عمانيات عمانيات
عودة   عمانيات > أقسام ترفيهيه > انمي وافلام
انمي وافلام انمي, أفلام, مسلسلات, واخبار الكرتون وكل ماهو جديد ومفيد

الرد على الموضوع
 
خيارات الموضوع طريقة العرض
  #1  
قديم 19/09/2008, 01:24 AM
صورة لـ sasuke
sasuke
مُشــارك
 
إرسال رسالة عبر MSN إلى sasuke
ابتسامه عريضه مدرسة الأنمي

السلام عليكم ورحمة الله وبركاته

شحالكم ان شاء الله بخير


إختصاصي الوحيد في عالم القصص

والسبب تأليفي للقصة هو اني اشتقت للمدرسة >>>

وحبيت اتذكر الاشياء الي كنا نسويها وسوالفنا ،لكن من خلال شخصيات الأنمي

مابطول عليكم بسم الله بدأنا


شخصيات هل القصة كثيرة في كل حلقة بذكر بعضها وبعضها مفاجأة

وانتقيتهم من باقة الانمي الي احبهم ...

بالنسبة للشخصيات حطيتهم في صف واحد مع ان في اختلاف في السن

لكن ادارة المدرسة تمشي بالواسطة فالشخصيات الصغار رفعوهم للصفوف المتقدمة


تعريف بسيط بالشخصيات
اولاً الطلاب


ايتشيقو : مع انه طالب مشاغب لكنه وقت الامتحانات يطلع العاشر ع الصف


إدورد : ملقب بالقزم في الصف ( مع العلم ان في ناس اقصر منه ) طيب وحبوب لكنه
يعصب لما احد يسميه قزم ><



حسان : أغبى واحد بالصف حطم الرقم القياسي في الرسوب
وفوق هذا يسمي روحه عبقري !



ساسكي : زره ع الفاضي ومغرور ومشهور في الصف مع انه كسلان بس عنده واسطه في الادارة ...


كيريهارا : يصنف في المرتبة الثانيه في المشاغبه على الصف هوايته ابتكار اساليب مطورة لتعذيب المدرسين


شيكامارو : طالب خامل وكسول درجة اولى
طول الوقت راقد مايقوم الا لما يطق جرس الفسحةلكنه ذكي و يخترع اساليب غش حق الامتحانات !



ناروتو : يغار من ساسكي لان كل المدرسين يخافون من واسطته وناروتو يحاول يلزق روحه بالمدرسين بس محد ماعطنه ويه


لايت : ملقب بأبو ويهين لانه مع المدرسين
هو طالب عبقري والاول ع الصف و محترم و ورى ظهورهم يحب يشوش بين
الطلاب والمدرسين ويسوي ضرابات بينهم !



ريوزاكي : وحليله طالب مؤدب ومحترم ماقط سوى مشكله بس يغشش الطلاب في الامتحانات لانهم يكسرون خاطره


آكتسو : هذا هو المصنف رقم واحد في المشاغبة
و اثاره المشاكل كل المدرسين يخافون منهومحد يقدر يقرب صوبه
ولا بيكون مصيره مأساوي يقولون انه يهرب اسلحه داخل المدرسة ولقوا في شنطته مسدس محشو


يتبع ...




من مواضيعي :

آخر تعديل بواسطة sasuke ، 19/09/2008 الساعة 01:37 AM
الرد باقتباس
  #2  
قديم 19/09/2008, 01:29 AM
صورة لـ ؛¤ّ,¸الشعنونة¸,ّ¤؛
؛¤ّ,¸الشعنونة¸,ّ¤؛
مُشــارك
 
إرسال رسالة عبر MSN إلى ؛¤ّ,¸الشعنونة¸,ّ¤؛
: مدرسة الأنمي

يا الله عندنا نبي نشووف الابداعاات..

كيريهارا : يصنف في المرتبة الثانيه في المشاغبه على الصف هوايته ابتكار اساليب مطورة لتعذيب المدرسين


حلوه شخصيته..عااد مدنا من الاساليب المبتكره لتعذيب المدرسين



من مواضيعي :
الرد باقتباس
  #3  
قديم 19/09/2008, 01:40 AM
صورة لـ sasuke
sasuke
مُشــارك
 
إرسال رسالة عبر MSN إلى sasuke
: مدرسة الأنمي

شكرا لك على مرورك
لكن القصة لم تبدأ بعد




من مواضيعي :

آخر تعديل بواسطة sasuke ، 19/09/2008 الساعة 02:06 AM
الرد باقتباس
  #4  
قديم 19/09/2008, 02:05 AM
صورة لـ sasuke
sasuke
مُشــارك
 
إرسال رسالة عبر MSN إلى sasuke
: مدرسة الأنمي

الطالبات :


روكيا : دوم تتضارب ويا إدورد على امنو فيهم الأطول ! وهي الي سمته " قزم "


وينري : تهرب مكياج داخل المدرسة وتبيعه ع البنات و الادارة تسعى للقبض عليها متلبسه !!


تاتسكي : اقوى بنت في المدرسة عندها حزام اسود في الكاراتيه وتحب تتضارب ويا الاولاد


ساكورا : من الاوائل ع الصف ( مو باين لوول ) الكل يبا يغش منها بس هي ما تغشش الا ساسكي !

يتبع ...



من مواضيعي :
الرد باقتباس
  #5  
قديم 19/09/2008, 02:34 AM
صورة لـ sasuke
sasuke
مُشــارك
 
إرسال رسالة عبر MSN إلى sasuke
: مدرسة الأنمي

الإدارة والمدرسين

المدرسين :



زاراكي كينباتشي : مدرس رياضيات وهو متخرج من تخصص تاريخ!
الكل يخاف منه لانه يدخل الحصه و هو ماسك سيفه بيده !



تسونادي : معلمة فيزياء مشهورة بتطبيق القوانين الفيزيائية على الطلاب !


جيرايا : استاذ كيمياء يوم يداوم واسبوع لا ، الطلاب يحبونه ( لان حصته دوم فراغ ! )


وروتشيمارو : استاذ الأحياء ، تخصصه تشريح مع
ان المنهج مو كله تشريح لكن كل حصصه يشرح فيها
مختلف الكائنات الحيه >>> الله يعين الطلاب !

الإدارة :



ايتاتشي : مسؤول التوظيف
والعلاقات العامة وهو اخو ساسكي وواسطته من جذا الكل يخاف منه >>> لا يطردهم اخوه لوول



ميكامي : مساعد المدير شخص عصبي وعنده ولاء للقانون اذا جاف مخالفه بسييييطة من اي طالب على طول يفصله اسبوع


؟؟؟؟ : مدير المدرسة شخص مجهول
محد يعرف هويته يتكلم بالمايكرفون بس الكل يخاف منه
خصوصاً الطلاب لان آخر طالب دخل مكتبه مفقود الى اليوم !!

>>> رح تكتشفون شخصيته من خلال القصة ^^

هذي هي الدفعة الأولى من الشخصيات و في كل حلقة بحط البقي


انتظرونا ..






من مواضيعي :
الرد باقتباس
  #6  
قديم 19/09/2008, 09:27 AM
صورة لـ ×Dead G!rl×
×Dead G!rl×
حميــم
 
: مدرسة الأنمي

وااو ماشاء الله عليك خووي ابداااع مره


بس انا ابا العيوز اتسوناادي اتدرسنس فيزياءءء هع هع مره ابدااع

وصرااحه ووتسيماروا يستااهل مادة الاحيااء هيهيهي شوف شكله انته بس الميت الحي




عااد ماحصلت غير جيرايا اتحطه للكيمياء هذا البديع المبدع شرات معلمتنا هع هع

حلووين الشخصيات واغليهم من بليش ونارتو صح..
بس لو يبت من رمبل اسكوول كششخه مره^^




نتريا القصه خيوو^^..وسوري ع الاطاله



من مواضيعي :
الرد باقتباس
  #7  
قديم 20/09/2008, 01:07 AM
صورة لـ sasuke
sasuke
مُشــارك
 
إرسال رسالة عبر MSN إلى sasuke
: مدرسة الأنمي

&& مشكوووور على مرورك &&
&& Dead G!rl &&




من مواضيعي :
الرد باقتباس
  #8  
قديم 20/09/2008, 02:08 AM
صورة لـ sasuke
sasuke
مُشــارك
 
إرسال رسالة عبر MSN إلى sasuke
: مدرسة الأنمي

الحلقة الأولـــــــى من

(( مدرســــــــة الأنمي ))



في صباح يوم دراسي توجه فيه الطلاب الى مدرستهم وقبل ان يرن جرس الحصة الاولى

كان الطلاب ماخذين راحتهم و مو كلهم يالسين في الصف ...


المكان : صف السنة الثالثة الشعبة

لايت : صباح الخ خيـــر آآه تدرون اني ما رقدت الا ساعتين بس

ريوزاكي : صباح النور عسى ماشر ؟ فيك أرق ؟

ناروتو : لااا تلقاه سهران مع الفلم الهندي الي امس حطوه

ساسكي : وانت شو دراك ان حطو فلم هندي اكيد انت بعد كنت تجوفه

ناروتو : انا كنت اجلد الكتب مال المدرسة و فتحت التلفزيون و كان الفلم يشتغل

ساسكي : توك تجلد الكتب عقب اسبوع امتحانات نص السنة وانت صج متفيج

لايت : بس كان فلم كشخة يعني حتى الدم فيه تحس انه فيمتو

ريوزاكي : الله يعينك اذا رقدت في الحصة الاولى

لايت : مو اول مرة اسويها

ساسكي : هه هه هه شكله مايدري شو عندنا في الحصة الاولى

لايت : ادري كيمياء واكيد استاذ جيرايا غايب فبكمل رقادي

ريوزاكي : لا ما سمعت امس شو قال ؟ قال انه بيبدل حصته مع حصه الرياضيات لان عنده موعد مع طبيب الاسنان

ناروتو : اهىء اهىء يعني اول حصة رياضياااات ومع استاذ كينباتشي

لايت : لااااااااااااااااااااااااا >>> مصدوم

المكان : ساحة المدرسة

كان متجمع في مكان واحد كل من كيريهارا و شيكامارو و حسان وايتشيقو

كيريهارا :
اقوولك كان الهدف صحيح بس الحكم متحيز حق برشلونه

ايتشقو : لا تسوي عمرك فاهم الحكم قال مايحتسب يعني ما يحتسب وفزنااا هاهاها

كيريهارا : ما يهم بنكسر راسكم المرة الياية ><

شيكامارو : اففف ليش انا نزلت الساحة لو يالس في الصف وايد احسن

حسان : لاحق على الحبس في الصف بعد شوي بيرن الجرس

ايتشيقو : هيه على الاقل ناخذ مخزون هواء نقي قبل لا نختنق هناك

كيريهارا : هشش سكتوا البنات بيمرون من صوبنا اففف منهم

كان كل من روكيا و ونري وتاتسكي يسيرون عدالهم

ونري : اقولج هذا ماركة عالمية ما اقدر اسوي لج تخفيض

روكيا : اووه ماعندي فلوس شو اسوي عطيني اياه اول الشهر بدفع لج

ونري : لا عيوني السلف ممنوع وانتي تاتسكي ما تبين تشترين مكياج ؟

تاتسكي : جب بس جم مرة اقولج انا ماحب هل السوالف

ونري : كيفج تمي جي ويهج اصفر وكريه

تاتسكي : انا ويهي كريه !! بتجوفين شو بيستوي في ويهج عقب بوكسي

روكيا : اوونه شو فيكم سكتوا اول ما جفتونا

كيريهارا : لا ماشي بس خلصت السالفة

روكيا : خلصت ولا انت قلت لهم يسكتون

حسان : هيه هو قال لنا هاهاهاها

كيريهارا : اسكت يا الغبي ><

شيكامارو : اوووه جوفوا من يمشي بين البنات وماجفناه

ايتشيقو : شو تسوي مع البنات يا القزم

إدورد : احترم نفسك ولا تقول قزم انا ما امشي وياهم هذا طريجي

ونري : إإإإد من وين طلعت انت خرعتني ><

تاتسكي : لا تغيرين السالفة تعالي نتضارب

ونري : بعدين بعدين >>> تخاف منها

حسان : قزم شو تسوي بكتاب الفيزياء من متى اسويت شاطر ها ؟

إدورد : اسكت يا بو راس بطيخة انا ادرس حق الاختبار

شيكامارو : اففف بعد اختبار ليش ماخبرتوني من قبل، لو يالس في الصف وايد احسن

ايتشقو : بس ما عندنا امتحان شي اليوم ؟

إدورد : هاهاها يا فالح عندنا اختبار فيزياء مفاجىء!

روكيا : دام انه مفاجىء شلون دريت به ><

إدورد : عاد والله عندي طرقي الخاصة

كيريهارا : ما عليكم منه كذاب تلقونه امس حلم انه فيه اختبار مفاجىء ومصدق عمره

حسان : حتى لو فيه اختبار انا مابدرس

ايتشقو : اصلاً انت طول عمرك ما تدرس

ونري : امشوا يا بنات نسير الحمام ابا اعدل الميك أب قبل لا يرن الجرس

كيريهارا : ههه هيه سيروا وراها ما نبا نجوفها بدون ميك اب لان اكيد بيغمى علينا

و بعد ما سارت الطالبات صوب الحمام

إدورد : انا برجع للصف مابقى شي ويرن الجرس

شيكامارو : خذني معاك ابا اخذ غفوه قبل لا يرن

ايتشيقو : احسن كلنا نرجع للصف لان ان وصل كينباتشي و ما لقانا ......

حسان : بيكون مصيرنا الموت

عودة للصف ...

ناروتو : اووه الحين بيوصل يلا بسير له

لايت : وين راح هذا

ساسكي : ما تدري انه يشتغل عند استاذ الرياضيات كل يوم يشل له شنطته يبا يصير مقرب
منه هاهاها مسكين ما عنده واسطة

ريوزاكي : مالت بس على زمن الواسطات

ساسكي : لو عندك جان ماقلت هل الكلام

وفجأة دخل الصف الطلاب الي كانوا بالساحة وهم يركضون

حسان : عسى ما وصل بس

لايت : لا لحين

كيريهارا : الحمد لله قدرت اهرب من استاذ اوروتشيمارو كان واقف ع الدرج يقول شل لي شنطتي !

اتشيقو : بل جان اكيد بتتأخر و ......

قطع كلامه وصول أستاذ كينباتشي ووراه ناروتو مع شنطته

كينباتشي : صباح الخير

الكل : صباح النـــــور يا استاذ

كينباتشي : هاه جينه فيه نقص في طلاب ؟

كيريهارا : تقصد طالبات يا استاذ

حسان : ساروا يعدلون السفن أب

شيكامارو : ميك أب يا ذكي

كينباتشي : سكتــــــوا كلكم على كيفهن يتأخرون في حصتي كلهن ناقصات 10 درجات

تاتسكي : استاذ لا تحسبي معاهم

كينباتشي : اهلا اهلا شرفتي الصف ليش ما احسبك ها ؟

تاتسكي : انا ما كنت بالحمام كنت اسجل اسمي في بطوله الكاراتيه عند استاذ الرياضة

وهذي ورقة من عنده...

كينباتشي : همم زين دخلي الصف يلا و الحين بنبدأ درسنا ولما تشرف الآنسات بعرفون شغلهن.

....................

ياترى شو مصير البنات المتأخرات ؟

و بعض الطلاب الي ما وصلوا لحد الآن ( والاستاذ ما انتبه ! )

تابعـــــونا في الحلقة الثانية ...


إن شاء الله عيبتكم القصة

اتريا آرائكم و اقتراحاتكم وانتقاداتكم

في امان الله





من مواضيعي :

آخر تعديل بواسطة sasuke ، 20/09/2008 الساعة 03:21 AM
الرد باقتباس
  #10  
قديم 21/09/2008, 01:35 AM
صورة لـ sasuke
sasuke
مُشــارك
 
إرسال رسالة عبر MSN إلى sasuke
: مدرسة الأنمي

&& مشكوووور &&
&& على المروووور &&
وحأبدء في الحلقة الثانية




من مواضيعي :
الرد باقتباس
  #11  
قديم 21/09/2008, 03:46 AM
صورة لـ sasuke
sasuke
مُشــارك
 
إرسال رسالة عبر MSN إلى sasuke
: مدرسة الأنمي



عدنـــــا مع الحلقة الثانية

وفي البداية بخبركم ببقية الشخصيات ^^




المدرسين والعمال في المدرسة


اوراهارا : بياع المقصف يزيد اسعار الاكل 10 اضعاف ومحد يروم يوقفه


روي : أستاذ اللغة العربيه ( اوونه ) يحب يخلي الطلاب ينسخون المعلقات ويكسر اياديهم لوول


ايتشيمارو : أستاذ جغرافيا دومه يضحك ومبتسم لكنه خبيث وياويله الي يعصبه !!


هانامورا : مدرسة إنجليزي ، خبله و تنخدع بسرعة وهذي النقطة يستغلها الطلاب وايد

الطلاب :

مابذكر الا واحد اليوم ^^


فوجي : 24 ساعة مبتسم ويضحك ماقط احد جافه معصب الكل يشك انه له علاقة بأستاذ الجغرافيا خصوصاً ساسكي
وهو يسعى لإكتشاف صلته به >>> اناني مايبا احد غيره بواسطه




(( الحلـــــــقة الثانية ... مدرسة الأنمـــــي ))

كينباتشي : يلا طلعوا الكتب بنراجع درس امس

ايتشيقو : استاذ كل يوم نراجع نفس الدرس ><

كينباتشي : التكرار يعلم الشطار يلا حسان قوم !

حسان : من انــــا ؟؟ والله ماسويت شي ارجوك لا تطقني

كينباتشي : امنو قال بطقك .. يلا سمع لي جدول الواحد !!

حسان : همم زين انت قول المسئله وانا بحلها

كيريهارا : اوونه شو عنده هذا واثق

كينباتشي : تسعة ضرب واحد ؟

حسان : بل حرام كسر خاطري هل الواحد تسعة مرة وحدة

كينباتشي : حسااانوو انا اعرف شغلي معاك تعال اكسر راسك

ناروتو : يمااا مسكين راحت عليه بغمض عيوني

ساسكي : سمعتوا عن الي في فرقة واحد ؟

لايت : يقولون مرة وحدة انفتح باب الصف وجافوا راس الطالب يطير بالهواء

ريوزاكي : وبعد شوي طلع استاذ كينباتشي من الصف

حسان : يمااا لاحقووني نقذوووني ما ابا امووووت

كينباتشي : عشان تتأدب و تحترم جدول الواحد تعال يلااا

في حمام البنات

روكيا : اقول ماسمعتي الجرس ؟

ونري : لا لحين افف لا تفتحين عيونج ابا احط الآي شادو

فجأة انفتح باب الحمام

ونري : من هنااا ؟؟

ساكورا : بسم الله شو تسون

روكيا : انتي شو يابج هنا

ساكورا :ها ؟ انا ابا اعدل شعري فيها شي ؟

ونري : زين ساكورا ما ودج في مثبت شعر امس واصل من البرازيل

ساكورا : لاا عيوني اخر مرة شريت من عندج كريم مال شعر سوى شعري يابس ><

ونري : خييييبه آخر مرة انتي شريتي مني كريم مال ويه يا خبله

ساكورا : هااااه ما قلتي

روكيا : هيي انتوا ترى الجرس رن من 10 دقايق نحن ما انتبهنا

ساكورا : لااا اول حصة رياضيااات

روكيا : يلااا بسرعة ولا راحت علينا

ونري : لحظة بدخل المكياج في الشنطة !


في الصف

كينباتشي : انا بأدبك يا حسان جوف هل السيف هذا بعد شوي بيكون على رقبتك

حسان : لاااا لاااا الله يخليك لأمك لا تجتلني بسوي لك الي تبا بس لا تجتلني

ناروتو : هاااه خلصوا ؟

شيكامارو : لا تفتح عيونك لحين ما خلصوا

إدورد : ماشي قانون في هذي المدرسة فوضى هي يذبح عيال الناس

فوجي : اسكت لايسمع ولا بيذبحك قبله

كينباتشي : واحد .. أثنين ... ثـــــــ

و إنفتح باب الصف بسرعة

روكيا : سلام عليكم

كيبناتشي : اهلا اهلا ... حسانو حسابي معاك وقت ثاني يلا ارجع مكانك

حسان : الحمدلله الحمدلله

ساكورا : هلا فيك استاذ

كينباتشي : و زعيمتكم ليش ساكته ما تنطقين يا بنت

ونري : ا استاذ عاد عطنا فرصة نشرح الوضع

كيريهارا : لاا تعطيهم شي تراهم كذابين في الي بيقولونه

ونري : اسكت انت ><

كينباتشي : كيريهااارااا لاتدخل في شغلي فاهم

كيريهارا : نصحتك وانت كيفك

كينباتشي : يلا سمعينا وين كنتن ؟

ونري : احم كنا مع تيشر هانامورا نساعدها في ترتيب الملفات

كينباتشي : وما تردون ان عندكم حصة ها ؟

ونري : استاذ مسكينه تيشر هانامورا لازم تجهر الملفات قبل يوم الثلاثاء حق نقابة العمال

ماعندها احد يساعدها تدري لازم الطلبات تكون مكتوبة بالانجليزي وهي الوحيدة الي تعرف

ولا تبا ايتاتشي يطردها بعد ><


ساسكي : احترمي روحج انتي قولي السيد ايتاتشي اخو الشيخ ساسكي

ساكورا : فديت الشيوخ انا

ساسكي : جب انتي بعد

كينباتشي : سكتـــــوا ولا كلمة ونري سيري عند هانامورا و اخذي منها ورقه تثبت انكن كنتن عندها

ولا تتأخرين والباقي يلا اوقفوا آخر الصف لين ترجع ونري يلااا


ونري : على امرك استاذ

كيريهارا ( في نفسه ) : بل بل عليها على طول طلعت عذر

كينباتشي : زين يلا نكمل درسنا من يعرف واحد ضرب واحد يساوي كم ؟؟

في الممر قرب الصف

ونري : نياااهاهاها الحين بقى اقص على تيشر و نطلع من هل المشكلة

ووصلت للدرج وجافت استاذ اوروتشيمارو يحاول يسحب شنطته ومو قادر

ونري : استاذ شو تسوي هنا ؟

اوروتشيمارو : من ونري ؟ تعالي ساعدني هل الشنطة ثقيلة

ونري : استاذ ليش ما تركب المصعد هم ما خلوه الا حقكم ولا احنا مساكين نركب هل الدرج كل يوم

اوروتشيمارو : اليوم متعطل فيه تصليحات يلا تعالي انكسرت يدي

ونري: سوري استاذ عندي رياضيات ما اقدر اتأخر يلا باي

اوروتشيمارو : اففف ليش حظي جي ويا الطلاب دوم يهربون مني ><

في غرفة المدرسات

هانامورا : اقولج هذا مساعد المدير مارضى يوقع على ماي هوليداي

تسونادي : زين جان قلتيله يعطيها المدير ؟

هانامورا : هذا مدير ؟ محد قط جاف ويهه ولا حتى نعرف هز نيم الطلاب في الشهادات

مكان اسم المدير عندهم علامات استفهام افف

طق طق طق

ونري : مرحبا ممكن ادخل ؟

تسونادي : انت دخلتي وخلصتي يلا هانامورا انا بسير عندي حصة و ضيعت نصها بسوالف معاج

هانامورا : اوكي سي يو ليتر ^^ شو عندج ونري ؟

ونري : احم تيشر الله يخليج اباج تكتبين لي عذر ندخل فيه الصف

هانامورا : بعد !! كل مرة اكتب لج عذر يا بنت ><

ونري : عاد هل المرة حق استاذ كينباتشي وانتي تعرفين شو يسوي اهىء اهىء

هانامورا : بس انا ما اقدر لان..

ونري : تيشر تدرين شو عندي اليوم ؟ ماسكارا من جنوب افريقيا امس وصلت

هانامورا : ماسكارا ؟؟ عاد غود ون ؟

ونري : افاا عليج انا ماعندي الا كل شي غود هذي تخلي الرموش طولها 10 امتار

هانامورا : وااااو ريلي ؟

ونري : هيه بعطيج 2 منها وعلى حسابي بعد ^^

هانامورا : شو كنتي تقولين ؟ تبين عذر حق جم وحدة ؟

في الممر مرة ثانية

ونري : يااااهوو محد يقدر علي انا ، احسن شي ارجع قبل لا يعصب هذا بعد

اوروتشيمارو : ونري !

ونري : يماااااااا استاذ من وين طلعت من الطوفه لا تخرعني مرة ثانيه بليز

اوروتشيمارو : سمعيني زين الحصة الثانية نزلوا كلكم مختبر الاحياء عندنا حصة تشريح

ونري : ومتى ما كانت حصتنا حصة تشريح ><

اوروتشيمارو : زين يلا سيري خبري طلاب صفج

ونري : شو صار بشنطتك استاذ ؟

اوروتشيمارو : في حصتي بطرش 4 من صفكم يشلونها المشكلة اخاف الكوبرا تختنق !

ونري : شو قلت استاذ ؟

اوروتشيمارو : ولا شي يلا قلبي ويهج

فــــي الصف

كينباتشي : افف هذي ليش كتبت لج العذر بالانجليزي عاد الي يقول انا فالح فيه

ونري : تبا ارجع لها تترجمه استاذ ؟

كينباتشي : لا خلاص بقبله هل المرة وسمعوني ان عدتوها مرة ثانيه حسابكم عسير

ساكورا + روكيا : حاضـــر استاذ

لايت : استاذ كملت حل التمارين

كينباتشي : زين تعال اجوف وانتوا كملوا التمارين واذا رن الجرس تراها واجب و بعد تمارين الي في الكتاب و ياويله الي بييني باجر مو حالها

ناروتو : اففف بعد واجب

شيكامارو : خ خ خ ( راقد ) اقول متى الفسحة ؟

ررررررررررررررررررررررررررررررن

و خلصت الحصة الأولى بدون ضحايا هل المرة

و الحصة الثانية احياء مع استاذ اوروتشيمارو ...

ترقبوها


....

ان شاء الله عيبتكم هل الحلقة

في امان الله





من مواضيعي :

آخر تعديل بواسطة sasuke ، 22/09/2008 الساعة 01:15 AM
الرد باقتباس
  #13  
قديم 23/09/2008, 04:08 AM
صورة لـ sasuke
sasuke
مُشــارك
 
إرسال رسالة عبر MSN إلى sasuke
: مدرسة الأنمي

إقتباس
 مشاهدة المشاركة اقتباس من مشاركة أسيــر
شكرا لك اخي sasuke على الموضوع الاكثر من رائع..
وفقك الله.. ودمت مبدع..

شكرا لك على مرووووك الرائع أسير

&& ونورتو موضوعي &&




من مواضيعي :
الرد باقتباس
  #14  
قديم 23/09/2008, 06:21 PM
الصمت ميزتي
نوmـي
 
: مدرسة الأنمي

اختي بتتخبل لو شافت ها الموضوع ههههههههههههههههههه



انا روكيا ههههههههههههههههه


شكرا على الموضوع



من مواضيعي :
الرد باقتباس
  #15  
قديم 24/09/2008, 09:48 PM
صورة لـ sasuke
sasuke
مُشــارك
 
إرسال رسالة عبر MSN إلى sasuke
: مدرسة الأنمي

إقتباس
 مشاهدة المشاركة اقتباس من مشاركة الفراشـة
اختي بتتخبل لو شافت ها الموضوع ههههههههههههههههههه



انا روكيا ههههههههههههههههه


شكرا على الموضوع


&& مشكوووور على مرورك &&
&& الفراشة &&



من مواضيعي :
الرد باقتباس
الرد على الموضوع

مشاركة الموضوع:

خيارات الموضوع
طريقة العرض

إنتقل إلى

عناوين مشابهه
الموضوع الكاتب القسم ردود آخر مشاركة
فرصة استثمارية مدرسة للبيع جنة مرسي إعلانات وتسويق 0 31/07/2017 01:23 PM
ما هي أفضل مدرسة دولية في إسطنبول؟ شيماء إلحربي إعلانات وتسويق 1 03/07/2017 07:51 PM
أغبى مدرسة في العالم salma-secônd-twîîn ترويح القلوب 2 30/12/2011 06:55 PM
من مدرسة الحياة fatenfouad موضوعات عامة 2 26/07/2011 09:33 AM
«¨`.¸.* في مدرسة الحب تعلمت *. ¸¨`» شتات موضوعات عامة 8 09/04/2007 03:58 PM

vBulletin ©2000 - 2017
 
 
عمانيات  مراسلة الإدارة  تصفح سريع منتديات