبله ..يدي ابها ابتلـت .... واعلقت ما تطلع الا بكـل صعوبـه ..

نواره صدقته لان مكان الخاتم فاضي : اجل ليه كنت لابسه

طلال: كان راكان وهاجر .. عيال عمي

نواره ارتسمت ابتسامه صغيره على شفايفها حاولت تخفيها لكنها تمردت ..

طلال : نواره انا اسف . – بضيق كمل - تقبلين فيني بكل عيوبي ..حتى برجلي المشوهه

نواره ... نربط لسانها ضلت تناظر طلال ساكته متخربطه ذهنها مشوش تفكيرها موقف..نست رجلها وحكايتها

طلال ضيق عيونه يفكر وش تفكر فيه ..

نواره : قبل لاقول شي ..ابسالك انت لك علاقهبامي او اي وحده هاللحين – رفعت ايدها بتهديد – بدون كذب
...... ناظر بعيوني وقول الجد

طلال ناظرها بصدق : والله مالي علاقه .. باحد انا عفت الناس بعدك

نواره صدقته لان مالها حل الا تصدقه عيونه ماتكذب بالنسبه لها رجعت تناظر الشارع وطلال رجع يكمل طريقه ورجع السكون والصمت من جديد
نواره وهي تناظر استسلمت لنوووم ..

%%%%%%%%%%%%%%%%%%%


البندري واقفه تناظر النافذه بكره بتدخل بالشهر السادس ورائد ماله خبر.... ليه وينك يارائد قربت اكرهك .... طلعت السلسال اللي على صدرها ومكتوب فيه رائد يحب البندري بخط فنان وحروف متداخله ببعض مثل مارتبط مصيرها بمصير ه .. ابتسمت وهي تذكر همس رائد وحنانه وهو يلبسها اياه بالشوفه الشرعيه كان جرياء مثل عادته حركاته جرياءه

طلعت ام البندري من الحمام بعد ماتوضت : الله يهداك يابنو مااكلتي من عشاءك ...

البندري : عشاء المغرب شدعوه .... لا مالي خلق ..

ام البندري : بنو وش حكينا .. لازم تهتمي بصحتك علشان البيبي

البندري بضيقه : مسكين هذا البيبي بيطلع على الدنيا يتيم وبيتعذب مثل ماتعذبت انا

ام البندري كسرت خاطرها بنتها وكانت بتحكي وبتخرب كل شي : لاتخافي يابنتي ان شاء بيطلع وبيشوف ابوه حوله وهو اللي بيسميه

البندري بهمس ودمعتها تطيح : امين

ام البندري : بسك مناظر بهالنافذه وتعالي كلي

البندري : غطيه يا يمه بعد شوي باكل منه الا وين نواره اليوم

ام البندري : مادري امس اتفقنا العصر تكون هنا واذن المغرب وماجئت

البندري جلست بدبتها على السرير : اكيد عند ابوها الله يشفيه

ام البندري : امين ..

صلت ام البندري والبندري تتامل السلسال (( يارررربي تعبت خلاص .. رجع رائد لي بالسلامه والله مسامحته ومو زعلانه عليه بس يرجع يااااارب يرجع ))

اندق الباب توقعته نواره : ادخللللللللي

محمد مبتسم : السلالالالالالالالالالالالالام عليكم ها كيف ام محمد اليوم

البندري : عادي مثل كل يوم

محمد حط الاخشاب اللي بيده : لا ليه التشائم

البندري ابتسمت : ياحياتي محمد هذي اغراض الرسم حقتي

محمد ابتسم : اكيد وانا عندي اغلى منك مايرضيني زعلك

البندري تتامل محمد والشيب على راسه وببدلة الشرطي اللي يحب يمشي فيها وخمنت انه استاذن من الشغل علشانها .. غرقت عيونها ومشت لاخوها تضمه : تسلم ياخوي

محمد يبعده بسرعه : لااااا ناويه تخنقيني انتي ودبتك

البندري دمعت عيونها وهي تضحك : هههه

ام البندري صفقت بالصلاه لانهم شغلوها

محمد بصوت واطي : تعالي امزح معك

البندري : خساره راحت علي كنت تترفعني وتطيرني بالهواء لكن هاللحين ..- تصنعت الزعل –

محمد: هههه لا تحاولين مراح ارفعك كبرتي وصرتي ام ان شاء الله ارفع عيالك ...الا تعالي ماعرفتي ولد والا بنت

البندري : الا عرفت بس مراح احكي لاي احد

ام البندري بعد ماسلمت : استغفر الله شغلتوني عن الصلاه ..وانتي عامله سونار من وراي بسرعه بنت والا ولد

البندري باستمتاع : هههه لا لا لا ..

محمد : براحتك اهم شي انك تسميه محمد

البندري : ابشر ..

طلع محمد لشغله بعد ماركب ادوات الرسم للبندري ...

%%%%%%%%%%%%%%%%%%
ذوق صرخت وضمت اخوها : رااااااااااااااااااااااااااااااااائد

رائد وجسمه تعبان وضعيف ماتحمل ضغطها شهق : آآه ذوق

ذوق بعدت عنه ودموعها مغطيه عيونها : بسم الله عليك حبيبي الف الحمدلله على السلامه

رائد ابتسم بشفايف المجرحه والمنفوخه : الله يسلمك

مد اصبعه المرتجف لانفها وضربه بحنان : كل هذا منك يالدلوعه ..

ذوق باسه ايده ماهي مصدقه ان رائد قدامها خانها لسانها بس تبكي : ........

رائد : يوووه ابزعل منك ترى لاتبكين انا معك ... الا وين امي ..؟

بو ذوق جلسه على الكنبه : انت ارتاح هاللحين وبعدين يصير خير امك بالقصيم

رائد وقف مارضى يجلس : لا يبه ابغى اشوف بنو ..

بو ذوق : مو هاللحين ارتاح و

رائد قاطعه وقال بصوت تعبان : لا يبه اكيد هاللحين زعرنه مني وتنتظرني

ذوق وكانها ماصدقت شافت رائد قالت بسرعه : ابروح معك ..

بو ذوق بعصبيه : لا محمد تحت يحتريه و بيوصله وانتي اجلسي اليوم ملكتك

ذوق : بس انا مابغاه

رائد : يبه ليه تحكي مع ذوق كذا وليكون بتغصبها

ذوق خافت على اخوها صوته مبحوح وكان يرجف : لا لا اكيد مابيغصبني انت ناسي انا ذوذو ... بس ... انت روح وماعليك والله ان بنو مسكينه بتنجن عليك

رائد ابتسم : مبروك ياذوق الله بيعوضك عن عادل

ذوق كانت تمسح موعها : الله يبارك فيك ...



من مواضيعي :
  #155  
قديم 02/10/2007, 09:38 PM
صورة لـ المـــآ،،،ـــه
المـــآ،،،ـــه
هــادف
 
رد : سعوديات في بريطانيا

رائد طلع لمحمد وهو مشتاق بشكل جنوني لبندري ...

..................

ام البندري رجعت للبيت مثل ماقال لها محمد وقالت لبنو ان مريم بتجيها ...

فتح رائد الباب بهدوء وتردد كان خايف ويرتجف ل شي فيه يرجف شوفته للبندري كانت اثقل شي لى صدره اكيد زعلانه ومتضايقه منه ...

ابتسم وهو يشوفها واقفه قبال المرسم وبيدها قلم الفحم .. كانت لابس مثل رعات البقر جينز واصفر وتاركه شعرها الطولاااان مره على كتفها .. انبهر وهو يشوفها سمنانه كثير عن اخر مره وحليانه بعد

ومشى بسرعه لعندها مشتاق مشتاق لها موت والشوق ذابحه كل شي بجسمه يدق حتى ايده اطرافها تنبض اذنه يحس بضغط كبير عليها طول ماهو هناك يفكر بهاللحضه ... ..

البندري لفت على الصوت وطاح الفحم من ايدها وشهقت ماهي مصدقه رائد هنا وواقف قبالها

واقف قبالها وعيونه مغرقه وقال بصوت مبحوح : وحشتيني

البندري ماصدقت عيونها ولا اذنها وهمست وكانها خايفه انه حلم او سراب : رائد

رائد فتح ايدينه المرتجفه لها
البندري ناظرته جد رائد لكنه مو رائد اللي تعرفه هذا واحد ثاني عيونه كلها حزن وخوف شفايفه منتفخه ومتجرحه وعظام خدوده بارزه من الضعف ... متوزعه الجروح بكل وجهه وايده وكانت عميقه وزرقاء ...شعره محلق على الصفر وكانه طالع من حرب او تعذيب بسجن ...
هذا اللي كانت تفكر فيه البندري وهي تناظره مصدومه

رائد وزادت بحت صوتها وقال وهو يحس ان شي يقطع حنجرته : ماوحشتك تعالي

البندري ضمته بقوه وكانها تتاكد هو حقيقه او سراب ضمته وبكت ..

رائد كان يحس بالم من ضمتها له ومسك شهقت الالم اللي بتطلع علشان مايبين لها ان فيه شي : حياتي وحشتيني مووووووت

البندري بعدت عنه فجاءه وعلى وجهها علامات القهر والعصبيه : وينك ..؟ وين كنت ..؟ ليه تركتني ليه ..؟

رائد رفع كتوفه وماعرف وش يرد : ...............

البندري تبكي اكثر : رائد وين رحت ومن اللي عمل فيك كذا ليه تركتني وماعرفت اخبارك هنت عليك يارائد م

رائد مسك ايدها و طاح بطوله على ركبته وبعدها على الارض كان يسمع صوت البندري عالي اعلى من ماتتحمله اذنه ... وكل شي حوله ظلم وغاب عن عينه

البندري صرخت : رائد رائد

طلال ناظر نواره وهي نايمه مثل البيبي : حبيبتي نونو ... نواره

نواره مانامت من ايام مثل هذي النومه المريحه كانت محتاجه تنام وهي مرتاحه الضمير وقربها من طلال حسسها بالامان ونامت بهذا العمق ...

طلال رفعها بهدوء من السياره ودخل لبيتها وكان ناصر بوجهه : ناصر

ناصر : طلال -ناظر نواره – كانت معك

طلال : ايوه بسرعه قول للخدم يفتحوا الباب

ناصر فتح الباب : مفتوح ...

دخل طلال نواره لغرفتها وين ماشرت له الخدامه ...حطها على االسرير بهدوء وغطاها ...نواره حاسه فيه بس الوضع عاجبها ابتسمت ابتسامه بسيطه مانتبه لها طلال ... لانه كان يناظر غرفتها وبالذات الطاوله اللي بالزاويه ...شاف الورد اللي ارسله لها بلنان وبالطياره موجود لكن جاف ... علب الشوكلاته الفضايه موجوده كرت اسم الطاوله ببريطانيا اللي موقع عليه طلال .. وذكريات كثير كلها معه ماخطر بباله انها ممكن تحتفظ فيهم .. ابتسم باستهزاء لنفسه من يوم يومه مايقدر مشاعرها وفاهمها غلط ...

نواره شافته طول قالت وهي تصطنع انها بعز النوم : سريال اطفي النور وسكري الباب – وغطت نفسها بالغطاء -

طلال لف بسرعه وهو مبتسم على باله نايمه طفى النور وهي تناظره بطرف الغطاء تناظر ثوبه الابيض اللي فيه قطرات دم من ايده ..

سكر الباب بهدوء وقلبه معها وهو متاكد ان حياته بدونها عذاب وشبه مستحيله ...

%%%%%%%%%%%%%%%%%%%%%%

الشيخ بالنص وفيصل عن يمينه وبو ذوق بيساره ..

الشيخ : اني انا عبدالعزيز عبداللطيف الباقي

بوذوق : اني انا عبدالعزيز عبداللطيف الباقي

الشيخ : اقبل زواج ابنتي ذوق عبدالعزيز الباقي

بو ذوق بثقل : : اقبل زواج ابنتي ذوق عبدالعزيز الباقي

الشيخ : على فيصل محمد التركي على سنة الله ورسوله

بو ذوق : على فيصل – سكت لثواني وتذكر صديق طفولته وشبابه محمد وكيف الشيطان دخل بينهم وتفرقوا علشان مراءه وظلم صديقه واليتامى من بعده واللي صارله ولولده وبنته انتقام بالدنيا بذريته من دعاء المظلوم كيف بالاخره –

ناظروه الرجال ليه سكت والمجلس علت اصواته وفيصل حط ايده على قلبه اكيد يفكر يرفض ...

الشيخ كرر : يابو رائد ... على فيصل محمد التركي على سنة الله ورسوله

بو ذوق ناظر بفيصل يشبه ابوه كثير وطلع الكلام من فمه وهو مبتسم القدر لعب لعبته وجاء الوقت اللي يذله محمد وياخذ منه اغلى بناته ذوق

الشيخ مسك ايد بو ذوق وضغط عليها : يابو رائد على فيصل محمد التركي على سنة الله ورسوله

بو ذوق ببطء قال : على فيصل محمد التركي على سنة الله ورسوله ..

فيصل اتسعت ابتسامته وكان وده يوقف ويصرخ ويسلم على كل الموجودين من الفرحه ...

الشيخ تنهد وهو يمسك ايد فيصل : كرر معي ياولدي ...

فيصل ناظر بدر وغمز له : سم

بدر تذكر لما تتريقوا عليه هو طلال بيوم ملكته ليه يبتسم كذا : هههههههههه

..........................................

بو ذوق بقسوه تغطي مشاعره وعيونه اللي تناظرها بحنان : يله وقعي خلصينا

ذوق : بابا انت مو راضي خلاص مابغى .. بابا يكفي غلطتي الاولى مابغى اكررها

بو ذوق : وقعي والا على بالتس انا فاضي لمطلقه مثلتس او زعلان عليتس ... يله وقعي هذا ولد التركي اقل ماتستاهلي

ذوق وقعت لان مافي فائده مع ابوها .. بعد مانتهت من التوقيع بكت وضمت ابوها غصب عنه .. وهو واقف مثل الحجر طبعا هذا الظاهر لانه يموت على هذي البنت ويتمنى لها السعاده مع ولد الد اعداءه ...

بو ذوق ابعدها : خلاص ماخلصن دموعتس

طلعت لعند فيصل اللي جالس ونافخ ريشه وبجنبه بدر

بو ذوق بدون نفس : مبروك ...

فيصل اخذ الدفتر وعطاه لشيخ : الله يبارك فيك ههههه

بو ذوق بهمس لفيصل : مايحتاج تشوفها اتوقع شبعت منها

فيصل استغرب من كلامها لكن فهم قصده اكيد البلوتوثات .. سكت ...واخذ رقمها من بدر اللي اخذه من الجوري ...

......................

الجوري : لووووووووووووووووول الف مبروك

ذوق تبعد الجوال عن اذنها وهي تبتسم تحس انها مبسوطه : الله يبارك فيك بس والله ابغى اذني ..

الجوري : ههه والله واخذتي فيصل يابننت الباقي

ذوق : ههههه سنة الحياه انا مبسوطه يا الجوري ماني مصدقه بتزوج فيصل لا وهو ماله ذنب باللي صار

الجوري : جد كيف عرفتي ..؟

ذوق : اسمعي انا غبيه تركت الاكياس بالغرفه مرمين ولما شافتهم الشغاله مسكينه على بالها اوصاخ ورمتهم ..وابن الحرام اللي طاحت بيده ونشرهم

الجوري : وانتي الغبيه ليه ماحرقيتهم او كسرتيهم

ذوق ببرود : ماخطر ببالي المهم هاللحين انا مبسوطه والله لاجهز من جديد ولاجرجرك معي انتي ونوير

الجوري: هههه اوكيه حاضرين للعسل وابوك وش قال

ذوق بضيقه : بابا ... الايام بتنسيه ...

%%%%%%%%%%%%%%%%%%%%%%%%

البندري جالسه بجنب رائد على السرير وراسه على فخذها وهو تعبان مو حاس بشي نقص فيتامينات خلاه يفقد وعيه ...

رائد فتح عيونه ببطء ...شافها ابتسم ناظرها ناظر عيونه وانفها ناظر شفايفها هذي الللي يحبها هذي اللي بتخلد وجوده بالدنيا هذي اللي بحشاها ولده او بنته ..
ناظر جسمها وبطنها الكبير ..

البندري بشفايف مرتجفه : رودي

رائد ابتسم : وحشتيني يالغاليه – حط ايده على بطنها - يام الغالي .. وحشتني هذي الرودي ...

البندري بكت وهي تناظره بحب وخوف : رودي حياتي وش فيك وش اللي حصل لك .. لاتخوفني اكثر احكي لي

رائد تنهد وقال بصوت مبحوح : شفتي بعدت عنك وصار لي كذا ..كيف لو تتركيني العمر كله

البندري تمسح على وجهه وراسه الخالي من الشعر : حياتي وش فيه ليه انت كذا.. وانا ابعد عنك الله يسامحك من بيلعب رشوود

رائد ابتسم بضعف : جد ولد

البندري هزت راسها بتاكيد : رشودي ..

رائد وزادت البحه بصوته ورمى راسه على صدرها :بنو محتاجلك محتاج لحضنك .. خليني انام بحضنك

البندري خافت عليه اكثر : ابشر انت نام هاللحين ...

رائد غمض عيونه ونام .. اخيرا بينام مرتاح وهو بحضنها وهي معه ... البندري بين ايدينه واخيرا هاللحين ينام ..

البندري تمسح عليه وش فيه رائد وش حصل له ليه وجهه كذا ليه نحفان وجهه اصفر وش فيه من ابن الحرام اللي بتدعي عليه بكل صلاه عمله كذا ..
رفعت ايده تبوسها شافت ان اظافره مكسوره ومقلعه خافت ارتجفتت وهي ماسكتها ..
يالله وش فيه ليه كذا
باست ايده وحطتها تحت خدها تحس بقربه حولها

نواره فتحت الباب : بن
سكتت وهي تشوف البندري ورائد

نواره بهمس : سوري مادريت

البندري هزت راسها بهدوء علشان ماتزعجه

نواره تاشر على رائد وتحرك ايدهاوابتسامتها شاقه حلقها : وش فيه ..؟متى جاء

البندري عقدت حواجبها ورفعت كتوفها بمعنى مادري

نواره اشرت باي وطلعت من الغرفه مبسوطه للبندري برجعت زوجها لها ..ورجعت لعندها بسرعه ..

البندري عصبت اشرت لها خير

نواره رفعت جوالها وصورتهم كم صورة وصورتهم فيديو
والبندري معصبه تهددهابعيونها وباشارات ايدها
ونواره تتبسم وتصور

طلعت وهي تناظر الصور(( ياحلوهم مع بعض ))

البندري بهمس وصوت ناعم مره وهي تمسح على راسه : رودي رودي حبيبي

رائد فتح عيونه نص فتحه : همم

البندري : بطني البيبي تضغط عليه

رائد انتبه وصحصح وبعد عنها شوي وهو يبتسم : لا شكلي بكرهه من هالحين بيقاسمني عليك

البندري ابتسمت رجع رائد لها هذا رائد اللي تعرفه : ههههه

%%%%%%%%%%

دق فيصل على ذوق ردت وهي تفكر انه احد مزعجها : نعم خير ياقليل الادب داق بهالليل

فيصل : هههه حياتي ماينفع تعصبي صوتك ناعم مستحيل يطلع حازم

ذوق : فيصل ..؟

فيصل : يالبيه ياقلبي ...

ذوق سكتت وهي تحس قلبها بيوقف من كثر دقاته ..

فيصل بصوت واطي : وحشيني

ذوق توردت خدودها واستحت : وانت بعد

فيصل : انا شنهو ياقلبي وياعمري

ذوق : وحشتني .....

%%%%%%%%%%%%%%%%%%%%%%%%%%%%%

بعد سبع سنوات ..

بريطانيا – لندن
نواره برشاش المويه : متيعب ... ليثوا انا اوريكم هالحين

متعب وليث يركضون وتلحقهم نواره برشاش المويه

ليث : ماما ماما شوفي وراك

لفت نواره الا سطل مويه عليها

طلال : ههههههه

نواره : ليه ...؟ انا اوريك

طلال : هيه نونو اعقلي ورانا مشوار وانا كاشخ

نواره : هههههه كاشخ قلتلي

وتلحقه بالمويه

طلال : ههههه نونو اعقلللللي

ليث ومتعب واقفين بجنب بعض ..

متعب اكبر من ليث : تصدق ليث ماما وبابا بزارين

ليث : لا ااا بابا مو بزر يمكن ماما

بو نواره بصوت شايب كبير و مرتجف : طحت عليكم تحشوا ببنتي ها ... يله قدامي نتجهز علشان نروح لبيت خاله لوجين ...

متعب بحماس : يله عندهم مديييينة العاب كبيره

ليث : بس هذي الصغيره نانه ماحبها

متعب : حتى انا

نواره تركض وتضحك : هههههه

بو نواره : تعالي يانواره الحقي عيالك يحشون فيك

نواره رفعت اثنينهم بخفه لانهم ضعاف مرره : يله ياشاطرين للحمام

ليث : ماما يقول جدو بنروح لبيت عمه لوجين صح

نواره : ايووووه وبتشوف نانه الحلوه


متعب : يعععع

نواره : هههه اقول انت معها صيروا رجال ولا يكثر

طلال يمشى ببطء من وراءها : الجو اماااان

نواره : هههه ...هههه امان

طلال : لاتعلمي العيال على العربجه

نواره : خلهم يطلعوا رجال ويله تاخرنا على بيت لوجين

%%%%%%%%%%%%%%%%%%%

جنان سبع سنوات سيقانها طويله ولابسه فستان قصير : بابا تعال شيلني

فيصل : حبيبتي انا مشغول

جنان حطت ايدها على خصرها : مشغول انا اهم من شغلك ..

ذوق : ماما حبيبتي اتركي بابا بشغلوا وروحي لخاله نادبه تعملك شعرك ..

جنان : انا اولا ماحب حد يعملي شعري غيري ..

فيصل : والله وثانيا هههه

ذوق ماسكه ضحكتها : ثانيا هي اولى ابتدائي وماهي بنونو

جنان : لا خطاء ثانيا انا بجهز شنطتي لانو رشو ولد خالي رائد نايم ببيت خالتي الجوري وانا مانمت علشان كذا بروح انام عندها

ذوق : لا لا لا مافيه

جنان : بابا شوفها ..

فيصل : ذوق اتركيها تنام عندهم

ذوق : لا انا مراح اتركها تدلع

فيصل : هههه الصغنونه هذي تذكرني بدلوعه مثلها

ذوق ابتسمت : جينو حبيبتي جهزي ملابس ليوم بس

جنان مشت وكانها سنيوره : كنت عارفه

فيصل : هههههه

ذوق : عاد هذي مو انا هذي لوجين ..ههههه

%%%%%%%%%%



من مواضيعي :
  #156  
قديم 02/10/2007, 09:38 PM
صورة لـ المـــآ،،،ـــه
المـــآ،،،ـــه
هــادف
 
رد : سعوديات في بريطانيا

رائد : خلاص بابا ليه تبكين

ديما ماسكه بالبندري: ماما مابغى المدرسه المدرسه يع ماما لا تتركيني ..اروح بكره

البندري : خلاص ماما المدرسه حلوه وماتخوف شوفي راشد يروح للمدرسه ..

ديما : لا ماما تكذبي علي المدرسه كخه

رائد: هههههه هي من جهة كخه كخه

البندري: رودي وبعدين بدل ما تشجعها

ديما : لا لاتغمزي له عارفه انو مو حلوه المدرسه

رائد : ههههه وانا اشهد

البندري رفعت ديما : تعالي حبيبتي ماعليك من افكار ابوك المسممه

رائد : هههه دمدومه اسالي راشد ويقولك وش المدرسه

ديما : اصلا راشد مايحبني يحب خاله الجوري اكثر ودايم عندها مغرور

رائد : ايوه مغرور واخلاقه شينه

البندري : محد اخلاقه شينه مثلك والله لاتخرب البنت يارائد

رائد مستمتع : هههههه جيبي سعود معك وحشني

البندري : لاااااا رائد تكفى لاتبدء اترك ينام ماصدقت سكت

رائد : افا لا دمدم ولا رشود ولا سعود اجلس مع مين انا

ديما بتهديد : لما تعدل اخلاقك نجلس معك

رائد : ههههه يادبه راشد وسعود احسن منك هههه

ديما بتبكي .. طلعتها البندري بسرعه رائد كان متسبب ...

%%%%%%%%%%%%%%%%%%%%%%%%%%


لوجين ماسكه " اليسار "بيدها : نانه بيبي انتي نانه حبيبتي

اليسار تاشر بايدها مبسوطه وكانها تفهم على امها

لوجين : يارا يارا ..

يارا : اي مدام

لوجين : خذي نانه نوميها وانا بتجهز لضيوف .. وين مسفر

يارا : البيه ما رجع لحد هلا ..

لوجين : امم كويس ..

لوجين رفضت رفض نهائي تجيب اطفال لانها تكرهم بس مع الحاح مسفر والامومه اللي بداخلها وافقت وصارت تموت على بنتها وماترضى لحد يشيلها الا يارا اللي تثق فيها ...

%%%%%%%%%%%

بدر ماسك راشد ويمشط شعرها : ها كذا عجبك

راشد : لااااا احسه مايل كثير لليسار

بدر : يارجال ماعرفنالك ساعه يمين ساعه يسار

راشد : قلتلك مايحتاج تتعب نفسك

بدر يحس ان راشد اكبر من سنه بكثير والسبب جلساته مع رائد ابوه كثير : خلاص استسلمت انت تصرف بشعرك

راشد : كذا احسن

رتب راشد شعره على ورى مثل مايحب : عمو بدر وش رايك تروح معي للملعب بكره

بدر : خلاص ابشر ..

راشد : وعمه الجوري بعد ...

بدر : لاااااا بهذي ماوعدك ابدا بكره اول يوم لديما بالروضه وبتروح معها

راشد : كيفكم بنات

بدر : على قولتك بنات يله نمشي لبيت عمه لوجين

راشد : ياخي كل بزارين ماحب اروح هناك ..

بدر : تحمل وش تسوي بعدين يمكن خالد ولد منصور ورنا يكون موجود

راشد : ماتوقع

دخلت الجوري وهي تحس ان بدر جالس يسولف مع رجال مو بزر سبع سنوات ..: ها شباب كيفك

راشد : اهلا عمه كويس جبتي العصير كنت عطشان

بدر (( ياحليله رزه هالولد طالع على مين مادري ههه)) : ايوه السوالف اخذتنا جواري حياتي انتي جاهزه ..

الجوري : ايوه ...يله ...

راشد : عمه خالد ولد عموا منصور بيروح بيت خاله لوجين

الجوري : لا يارشودي وحبيبي انت لا تخاف مراح تزهق عمه لوجين مشتريه بلاي ستيشن الجديد علشانك ومراح تطفش

راشد بدون اهتمام : انتم اشتريتوا لي عادي بطفش

بدر : اقول بو الرشد تعال جلس مع رجال وماتزهق

%%%%%%%%%%%%%%

لوجين ومسفر ونانه ....
فيصل وذوق وجنان ..
نواره وطلال ومتعب وليث ..
الجوري وبدر ....
البندري ورائد وراشد وديما وسعود ..
واقفين على ثلج ارض بريطانيا والمصور قبالهم

المصور : ابتسموا

اللكل ابتسم ...

التقطوا اجمل صوره لاجمل شله
بنات شلة مانشستر .. عفوا نساء وامهات شلة مانشستر ..

عاشوا البنات ببريطانيا لكن مو لوحدهم هذي المره كل وحده ومعها نصفها الثاني ....وعيالها ..

هذي نهاية رواية سعوديات في بريطانيا
.....



من مواضيعي :
  #157  
قديم 02/10/2007, 09:40 PM
صورة لـ المـــآ،،،ـــه
المـــآ،،،ـــه
هــادف
 
رد : سعوديات في بريطانيا

واخيرا خلصت الرواية

وكل واحد يكتب رايه؟؟



بس قتيل الشوق لما تخلصها ابغي اسألك سؤال؟؟

اوكيه


خخخخ



من مواضيعي :
  #158  
قديم 03/10/2007, 01:12 PM
صورة لـ قتيل الشوق
قتيل الشوق
خليــل
 
إرسال رسالة عبر MSN إلى قتيل الشوق
رد : سعوديات في بريطانيا

لا كذا ما أتفقنا

ما قلتي لي أن القصة داخله في الاختبار

ههههههههههههههههههههههه

اسألي بس لا يكون السؤال صعب

علشان أقدر أجاوب

هههههههههههههههه

يسلموا sweet على القصة الرائعة

بالفعل قصة جميلة جداً

وأختيار موفق sweet

الف الف الف الف شكر

رغم أني ماأظن أنها كفاية

كل التقدير والاحترام لكي sweet

مع التحية



من مواضيعي :
  #159  
قديم 03/10/2007, 03:21 PM
صورة لـ المـــآ،،،ـــه
المـــآ،،،ـــه
هــادف
 
رد : سعوديات في بريطانيا

خخخخخخخخخخخخخخ

لا لازم سؤال علشان اشوف مدى تركيزك
خخخخخخخخ

لا لا اهوه السؤال مب من القصة من عندي
خخخخخ

المهم السؤال يقول ...


بس هاه ما في ولا وسيلة مساعده

لا اتصال ولا تغيير السؤال

خخخخخخخخ

ما جايه اسأل

لا خلاص

(الحين يعني بما انك سعودي وتنتمي الى الشعب السعودي
يعني هل حب الإنتقام عندكم حقيقة ولا بس في القصص
يعني هالقصة كلها انتقام في انتقام من الطرفين
واهيه مب القصة الوحيدة اللي اقرأها وتكون فيها هالإنتقامات ))

خخخخخخ

مجرـرد سؤال؟


ولا شكر على واجب

خخخخخخخخ

يالله البقية ريمووه وكل اللي يقروها ابغى اعرف منو الشخصية اللي عجبتكم؟؟؟



من مواضيعي :
  #160  
قديم 04/10/2007, 02:40 AM
صورة لـ قتيل الشوق
قتيل الشوق
خليــل
 
إرسال رسالة عبر MSN إلى قتيل الشوق
رد : سعوديات في بريطانيا

الحين يعني بما انك سعودي وتنتمي الى الشعب السعودي
يعني هل حب الإنتقام عندكم حقيقة ولا بس في القصص
يعني هالقصة كلها انتقام في انتقام من الطرفين
واهيه مب القصة الوحيدة اللي اقرأها وتكون فيها هالإنتقامات


راح أجاوب بصراحة ودون تحيز

أولاً: عندما نتكلم عن الشعب السعودي فأنت تتكلم على قبائل كثيرة جداً ومختلفة في العادات والتقاليد نظراً للمساحة الكبيرة للمملكة.
ثانياً: هذه القبائل كانت بينها حروب ضروس قبل توحدها وأنضمامها للدولة السعودية لذلك كانت هناك عصبية قبلية سابقاً وهذه الحمد الله اندثرت حالياً واصبح الجميع لا ينظر لها نظراً للتمدن واندماج الشعب مع بعضه البعض سواء في العمل أو المدينة حيث تجد في الحارة الواحدة مجموعة مختلفة من القبائل والتعارف ومساعدة بعضهم البعض أمات هذه الصفة السيئة والحمد الله.
ثالثاً:الكاتب دائما ما يبحث عن موضوع يثير الاهتمام ويجذب الجمهور الي كتابته فنجد قصص الحب وقصص الانتقام والقصص البوليسية والكوميديا والقتال هي القصص الرائجه هذة الايام وذلك لحب الجمهور لها وميله لها.
رابعاً:الانتقام قبل أن أجيب فلننظر الي المسلسلات للدول الخليجية هل هو موجود
المسلسلات السعودية هل هو موجود؟
نعم
المسلسلات الكويتية هل هو موجود؟
حسب متابعتي نعم
المسلسلات القطرية هل هو موجود؟
نعم
المسلسلات البحرينية هل هو موجود؟
نعم
المسلسلات القطرية هل هو موجود؟
نعم
المسلسلات الامارتية هل هو موجود؟
نعم
المسلسلات العمانية هل هو موجود؟
هنا اترك الاجابة لكي sweet وإضيف كم مسلسل كان ذلك عنوانه أو من ضمن السيناريو كان هناك ايحاء لهذه الصفة.

خامساً: صفة الانتقام صقة تتولد لدي الشخص في لحظة غضب نتيجة فعل لم يقبله على نفسة أوعلى من يحب من قبل شخص أخري هذا الشخص ام ان يسلم نفسه لهذه الغضب ويحاول الانتقام ويعتبر ذلك في قراره رد اعتبار وهذا غالبا ما يكون أو انها يسيطر عليها ويستطيع التحكم في نفسة وايجاد حلول سلمية له وكفيله باخذ حقة عن طريق الجهات الرسيمة.

سادساً: هذه الصفة تتولد لدي بعض الاحيان ولديك ايضاً وتكون ردة فعل لعمل لم نقبله على انفسنا من شخص اخري وتختلف درجة القوة في الانتقام لذلك هي ليست حصريا على الشعب السعودي وانما لدي جميع الشعوب.

سابعاً : هل حدثت لدينا وهل هناك قصص واقعية لذلك؟
نعم وهناك من القصص الكثير منها ما يصل لحد القتل الجماعي .
فهناك من يقتل قاتل اخية وهذا انتقام
وهناك من يسرق شخص انتقام منه
والقصص تتوالي والاسباب مختلفة لا مجال لحصرها

ثامناً: هل حدث ذلك في مدينتك أو سمعتي بفصة انتقام؟
انتظر ردك

واتمنى أن يكون ردي شافياً و مقنعاً

مع التحية



من مواضيعي :
  #161  
قديم 04/10/2007, 02:41 AM
صورة لـ قتيل الشوق
قتيل الشوق
خليــل
 
إرسال رسالة عبر MSN إلى قتيل الشوق
رد : سعوديات في بريطانيا

الشخصية التي أعجبتني مسفر

هههههههههههههههههههه

وكمان أنت sweet اي شخصية اعجبتك

مع التحية



من مواضيعي :
  #162  
قديم 04/10/2007, 11:52 AM
صورة لـ ريم الفلاة
ريم الفلاة
هــادف
 
رد : سعوديات في بريطانيا

بصرااااحة ياسويت القصة حلوة واكثر من حلوة راااائعة ( لحد ما قريتها )

لأني ما مخلصه قاريتنها ..







الله يخس المدرسة متى تخلص عشان يكون عندي وقت واقرء القصة




الدور اللي عيبني إلى الآن مسفر وو .......


تسلمين بس خليني اخلص القصة قبل ههههههههه


مسكين قتيل الشوق ليش تورطيه بسؤال ؟؟؟ بســـ ما شاء الله عليه جدها و جدود


مشكووورة وان شاء الله رح أخلص قارية القصة ( ان شاء الله راح أسوي لها برنت عشان عيني ما تنقلع و ألبس نظارة ههههه / لأن ربيعاتي حاسدات يبوني ألبس نظارة مثلهم خخخخخخخخخخخخ)



من مواضيعي :
  #163  
قديم 04/10/2007, 02:53 PM
صورة لـ المـــآ،،،ـــه
المـــآ،،،ـــه
هــادف
 
رد : سعوديات في بريطانيا

مشكور قتيل الشوق على ردك للسؤال


المسلسلات العمانية هل هو موجود؟
هنا اترك الاجابة لكي sweet وإضيف كم مسلسل كان ذلك عنوانه أو من ضمن السيناريو كان هناك ايحاء لهذه الصفة.
بكل صراحه راح اجاوبك اني ولا مرة تابعت مسلسل عماني
وايضا المسلسلات بشكل عام ما اتابعها كثير ...
فللأسف ما اقدر اقولك اي شيء

بس اعتقد انه مسلسل الفاغور ((عماني)) اعتقد انه فيه شيء من الإنتقام.....

.....................................
ثامناً: هل حدث ذلك في مدينتك أو سمعتي بفصة انتقام؟
في مدينتي ولا مرة سمعت الصراحه ((لأني وبكل امانه لا اختلط بالناس))تقدر تقول غير اجتماعيه
بس عمان بشكل عام ما اعتقد انها تخلى من هالأشياء...
ويالله مشكور على ردك الصريح



من مواضيعي :
  #164  
قديم 04/10/2007, 02:57 PM
صورة لـ المـــآ،،،ـــه
المـــآ،،،ـــه
هــادف
 
رد : سعوديات في بريطانيا

إقتباس
 مشاهدة المشاركة اقتباس من مشاركة ريم الفلاة
بصرااااحة ياسويت القصة حلوة واكثر من حلوة راااائعة ( لحد ما قريتها )

لأني ما مخلصه قاريتنها ..







الله يخس المدرسة متى تخلص عشان يكون عندي وقت واقرء القصة




الدور اللي عيبني إلى الآن مسفر وو .......


تسلمين بس خليني اخلص القصة قبل ههههههههه


مسكين قتيل الشوق ليش تورطيه بسؤال ؟؟؟ بســـ ما شاء الله عليه جدها و جدود


مشكووورة وان شاء الله رح أخلص قارية القصة ( ان شاء الله راح أسوي لها برنت عشان عيني ما تنقلع و ألبس نظارة ههههه / لأن ربيعاتي حاسدات يبوني ألبس نظارة مثلهم خخخخخخخخخخخخ)


مشكورة ترى نزلتها لأنها روعه

يالله انشالله تخلصيها بس لا تضغطي على نفسك كثير الدراسه اولى

وقتيل الشوق ما شاء الله علليه رد بجواب سكتني
خخخخخخ



من مواضيعي :
  #165  
قديم 04/10/2007, 02:59 PM
صورة لـ المـــآ،،،ـــه
المـــآ،،،ـــه
هــادف
 
رد : سعوديات في بريطانيا

اكثر شحصية عجبتني

من الشباب: مسفر


من البنات: يعني كل وحده وفيها شيء يميزها عن الثانية
وكل وحدة فيها شيء مايعجبني



من مواضيعي :
موضوع مغلق

مشاركة الموضوع:

خيارات الموضوع
طريقة العرض

إنتقل إلى

عناوين مشابهه
الموضوع الكاتب القسم ردود آخر مشاركة
برنامج شهر عسل في بريطانيا وايرلندا ماليزيا تورز إعلانات وتسويق 0 08/03/2017 06:47 PM
دورات لغة إنجليزية فى بريطانيا سلطانة إعلانات وتسويق 0 13/02/2016 02:07 PM
دورات تدريبية في بريطانيا سمير كمال إعلانات وتسويق 0 09/01/2016 07:34 PM
دورات تدريبية في بريطانيا سمير كمال إعلانات وتسويق 0 09/01/2016 06:45 PM
دورات تدريبية في بريطانيا سمير كمال إعلانات وتسويق 0 09/01/2016 04:10 PM

vBulletin ©2000 - 2017
 
 
عمانيات  مراسلة الإدارة  تصفح سريع منتديات