عمانيات عمانيات
عودة   عمانيات > منتديات عامة > قصص حقيقية
قصص حقيقية قصص يومية, قصص من المـاضي, قصيرة وطويلة

موضوع مغلق
 
خيارات الموضوع طريقة العرض
  #16  
قديم 31/01/2007, 06:26 PM
المتمردة
مُتـواصل
 
رد: مذكرات علايه

__________________________
المعاكسات التلفونيه!
1-قبل ست سنوات
طوط طوط...طوط طوط...طوط طوط..
الوالده:علاااااااااااااااايه...علاااااااااايه ..ردي على التلفون
......طرت طيران من على الدرج (زين ما أنكسرت)
أنا:كااااااااااااني واصله...
أخذت سماعة التلفون..
أنا:ألوووووووو
الغريب:السلام عليكم
أنا:وعليكم السلام..
الغريب:منو معاي؟
أنا أضحك(خبله):ما عرفتني! ..خلاص أنا زعلت..
الغريب (عجبته السالفه):لا يا الغاليه كله ولا زعلج..
أنا :أوكي..أحزر..
الغريب(بتردد):فاطمه؟
أنا:ههههههه ..لا علياء..
الغريب:عاشت الأسامي..
أنا : وأنت منو؟
الغريب:أحزري!
أنا:ممممممم... (أمايه تناديني والغريب يسمعها)
الغريب: أحد معاج؟؟
أنا:أيه ..أمايه و يدتي وأبويه
ساد صمت..
أنا:ألووووووووو..
عرفت..عرفت ..خالي سيف..صح؟
الغريب: كم عمرج؟
أنا:عشر سنين..
أسمعه يكلم حد وقال بصوت عالي
شباب ..كنت أكلم ياهل؟؟؟؟؟؟؟
سمعت أصوات هههههههههههههههههههههههه
أنا :ألوووووووو
تووووووووووووووت......
سكر الخط في ويهي..
أمايه:منو هذا إللي تكلميه من ساعه؟؟؟
قلت وأنا أبكي:مدري ,,بس سكر
الخط في ويهي يوم قلت أن عمري عشر سنوات؟؟؟؟؟؟؟؟
____________________________
2- قبل ثلاث سنوات...(بعدني خبله شوي)
طوط طوط...طوط طوط....
أنا:ألووووووووو
المغازلجي:أحبج
أنا :أيييييش؟
المغازلجي:أحبج
أنا (مستخفه):والله أنك مبتدئ
المغازلجي(أستغرب):ليش؟؟؟
أنا:بعدك ، تسأل يا الغبي؟؟؟
..لا سلام ولا كلام وتنط أحبج مره وحده
المغازلجي (حس بالغلط):يعني أيش؟
أنا:أسمع زين إللي أقولك عليه ..
المغازلجي:سامع..
أنا:أول شيء سلم وأسأل عن الأخبار
بعدين أسأل عن أسم مستعار..طبعا البنيه بتقول أن الرقم غلط
أنت أستسمحها وسوي نفسك محترم..
بعدين أتصل فيها مره ثانيه..وأول ما تسمع صوتها أضحك ضحكه
حلوه..وتأسف .أوكي..والباقي على البنيه...
المغازلجي:مشكوووووووووره...باي
أنا (مستانسه لأني ساعدته):لا شكر على واجب!!!!
تووووووووووووووووووووووووت
طوط طوط...طوط طوط..طوط طوط
أنا :ألوووووووووووووو
المغازلجي:أحبج!
أنا :حبتك جراده ..
توووووووووووووووت
هههههههههههه طلع الولد يستهبل
الوالد :منو هذا؟؟؟
أنا:واحد غبي ما يعرف يغازل؟؟
مع أني عطيته الطريقه الصحيحه..بس ما سمع كلامي..!!!!!!!!!!!!!!

____________
الأحسن نتوقف هنيييييييييييه يا جماعه!
هههههههههههههههه



من مواضيعي :
  #17  
قديم 04/02/2007, 09:40 PM
المتمردة
مُتـواصل
 
رد: مذكرات علايه

يوم كئيب!!!!!!!!
كل واحد فينا يمر بيوم كئيب ويحس نفسه متضايق وتعبان وحزين مررررررره
وفي يوم من الأيام كنت بهذي الحاله......
ما أطيج أشوف أي حد...
ومعرف أيش أسوي...لا لي خلج للمذاكره ولا لي خلج للتلفزيون
درت في البيت...حتى دخلت الحمام(من قلة الغرف)
كنت يائسه وتعيسه وكارهه حياتي ..وداخل الحمام كنت معلقه صوره كبيره لشمبانزي(ههههههه)
قربت من الشمبانزي ، وسألته(في غمرة شعوري بالحزن): أيش شعورك يا قرد وأنت عايش في الحمام؟؟
....الله يساعدك على المناظر إللي تشوفها!!
بعد ما تكلمت ساد صمت..وحطيت عيوني بعيونه الحمرا (نظراته مرعبه) وفكرت هذيك اللحظه إذا
ممكن يدخل فيه شيطان أو جني !!!!!! وما مر عشر ثواني من الخاطره إلا وأختفيت من الحمااااام
هههههههههههههه.........
بعد ما خرجت من الحمام..جاتلي فكره خطيييييره
أخذت مسجلي الصغير و السماعات وأشرطه لمحمد عبده
وطلعت للسطووووووووح (سطح المنزل)...
وفرشت لنفسي حصير و أنسدحت على ظهري وأنا أطالع النجوم وأسمع محمد عبده .(ما كنت داريه بالجيران
الجالسين على سطوحهم بس في الجهه الثانيه ، يعني لا يشوفوني ولا أشوفهم..-البيوت متقاربه- ..)
نسيت ما أخبر حد إني فوق السطح وما حد شافني طالعه إلا أختي الصغيره....
جلست من الساعه 8 ونص حتى الساعه عشره ..ولا حد سأل عني (عائله مثاليه هههههه)
وصلت الساعة عشره ونص...
وأنا بعدني منسدحه على الحصير أراقب النجوم
حسيت بحركه وركض..وإلا وأشوف إخواني كلهم يتراكضون مثل المجانين
وعلى طول ركضوا عند الحاجز وهم يصارخون!!هههههههههههه
وما أنتبهوا لي... (هههههههههههههه فكروني إنتحرت!!)
السالفه وما فيها أن مريوم أتصلت وبغت تكلمني وما حصلوني (يعني لو ما اتصلت مريوم ..ما كانوا إتذكروني هههههه)
وبعد ما قلبوا البيت فوق تحت ..أختي الصغيره خبرتهم إني على السطح من زمان
وطبعا أخوي حمدووووه دخل سالفة الإنتحار في بالهم هههههه لا وقال بعد أنه سمع صوت قوي (قصده الإرتطام!هههههه)
وإللي يأكد هالشيء نفسيتي التعبانه والكئيبه طول اليوم..
الكل طلع لعندي (ههههههههههههههه)
حتى الشغاله!!!!!!!!!!
المهم....بعد ما شفتهم ..ضحكت من القلب..
هم وأشكالهم المذعوره والشغاله ماسكه راسها والدموع الأربع أربع (أختي الصغيره)
بعد ما شافوني ..عصبوا والكل إلتفت لحمدوه ههههههههههههههههههه
وأختي على طول لوت علي وقامت تصيح من الخاطر مسكينه قلبها طاح من الخوف
وبصراحه أنا تفاجأت من ردة فعلها !! وحمدوه إبتعد وقال وهو يركض :إنتوا إللي صدقتوني..
ههههههههههه ...........
وبعد ما هدينا أختي ..الكل نزل وأنا رجعت على وضعيتي القديمه وكنت فرحانه مررررررررره
بردة فعل أخواني ..وشغلت المسجل (محمد عبده..من غيره!) ويوم وصل المقطع ..
جلت أطمنها أطمنها وأحسسها بغرامي ..جلت أجول وأبعد الخوف بكلامي...
جاني الطرب ووقفت وهات يا دقه (أدق بالرقبه) و أدور في مكاني ..وأرفع ذراعي على جنب
(تعرفون ..جلسات السمر أو الطرب في قناة mbc ..والرجال إللي يرقصون في الوسط ..مثلهم)
وحالتي حاله وأنا مدري بالشباب إللي واقفين يراقبوني وهم بيموتون من الضحك ..وأنا على نفس الطريقه
وبعد ما شبعت من الرقص والحركات المجنونه..طلعت السماعات ..وما إن طلعت السماعات حتى سمعت
الشباب يضحكون ويضحكون وواحد منهم يشاهق من الضحك!! ..ما قدرت ألف راسي لمصدر الصوت
..خايفه ما يكون تفكيري صحيح (الأصوات من سطح بيت الجيران اللازقين فينا تقريبا ..!!)
بس تشجعت ولفيت راسي -وأنا على أمل أن تفكيري يكون غلط زي كل مره -
..إلا وأشوف أربعه منهم!!!! أربعه يا ناس ! هيء هيء هيء ..أربعه!!!
يا أميييي ! ..فضيحتي فضيحه هالمره ..
تعرفون أيش كان ردة فعلي...هههههه بتفتكرون إني دخلت وأنا أصيح...
لااااااااا غلطانين يا جماعه...ههههه ..
بعد ما فقت من الصدمه ..توجهت للحصير وأنا في غمرة عصبيتي وإحراجي وأخذت شبشبي الحبيب وحذفته
على أمل إني أصيب واحد منهم..وصاب في راس هذاك إللي يشاهق وشكله ما يقدر يتنفس ..(من الضحك!!)
ويلا ..بديت أحذف أي شيء أحصله(دموعي هذيك اللحظه بدأت تنزل)
..الشبشب الثاني والقلم و وكراسات العملي للفيزياء(كراستي وكراسة زميلتي!)-عاد كنت أقكر أكمل كراستي !-
..وما بقى إلا الحصير والمسجل ..
بعد ما حسيت أن الأغراض إللي حذفتها مهمه ..أنصدمت أكثر...
والقهر أن الأنذال تموا يضحكون ...
صحت بصوت عالي ودخلت البيت........(هذاك اليوم كان الخميس)
ما قدرت أنام هذيك الليله..أتذكر كراسة عبير -ولا هامني كراستي _ لأنها أمانه...
وقررت إني أزور بنت الجيران مع إني ما أطيق غيبتها وسوالفها المليقه -قالت فلانه وقالت علانه- يع يع
بس باتحمل عشان أحصل الكراسه...!!!



من مواضيعي :
  #18  
قديم 12/02/2007, 04:24 PM
المتمردة
مُتـواصل
 
رد: مذكرات علايه

في الصباح الباكر من يوم الجمعه...
أنا : يؤ ..يؤ ..وش هالزين يمه؟؟
الوالده مستغربه :على أيش ؟؟
أنا : وتخشين عن بنتج حبيبتج يمه؟؟
ويهك اليوم مثل القمر..
الوالده(صدقت):بسم الله منك يا بنيه.. ذكري الله سمعتي!!
لويت عليها ..يالله ..بوسات من جميع الأنواع ..وكالعاده
بعدتني أمي بعصبيه وقالت: كم مره قلتلج ما تبوسين كثير ..
تتمين لزقه إنتي وبوساتج حتى الواحد يتضايج ويبعدج..
هاه أيش بغيتي يا المصلحجيه....
أنا: يمه..أبى أزور سميره بنت الجيران..
الوالده (متعجبه):سميره الثرثاره على قولتج؟؟
أنا متذكره إنك تتهربين منه وما تطيجين سيرتها..
أنا (متحسفه):بس شعرت بالذنب وأبى أفتح صفح جديده وياها..(زعم صفحه جديده!)
الوالده فرحت بكلامي ..هي من زمان تباني أصاحب سميره عشان العلاقات بين جيرانا تقوى..
الوالده أتصلت بأم سميره...وتم.. بتغدى عندهم!
أمايه عطتني كيسه عشان أعطيها أم محمد..(تعرفون الحريم وسوالفهم..هههه)
دخلت البيت وحصلت أم محمد..
أم محمد: يا حيا بالغاليه ..كيفج وكيف هلج يا الحبيبه؟؟ ( كل ما أشوف هالمره أحس بالذنب ..مدري ليش؟)
ولوت علي بالقوه..حسيت بصدق مشاعرها وحبيتها كثير..والحقيقه ما صدقت حد يحضني
فحضنتها وأنا أشعر بالسعاده..(ما بعدتني ولا عصبت..مب مثل الوالد وأمايه وأخواني!)
قطعت سميره اللحظات الجميله إللي كنت معاها مع أم محمد..(طبعا سميره إللي أعرفها؟)
سميره بدلع مقزز:هاااااااااااااااااااااااي ..هاو آر يو علوش (أهي تدري إني ما أحب أحد يدلعني بعلوش)؟؟
- هيء هيء!مين جالي أنا أمسك الحجاره وأفطخ بيها نفسي؟؟؟؟ (الحجاره=سميره المسمار ههههه)-
أنا :الحمد لله ..وأنا مب علوش
سميره تتبختر بملابسها الجديده :هههههههه..ما تغيرتي ..
يلا تعالي معاي ..
أم محمد :خذي راحتج علايه..البيت بيتج..
سميره:يعني مو بيتنا...(مزحه سخيفه مثل ويهها)
طلعنا لغرفة سميره..وبدت سميره تعرض ملابسها وأشيائها (زعم تغيضني هههههههه)
و تكلمت عن البنات وهذيك أيش لابسه ومن أي ماركه ..وثرثرت البنيه وأنا في عالم
ثاني (أفكر كيف أستعيد أغراضي)
سميره:...وقالت فاطمه صديقتي أن في بنات يتكلمون عليج
عليا ...علوش.
أنا :كم مره قلت ما أحب علوش؟؟؟ أيييييه وبعدين
سميره: تعرفين هذيك البنيه أم العدسات الزرقه.. (أنا في هذيك اللحظه أبى أرجع إللي في بطني من سوالفها )
أنا :أيه..وش بلاها..
سميره: البنيه تغاااااار منج ودايما تتكلم عنج مع صديقاتها
وفاطمه سمعتها مره أنها كانت تضحك على طريقتج في الكلام واللبس..
وكل البنات يسمونج المجنونه ..وأنتٍ في خبر كان..
أنا بلا مبالاة:أعرف ..قديم هالخبر...
سميره أحترقت من برودي ..: يعني عادي عندج..
أنا : أيش تبيني أسوي ..أضاربها ..خليها براحتها..
...سميره..أحد زاركم أمس؟؟
سميره الملجوفه:لييييييش؟؟
-قوليلي يلا..(شكلي جاد مره)
-محد..بس خالي قيس وربع سلوم ..
-وعيالهم..(أستعبط)
-هههههههه..حرام عليج يا علوش..كلهم مثل سلوم
(قصدها سالم أخوها إللي بالثانويه العامه-زعم تدلع أخوها الشيبه-)
تجاهلت إسم علوش ..
سميره:آآآه يا علايه..أشلون الحبيب؟؟(ههههه قصدها أخوي..)
أنا: عاشق وولهان ونفسه يشوفج...
صدقت الخبله:أوكي بعطيج إيميلي..
أنا:ههههههههه ..على طول بتعطيني الإيميل..لا تصدقين روحج..
الولد ما ذكرج خير شر..(في الحقيقه..زعجني إزعاج من كثر ما يذكرها..والله مدري أيش عاجبه فيها _يمكن
لأنها بنت الجيران هههههه)
أم محمد تنادينا...بعد ما طلعنا من غرفتها..سمعت أغاني
من الغرفه إللي حذال الدرج!!!!!!
تذكرت الكراسات..سميره:أففففففففف زعجونا إزعاج بهالأغاني..
بعد ما سمعت سميره كأن حد كفخني كفخه لأني تذكرت ليلة أمس
كملت سميره كلامها:تدرين إحنا ما نعرف الأغاني القديمه بس الشبابيه...(وتفتخر بعد! ..مالت على الذوق)
دخلت سميره غرفتهم وأنا كملت طريقي ..(على أمل إني أجلس ويا أم محمد لوحدنا)
فكرت وأنا أنزل كثر ما الشباب فاضيين ..صدج ما عندهم سالفه..
للأسف محد في الصاله ..فتحت التلفزيون وجلست على الأرض..ولا كأني في بيت الجيران
وأنسجمت مع المسلسل..وإذا أنسجمت ما أحس بإللي يدور حولي...
سميره: إنتٍ هنيه؟؟؟ ليش ما أنتظرتيني؟؟
على فكره ..الشباب توهم نازلين..
وأول ما خلصت كلامها ..شفت واحد ينزل..
عرفت أنه سالم لأن وزنه ما شاء الله ما ينحسد عليه
قلت لسميره إني نسيت الكيسه إللي جبتها في الغرفه..( عشان تطلع و يفضى لي الجو مع سويلم )
طلعت سميره متأففه...سالم: أهلا ..أهلا بفيفي الرقاصه
أحسن..أختصر الحديث إللي أبى أقوله..
أنا: وين الكراسات ..
سالم:ههههههههههههه..أي كراسات؟؟ (يستعبط!)
قيييييييييييييييييييييييييس...تعال ..
قيس (إقترب وشكله محرج):نعم
سالم(نسخه مكبره ومنفوخه لأخته):كاهي البنيه إللي تمنيت تشوفها عن قرب..
- على من ؟؟ (.....سميره من غيرها.....)
سميره : ليش قيس يبى يشوف علوش؟؟وش صاير قولي؟
(إذا عرفت المسمار بالسالفه..المدرسه كلها بتدري 100%)
أم محمد أنقذت الموقف: وينكم يا عيالي ..تعالوا تغدوا ..



من مواضيعي :
  #19  
قديم 12/02/2007, 04:24 PM
المتمردة
مُتـواصل
 
رد: مذكرات علايه

تغدينا وشبعنا.....(أنا وسميره)
وطول الوقت سميره الفضوليه تحاول تطلع مني جواب أو جمله مفيده ..بس ما قدرت هههههههههه
المهم...جلست أنا عند أم محمد في الصاله أسولفها (يعني أحاول قدر المستطاع إني ما أواجه سميروووه)
وباين أن سميره حست بتجاهلي وزعلت وراحت لغرفتها (تعرفون دلع البنات المايق إللي يرفع الضغط..) وطبعا تفتكر البرنسيسه
إني بركض وراها مثل الكلبه وأستسمحها وأغنيلها (الحلوه زعلانه)!!! ههههههه ..خسي إلاهي...
وبعد ساعه تقريبا من الحركه السخيفه رجعت سميره للصاله..
(إللحين إفتكرت إنها تتعامل معاي مب بنات المدرسه الخسفات)
سالم:يمه ...أنا وخالي طالعين ويمكن نتأخر ..تبون شيء؟؟
أم محمد: سلامتكم ..ولا تسرعون بالطريق ..
سالم: إن شاء الله ...يلا مع السلامه ..
راااااااااااااااااااااااااااااااااحوا.....فهمتوني ..الغرفه ما بتروح وياهم صح!
بعد فتره ..دخلت أم محمد لغرفتها..وبقيت ويا سميره في الصاله ..
سميره كانت مشغوله بالمسلسل المدبلج إللي تابعه...والله مدري أيش عاجب البنات بهاي المسلسلات ..يشاهقوا إذا حد ذكر
ممثل ولا ممثله!!!!!!!هههههههههههههههههه آخر زمن
تركت سميره في عالمها الرومانسي..فرصه محد في البيت غير أم محمد إللي في سابع نومه وسميره إللي كأنها جماد
تحت التلفزيون...وأنا عارفه غرفة سويلم ...الواحد أيش يبغى أكثر ؟؟؟؟؟؟؟
دخلت الغرفه شويش ...الغرفه معفسه فوق تحت ..إنتبهت لشبشبي والكراسات فوق الطاوله..الأغراض
جاهزه..على طبق من ذهب ، يعني لا بحث ولاهم يحزنون...وبعد ما أخذت الأغراض ..
إنتبهت للبلاي ستيشن2 (نقطة ضعفي) والأشرطه المبعثره في كل مكان..
توقف يا زمن.....لااااااااااااااااااااااااااااااااااااااااا اااااااااااااااااااااااااااا...بدوخ أنا !..بدوخ!
يا جماعه ...يا جماعه ...شريط -MEDAL OF HONOR- RISING SUN
بغلافه واللوانه ..الشريط إللي نفسي نفسي أجربه ..من كثر ما يوصفه عمي...
فكرت إني أجربه بصوره سريعه بس..أصلا سالم قال أنهم بيتأخرون..يعني ما في خوف في هاي الجانب
ومسلسل سميره يتم ساعه ومسلسل ثاني يجي بعده ...يعني ساعتين ما أشوف ويهها ...وأم محمد حرمه
كبيره وطيبه كثير....(ههههههههه أحاول أقنع نفسي)
...جربت الشريط ...والشيطان غواني ..يعني ..أول ما شغلت البلاي ستيشن كان تفكيري أجربه بس
وإللحين تفكيري إني أخلص الشريط!!!!!هههههههههههه
تك توك...تك توك....تك توك ...تك توك (زعم الساعه تدق..) الوقت يمر
وأنا في عزززززززززز إندماجي وحرق أعصاب ..(خايفه ما أموت..قصدي في اللعبه)



من مواضيعي :
  #20  
قديم 12/02/2007, 04:25 PM
المتمردة
مُتـواصل
 
رد: مذكرات علايه

وأنا في عزززززززززز إندماجي وحرق أعصاب ..(خايفه ما أموت..قصدي في اللعبه)
ما حسيت بالشخص الواقف وراي وأنا أسبسب وأشتم وأضحك ضحكات شيطانيه كل ما أقتل ياباني (الأمريكان
الخنازير يعرفون كيف يسيطرون على عقولنا بهاي الأشرطه ..)
الله يسلمكم كان خال سالم بشحمه ولحمه.....الخسف كان واقف مثل الجماد..حتى دخل سالم وأول
ما شافني ..ضحك (الولد يعرفني من زمان..عشان كيه ما أتفاجأ كثر خاله!) أول ما سمعت ضحكة سالم
أنتقزت وقلبي طاااااح من المفاجأه..يا ويلي ..أيش تفسير وجودي في غرفة الصبيان...هيء..هيء (لييييييش حظي
زززززززززفت)..أبد أبد ما برتاح في حياتي أنا........لا وأنا إللحين واصله بعييييييد في اللعبه
سالم: هيييييييه يا الخبله..مين سمحلج تدخلين غرفتي وتلعبين بالبلاي ستيشن هاااااااااه؟؟؟
نشيت من قعدتي ومسكت أغراضي وخرجت من الغرفه (قلبي محروق على اللعبه)
ورديت لسميره إللي حتى ما حست بغيابي ..قررت إني أرجع للبيت ..الأغراض وجبناها..أيش
مقعدني عندهم إللحين؟؟؟؟؟؟؟ وقلت لسميره تسلم على أمها ..وطلعت...
بعد ما خرجت للحوش........-هييييييييييييييييييييييييييييييييييييييييييييييييي يييييييييييييييييييه
رفعت راسي وشفت سالم على البلكون ...-مسكي ..ورمي كيسه صغيره...
طبعا مسكت الكيسه ببراعه (حارسة مرمى ممتازه)
وتعرفون أيش شفت داخل الكيسه؟؟؟؟؟؟؟؟؟؟؟؟؟؟؟
شفت الشريط إللي كنت ألعببه لاااااااااا ومعاه ميمري كارد ..يعني تعبي ما راح بلاش!!!!!!!!
كمل سالم كلامه:الشريط من عند قيس إبن الملوح..يا ..ليلى ..وقهقه الولد
..........في النهايه يكون أخو سميه المسمار .............
وهذيك الليله ما نمت من الفرحه
أغراضي ورجعت لي...الشريط وحصلته
بس يوم إتذكرت كلام سويلم إستغربت ...وش كان يقصد ؟؟؟
في النهايه عقله صغيررررررررر بالرغم من كبر راسه
وسلااااااااااااااااااااااااااااااامتكم....
...............................................



من مواضيعي :
  #21  
قديم 12/02/2007, 04:26 PM
المتمردة
مُتـواصل
 
رد: مذكرات علايه

علاء!!!!!!!!!!!!!!!
قبل خمس سنوات يا جماعه وفي يوم من الأيام
أخوي الصغير حمد أشتهى ياكل من مطعم هارديز .....
...طبعا دلوع الوالد والعايله محد يرفض له طلب...
فأنا وأبويه وحمد رحنا لهارديز...
تدرون أن المطعم فيه مكان للعب ...وأول ما دشيت للمطعم توجهت
للألعاب....وما كان حد وياي إلا صبي ...وظلينا نلعب مع بعض
حتى أخوه العود ناداه وكل أسبوع بهاي الحاله أشوفه ونلعب ونسولف ومرات
ناكل مع بعض وبعد فتره سألني قالي:أنت..وش إسمك؟؟؟
أنا تفاجأت لأن الصبي خاطبني بصيغة المذكر!!! الصراحه هو مب غلطان
لأن شعري قصييييييييير ولابسه تي شيرت مع شورت وما لابسه سلسله ولا
شي يدل إني بنيه!!!!!المهم إستحيت ما أقول إني بنيه عشان كيه
قلت بعد تردد:علاء!...الولد:وأنا عبدالعزيز....
وراح ..وأنا بعدني أفكر بالكذبه ، سمعت صوت حرمه كانت جالسه
قريب منا (أنا والصبي) ..:تعالي...أنتي بنت ولا ولد؟؟؟؟
خفففففففففت ..كأني أرتكبت جريمه وهربت لعند الوالد إللي كان يأكل
أخوي ورجعنا للبيت.....وكل أسبوع بهاي الحاله أشوفه ونلعب ونسولف ومرات
ناكل مع بعض حتى في يوم من الأيام سمعت صوت حرمه كانت جالسه
قريب منا (أنا والصبي) -بعد ما راح عبدالعزيز- ..:تعالي...أنتي بنت ولا ولد؟؟؟؟
خفففففففففت ..كأني أرتكبت جريمه وهربت لعند الوالد إللي كان يأكل
أخوي ورجعنا للبيت...
وكل أسبوع أبويه وحمد يروحون لهارديز بروحهم ..(ما رحت وياهم لأني خايفه ما أشوف عبدالعزيز أو الحرمه)
وبعد شهر من السالفه قررت أروح وياهم على أساس أن من المستحيل أشوفهم...
كنت ألعب لوحدي وسمعت أحد ينادي :علااااااااء...علااااااااااااء
طبعا أنا ما التفت مب أسمي!!!!!!!!!
آخر شيء إللتفت عشان أشوف الشخص إللي ينادي هالولد من ساعه...
والصدمه الكبررررررررررررررررررى!!!!!!!!! عبدالعزيز محد غيره!
حسيت بررررررعب تدرون ليش ..هذاك اليوم كنت لابسه قميص وردي عليه قلووووووب
وسلسله ذهبيه...يا ويييييييييييييلي!!!!!!!!!!!!!
خشيت السلسله ولويت على نفسي (هههههههه )
بعد ما خرجت ..أبتسم عبدالعزيز وأقترب مني وباسني!!!!!!!(أنا بموووووووت من إحراج ومستحى)
ويااااااااا ريت نتوقف هنييييييييه ....هيء هيء الولد قال بعد ما باسني: أبى أعرفك على إخواني!!!
وما إن كمل كلامه ظهر سيييييييت من صبيان وبنات!!!!!!!!!!!!!
ويالله ..كل واحد يبوسني ،الواحد ورى الثاني ..وأنا حسيت بإختناق من الخجل لأني مب قادره أقولهم لا ويشكون
فيني ولأني مب قادره أخليهم يسلمون علي!!!!!!!!! وبعد ما تم السيت ..وصلنا للبنات ..
وكل بنيه تستحي وبس تبتسم (آآآآآآآآآآآآآخ قهر ..إنقلب الوضع 180 درجه!!!)
المفروض أنا أبوس البنات وأستحي من الصبيان ...والله حاله !!!!!!!!
لاااااااااااااااااااا وباين من شكل البنيات معجبات ههههههههههههههههههههه ..
.-إحم إحم بكل فخر، لوكنت ولد كنت بكسر الدنيا-
خلينا نكمل... وجلس عبدالعزيز يسولفني وهو فرحاااااان مره (مسكين مب داري إني بنيه)
وأخوانه قالوا أن عبدالعزيز يتكلم عني كثييييير...وكل ما أسمعهم أحس بالذنب أكثر وأكثر
أنا وش سويت ؟؟ليش كذبت على عبدالعزيز إللي يشوفني أحسن صديق؟؟؟؟
وبعد فتره الكل راح يطلب سندويتشات...أستغليت الفرصه وهربت عند الوالد وظليت أحن عليه
حتى وافق أنا نروح ...ومن هذاك اليوم ما شفته !!!!!!!!!!!!!



من مواضيعي :
  #22  
قديم 12/02/2007, 04:28 PM
المتمردة
مُتـواصل
 
رد: مذكرات علايه

:...((كلااااااااااااااب متشرده؟؟!!!))
ليلة الأربعاء.
أنا (أترجى):يمه..أبوس رجلج ..
الوالده:مستحيييييييييييييييييل
أنا (والدموع بدأت تخرج):الله يخليج!
نشت أمايه من جعدتها :أوووووووووووه..قلت لج ما بتروحين ويانا ..يعني ما بتروحين ..(عزيمة كبيييييره)
أنا (بعدني مصره):وبتخلوني هنيه لوحدي ..محد معاي ؟؟؟؟؟؟؟
أمايه:والبشكارتين؟؟؟ ... خلي الدلع أحسن لج وسمعي الكلام ..
بعد هالرمسه ..راحت أمايه تتجهز ...
توجهت لسماعة التليفون ...
مريوم:ألوووووووووووووووووو
أنا:.......
مريوم: ألووووووووو ..علايه؟
أنا : مر .. مر ..مريوم ..ما وافقت!...ما وافقت!
مريوم:.....(تفكر)...
أنا: الله يغربل بليسك يا حويمد...بتشوف يا القرد..
مريوم: ما ينفع هالكلام إللحين...وإنتي يا السباله مين قالج تتضاربين وياه اليوم..هاااااااه؟
تستاهلين يا النخله..
أنا (خفت):يعني ما في أمل أروووووووووووووووح...أرجوج أبى أروح ...هيء هيء هيء
مريوم:عندي فكره ...
ّّّّّّّ""""""""""""""""""""""""""""
حيان:علااااااااااااااااااااااااااااااااااااايه...و ينج؟؟؟؟
أبويه:علااااااااااااااااااااااااااااايه تعالي سكري الباب....
حمد:خلي ولي...
أنا :كااااااااااااااااااااني واصله
الكل تعجب وفتح فيه من الصدمه!!!!!!!!!!
نزلت على آخر كشخه..فستان سهره، مكياج ، تسريحه!!
بعد فترة صمت...ههههههههههههههههههههههههه
الوالده:مين جالج تتلبسين يا السباله...أنتي مب عارفه أن ما في رووووووووحه؟؟
الوالد:أيش فيج على البنيه؟؟ إللحين ما يصير نروح ونخليها. (هذا المقصود..صدج أنج داهيه يا مريوم)
حمد(يصارخ):لا لا لا عليا معاقبه اليوم ما نسيتوا؟؟؟..(دواك يا حمدوه..بس بأنتظر الوقت المناسب إللي ما يكون
فيه ترفيه ولا مناسبات وبرويك شغلك..)
حيان(يقهقه):هههههههههههه..والله أنج خطيره يا علايه..هههههههههه
الوالد(الوحيد إللي يكون بصفي ): لازم تروح معانا...ما أجدر أخلي هالجمال كله في البيت..
في هذيك اللحظه لفيت على نفسي بدلع ..وأقتربت من أبويه ..-طبعا مع نظرة تهديد على حمد القرد -
حمد:يمه ..يمه..شفتي الجراده..
أنا (بدلع ):يوه..حمووووودي..أيش سويت أنا..يلا يلا بابا ..أرووووووووح؟؟؟؟(هههههههههه.. بصراحه إللي يشوفني وده يشوتني)
الوالده(أعصابها تلفانه):جببببببببببببببب ولا كلمه..أنتي يا الكبيره متى بتعقلين؟..شوفي يا عليوه (ما تجول هاي الإسم إلا إذا عصبت)
لا تفكرين نفسج تخلصتي من العقاب،لأن أول ما ترجعين ما فيه بلاي ستيشن ..ضحك حمد..أنتبهت أمايه لضحكته
الإستهزائيه.. كملت:وأنت بعد مثلها..ههههههههههههههههههههه يستاهل ...
>>>>>>>>>>>>>>>>>>>>>>>>>>>>>>>>>>>
يتبع...



من مواضيعي :
  #23  
قديم 12/02/2007, 04:29 PM
المتمردة
مُتـواصل
 
رد: مذكرات علايه

طرررررررررررررت من الفرحه ، ولبست العبايه و تغشيت (لأول مره هههههههههه)
وأخواني يتساسرون ويضحكون على شكلي بالغشوه...
حيان:هييييه..علايه ..وين المقشه إللي طيرين بها ههههههههههههه
حمد: هههههههههه ..عجوووووووووووز ههههههه
أنا ساكته ومتحمله سخافتهم ، عشان ما يهونوووووووون ويتركوني ..
وصلنا ....
أمايه:وين خيمة الحريم؟؟؟
أبويه:هناك على يسارج..
أمايه:المنطقه تخوف يا بوحيان
حيان:يمه تدرين أن هاي المنطقه بالذات مترووووووووسه كلاب؟؟؟
أنا:كذاب..(إذا تحمست أقول كذاب.. يعني مب قصدي أكذبه)
حيان قرب مني بنظرات تخوف:متشرده ومسعوره ...
الوالد:ما عليكم شيء..وتعوذوا من بليس...وما أعتقد الكلاب بتقرب من الخيم..
حمد:إذا قرررربت..بكون في المرصاد.
أنا:هههههههههههههههههه...هههههههههه (حمد معرووووووف بخوفه من الكلاب)
إفترقنا...أنا وأمايه لخيمة الحريم...وأبويه وخواني لخيمة الرجال ..
وأحنا داخلات أمايه تحذرني ما أرمس حد أو أتكلم إلا في الضروره ولازم تكون قصوى بعد..ههههه(تصوروا لهالدرجه أمايه مب واثقه فيني)
هالعزيمه كانت لجدي الكبير -شيخ العائله- بمناسبة نجاح العمليه الجراحيه الخطيره(في قلبه)..وأنا كنت مصره
للروحه عشان العشاء..مممممم مالذ وطاب من الطعام...بس ..لا أكثر ولا أقل!
الكل مرتبش بالعشاء وحالتهم حاله ...أول ما حطوا السفره..جلست عند مريوم
قربت منا حرمه ما أعرفها..وكان معاها ملعقه ..قالت:آآآآخر ملعقه
عندي لأحلى بنت في الخيمه..أنا لفيت راسي لورى عشان أشوف البنيه إللي مدحوها ..
بس مريوم قرصتني وقالت:الحرمه تكلمج يا الغبيه..أستغربت كيف تكلمني وهي مركزه عيونها لورى؟؟
وي ..المره حوله...أستغفر الله ..نزلت راسي من الفشيله أكيد الحرمه لاحظت الحركه إللي سويتها؟؟
بس الحرمه إبتسمت لي وعطتني الملعقه وراحت...
مريوم:الله ..الله على علايه...الكل يبى يخدمها ..
أنا : أوووووووه ..أنا ما أبى الملعقه..أبى آكل بيدي ..أبى أتحسس العيش ..ما بستلذ بالملعقه
وحطيت الملعقه على جانب..
مريوم(تضحك): هههههههه . صدج أنج متخلفه .شوفي البنات الراقيات كل وحده بملعقتها
.عطيني الملعقه إذا ما تبيها..
بعد العشاء ..
البنات إللي في سني مكونات حزب بروحهن..ولا وحده جات وتكرمت عشان تتعرف علي..
غريبه عنهن...بس نظرات وهمس وضحك...وأمايه في عالم ثااااااااني ويا الحريم وسوالف تلوع الجبد
ومريوم ويا ربيعاتها....وأنا مليت أبى أرجع للبيت..لاحظت طفل صغير دبدوب حلوووووووووو
لوحده -مثلي-..فكرت ألعب معاه حتى نروح..وكان بها...لعبنا ولعبنا ..وكل شوي أمطره بالبوسات
بعدين سألته :وش إسمك ؟ رد:ليييييييييييث.. يالله ..مره ثانيه ..مره ثانيه -قصده نكمل لعبة غميضه -
أنا (خشيت ويهي): أوكي...واحد،إثنين،ثلاثه ......عشره
بس هالمره الولد خررررررررررررررررج من الخيمه!!!!!!!!
دورت عليه في كل مكان ..وأنا أدور لاحظت فتحه صغيره في الخيمه ..قلبي أنقبض..لآني مسؤوله
عنه إللحين!!!!!! لا يكون خرج من الخيمه..دورت على شيلتي السوده و طلعتتتتتتتت
من الخيمه أدور على ليث..
-ليييييييييييييييييث...ليييييييييييييييييييث....
قربت من السيارات...كأنه معرض للسيارات من كثرها
-لييييييييييث ..أرجوووووووووووك رد علي! أول ما خلصت كلامي سمعت نبااااااااح الكلاب
الصوت كان قررررررريب ويخوف..
صرخت :ليييييييييييث
سمعت صوت صيااااااااح ..يا ويلي ..
ركضت بإتجاه الصوت وأنا ميته من الخوف..إلا وأشوف ليث متكور على نفسه وأول ما شافني
ضحححححححك وقال:خدعت علييييييييييج .. ركضت ولويت عليه بالقوه حتى أطمأن أكثر ، بعدين
بسته بالقوه وقلت :هذا جزاي يا ليثوه... -سمعنا نباح كلب - الصوت قرييييييييييب وااااااااايد أكثر
من المره إللي جبلها...مبين أن الكلاب جوعانه وشمت ريحة الأكل إللي بالخيم!!
وقفت وحملت ليث الدب وتوجهت للخيمه..
بعد لحظات توقفت مبهوته..جدامنا كللللللللللللللللب أسود كبير ..
الكلب يناظرنا ويخرج صوت يخوف (يا أميييييييييييييييييييييييييييييييييييييييييييييييي ي)
وركضت مثل المجنونه أسابق الريح ونسيت ثقل ليث..أول ما ركضت طبعا الكلب لحقنا
أنا:واااااااااااااااااااااااااااااااااااااااي ..يبه ..يمه........وااااااااااااااااااي ( لا تعليق عن الرعب إللي عشته)
إتجهنا للسيارات وأنا أصرخ بكل قوتي وليث المسكين مصدوم وساكت..والكلب بدوره ينبح..
شيلتي طاحت ..والكلب توقف يشم الشيله ..طبعا محد سمعنا من خيمة الحريم ..صوت الستيريو فاقع
المكان..الحريم في عالم ثاني (رقص ومدري وشو) ....
اللحظه إللي كان فيها الكلب مشغول بالشيله أنا ركضت شويش من دون صوت..وأحاول أبطل أبواب السيارات
مالت عليهم الريايل ما عرفوا يسكرون سياراتهم إلا اليوم!!!!!!!!! آخر شيء إستسلمت ودورت
على أكبر سياره..بعدين رفعت ليث عليها ..وأنا حاولت أقفز بس فستاني منعني ..رفعت الفستان كله(هههههه..تعمل العجايب إذا خفت!)
وقفزت ونجحت ..ليث بدأ يصيح (إللحين إستوعب أن الكلب ورانا) ..وقفت فوق السياره ، أبحث عن أمل ..-أي شخص-
لاحظت من بعيد كندوره بيضه ..حسيت بأمان شوي ..ورفعت يدي وصرخت:ساعدونا...ساعدونا
في هذيك اللحظه الكلب تحتنا وينبح بصوت قوي يخوف يخووووووووووووووووف..ليث وحليله صرخ صرخة
رعب وتعلق فيني بالقوه ..وما مر ثواني إلا ونشوف الكلب يرجع لورى من الحجاره..أحد كان يحذف بالحجاره
الكل إلتفت لمصدر الحجاره(ليث والكلب وأنا -هههه-رسوم متحركه!) ، إقترب رجال -ويهه مب مبين -من الكلب ومعاه عصا طويله
ويصرخ بصوت رخيم ورجولي (طبعا بمدح المنقذ ههههههه) ...الكلب هرب ... تنهدت من أصل قلبي
ما أجمل الأمان والحياه الروتينيه..يمه يبه حيان حمد فطوم أحبكككككككككككككم .هههههههه (شفت الموت)
ولويت على ليث إللي يكان يشاهق من كثر ما صاح ..إنتبه لنا الرجال ..وقال -نزل راسه يوم جت عيوني بعيونه -(ههههههه ، بعد أيش):أحد في شيء؟؟
أنا بصوت مقبوض: لا ..أنت متأكد أن الكلب هرب؟؟؟ لف راسه بصوب وقال بصوت الواثق من نفسه:لا تخافين..ما أعتقد
أنه بيرجع..ومن باكر بنعمل حمله ونصطاده .. أنا:حرااااااام ..لا تقتلوه .. ليث قطعني:أكره الوحث ..أكره الوحث
تفاجأ الرجال ونادى:لييييييييث؟؟؟ ... ويييي الرجال يعرفه!!!!!
كمل:وأنتوا وش تسوون هنيه؟؟؟ ..سكت (فضيحه إذا قلت نلعب غميضه هههههههههههههه)
-يالله نزلوا من على السياره ..
أنا(بتردد):شيلتي طاحت عني..
الرجال فصخ شماغه (الغتره) وعطاه ليث وهو منزل عيونه ..أخذت الشماغ (ما منيت)
ولفيته على نفسي.....يا سلام على الريحه -دهن العود- أهو أخذ ليث وأنا نزلت من الجانب
الثاني........ قال وهو يتجه لخيمة الحريم:بوصلكم للخيمه..كان متقدم ومعاه ليث وأنا وراه..
حتى وصلنا للخيمه ..قبل ما ندخل قال: ليث بيكون معاي وأنتي ديري بالج ..مع السلامه.............
أنا:والشماغ؟؟؟ أنتظر شويه أنا بدش وبطرشلك الشماغ.. دخلت بسرعه ، بعدين عطيت الشماغ
لبنيه صغيره..وقلتلها تعطيه للرجال إللي برا..إنتظرت شويه ..دخلت البنت وفي أيدها الشماغ..قالت:محد
برا؟؟؟؟؟ ..أخذت الشماغ ..ليش راااااح؟؟ حصلت مريوم في نفس المكان..يا موتهن للسوالف..
جلست عندها وفي أيدي الشماغ..كل شوي أشمه....



من مواضيعي :
  #24  
قديم 12/02/2007, 04:31 PM
المتمردة
مُتـواصل
 
رد: مذكرات علايه

كنت تعباااااااااااااانه حيل وقلبي يدق مثل الطبل وأشعر بالقشعريره كل ما تذكرت الكلب إبن الكلبه..
والله لا يوريكم ذيلة الفستان..هههههههه ، ما كنت ناويه أخبر أحد بسالفة الكلب والشماغ..
خشيت الشماغ عن نظرات البنات الفضوليات..ورحت عند العجايز (جالسات بروحهن)
وأول ما قربت سمعت التفدى والترحيب من كل صوب..-أموووووووووت على العجايز وعالمهن-
أنسدحت وحطيت راسي على ريل عمة أبويه ..الوحيده إللي عرفتها مع ترحيبها المعروف:يا هلا بالعلالي مالي حلالي ..
أبتسمت بصعوبه من الإرهاق (أحبههههههههههههههههههههههههههها أنا) الله لا يحرمني منها ...
غمضت عيوني ،وأنا أسمع سوالف أيام زمان ..ويدتي تمسح علي ..<<<**ززززززز بالتسريحه وأبو التسريحه
وإذا شافتني أمايه ولا مريوم ..رحت فيها ..مثل:كيف تنسدحين على الأرض وأنتي لابسه فستان سهره عند الحريم!!
أو <<يا الخبله خربتي تسريحة شعرج!! أو ..إلخ..من هذا النوع..
آآآآآآآآآآآآآآآآآآآه ...تنهدت ..من ذاك البطل إللي أنقذ حياتي؟؟؟(ههههههههه أستوى فلم هندي هههههه)
والله كل وحده تجول الصراحه يا بنات..إذا شاب غامض ومبين أنه وسيم أنقذ حياتها من الموت ..ما بتعجب فيه؟؟
وأنا أفكر بالشماغ ..سمعت بنيه تجول ليدتها:يدوه..يدوه..سمعتي آخر خبر؟؟؟ كلب كبيييير ركض ورا بنيه
تلونت بالوان قوس قزح ..يدتي (حطت أيدها على جلبها):لا حول ولا قوة إلا بالله.والبنيه فيها شيء؟؟
هههههههه ..البنيه إللي خايفه عليها حاطه راسها على ريلج ههههههههههه...البنت:ما دري ؟؟
من وين عرفت هالبنيه بالسالفه؟؟؟ الله يستر..



من مواضيعي :
  #25  
قديم 12/02/2007, 04:32 PM
المتمردة
مُتـواصل
 
رد: مذكرات علايه

استويت في قعدتي و سويت نفسي متفاجئه:والله!!وهالخبر فريش ولا بايت؟؟
البنيه:فريييييييييش..سمعته من أختيه...
أنا: تجولين الكلب عضها ؟؟؟ (هههههههههه أستهبل)
يدتي:يحليلها البنيه ..
أنا:مسكينه ..أيش بيكون شعورها يوم الكلب كان يركض وراها(دااااااااااريه بهالشعور )
يدتي:اللحظات إللي عاشتها البنيه تحتسب أجر عند الله يا علايه..
أنا:والله..-أستانست-
حرمه سمعتنا:تستاهل إللي صار فيها من جالها تخرج لبرا ..
عصصصصصصصصصصصصبت من رمستها وردت يدتي الطيبه:بس ما ندري بالظروف إللي خلتها تخرج؟؟
أنا (أغيرالموضوع):حبيتي أماااااااايه ..أبا أنام عندج اليوم..
يدتي:يا هلا ومرحبا بج ..البيت بيتج حبيبتي
أنا:بس أبويه بيجول لأ ، عشان كيه أباج تقنعيه
يدتي:أفا عليج يا بنيتي..البيت كبير محد غريب فيه وفاضي..وأبى أتونس بج..
لويت عليها وأنا بطير من الوناسه ..أحسن فكه من حمدوه القرد والعقاب إللي ينتظرني..
من بعد رمستي ويا يدتي ، رجعت لوضعيتي السابقه..
مريوم:عليااااااااااا ء ..علياااااااااء
أفففففففففففففف وش تبى الثانيه..
أستويت في قعدتي عشان ما تشوفني منسدحه وتعطيني محاضره ..
مريوم:يلا ..تعالي بنروح..
أنا:تو الناس يا شيخه!!
مريوم:الساعه إللحين12 ونص وتو الناس؟؟؟
أنا:وإنتي بتروحين ويانا؟؟
مريوم:ههههههه ..هلج راحوا من زمان وأنتي في خبر كان ..
عمي جبل شوي أتصل بأخوي عشان نوصلج..
أنا (متعوده هالحركه من العايله الكريمه) : شكرا مقدما..أنا ما بروح وياكم لأني ببيت عند يدتي شيخه..
مريوم :يدتج شييييخه؟؟؟
يدتي:أيه ،أيش فيها يا مريامي
مريوم:لا ما فيها شيء، بس ما أعتقد أن عمي وخالتي بيوافقوا؟؟
يدتي(تحب تعاند):بيوافقون ..أتصلي بعمج (أبويه)
مريوم (قلقانه) :أوكي...
الوقت إللي كانت فيه مريوم بعيد وفي أيدها الجوال..كان قلبي يدق بسررررررعه وحاسه بمغص
أقتربت من عندنا مريوم وأهي تتكلم وتأشر لنا بأن أبويه مب موافق..قالت يدتي:عطيني التلفون..(والله أنج شيييء يا شيخه)
تكلمت شووووووي بعدين رجعت الجوال لمريوم وقالت:سكر...أنا (أرتجف ، لأن إذا أبويه أقنع يدتي أرد للبيت عقابي بيتضاااااعف!،
ما بسلم من أمايه وأبويه):هاه ، بشري..أبتسمت يدتي شيخه :بتنامين عندي الليله.. أنا:يااااااااااااااااااي
أحبججججججججججججججججججججج وحبيت على راسها..ومريوم متعجبه من موافقة أبويه السريعه..طبعا
هاي عمته الوحيده إللي ما يرفض لها طلب..مريوم:علااااااااايه ،أنا رايحه إللحين..
أنا (إقتربت منها):مريوووووم، أبى شيله ..شيلتي ضاعت..
مريوم: ومن وين أجيب لج شيله ؟
أنا:والحل؟؟
مريوم(أبتعدت عني):شحتي ..تصبحين على خير..
أنا (صرخت):سباااااااااااااااااااااااااااله وحده
يدتي:عيب عيب وش هالكلام يا علياء
أنا(أستحيت ):آسفه ..



من مواضيعي :
  #26  
قديم 12/02/2007, 04:33 PM
المتمردة
مُتـواصل
 
رد: مذكرات علايه

ما مر عشر دقايق إلا وليث بشحمه ولحمه قرب عند يدتي شيخه وقال:يدوه ..بنروح إللحين!!!
وش يقصد ؟؟؟؟ يعد ما راح سألت يدتي:يدوه ،منو هذا ؟؟ أبتسمت يدتي: هذا ولد بنتي عايشه..
إحنا بنوصلهم ..ولا تخافين فيه مكان بالسياره....
وييييييييي إللحين من وين لي شيله؟؟وسالفة الشماغ إللي طلعتلي من صوب...
الكل خرج من الخيمه(يدتي شيخه وعايشه ) ، خبرت عايشه أن شيلتي ضاعت وبتأخر شوي
لبست عباتي وأخذت الشماغ معاي ، ولبست شيلة بنيه من عند بنت صاحب العزيمه والغشوه،،،،
خرجت بسرعه من الخيمه وشفت السياره، دخلت السياره وقلت وأنا منزله عيوني :آآآسفه ، تأخرت
يدتي:عذرج معاج يا بنيتي، عايشه جالتلي أن شيلتج ضاعت.. تحركت السياره.. وأنا ما تجرأت أرفع
راسي من الفشيله (شكلي يضحك بالشيله البنيه والغشوه<<كأني متشرده!) وأنا بهاي الحاله ، أييييي
أحد قرصني؟؟ ليث محد غيره ، بعد ما قرصني رجع مكانه وهو يبتسم<<أونه مستحي...أبتسمت ورجعت طبيعيه
وتجرأت أرفع راسي وأشوف إللي يسوق
، ، شكله مب غريب عليه بس ما قدرت أشوفه زين من الغشوه،،،،
وقفت السياره..خرجت عايشه وولدها ليث...
بقيت أنا مع يدتي وهذاك <<<<خخخخخ حلوه هذاك!
وأحنا في الطريق ...مليييييييييييييييييت من الصمت والهدوووووووء
كل إشوي أتحرك من مكاني .....
الرجال(بصوت واطي):يمه.-مممممم طلع ولدها-.وش سالفة الحرمه إللي ويانا <<<يفتكر إني ما أسمعه
أنا الطفله الأموووووووره دلوعة أبويه وفي عززز طفولتي وشبابي يقول إني حررررررررررررمه؟؟؟ لهالدرجه كبرت(إنجرحت في الصميم)
هههههههه وبصراحه شكلي عجوووووز مب حرمه من الغشوه والشيله والعبايه المبهدله
يدتي(ضحكت بصوت مسموع):هههههههههههه ، الحرمه بتبات عندنا اليوم...
ويدتي قالت حرمه!!!!!! لا أنا ما أقدر أسكت عن الإهانه مرتين,,
أنا:يدووووووووه ، من هي الحرمه؟؟؟
يدتي :ههههههههه ، أنتي يا العلالي
أنا(بوزت تحت الغشوه):أنا مب حرمه!!!!!!
سمعت صوت من ولد يدتي (على ما أعتقد ضحكه مكتومه)
يدتي: ههههههه ..
بعد فتره...
يدتي:يوسف..أنت مب لابس غتره وعقال ؟؟
أنا(حسيت بمغغغغغغغغغغغغغغغص ) لا يكون إللي في بالي!!
يوسف:أيه كنت لابس ، ..بس تضايجت وفصخته..
في بالي(أو عطيت الغتره بنيه)...تأكدت أنه نفس الشخص إللي ساعدني ..الصوت نفسه والهيئه نفسها
يدتي :أولاد آخر زمن ...
ما قدرت أخفي إبتسامتي<<<يستاهل
دخلنا البيت..وحتى إللحين ما جات على بالي أني أول ما أفصخ الغشوه بيعرفني..
البيت كانت مظلمه ...يعني محد يعيش في البيت غير يدتي شيخه وولدها !!..
أنا:يدوه ، وين غرفتي
يدتي:هههههههه ، طلعي شيلتج أول وبصري الطريج ، بعدين بنرويج الغرفه!!
إلا الغشوه..ما أبى أطلعها ..لو بهواي بتم بالغشوه حتى أرجع للبيت
هيء..هيء..هيء ، ليش أنا بالذات أتعرض لهاي المواقف المفشله ،ليش حياتي كلها (فشيله×فشيله)
أيش أسوي؟؟؟؟؟؟؟ لازم أرضى بالأمر الواقع.....
فصخت الغشوه و عملت حركه سخيفه بالشيله عشان ما يشوف ويهي ( ههههههههه)
وهالحركات كلها ما كانت ضروريه لأنه جزاه الله خير وفر علي وأبد ما طالع في ويهي بعد ما فصخت الغشوه
يدتي:بتنامين بغرفة فاطمه (مسافره ويا زوجها ) إللي حذال غرفتي .<< وغرفة المحرووووووووس إبنها
دشيت الغرفه وفصخت العبايه والشيله....وقفزت على الشبريه قفزه قويه وأنسدحت على ظهري(يا سلام سرير
مزدوج ونااااااااااعم وغرفه لي أنا وبسسسسسسسسسس بدون فطيم وشخيرها المزعج...ياااااااااي
وأقدر أشغل المكيف بأعلى درجه وما بخاف من أمايه إللي طبعا تنقصه لآخر درجه عشان فطيم ما تمرض
ما أجمل النوم بدون شخير ...أحب الحياااااااااااااااااااااااااااااااااااه أنا ..غنيت:الحياه حلوه ، بس نفهمها
أفتكرت...إللحين كيف بنام وما عندي بيجامه ولا فرشاة أسنان..ما أقدر أنام وأسناني وسخه......
وباكر أيش بلبس؟؟؟؟؟؟أووووووووووهووووووووووووو ...طلعنا من مشكله ودشينا غيرها..
دق..دق..دق
-دخلي يا بنيتي
-يدوه..ما عندي ملابس؟؟؟
-بطلتي كبت فاطمه؟؟
-أيييه..فاااااااااااااضي
- تبين جلابيه من عندي (تخيلت نفسي بالجلابيه ..قصيره ووااااااسعه )
ضحكت ضحكه قووووويه وضحكت يدتي معاي ......
ههههههههههههه ،هههههههههههههههههه
أتبطل الباب بالقوه...
ويه بويه ...شااااااااااااافني و100% تعابير ويهه تدل على أنه عرفنييييييييي...
خرجت من الغرفه مرتبكه ودخلت غرفتي.......
يعني خططي الخمسيه إلتغت(خطط ، ما تخليني أقابله ويه بويه)
غسلت ويهي ومسحت الميك آب ..يدتي دخلت لغرفتي
-علاااااااايه ..حبيبتي
قعدت على الشبريه : هذبت يوسف عدل عشان مره ثانيه ما يدخل الغرفه بدون ما يستأذن
أنا :ههههه، يحليله ، مب ذنبه يدوه ،أهو تعود أن محد وياج والغلط مني آنه ، لأني ما لبست شيله
يدوه:خليه..لازم يعرف الإستئذان..هههههههه
أنا:يدوه..إنتي عايشه فهالبيت لوحدج؟؟
يدوه:أنا وأصغر أولادي يوسف..تعرفين ..العيال يتزوجون
أنا:ليش ما يعيشون وياج؟؟البيت كبيره!
يدوه (علامات حزن على ويهها): ما دري ؟؟الظروف ..الظروف
قلبي تقطع من شكل يدتي ..آآآآآآآآخ يا حبيبتي ،شكلج وحيده ومحد معاج
حبيت على راسها وحضنتها:أحبججججج وااااااااايد...وما بتركج يا أغلى يده في العاااااالم
أوووووول ما كنت أعرف عن يدتي شيخه إلا أنها عمة أبويه إللي تزورنا وتقص علينا القصص الشعبيه <<ههههههه
وعمري ما شفت فاطمه. وعايشه تعرفت عليها الليله ههههههههه وولدها العود ما دري عنه ..
يدتي شيخه:أيييييه ..إللحين يوسف بيعطيج جلابية نوم من عنده..أعتقد أنها بتناسبج يا الطويله..
أنا :وييييي كلكم تجولون إني طويله ،وأي أحد يسمع بيفتكر إني زرافه..وأنا حتى ما وصلت 168
يمكن وصلت بس مب للدرجه هذيك..لا وحيان يجول إني بعمل جوله حول العالم مع العملاق الباكستاني
بعد خمس سنين..
خوفتوني!!!!!
هههههههههههههههههههههههههههههههه ..أول مره أشوف يدتي تضحك هالكثر...
دق .دق..(مسكين ههههههه)
يدتي:أدددددددخل ..
يوسف:إحم إحم...<<<هههههههههههههههههه
..هاي الجلابيه قصيره يمكن تناسبج
أنا(أونه مستحيه):مشكور .<<<وش فيني اليوم على ملابسه !!!هههههههههههه
يوسف:لا شكر على واجب...تصبحون على خير



من مواضيعي :
  #27  
قديم 12/02/2007, 04:34 PM
المتمردة
مُتـواصل
 
رد: مذكرات علايه

يوسف:لا شكر على واجب...تصبحون على خير
لبست الجلابيه....
هههههههههههههههههههههههه
يدتي:ههههههه يحليلج على الجلابيه
أنا:زعم الجلابيه قصيره وإهي واصله للأرض هههههههههه
صرخت :يدووووووووه،أنا فرحانه مرررررررررررررررررررررررررررره
وربعت لعندها..بس ديييييييييييييييييييييييييييف
طحت..من طول الجلابيه
آآآآآآآآآآآي ...يدتي:بسم الله عليج
قمت وكملت الطريق ...ولويت عليها ..-ما فيني شيء يا شيخة الشيخات....
<<<<<<<<<<<<<<<<<<<<<<<<<<<<<<<<<<<
صبيحة الخميس :
الساعه 8 صباحا..اليوم تأخرت بنومي لأني سهرت
بالعاده أنش الساعه 6 أو 7 بالكثير .....
فتحت الدريشه:ههمممممممم هاااااااااااه همممممممممممم هااااااااااه (أونه أتنفس)
الخيوط الذهبيه لأشعة الشمس وزقزقة العصافير...واااااااااااااااااااااااااااااااو
شهقت يوم شفت الزراعه.....الله ورووووود وأزهار ونباتات..أمووووووووت عليها
وإن شاء الله قريبا إذا دخلت الجامعه بتخصص بالنباتات ..
أخذت شاور ولبست الجلابيه مره ثانيه <<<معدومه الملابس..
تذكرت شماغ يوسف ..أخذت الشماغ معاي وخرجت ..
نزلت للطابق الأول وأول ما شافتني الشغاله شهقت ههههههههههههه
تخيلوا وحده لابسه جلابيه رجاليه تنزل من على درج بيتكم هههههههههههههه
هديتها وخبرتها إني ضيفه ..ودقيت سوالف معاها <<حبوووووووووبه وااااااااايد
دخلت المطبخ وسويت لنفسي فطور..بصعوبه حتى أقنعتها إني بسوي فطوري لنفسي
أخذت الأومليت إللي سويته وخرجت برا لحديقة البيت....المنظر فاااااااااااتكم
الزهور الملونه والعشب الأخضر الرطب والجو العليل المشرب بقطرات الندى...
رحتي يمه الطبيب ترا ترا إللي يداوي جروحي ترا ترا
رحتي يمه الطبيب ترا ترا إللي يداوي جروحي
أردد هالمقطع لمحمد عبده(جرح الموده)وأنا في قمة السعاده <<<بكل بساطه ما أعرف إلا بهاي المقطع مع إني أسمعه كثيييييير
هيء هيء ..أبى أصيح ،أبى أصرخ من كثر الونااااااااااااااااااااسه
وقفت ...أحببببببببببببببببببببببببببببببببببببببكم يا نااااااااااااااااااااااااااس
أحب أهلييييييييييييييي أحب يدتييييييييييييييييييييييييييييييي
يااااااااااااااااااااااااااااااااااااااااااااااااا اااااااااااااااااااااااااااي (جنت البنيه)
سمعت صوت من البلكونه:هيييييييييييه..من إللي يصرخ؟؟؟؟
كان يوسف!!!!!!!!!!
ربعت للمطبخ مثل البرررررررررررررق ..ضحكت وضحكت هههههههه ..والله إني مجنونه
بس أيش أسوي أحس نفسي باختنق من كثر ما أحب أهليه والخليج..الحمدلله إني عربيه الحمد الله إني
مسلمه الحمد لله إني عايشه مع أهليه ....الحمدلله والشكر لك يااااااااااااا رب
طوط طوط..طوط طوط
أنا على طوووووول:ألوووووووووووووو
أمايه:مثل ما توقعت..
أنا:يا هلا ومرحبا بالغاليه أم الغاليه (هههههههههه أمدح نفسي)
أمايه:شحالج علايه
أنا: فقيره وما عندي ملابس..وشحالج إنتي؟
أمايه:ولهت عليج يا النخله..
أنا:ههههههههههههه..يمه أبى ملابس
أمايه:أيش تقصدين؟؟؟
أنا:ببيت عند يدتي كم يوم..(أدري بردها بس محاوله ما تضر إذا ما نفعت)
أمايه:بطرشلج الدريول إللحين..
أنا(مب مصدقه):والله ..أوكيه بانتظره (خفت ما تغير رأيها)
أنا:يمه..
أمايه :آمري <<<غريبه وش بها اليوم ؟؟؟
أنا:أحبببببببببببببببببببج كثير وبحاول إني أتصرف أوكيه<<<<<<سمعتوا ..بحاول!!
أمايه:مع السلامه..
توووووووووووووووووووووووت
سكرت التلفون والأبتسامه شاااااااااقه ويهي..أمايه تتصرف بطريقه مب طبيعيه اليوم..



من مواضيعي :
  #28  
قديم 12/02/2007, 04:36 PM
المتمردة
مُتـواصل
 
رد: مذكرات علايه

تمشيت بالبيت..بطلت كل الغرف ..
طلعت فوق وبطلت الغرفة إللي حذال غرفة يدتي<<<< فضول زايد عن الحد
ياااااااااااااااه...تتتتتتت ..وش هذا مكتبه كبيييييييره وكتب ،كتب ،كتب
الله .تنفست بعمق ..أحب الكتب بشكل كبيييييييير وأكثر من مره أمايه تقبضني من كشتي
إذا أنسجمت مع أي كتاب وجلست عليه أكثر من خمس ساعات..خير جليس في الزمان كتاب
المهم...مدمنة كتب أنا ...
وقفت عند الرفوف وأنا فاتحه فيه ..بعدني منصدمه ..(أجمل صدمه في حياتي)
تناقزت عند الرفوف وأنا أصارخ:كتب! كتب! ياااااااااااااااااااااااااااااااااااااااااي
اليوم من أجمل أيااااااااااااااام حياتي...تعبت من القفز ووقفت أناظر عليها.....
حول العالم في 200 يوم لأنيس منصور...الله ..أحب هالكاتب كثير وكتابه يجنن
جلست على أول كرسي ............
بعد دقايق..هههههههههههههههههههههههههه (أضحك)
كل أشوي أضحك من الخاطر ..أسلوبه كوميدي (رووووووووعه)
ههههههههههههههه ...ههههههههههههههههههههههههه
ضحكاتي تفقع البيت ..البيت كبيره وأرضها رخام ..عشان كيه صدى الضحكه الوحده تكون قووووووويه
تين توووووووووووووونج...تين تووووووووووووووونج <<< زعم جرس البيت
أنا:الدريول!
كااااااااااااااااااااااااااني واصله
تعرفون الحاجز حج الدرج..
العاقله أنا جلست عليه عشان أطحس مثل الرسوم المتحركه
بس طبعا مب سهل طحت على الدرج ..طرااااااااااااااااااااااااااخ
أي..ألم ألم ألم مسكت ريلي ونزلت بصعوبه...
ماري(الشغاله):أليا (إسمي ههههه) واحد برا في ريد إنتا
أنا (بصوت مقبوض من الألم):أدري..إللحين بطلع
الدريول:سلام عليكم ماما
أنا :وعليكم السلام بابا..وين الكيسه
فتح الدبه مالت السياره..كانت شنطه متوسطه!!!!!!!!!!!!!
من كيسه لشنطه؟؟؟ وش هالكرم يمه؟؟
دخلها البيت وقبل ما يروح عطاني ظرف..
فتحت الظرف:فلووووووووووس!!!
لاااااااااااااااااااااااااااااا ههههههههه زودتها أمايه ..الكرم يوصل لهاي الدرجه..أكيد في السالفه إن؟؟
لا يكون طردوني من البيت وأنا مدري؟؟؟؟
وأنا أفكر بالفلووس رجع الدريول وهو يضحك:ماما ..شكل مال إنت واااااااااجد حلو ههههههههههههه
ههههههههه حتى الهندي تكلم !!!!!!! صرخت :أحسن من شكلك يا السباله...
طلعت للغرفه بهدوء ..آآآآآآآآآآخ يا ريلي..
دخلت غرفتي ..وفتحت الشنطه(كل شيء موجود )
تكشخت وتعطرت وخرجت <<<<<<<< يا سلام على القافيه
ورجعت لكتابي وجلست في الصاله والإبتسامه مافارقت ويهي حتى سمعت يدتي:صباح الخير والورد والياسمين لأحلى علاااايه
حبيت على راسها ..صباح النور والسرور يا الحبيبه..
جلست يدتي وقالت: رجعت الحياه فهالبيت يا بنيتي من أول ما دخلتيها ، ومن الصباح وأنا أسمع ضحكتج الحلوه
يا رب أدوم إن شاء الله.أنا:لو تشوفيني بالجلابيه الصباح...غير شكل! ههههههههههههههه
يدتي:إلا ذكرتيني..يوسف بعده راقد؟؟؟
أنا:مدري ، بس أعتقد أنه صاحي<<<<<<< أكيد صاحي! عيل منو إللي كان في البلكونه
يوسف:إحم..إحم ، صباح الخير..
أنا+يدتي:صباح النور ..
قرب يوسف من أمه وباسها..
يوسف:أشلونج يمه اليوم..
يدتي:بخيييييييير ما دامت علايه هنيه..فديتها البيت اليوم غييييير عن كل الأيام
يوسف:البيت كانت هاديه واليوم محد يقدر ينام (مع نظرة خبث)
أنا(على راسي بطحه):ليييييييش ؟؟
يدتي(ترطب الجو):هو يقصد أن الواحد ما يقدر ينام وهو عارف أن العلالي معاه في نفس البيت ..
ههههههه ، مسكينه يدوه أنطبق عليها المثل(يبى يكحلها عماها)!!!!!
يوسف (تغير لونه وغير الموضوع) :المهم..حصلتي ملابس؟؟
أنا:لا ما حصلت! هههههههههههه ..المهم مشكوووووووووووووور على الجلابيه التحفه
وبالفعل كانت قصيره..
ضحكت يدتي وقالت:المسكينه ..زين ما طاحت على ويهها بسبة هالجلابيه
يوسف:إنتوا إللحين تشكروني ولا تعيروني ..صدج من قال ((خير تفعل شر تلقى))
نادت ماري ..الفطور جاااااااااااهز
الكل راح لصالة الطعام..يدتي:علااااايه إنتي فطرتي ولا تضحكين علي.
أنا:والله فطرت ..سألي ماري بعد؟؟
رجعت للكتااااااااااااب .....
بعد فتره ..قرب يوسف وقعد حذالي وأنا في عااااااااااالم ثاني...هههههههههههههههههههه
أنفجرت ضحك ههههههههههههههههههه.. والله إنك شيء يا أنيس.هههههههههههه
قربت يدتي :خير خير يا بنيتي ؟؟وش صار؟؟
أنتبهت لها:يدوه لااااازم تقرين هالكتاب..على فكره مدري كتاب من هذا بس حصلته في
يوسف (قاطعني):غرفتي..
أنا (شحب لوني):هذيك الغرفة غرفتك؟؟؟
يوسف:لا غرفة الجيران..
يدوه:ههههههههههههههههههههههههه..
يوسف:كتب ..كتب ..يااااااااااااااااااي..اليوم من أجمل أيام حياتي .. (وش يقول هذا؟ أكيد سمعني يا الفضيحه!!)
سكتت ..



من مواضيعي :
  #29  
قديم 12/02/2007, 04:39 PM
المتمردة
مُتـواصل
 
رد: مذكرات علايه

على فكرة ترى القصه الاخيره رومانسيه بين البطله ويوسف
ووالله اني ما بكملها الا اذا شفت ردود



من مواضيعي :
  #30  
قديم 16/02/2007, 11:11 AM
المتمردة
مُتـواصل
 
رد: مذكرات علايه

مر كم يوم ..
تعودت على يوسف وماصرت استحي منه
وهو بعد لدرجة انه يقدر يشوتني اذا عصب...لووووول
بعد كم يوم
كنت جالسه عند يدتي كالعاده
وبدينا نسولف عن ايام زماااااان
دقيناها سوالف ..وبعد فتره انسدحت وحطيت راسي على ريلها وطبعا أهي تمسح علي..
الله ..أحب هالوضعيه واااااااااااايد..إذا سويت هالحركه لأمايه .
بتشوفوني لازقه عالجدار<<من الشوته إللي بتلقاها!!ههههههههههه
وصل يوسفوه المليق وشافني حاطه راسي على ريل امه..
يوسف:الله!..الله..لا تكونين متبرأه مني ومتبنيه هالحرمه؟؟؟؟؟؟؟!!!
الحقيييييييييير ..بعده على كلمة حرررررمه
أنا:أنا مب حرمه!!!
يوسف:عيل ريال؟؟!!
أنا:يدووووووووووه..طالعي يوسف؟؟!!
يدتي:ههههههههههه..طول وعرض وشوارب وبعدك تغير يا يوسف؟!!
أنا:أنت ما عندك ربع؟؟؟ روح يا أخي وفكنا من هالويه!!
يوسف:ههههههههههه..يمه البنيه صدقت حالها!!هههههههههه
أنا (ألوي على يدتي):البيت بيتي..صح يدوه؟؟
يدتي:البيت بيتج يا علايه..
يوسف:وش سويتي لأمي يا الساحره؟؟؟
يدتي(تضحك من القلب):هههههههههههههه.. ساحرة القلوب..هههههههه
الساعه 4 ونص...عصرا
في الصاله..
أنا:وبعدين؟
يدزه:عاش الملك مع مرته اليديده وعياله في سعاده وعاش السماك مع بنته في خير ونعمه وهما ليما اللحين
مستانسين وبخير وعافيه..
يوسف:وأخيرااااااااااااااا!
أنا:يدووووووووه ، يدووووووووووه أبى قصة ((أولها خمسين))
يدوه :خير لفانا ولفاكم وشر تعدانا وتعداكم ، كان هناك ريال ما يحب البنات ..وكا..
يوسف(قاطعها):يمه ما تعبتي؟؟ وأنتي ما مليتي من هاي القصه...قبل شوي بس قصتها عليج أمي!!
أنا(بطريقه مستفزه):اذا متضايج ..روح محد جابرك تجلس ويانا!!!!!
طوط طوط..طوط طوط
ظهر يوسف من الصاله..
بعد فتره...يوسف:علياااااء..هلج سافرورا!!
أنا (أستويت في قعدتي):هاااااااااااااااااه
يوسف:حيان اللي اتصل..وجال انهم في دبي؟؟
أنا(مستغربه):كييييييييييييييييييييييييف..(الفكره مب داخله راسي)
الكل افتكر اني ابى اسافر وياهم..العكس ولا عبالي بس كنت مستغربه كيف يقررون بيوم وليله؟؟
أنا:مممممممممممم..إللحين فهمت سالفة الشنطه وطيبة أمايه المفاجئه !!
ياااااااااااااااااااي يدوه بتم وياكم أكثر من ثلاثة أيام!!!!!!
أنا أسعد مخلوقه في العالم!!!!!!!!
يوسف:عشوه
أنا:ويييييييييييييييش؟؟؟
يوسف:أعترفتي اللحين انج مب انسان...ههههههههههههههههه
يدوه:وش بك على البنيه؟؟خليها بحالها....
بعد ثلاثة أيام...
أنا:يدوه ..أبى اتصل بمريوم عشان أروح وياها للجمعيه..
يدوه :اتصلي.........
مريوم:ألوووووووو
انا:بعدنا عالأتفاق؟؟
مريوم:وعليكم السلام ..اشلونج علايه ..مشكوووووووره
انا(وش فيها البنيه؟؟؟):هااااااااااااه بتروحين؟؟؟ <<<ههههههه ما فهمت قصدها
مريوم:لاااااااااااااااااااااااااا ..معزومه عند خوالي ..
انا:بتخليني وتزورين قوم منيرووووووه وأخوها القررررررد .. <<<هههههههههههه
مريوم:هيييييييه..عن الغلط ..ما أسمحلج ..
أنا:يه يه..بعدني ما تكلمت زيييييييين ..آآآآسفه خلاص ما بقول شي عن حبيبتج ((بززز)),
(حكاية لعبه ..فيلم من ديزني)، على فكره شحال الحبيب الغاااااااالي ههههههههههه
(حسيت أن مريوم تعامل علي معامله خاصه هههههههه)
مريوم: يا قليلة الحياء!!!! بااااااااااااااي
تووووووووووووووووت ..شوفوا النذله أول مره تسكر في ويهي!!!!!!!
لهالدرجه تحب خوالها !! آآخ كيف لو تزوجت علي..كيف بتعاملني بعدين!!!
هيء هيء هيء...<<<<<من قهر
يدوه:هاه بتروحين؟؟
أنا(ماده بوزي شبرين):مب رايحه..مريوم معزومه عند حبايبها ..ممممم يدوه ليش ما تروحين وياي؟؟
يدوه:هههههههههه..أنا عيوز وثقيله وما أتحمل المشي..
أنا(مبوزه):أبى أروح للجمعيه!! محتاجه أغراااااض مهممممممه
يدوه:اتصلي بيوسف..أهو بيوديج..
أنا:ما بيوافق..
يدوه:إلا غصبا عليه بيوافق!
يوسف:ألووووووووووووووووووووو <<<<<<دلتني يدوه عالرقم
أنا:السلام عليكم ورحمة الله وبركاته ، بارك الله فيك..(عكس مريوم) شحالج يوسفوووه
يوسف(متردد):منو معاي؟؟؟؟
أنا:أسمي يبدأ بحرف العيييييين بلدي الثاااااااني
يوسف:علياااااااااااااء!!!!!!! (متعجب)
أنا:يوسف ..أبى أروح للجمعيه.. محتاجه أغراض وايد مهمه وما تتجأل بنووووووووب ..
يوسف:متى؟؟
أنا:اليوم العصر..بتاخذني ولا أروح ويا الدريول؟؟
يوسف:هذا اللي ناقص بعد ..تروحين ويا الهندي بروحج..
أنا:يعني بتاخذني؟؟
يوسف:أربعه بالتمام ..
أنا(متشققه):أوكي..باااااااااااااااااي .. مع السلامه
<<<<<<<<<<<<<<<<<<<<<<
في الجمعيه...قسم الحلويات<<الأغراض المهمه اللي أباها هههههههه
ترست السله حلويات وسويت من جميع الأنواع:جالكسي ،ستيكرس ،باونتي ،شبس ،لبان
توباسكو(دقوس) وبرنجرز الحااااار..ألخ..
السله ثقيييييييييله وصعب أشلها,,
أنا:يوسفووووووووووووووووووووووه..يوسفووووووووووووو ووووه
يوسف(مستوي طماط):فضحتينا الله يفضحج لا نكون فسوق سمج وأنا مادري..(أنتبه للسله)
يوسف(شهق من القلب):هاي الأغراض المهمه إللي ما تتأجل يا الدبه..أحلق شواربي اذا ما أستويتي
برميل!!!!!
أنا(أضحك):ههههههه فهاي الحاله تطمن شواربك بأمان..مهما أكلت بتم رشيييييييقه..
يوسف:اللحين من صدج بتاكلين هاي كله؟؟؟والله أنج عفريت..خفت منج؟؟
أنا:جبببببببببببببببببببببببببببببب ولا كلمه...يالله شل السله وتعال وراي!!
يوسف (لا تعليق عن تعبيرات ويهه ههههههه):ييييييييييييييييه !!! عبدج وأنا ما دري؟؟؟
في هذيك اللحظه نفسسسسسسسسسسسسسسي أعطيه طرااااااااااج يبرد قلبي ...
أنا:أوهووووووووووو من وين طلعت أنت ويا هالويه .......أفففففففف منك ومن تعليقاتك اللي
مثل ويهك...والله أنها مسكيييييييييييييييينه اللي بتتزوج على ريال مثلك..شعر راسي يوقف كل ما أفكر
أنها بتعيش معاك على طووووووووول...خلينا نوقف دقيقة حزن ونقرأ الفاتحه عليها...
..(ههههههههههههههه ..هالكلام خرج من قلبي ..هههههه)
صدقت نفسي وبكل جديه قريت الفاتحه !! ..ويوسف علامة استفهام على راسه
رفعت السله بصعوبه (ههههههههه الله يستر عالسعر) ومشيت شوي شوي..
إلا وأسمع ضحححححححححححححححححححححك ..يوسف ما توقف من الضحك ويهه حممممممممر
وماسك على بطنه حتى إني تفشلت من الناس اللي يمرون ويشوفوه بهالحاله!! ههههههههههههههههه
ههههههههههههههههههههههههههههههههههههههههههههههههه ...كملت طريقي..
يوسف (بصعوووووووووبه يتكلم ):هههههه ما شفت في حياتي حد مثل خبالج يا الدبه ههههههههههه
الواحد إذا يبى يشوف مخبول أصيييييييييل ..لااااااااااااااازم يشوفج ههههههههههههههه
دمي غلى من الحره والإهاااااااانه..أنااااااااااااا العاقله المثقفه خبله!!!!!!
هوووووووووووووو يعني يعني يكون صادج في كلامه بس المفروض يراعي مشاعري!
تجاهلت الرمسه ، وبعد كم خطوه ،أختفت السله؟؟؟؟
أخذها يوسف :مب عشانج ..عشان كرامتي ما تسمح إني أشوف حرمه ضعيفه تشل سله كبرها..
أنا:أنا مب حرمه يا يا يا ...رجااااااااااال واحد ....(من القهر ما قدرت أفكر في سبه)
يوسف:ونصصصصصصصصصصصص بعد هههههههههههه
قسم الأخباز والمعجنات<<<<<<<<< أموووووووووووت على أيش شيء مصنوع من الدقيق)
أنا:مممممم أي وانت ذيس أند ذيس أند ذات نونونو ذيس ون
يوسف:بسج ذيسااااااااات..يلا تأخرت ..صاحبي ينتظرني..
أنا:لووووووووووووين؟؟؟
يوسف:وانت أش دخلج يا الملقوفه؟؟؟
أنا(تجاهلت كلامه):وربيعك شيء ولا مو شيء؟؟
أنصدم يوسف من كلامي ههههههههههههههههه
أنا متعوده أقول هالجمله لأخويه حيان ..وحيان عادي عنده
يوسف(مب مستوعب):وش تقصدين يا الخبله؟؟؟
أنا(بكل سلاسه ):يعني حلوووووووو مممممم يهبببببببل ولا لأ (ههههههههه) بعرف إذا كان خطيييييير
من أسمه ...وش أسمه؟؟؟؟؟
يوسف عصصصصصصصصصصصصصصصصصصب وتضايج مررررررره من كلامي
<<ههههههه مب متعود
أنا(متعجبه):وش بلاك؟؟ ..(الغبيه أفتكر أن الكل مثل حيان بس يوسف..
أعوذ بالله متخلف وتقليدي لدرجة الغثياااااااااان!)
يوسف:عجلج معاج أنتي ؟؟؟ شو يهبل ما يهبل !!! ما تستحين إنتي؟؟!!<<عيونه مثل الجمممممر
أنا(أغايضه أكثر):يعني يهببببببببل؟؟ ياااااااااااااااااااي أب أشوفه !!ممكن هههههههههههههههههههه
رووووووووح يوسف ..حسيت لو أنه ظل وياي دقيقه ثانيه بحصل كفخه على ويهي..
في السياره...يوسف بعده معصب<<<أبدددددددددددد ما فتح فيه
أنا:وش صار بملك الله؟؟؟؟..يا خي كنت أمزح!!
يوسف:مزاح ثقيل وسخيف مثل ويهج..
أول ما دخلنا البيت..
يدوه:هاااااااااه أشتريتي إللي تبيه
أنا:أيه...يوسفووووووووه ممكن لو سمحت تاخذ الأكياس لغرفتي؟؟؟
<<<قاصده أرفع صوتي عشان ما يقدر
يقول لأ..هههههههه يدتي عندي!
يوسف(بصوت واطي):الله يلعن بليسج يا الخبيثه
أنا:وأنت بعد... ههههههههههههههههههه
<<<<<<<<<<<<<<<<<<<<<<<<<<<<<<<<<<
مر أسبووووووووووووع وأنا آكل إللي أباه من الحلويات (مخزون شهر)
من دون رقيب ولا حسيب ولا أكون
خايفه من حمد أوفطيم..هههههههه لأني هنيه أصغر وحده ويوسف أهو إللي يخاف مني إللحين..
وأسمع قصص ييدتي شيخه وأغايض يوسفوه ، حتى إني سويت لنفسي مزرعه
صغيره وزرعت فيها الورد من البذور إللي اشتريتها هذاك اليوم..باختصار..عايشه بنعمه
الساعه ثمانيه فليل..
قناة ميلودي..أغنية (أخاصمك آه) بأعلى صوت!
أنا(أقلد نانسي):آآآآآآآآآه! آآآآآآآآآآه
أسيبك لاااااااااااااااااااااااااااااه
طلعت على الطاوله...لاااااااااااااااااااااااااااااااه
(يدتي عند الجيران ويوسف طالع من العصر)
وماري ما توقفت من الضحك ..
أدووووووووووور وألف راسي وأحرك أيدي :وجوووووووووووه الروح حتفضل حبيبي إلانا بهووووووووواه
أقتربت من ماري ومسكت أيدها ..وماري تحرك راسها<<<أونه مستحيه
في النهايه..رقصت ماري ..رفعت حواجبي على الأخر..رقصي ما ينفففففففففففففع بالمره
مقارنة برقصها!!!!!!!هههههههههههههه ، والله أنج خطيييييييييييره يا ماري
ونحن بهاي الحاله
...:السلام عليكم!!!!!!!!
ماري هربت ..
أنا (أفك الشيله المعصوبه عند خصري بارتباك):وعليكم السلام...
...:إنتي علياء؟؟؟
أنا (متشققه..مشهوووووره لهاي الدرجه!):أيه..تفضلي تفضلي..
الصاله مقلوبه فوق تحت هههههههههههههههه عشان كيه وديتها للصالة الثانيه (صاله مهجوره نوعا ما)
ناديت ماري عشان تجيب أكل أو أي شي ..
الحرمه:كيف حال أهلج ؟؟
أنا:الحمد لله
الحرمه:بعدهم في دبي؟؟
أنا:لا ..هم إللحين بالعين ..
الحرمه:في بيت يدج؟؟
أنا:أيه..
في لحظة صمت..( أفكر :كيف خليت الباب مفتوح..
لو سمعت كلام يدتي وسكرته ما كنت بهاي الحاله)
أنتبهت لنظرات الحرمه إللي بتاكلني ..من ساسي لباسي..بسم الله .
.<<<شكلي مبهذل وويهي طماطم وكشتي واقفه ههههههه طبعا بتتأملني هههههههههه
الحرمه:وين يوسف؟؟
أنا:طلع من العصر..
دقايق مرت وأنا منتظره أنها تعرفني بنفسها..
تييييييييييييين توووووووووووونج<<<الجرس
أكيد يدتي...الحمدلله
...:السلام عليكم (وش إللي صااااااااير؟؟؟؟؟)
أنا (مستغربه )+ الحرمه(كأنها تعرف ):وعليكم السلام
ممت ممت ممت <<<<<<<أونه صوت البوسات
الحرمه2:علياء!
الحرمه1:أيه ..هاي أهي
وش صاااااااااااااااير يا جماعه؟؟؟؟؟؟
الحرمه1:علياء روحي غيري ملابسج ولبسي أحلى لبس عندج وتعالي
أنا (الأطرش في الزفه):فهاالوقت؟؟
الحرمه2:أيه.. لاتضيعين وقت..الجماعه بالطريق..
أي حريم وأي خرابيط ..إللحين يدتي تعرف .
أخذت شاور عالسريع و فتحت الشنطه..ممممممممم ..
وأنا في الغرفه ..تييييييين تووووووووووووونج
طلعت عشان أعرف منو...حرمه وعيالها!!!!!!!!...
دشيت الغرفه وأنا في حيره ...
وي اللحين وش البس؟؟؟؟؟؟
تييييييييين تووووووووووووووونج ..
بنات في سني !!!!!!!!
وأنا في الغرفه
دق دق
أنا:مننننن
يوسف:أنا
فتحت الباب..
أنا:من تحت ووين يدتي شيخه ووش صاير
يوسف:هدي هدي .. ما عندي وقت للشرح
عماتي تحت وأمي وصلت قبل شوي وتباج تلبسين هالكندوره
عطاني الكندوره..
أنا:هههههههههههههههه ..يحليلك ..ههههههههههههه
أخذت الكندوره وسكرت الباب في ويهه من دون قصد..
ووووووووووووو ..خطيره هالكندوره
نزلت تحت وسلمت عالحريم وجلست عند يدتي ...



من مواضيعي :
موضوع مغلق

مشاركة الموضوع:

خيارات الموضوع
طريقة العرض

إنتقل إلى

عناوين مشابهه
الموضوع الكاتب القسم ردود آخر مشاركة
مذكرات سائح 6 semo فيديو وكليبات 1 09/08/2012 09:03 PM
مذكرات سائح 5 semo فيديو وكليبات 26 02/01/2012 01:41 PM
ما هو الطفش و ما هي طريقة الوقايه منه وما علاجه؟؟؟ anime girl ترويح القلوب 14 29/09/2009 07:40 PM
أخطر مرض ... وأساليب علاجه ×Dead G!rl× موضوعات عامة 7 27/03/2006 01:54 PM
من مذكرات روح الليل روح الليل موضوعات عامة 20 13/02/2006 10:26 PM

vBulletin ©2000 - 2017
 
 
عمانيات  مراسلة الإدارة  تصفح سريع منتديات