عمانيات عمانيات
عودة   عمانيات > منتديات عامة > قصص حقيقية
قصص حقيقية قصص يومية, قصص من المـاضي, قصيرة وطويلة

موضوع مغلق
 
خيارات الموضوع طريقة العرض
  #31  
قديم 16/02/2007, 11:12 AM
المتمردة
مُتـواصل
 
رد: مذكرات علايه

بنيه:لو سمحتي..
أنا:هاااااه
البنيه:تعالي نباك معانا
أنا في نفسي فرحااااااااااانه موت أول مره حد يناديني عشان يتعرف علي
البنات:هااااااااااي
أنا :وعليكم السلام.....>>>ما أحب الهاي وأجزائه
البنات تعجبن وضحكن من كلامي..
وحدة مرررررررره حلوة ما شاء الله عليها شكلها مب غريب علي : علياء تعالي نباك
أنا (سويت نفسي عاااادي والحقيقة بتجيلي سكته قلبيه من الفرحه الكل مهتم فيني على غير العادة):إن شاء الله
البنت الحلوة:إنتي من متى هنيه؟
أنا (أحسب بأصابعي):تقريبا عشرة أيام..
البنات رفعن حواجبهن وتساسرن وضحكن..
البنت:ليش ما رحتي مع أهلك
أنا:ما أريد أروح
البنت:ليش
أنا (حسيت بلقافتها):بسسس
وحدة منهم تكلمت :تشوفين يوسف
ضحكن البنات ....وش بلاهن؟؟؟
أنا :أيه
كملت وحدة :تكلميه؟؟
أنا(على أعصابي ):أييييه
نشيت من قعدتي :بروح عند يدتي تبين شي؟؟؟؟
البنت الحلوة(ويهها أحمر)بكل جفاف:لا سلامتج


رجعت عند يدتي..وعرفت أن الخسفات إللي هناك ما عندهن سالفة يغازلن يوسف عيني عينك
صدج ما يستحن على ويوههن وأكيد الزعيمة معجبه بيوسف وويهه ..صدج إللي قايل (الطيور على أشكالها تقع)
طووووووط ..طووووووووط
يدتي:علايه شوفي التلفون
أنا أطيير بين الحريم ..أكيد برد
أنا:ألووووو
..:وين أمي
أنا:وش قلت
يوسف :أريد أمي
أنا:لا سلام ولا كلام؟؟
يوسف:أففففف..شوف إللي يتكلم ..وين أمي؟؟
أنا(صدج صدج معصصصبه ..أول شي البنات بعدين أهو):يدتي بعيد وما تقدر تمشي للتلفون يا الزير
يوسف:هااااااه..أيش قلتي..منو الزير؟؟؟؟
على العموم قليلها أن العشى بيتأخر ساعة..
طووووووووووووط
النذل ..سكر فويهي التلفون!!!!



من مواضيعي :
  #32  
قديم 16/02/2007, 11:13 AM
المتمردة
مُتـواصل
 
رد: مذكرات علايه

قممممممت معصبه عالآااااااااااااااخر
كيف يكلمني بهالطريقه؟؟؟
نسيت أنه آنا السبب لأني سكرت الباب فويهه
المهم الليله كانت طويله وفهمت من يدتي أن شلة البنات هناك بنات عم يوسفوه
وطبعا أشكالهم مألوفه لأن يوسف يشبههم ..بس
وفهمتتتت بعد من التلميحات أن البنات غيرانات مني ليش يعني أكلم يوسف وأكشف ويهي عنده ..والله حاله
يعني أيش بسوي بخطفه؟؟؟ أفففففففففففففففففف من هالسيرة ...
المهم
الساعة ثلاااااث فلليل الله يخليكم الضيوف راحوا
وهذيك الليله شفت ولد يدتي العود...يهبببببببل ..بس متزوج ههههههههه
وعايشه وولدها ليث باتوا عندنا بعد ترجي وتمطير بالبوسات ..(عشان أستانس ويا ليث)
صبيحة ما بعد العزيمة
الكل نااااااااايم ما عداي
لأني إذا سهرت كثير ما يجيلي نوم أبدددد
يعني أكملها لليوم الثاني وأنام فليل...
خرجت للصالة وأنا فرحانه بعيشوه وولدها ..ههههههه
أتذكر شكلها وأنا أمطرها بلبوسات كأني أعرفها من يوم ولدت ..شكلها حبوب مرره
بس يوم تذكرت البنات ويوسف حسيت أن قلبي مقبوض وضييق ما أقدر أتنفس ومغص كأني بامتحن
جلست وأنا مهمومه وفإيدي شاي أخضر...ما أحب الشاي العادي
...:ليش ما نمتي؟؟
أنا(فرررررريت):خوفتني؟؟
يوسف:الجن تخاف منج إنتي مب أنتي إللي تخافين.
أنا(حاسه بالذنب لأني عرفت ليش يوسف عاملني بهالطريقه):آآآآآآسفة
جلس يوسف فكرسي يدتي الجلدي المرريح (مثل كراسي فريندز حجت جوي وتشاندلر ) يجننننن
صممممممت
أنا (الدموع تطلع ..جاهزه ههههه):والله آسفه ما كان قصدي أصك الباب فويهك والله
غطيت ويهي بإيدي وصحتتتت طلعت هم الليله كلها بهالصياح ..
هو أصلا كنت متضايجه وحاسة بغصه من أول وسالفة يوسف والبنات خلتني أنفجر
يوسف:عليااااااا..هيه ..لا تكونين تبكين ؟؟؟
يوسف:عليااا..علايه..لا تبكين أرجوج .أنا مسامحج والله
قلدني يوسف فالجملة الأخيرة ..
أنا والدموع أربع أربع :هههههه
يوسف:والله أنج غريبه والله
كرر الحركة مره ثانيه ..فضحكت من الخاطر شكله يضحك...تايم آآوت ..يعني آنا أسوي كذا؟؟
أنا(أمسح دموعي):هييييه عن الغلط ..خليتك أنا بس زودتها..أنا ما سوي كذا..


يوسف:والله
أنا:يوسفوووووووووه
يوسف:أيه صح ..أيش سالفة الزير
أنا أستحيت ..يا ريتني ما قلت هالكلمة..
يوسف:ردي علي
خبرته بالسالفه كلها ..
ضحك يوسف وقال:هههههههههههه..وأيش دخلني أنا يا الظالمة
لقبتيني بالزير وأنا مظلووووووووم ..أيش ذنبي إذا كنت حلووو ورهييييب
أنا:حلو في عينك ورهيب في خشمك
هو + أنا: هههههههههههههههههههههههههههههههههههههههههههه
بعدها كل واحد راح غرفته مرتاح ......



من مواضيعي :
  #33  
قديم 16/02/2007, 11:14 AM
المتمردة
مُتـواصل
 
رد: مذكرات علايه

وقفت فجأه وفكرة خطييييييييرة جات فبالي..
ركضت وأنا بطيييييير من السعادة
دفففففففففففففف
دقيت بيوسف بعدين فقدت توازني بس فاللحظة الأخيرة مسكني...يااااااا الفضيحة .
.مب قايلتكم حياتي كلها فشيلة؟؟

رجعت ورى وأنا بموووووووت من مستحى>>>>آخر زمن ههههههههه
حتى يوسف أبو لسان ما تكلم....
يوسف قرر يرطب الجو : مب قايلة أنج بتنامين؟؟
أنا (علطووول نسيت الحادثة بعد ما سمعت سؤاله):ويعه..وش بك أنت؟؟


سل نفسك أول بعدين تعالي..
يوسف (مرتبك):أنا..أنا كنت عطشان وجاي على بالي أشرب شاي أحمر
أنا: ههههههههههه
يوسف:وش بلاك؟؟
أنا: شكلك مررررره ظريف وأنت تتكلم..هههههه
هب مهم أعرف يا المسكين..
يوسف:رجعتي للهبات
هههههههههههههههههههههههه
يوسف(كأنه تذكر شيء):وأنتي ليش طلعتي برى في منتصف الليالي؟؟
أنا( مستسخفه):وش دخلك يا الملقوف
يوسف: حنا ماعندنا حريم يطلعون سمعتي>>>>>تخلفه ظهر
أنا (تجاهلت كلمة حريم): ...حديقتي وأتطمن عليها!!!
تصبح على خيررررررررررررررررر
أيه صح الشاي الأحمر هب ينفعك....>>>قاصدة
وأنا في غرفتي قررررررررررررت
تبون تعرفون وش كانت فكرتي الجهنممية
بدخل كلية الطببببببببببببببببببببب
طبعا بنسبة 99%
بس كييييييييييف وسجلي المدرسي أسود في شوية بيييج ههههههههههههههه
مممممممممم..ومشكلة ثانية بعد
أنا ما أتحمل أشوف دجاجة كاملة مشوية ..ما أقدر أحس كأنها بتتحرك في أي لحظة
ودايما أماية هي إللي تقطعلي الدجاج والسمك وفي البيت أبد ما يطبخون دجاجة كاملة
عشان يراعون مشاعري.......وإللحين كلية الطب فيها ..فيها..جثث!!!
أووووووووهو وش بي أنا ..المهم أدخل كلية الطب وبعدين بيحل المشكلة هذي ألف حلال
يعني ..كذا ..وجاهه ..إحم أحم ..أنا في كلية الطب...يا سلااااااااااااااااااااااام
خلاص ..لازم أدخلها..وزراعة النباتات بخليها هواية مثل أبوية...
بس كيف أقدر أحصل على 99%
أنا ما أقدر أجابل الكتب أكثر من نص ساعة>>>>أحس نفسي برجع!!
ومن دخلت ثالث متوسط أنخفض معدلي كثيييييييييير
وأسكتواااااااا من هالمرة الأخيرة درجات تهببببببببببل
يعني ثلاث سنوات ما شميت ريحة 90%
إللحين أنا وويهي بجيب99%
ههههههههههههههههههههههههههههههههههههههههههههههههه
لالالالالالالالالالالالا..........أنا بجيب 99%
طبعا ولا وشو بعد؟؟؟
المهم قرررررررررررررت ذيك الليله أجيب 99%

وعلى فكرة يا خواااااااااني أنا حصلت طريقه مررررره حلوة
تناسب إللي من شكلي (إللي ما يطيقون الدراسة أكثر من نص سااااااااعة)
لا ااااااا إذا أي حد طبق هاي الطريقة مؤؤؤؤؤؤؤؤؤؤؤؤكد
بيجيب مب أقل من 95%..........والله!

خلونا نرجع لبيت يدتي شيخة...
يدتي شيخة صارت تعتمد علي في كل شيء لدرجة
تفكيري كيف كانت تعيش قبل ما أدخل حياتها..
مسكينة ..يعني إهي كانت ما تشوف أحد ولا تكلم أحد
إلا يوسف وتعرفون الشباب ما يقدرون يجلسون في البيت مدة طويلة
وبنتها عايشة تزورها مرة في الأسبوع..بس إللحين صارت ترسل ليثوه
عشان يجعد عندنا إذا إهي راحت لمكان...
وفاطمة بنتها المسافرة صارت تعرفني زين >>أحترفت مهنة الرد على الهاتف
يعني تقدرون تقولون 24 ساعة معاها من الفجر حتى العشى
حتى مريووم أنشغلت عنها وما صرت أزعجها بإتصالاتي على قولها(مع أن إتصالاتي لطيفة وخفيفة !!)
أما عايلتي الموقرة الله يسلمكم طووووولت كثييييير لأن يدتي أم أمي كانت تعبانة شوي بس الحمد لله تحسنت إللحين..
وولد يدتي العود (الرهيييييييب) صاروا يزورنا مرة في الأسبوع اهو وزوجته (يا حظها ههههههههه)
ومررررة طيبين ..أحبهم كثيييييييير ..
وتعرفون حادثة تضححححححك كثير...
طوووووووط ..طوووووووووط
أنا(طبعا):ألووووووووووووو
....:السلام عليكم ورحمة الله
أنا (صوت ناعم كأني سمعته):وعليكم السلام!
...:عرفتيني
أنا (مستغرررررربة):بنت عم يوسف!
...(البنيه متعجبة كيف عرفتها):أيه غادة
أنا :يا هلا وغلا بغادة..عاش من سمع صوتج..
غادة:مشكورة
أنا:هاااااه خير في شي؟؟
غادة:وش قصدك؟
أنا:ما قصدي شي بس مستغربة
غادة (بجفاف):وش بها إذا بغيت أكلم خالتي شيخة؟؟؟
أنا:السموحة أختي .. طبعا ما بها شيء ..يووووووووووووووسف
يوسف منسدح على الكرسي في الصالة ..
يوسف:خيييييييييييييييييييييييير
أنا:تلفووووووووون ليدتي شيخة روح ودي التلفون
يوسف:شوفوا العجز..روحي أنتي أنا مب فاضي لج..
أنا: ما قدر كلي تراااااب وبوسخ التلفون!!
يوسف قرب :هلكتينا بهالحديقة...
أنا (مسكت التلفون عشان غادة ما تسمع طبعا بعد ما سمعتني أنادي يوسف):تعرف مين يبى يدتي؟؟
أنا كملت بصوت واطي:غادة بنت عمك
مرره أستغرب يوسف :مب من عوايدها تتصل ؟؟؟
أنا(إشارة إستغراب على ويهي)...
يوسف (مسك التلفون بأطراف أصبعه):وسختي التلفون روحي لعبي بالطين يالله
أنا:لولاااااااي ما كنت تشوف هالأزهار الحلوة إللي في الصالة شكر ربك بس..
بعد فترة...
قفزت على السرير :يدوووووووووووووووووه
يدتي:قووومي يا الشقردية ..عفستي المكان...
أنا:يدووووووووووووووووه
يدتي:عيونها..
أنا : كلمتي غادة؟؟؟
يدتي :أيه الله يبارك فيها ما قصرت..
أنا:أهي تتصل فيج بعد كل فترة ؟؟
يدتي:لا والله هذي أول مرة تتصل..
أنا(ما قدرت على نفسي):ههههههههههههههههههههههههههه
يدتي:وش بك؟؟
أنا: لااااااااا لا ما في شيء..الله يبارك فيها ويخليها لج إنتي ويوسف
هههههههههههههههههههههههههههه
حسيت أن يدوووه فهمت وش أقصد فضحكت معاي.....
تتذكرونها طبعا ..غادة هذيك البنية الحلوة إللي شفتها هذيك الليلة
ويوسف ما ذكرها خير شر ولا سأل عن أتصالها حتى ..>>مسكينة



من مواضيعي :
  #34  
قديم 16/02/2007, 11:14 AM
المتمردة
مُتـواصل
 
رد: مذكرات علايه

بعد ثلاث أسابيع تقريبا ...
دخل يوسف الصاله وشكله مرره حزين ومتضايق..
أنا :يوسسسسسسسسسسف ، تعال
يدتي:تعال يا وليدي ، نباك في موضوع..
يوسف :موضوووع؟؟؟
أنا(وقفت بجدية مصطنعة):يوسف..لازم تعرف ..لازم
يدتي:ههههههههههههههههههه
أنا صرخت:يدووووووووووووووووووه خربتي الخطة..
يدتي:ههههه آسفة ..
جلست على الكرسي وأنا مبوزة
يوسف (وهو مبتسم): حتى أمي أثرتي على عقلها وخليتيها تخطط معاج خططج الشيطانية
يدتي:ههههههه ..لا والله ما لها دخل .أنا إللي خططت وخليتها تساعدني..
يوسف:هههههههههههههههههههههههههههههههههههههههههههه ..أنتي يمه!!
أنا:تراها مب هينة يا ولد شيخة..
جلس يوسف حذال أمه وقال:هاه سمعونا ..
يدتي وأنا تبادلنا النظرات..
يدتي:تعرف إن من فترة ما خرجت لمكان..
أنا (أحاول أثير فيه الشفقة):أممممممك يا يوسف أمممممممك
يدتي:علياااااااااا ..لا تخربي علي
يوسف ضحححححححححححححححك بعد ما سمع رمسة يدتي
يدتي:أبى أطلع..أشم هوى
يوسف: تبيني أتصل بعايشة؟؟
يدتي :لا لا ..خليها ..
أنا:تباك أنت تفسحها
يوسف(مستغرب):أنا..وإللحين سالفة طويلة وعريضة بس عشان أفسحج؟؟
يدتي:أيه ..أبى أروح شوولي
هههههههههههههههههههههههههههههههههههه
أنا:ههههههههههه يدوه مب شوولي..تشيليز
يوسف:تشيليييييييييييييز!!!!!!!وش دراج به
يدتي:جا عبالي أطعم الكيكة السودة
أنا(أترجم): تقصد مولتن كيك
يوسف:وش دراها بمولتن كيك يا الخبيثة..ما كون يوسف إذا ما كنت ورى طلبها الغريب
يدتي :وش بها إذا بغيت أجرب هالمونت كيك
أنا هههههههههههههههههههههههههههههههههههههههههههههه.موو وووووولتن كيك
وهالكيك ما نقدر ناخذه بارسل لأن عليه آيس كريم.....
طوووووط..طووووووووووط
أنا ركضت:محد ياااااااخذ التلفون ..كاني بالطرررررررررررريج>>>>كأن في حد بياخذ التلفون أصلا
أنا:ألوووو
حرمة:السلام عليكم
أنا:وعليكم السلام ورحمة الله
حرمة:شحالج علياء
أنا:الحمد لله بخير
حرمة :يدتج موجودة
أنا:لحظه...
>>>>>>>>>>>


بعد ما ردت يدتي عالتلفون..
يوسف:هااااااااه يمه بعدج تبين المطعم
أنا:أيه بعدها بعدها..صح يدوه؟؟
يدتي :والله مدري ..
أنا أنقهرت:يدوووووه ..كيكة تشوكليت ساخنة وعليها آيس كريم فانيلا وتقولين مدري؟؟
يدتي:أتصلت فيني زوجة عمك يا يوسف عازمتنا اليوم
أنا(بدون تفكير):أم غادة؟؟
يدتي :لا لا مب هيه
يوسف:وش بك أنتي بغادة ؟؟
أنا (أغايض): مدري ؟ يمكن أنت تعرف وش بي على قولتك!
يوسف:وايش دراني أنا!!
يدتي:بس..بس هلكتونا يا الشقرديين..
أنا :ما أريد أروووووح لعندهم
يدتي:ليش؟
أنا(أحاول أحصل سبب): ماعرف حد ولأني غريبة ومب حلوة أروح
يدتي سكتت ..ما عرفت كيف ترد..
أنا:يدوووووووووووه ومولتن كيك؟؟؟
يوسف:في عينج
أنا:يدووووووه طالعي هذا
يدتي: إلا بتاكلين كيكات مب كيك
أنا:والله!
يوسف:ومين الفاضي إللي بيوديها؟؟
يدتي وأنا طالعنا بيوسف.
يوسف(قام):مستحييييييييييييييييل
أنا طالعت بيدتي بعد ما ظهر من الصالة..
شكله كان غريب وجاد مرة يوم قال مستحيل
يدتي:علاية.ال
أنا:خلاص نفسي أنسدت ما بى شيء
>>>>>>>>>>>>>>>>>>>>>
العصر..
أنا:مع السلااااااااااااااااااااااامة
يدتي:ديري بالج على حالج
أنا:آآآفا يا شيخة الشيخات إلا بدلعها
>>>>>>>>>>>>>>>>>>>
..ألووووو
أنا :مريووووووووووم
مريم:علايه حبيبتي وينج؟؟
أنا :في الحمام...مريوم
مريم:أمج اتصلت فيني
أنا :خير
مريم:هلج ردوااااااا من يومين
أنا:؟؟؟؟؟؟؟؟؟
مريم:بس ما خبروج عشان يبوا يخلوها مفاجئة
أنا(بدون نفس):يا حلاتها
مريم:علياء وش صارلك..مب فرحانة
أنا:مع السلامة
تووووووووووووووووووت
جلست في الصالة مهمووووووومة
ما أبى أرجع ..خلاص تعودت هنيه..هيء هيء مااااااااااا بى
>>>>>>>>>>>>>>>>>>>>>>>>>>>
يوسف دش المطبخ
أنا (بصوت حزين):يوسفووووووووه



من مواضيعي :
  #35  
قديم 16/02/2007, 11:15 AM
المتمردة
مُتـواصل
 
رد: مذكرات علايه

يوسف :نعمممممممممممممممم
أنا:هلي وصلوووووووو
يوسف قرب وشكله مب متفاجئ..
يوسف:أعرف..
من الحزن ما كان لي فضول أسأله كيف عرف..
أنا:ما أبى أرووووح..ما أبى
صمتتتتتتتتت...
أنا :وش بكككككك ..تكلممممممممم
يوسف:وش أقول؟؟؟
أنا (بدت النواحة):أدري بك ..فرحان ..لأنك بتفتك من ويهي
ركضت وأنا أصيح من الخاطر..
في غرفتي..
جالسة أفكر في مشاكل حمدووه و غرفتي أنا وفطيم والمكيف الحار وأبتزازات حيانوه
هو بصراحة إشتقتلهم كثيييييييييييير بس ..يعني أنا هنا في عز ومحد يقدر يزعلني
وإذا زعلت الكل يبى يراضيني ..يعني وش أبغى أكثر من كذا...في البيت عندنا
إذا زعلت يراضوني بطراج على ويهي هههههههههههههههههههه
طبعا أي واحد بيبغى العز لا وخاصة إذا كنت أصغر واحد...يا سلاااااااااام
ويدتي شيييييييخة الحبيبة خلاص تعودت عليها ..أحس إني بختنق إذا أبتعدت عني
أكثر من ثلاث ساعات وإللحين بأبتعد عنها 9 شهوووووووور!!!
ويوسف يوووووووسف الغالي إللي كل يوم يجيب إثنين سنكرس وديو


عشان نتقاسمهم بعد الغدى ..وسوالفه إللي تضحك والنكت الجديدة فرييييش
وكتبببببببببببببببببببببه ..مكتبته إللي مليانه كتب وقصص..لااااااااااااااااااااااااااا
ما أقدر مااااااااااا أقدر...
دق ..دق
علياااااااااااا
أنا:رووووووووووح ..
يوسف:علياااااااااااااااا ..أبى أكلمج
أنا:عن وشو...مين بيوديني لبيت هلي؟؟
بطل يوسف الباب..
أنا(أبكي):إذا دخلت بكسر رجولك...
يوسف:ههههههههههههه..
أنا (مقهوورة من برودته):وتضحك بعدد
يوسف:وش رايج بمولتن كيييك؟؟
أنا(ما مصدقة)بصوت متقطع من البكي:م..م.مولتن كيك
يوسف:أيا الخبيثة علطوووول سكتت ..
أنا(كملت بكى):ما بى ..ما لي نفس ..ما قدر آكله باستمتاع وأنا عارفة إني ببتعد عنكم..
يوسف ما عرف كيف يرد..
يوسف:علياا..علايه..اليوم هذا كان لازم يجي ..سواء جلستي شهر ولا شهرين..
فتتتتتتترة صمت..
أنا(هديت شوي):من بيعطي يدووه الدواء..من بيجلس معاها ويسولفها..من بيريحها
ويساعدها ويوصل لها التلفون؟؟؟ من ..م..من؟؟
رديت أبكي أكثثثثثثر وأكثر
يوسف:وويني أنا؟؟ ووين خواني؟؟؟
أنا:أنتوا ما تقدرون تجلسون وياها طول اليوم!
يوسف:بس نحن عيالها يا علياء و ما بنتخلى عنها وأوعدج أنا ما بنخليها ساعة لوحدها..هاااااه أرتحتي؟؟
أنا:قول والله!
يوسف(بطريقة تضحك):والله!
هم يوسف يطلع..
أنا:يوسفوووووووووه
يوسف:سم
أنا:والمولتن كيك؟؟؟
يوسف:هههههههههههههههههههههههه..خلاص راحت عليج



من مواضيعي :
  #36  
قديم 16/02/2007, 11:16 AM
المتمردة
مُتـواصل
 
رد: مذكرات علايه

بعد ما عرفت يدتي بالخبر..
أنا:يدوووه خلاص لا تبكين
يدتي(تمسح دموعها):آه يا بنيتي..البيت ما يسوى بدونج
أنا أبتسم والدمعة على خدي :بس عاااااد..أمي أتصلت وقالت أقدر أجلس معاكم أسبوع قبل ما نسافر
حبيت على راسها ولويت عليها بقووووووووة
أنا:تعرفين يدووووه
أحببببببببببببببببببببببببج
يدتي:وأنا أكثر يا بعد عمري..
وهالمنظر المؤثر يبكي هتلر إذا كان حي ويوسف ولاااااا تعبير على ويهه!!
يوسف:هاااااه ..خلص الفلم الهندي؟؟ يلا عليا يبي الرموت..
أنا:في الأحلاااااااااااااااام ..أنا منتظرة فيلم ..
يوسف:لا يكون سنو وايت والأقزام السبعة..
أنا:يدووووووووووه سكتييييييييييه..
يدتي(تبتسم):خليها براحتها يا يوسف
يوسف:يمممممه ..بهالطريقة بتخليها تتدلع زيادة..
أنا:غررررررررررررت مني ..يدوه يدوه لا تسمعي كلامه وأستمري على إللي إنتي فيه..
هههههههههههههههههههههههه ..ضحكت يدتي >>وأخيراااااا
الله لا يحرمني منكم يا الشقرديين ويخليكم لبعض .......
أنا (ما استوعبت الجملة الأخيرة):آآآآآآآآآمين يا رب العالمين
يوسف:ههههههههههههههههههههههههههههههههههههههههههههه هههه
أنا:وش بك؟؟
يوسف:هههههه..مدري وش بي سألي نفسك
أنا:؟؟؟؟؟
يوسف(بطريقة استفزازية):يعني أنتي تبين تكوني معاي علطول؟
أنا:وووووووووووشو !!!!!! كملت ! مب معاك يا الذكي مع يدوووووووه..
يدتي:أيش فيه يوسف؟؟ وسامة وأخلاق و ريال كفو.. ألف بنية تتمناه!
أنا أستويت في قعدتي ورففففففعت حواجبي للآااااااااااااخر..أبددددددددددد مب مستوعبة


كلام يدتي..متفاجئة على الآخر...
أنا :هههههههههههههههه..يووووووووسف!!
يدتي(أستوت جادة!!):أيه وش فيها إذا خطبج؟؟
أنا :يدوووووووووووووووه!! (مبببببببببببببببب مصدقة كلمتها الأخيرة)
نشيت من قعدتي بصعوبة وحاسة إن ويهييي نااااار وما قدرت أتكلم
القهررررررررر ..شكلها مررة جاد!!..
و يوسف مسوي نفسه يناظر التلفزيون!!(أكتشفت هذا لأنه يتابع
دعاية نستله بإهتمام غريب!!)
حطيت الرموت كنترول عالطاولة ...
أنا(مدري وش أقول):يدوه ..أنا .أنا داخلة غرفتي..تبين أيبليج القطرة إللحين؟؟
يوسف (بصوت جاف):أنا بعطيها .. أنتي روحي نامي..
طلعت الدرج وأنا هب مب مصدقة إللي صاااااار..
ناظرت ويهي بالمراية ..مثل ما توقعت..ويهي مستوي طماط..(لأني دايما إذا حسيت أن ويهي يحترق
وحار أحصله أحمر على شوية بنفسجي)
قفزت عالشبرية وأنا بموووووووت من فشيلة..أتلحفت وغطيت ويهي
واااااااااااااااااااااااااي ...هيء هيء هيء
وش هالفشييييييييييييييييييييييييييييييييلة
تعبببببببت تعببببببببببببببت من كثر الفشيلة ..
واااااااااااااااااااااااااااااااااااااااااااي ..
وش هالمصيبة إللحين ..أبدددددددد
أبدددددددد ما توقعت إللي صار..
وبعد هالسالفة ..ما قدرت أكلم يوسف زي أول
وأهو بعد تغييييير حيل ..ويكلمني كأني وحدة غريبة!!
أما يدتي ولا عبالها..نست السالفة في اليوم الثاني
ولا كأنها سوت شيء بس النتيجة ما شي لا سنكرس ولا ديو
وما أقدر أدخل غرفته وآخذ كتب ..خفت منه كثييييير
ويتجاهلني بطريقة كريهة..وش سويت له أناااااااااااااااااااااااااااا؟؟
هيء ..هيء..
>>>>>>>>>>>>>
قبل يومين من رحيلي..
أنا:يدوووووووووووووووه
يدتي(مشغولة بالأغراض):قلتلج ..نزلي وشوفي تلفزيون..
يوسف كان بالصالة وأنا ما أريد أقابله..
أنا:بسسسسسسس .يوسف
يدتي: وش بلاه يوسف؟؟ ..أيه صح ذكرتيني ..
يوسف زعلج شيء؟؟؟
أنا:لا
يدتي(بحنيتها المعهودة):إذا ضايجج بشيء برويه شغله..
أنا:ما ضايجني!! والله!
يدتي(رجعت لأغراضها):زين ..نزلي مثل ما قلتلج..
أنا(متضايجة):إنزين
نزلت شوييييش وقلبي يدق بالقوة>> لا تفهموني غلط (من خوف)
حصلته زي عوايده ..مسترخي على الكرسي ومقابل التلفزيون..



من مواضيعي :
  #37  
قديم 16/02/2007, 11:17 AM
المتمردة
مُتـواصل
 
رد: مذكرات علايه

نزلت شوييييش وقلبي يدق بالقوة>> لا تفهموني غلط (من خوف)
حصلته زي عوايده ..مسترخي على الكرسي ومقابل التلفزيون..
أنا(أحاول أكون طبيعية):يبتلي سنكرس وديو؟؟
يوسف:........
أنا(صابرة):ممممم ..أقول متى بتركب لمبات جديده برا؟؟؟
يوسف:متى ما حصلت فرصة..
أنا أبتسممممممممت من القلب..ما قدرت أخفي هالإبتسامة ..غصبا عني
طلعت..
يوسف(ببرود): متشققه على أيش؟؟؟
أنا (أستدرجه في الكلام):متشققه ، بمناسبة قطع
الشريطة الحمره..السكوووووت..
يوسف :ها .ها.ها ظريفة >>>بستخفاف
حسيت نفسي مثل السمكة إللي طلعت من البحر وأنا أحاول
أخبي عصبيتي ..خايفة ما أنفجر...
قررت أن هذا آخر محاولة وإذا كلمني بالأسلوب نفسه برويه شغله..
أنا بصوت واطي:الله يلعن بليسك
يوسف حط عينه بعيني >>>>أول مرة من بعد هذيك الليلة
يوسف (النذل):ما سمعت؟؟
أنا(أنفجرت):وش سويت بك أنا؟؟ وش بلاك يا يوسف..
ليش تعاملني بهالطريقة؟؟؟إذا كنت ما تبى تشوفني ..خبرني
وبرد لأهلي اليوم إذا كنت مستعجل!!! أنا تعبت تعبت ..ما عدت أستحمل
هالعيشه..
طلعت عالدرج وأنا ماسكة دموعي بصعوبة..لازم أكون قوية..
غسلت ويهه ، بعدين رجعت ليدتي..
يدتي:هاااااه ..ليش ما جلستي تحت؟؟
أنا:ما لي خلق للتلفزيون..ولا لأي شي..
يدتي :حتى أنا؟؟؟
حبيت على راسها وأيدها..:إلا أنتي يا الغالية
>>>>>>>>>
اليوم الثاني..
يوسف:علياااااااااء...علياااااااااااااااااااااء
كنت في الغرفة أرتب ملابسي>>>هيء هيء..تعرفون السبب
أنا(باستغراب ممزوج بالراحة):خييييييييييروووووووووه
طرررررت طيراااااااااااان ...
أنا (الإبتسامة شاقة ويهي):خير؟؟
يوسف(أبتسم إتسامة مرررررررة حلوووووه):الخير بويهج..
علاية ..أنا عازمج اليوم لتشيليز وما في مجال للرفض..
أنا(بعدني ما مصدقة):قول والله!
يوسف (قلدني):والله!
طلعت الدرج وأنا أصرخ....ياااااااااااااااااااااااااااااااااي
تكشخت كشخة كشخخخخخخخخخخخخخخخخخخة >>هههههههههههه
ولبست عبايتي الخاصة >>ما ألبسها إلا النادر النادر


المهم..لبست عددددددددددددل..
طبعا نزلت بدون غشوة..
حصلت يوسف بالصالة...
دخلت وجلست عالطرف>>>زعم مستحية
أنا أستحي بس إذا حسيت نفسي مبالغة في شيء
أول ما ناظرني يوسف...إحم إحم..لاحظت نظرات الإعجاب
ههههههههه ..كأني أشوف أنا أصلاا؟؟!!>>>>العيون معطلة
بعد صمتتت..
وطبعا إذا تكشخت وحسيت نفسي شيييييء أتدلع لدرجة الغثيان..
يوسف إللي ما يستحي على ويهه زودها ..وتضايجت من نظراته السخيفة
بس مشيته لأني خايفة ما تطلع مني كلمة ولا كلمتين تكنسل العزيمة>>>>خبيرة أنا في هالشيء
أنا(بدلع>>طبعا):يوسف
أهو:عيون يوسف
فرححححححت كثير >>>>هههههههه ..ضمنت إني بآكل إللي أباه
أنا(بدلعععع زايد):تسلم عيووووونك يا الغالي..
كملت:متى بنروح؟؟
يوسف:إللحين إذا تبين..
أنا:ويدتي شيخة يمكن ترد وما تحصل حد في البيت..
يوسف: أتصلت بأمي وأهي بتظل في بيت عمتي ..وما بترد إلا بالليل
يالله خلينا نتوكل..
تقدم يوسف ويوم وصل للباب لف راسه وشافني أتبعه
يوسف(المتخلف):وين غشوتج؟؟
أنا(متعجبة):هاااااه؟؟
أنا ما لبس غشوة!
يوسف :ما في غشوة..ما في طلعة
أنا(مبوزة):بس ليش ما تقول هالشيء إذا رحت الجمعية بدون غشوة؟؟؟
يوسف:الجمعية غير والمطعم غير..في المطعم يمكن ألاقي حد من ربعي ..
أنا:.......
يوسف(بلطف):ها ..علاية ..روحي يبيلج غشوة وتعالي..أنا بنتظر في السيارة
أوكي
أنا(باستسلام):إن شاء الله



من مواضيعي :
  #38  
قديم 16/02/2007, 11:17 AM
المتمردة
مُتـواصل
 
رد: مذكرات علايه

>>>>>>>>>>>>>>>>>>>>
في المطعم..
لائحة المأكولات جدامي ..
أنا:ممكن أطلب أي شيء؟؟
يوسف(مبتسم):أي شيء
أنا:متأكد...يمكن تندم أحذرك
يوسف:ههههههههههه ..أكيد ما بندم..
طبعا خفت ما أشبع قبل ما آكل مولتن كيك
وبما أن يوسف مب جيعان كثير ..
عشان كيه أخترنا وجبة وحدة>>>>>>إللحين دايما إذا رحت تشيليز أختار هالوجبة لذيذه مره
وطبعا السوالف ما أنتهت ..
بعد الكيكة..
يوسف يرويني صورة الكيكة
أنا:الله يخيليك بعد الصورة>>>>>>>كرهت الكيكة
يوسف (النذل):مولتن كيك..مولتن كيك
أنا:يوسفووووووووووووه ..ترا برجع فويهك يا النذل.
يوسف (مستمتع لآخر درجة):بعدج تبين هالكيكة؟
أنا:لااااااااااااا
يوسف:تبيني أيبيج هنيه مره ثانية؟
أنا:لااااااااا لاااااااااااااااا ..خلاص ما أبى شيء توووووووووبة>>>>>على فكرة دايما كل ماآكل الكيكة أقول هالكلام بس بعد فترة أموووت حتى آكلها مرة ثانية
يوسف :هههههههههههههههههههههه
أنا (بصوت حزين):بكرة ما بشوفك
يوسف:ردينا؟؟ لا تكملين ..خايف لا تقلبيها نواحة وتفشلينا
أنا(بفضول):أقوووووول..
يوسف:قولي
أنا:بتفتقدني إذا رحت؟؟
يوسف: تبيني أصك على نفسي الباب وأصيح مثل الحريم ..أول ما تعدين
باب البيت بتكونين في خبر كان....ههههههههههههههههه
أنا(بدى الدلع):جذاااب
كملت:أما أنا أبدددددد ما بنسى أجمل أيام حياتي إللي عشتها معاكم
يوسف:ههههههههههه..
أنا:؟؟؟
يوسف:تذكرت أول صباح لج في البيت..اليوم من أجمل أيام حياتي
ههههههههههههههههههههههه..
>>>>>>>>>>>>>>>>>>>>>>>>>>
في السيارة..
أنا:ما بى أرد لهلي
يوسف: لا تعكرين مزاجي
ما تسمع شيء إلا صوت محمد عبده...
>>>>>>>>>>>>>>>>>>>>>>>>>>>
وصلنا البيت..
قبل ما أفتح الباب..ناداني يوسف
يوسف:علايه
أنا (لفيت راسي):نعم
يوسف(بحنان):ديري بالج على حالج ..
أنا(أبتسمت بحزن>>فهمت وش يقصد):حالي بدونك بيكون زفت
يوسف :على الأقل مب مثل حالي
أنا (الدموع جاهزة):يدتي شيخة وماري وحديقتي ..ما بى أتخلى عنكم أنا!


يوسف:وحنا ما نقدر نتخيل البيت بدونج ..صرتي منا وفينا..
والله بتوحشينا كثير..
أنا:أنا خايفة على يدوه ما يصيرلها شيء؟؟!!
يوسف:وأنا ما بتخافين علي؟؟
أنا:لاااااا..قصدي أنا يدوه تحبني كثيير بدرجة كبيرة ومتعلقة فيني
بشكل ما تتصور فخايفة ما تتعب إذا رحت
يوسف :حالة يدتج بتكون أحسن من حالي..
تضايجت من تكراره لهالجملة بالذات
أنا:تصبح على خير
يوسف (أستوى في قعدته ):وأنتي من أهل الخير...
طلعت وسكرت باب السيارة.
تززززززووووووت>>>>>>زعم السيارة تحركت



من مواضيعي :
  #39  
قديم 16/02/2007, 11:18 AM
المتمردة
مُتـواصل
 
رد: مذكرات علايه

في غرفتي..
قعدت أفكر بيوسف وكلامه ونظراته إللي تضايج..
لا يكون بس يحب!!!
وش هالمصيبة ؟؟
لا لا ..ما أعتقد ..معقولة ؟؟
وإذا قلنا الولد بيحب >>>ههههههههههههههههه
ويبى يخطبني ..ما بيقدر أبدددددد
ههههههه..تعرفون ليش ؟؟؟
لأن أماية حالفه إني ما أتزوج حتى أتعدى الخمسة وعشرين..
لا وبعدها مب مطمنة إني بنضج وبكبر..خايفة ما يكون عقلي زي اللحين..ههههههههه وتحس إني إذا تزوجت في النهايه بردلها
على أسم مطلقة!!! هههههههههههههه
يعني مستحيل أصلا..سابع المستحيلات
وش يعني بينتظر 10 سنوات!!!
بيطلعله شيب في نص الفترة!!ههههههههه
متى ما أكون سته وعشرين أهو بيكون ممممممممممم مدري 32أو 33أو34
يعني سابع ملاااااااااين المستحيلات..
عاد أنا !! والله ما قدر أتخيل أن في حد يحبني ..حتى الحيوانات مب قادرة
تستحملني وتعيش معاي!!>>من أقوال مريامي المأثورة في وصف العلياء ..والنعم بهالإسم
وأنا حتى أكره الزواج وسوالفه
يعني إذا وقع الفاس بالراس..ما بكون بنت أبويه الدلوعة وما بجلس بغرفتي
لوحدي وما أقدر أعيش عشان نفسي وبس..يعني بيطلعلي هم المحروس وأكله
وراحته وبيضايجني في الغرفة..يعني يمكن يشخر ..يمكن يطلع أصوات ورياح وأهو نايم
عالشبريه ..أنا ما قدر أستحمل أي حد ينام معي في نفس السرير للأسباب المذكورة أعلاه
وطبعا جسمه بيسخن السرير وأنا طبيعتي أشعر بالحر من سخونة جسمي إللحين بيطلعلي مصدر آخر للحر !!
أكمللللللللللللللللللللللللت ويمكن يكون فيه سوس وتكون أنفاسه وعععععععععععععععع
ويمكن يسوي حركات ****ة مثل ويهه وأنا ما أطييييييييق أحد يقرب مني ...
وما بقدر أنام متى ما أبى ..أشوف تلفزيون متى ما أبى ..أتسكع ويا مريامي على راحتي


هييييييييييييييييه..وخلاص ما بقدر أنام في بيت مريامي فوقت متى ما أريد !!
والختام يمكن يكون متخلف مثل يوسفوه وما يخليني أطلع بدون غشوة ولا أكمل دراستي ولا أكون دكتورة
ما بيخليني أشتغل ولا أداوم ولا بيخليني أكمل دكتوراه ولا بيخليني أسوي مستشفى وأكون مشهروة!..
وععع بيخليني في المطبخ حتى أطبخله!! لا وما أقدر أرد لعند أهلي وأنام في غرفتي
مع فطيم علطول..يعني إذا خرجت من بيت أهلي ليلة العرس بطلع علطول وما برد لهم
إلا ضيفة ..بإختصار بيدمر حياتي النفسية المهنية والإجتماعية !!.....لاااااااااااااااااااااااااااااااااااااااااا اااااااااااااااااااااااااااااااااااااااااااااااااا ا
تووووووووووبة ..توووووبة ...ما بفكر بالزواج مرة ثانية ..ما بفكر بنووووووووب
>>>>>>>>>>>>>>>>>>>>>>>>>>>>>>>>>>>>>>>>



من مواضيعي :
  #40  
قديم 16/02/2007, 11:19 AM
المتمردة
مُتـواصل
 
رد: مذكرات علايه

يدتي وصلت...
في الصالة..
ليلة الخميس
chaneel 2
صوت التلفزيون:بعد قليل الفلم الرومانسي (مدري وش إسمه)
كرهت الرومانسية وأبو الرومانسية ..
أنا:غير القناة ..
يوسف (بصوت كسول):ليش تتابعين شيء؟؟
أنا:لا بس ما أبى أشوف هالفلم..


يدتي:مب هالفلم إللي خبرتيني عنه وتبيني أشوفه؟؟
أنا(بكل ثقة):فكرت أنه حلو بس يوم شفت دعايته مرة ثانيه..بااااااااااايخ..يلوع الجبد
يوسف:بس هالفلم مشهور
أنا:...
يوسف:فلم حلو ولا بايخ على قولتج..ما فيها شيء إذا شفناه..تدرين هالليلة أهي الأخيرة
إللي بتكونين فيها ويانا..
يدتي (بدت تدمع):بكرة مدري كيف بعيش..
أنا(نظرة عتاب ليوسف):لا تفكرين ببكرة يدوه وعيالج ما بيخلوج لوحدج ساعة وحده..
كملت:أرجوج لا تبكين عشان خاطري..
يدتي مسحت دموعها ..يحليلج يدوه!
.......
الفلم كان سخيف..البطلة تتنازل عن كل شيء حتى ترضى حبيبها وتقاتل الكل
حتى أهلها..عشان شو قال عشان حبيبها ...أموت أنا قبل ما يجي اليوم
إللي أسوي فيه كذا...أكملتتتتتتتتتتتتتتتتتتت..
والكل تأثر..لأن البطل مات فالنهاية ..هههههههههههههههه
يعني تعب وخسارة عالفاضي.....
يدتي تأثرت ويوسف طبعا خالي من العبير وأنا طبعا تأثرت هذيك اللحظة
بس بعد ما خلص الفلم رجعت طبيعية بسرعة..لأن في العادة بعد أي فلم أشوفه
أتأثر بيه على حسب ..مرات أجلس خمس ساعات وأنا أبكي وأشعر بالحزن العميق
بسبة فلم..مره شفت فلم رسوم متحركة في سبيس تون عن الإعصار إللي حدث في اليابان
بعد الفلم..محد قدر يهديني ..أمي بصوب وأخواني بصوب وجلست أسبوع حزينة!
وخليكم من رسوم متحركة (عهد الأصدقاء) يوم مات ألفريدو ..بكيت وبكيت
حتى أماية بكت معاي يوم شافت حالتي..وأنا حسيت نفسي بختنق من كثر البكي..
لدرجة أن روميو وأخت ألفريدو عاشوا حياتهم الطبيعية قبلي؟؟؟ كيف
يعني بعد حلقتين من موت ألفريدو..أول ما بدأت الحلقة وشفت ألفريدو في الغنية
بكيت وبعد الغنية شفت أصدقاء روميو وأخت ألفريدو ينصحوهم أن مب زين يستمرون
على حالة الحزن..وفي نهاية الحلقة هم ضحكوا وأنا بكيت من قهر!!
خلينا في المهم..
يدتي نامت في الصالة وأنا قاعدة على الكرسي وعلى وشك النوم..
يوسف:علايه..
ما رديت من كسل بس حركت عيني..
يوسف:طلعي نامي وخذي أمي معاج..
أنا(بصوت مب مفهوم):مممما ببى..
يوسف:علاية حبيبتي..طلعي أرتاحي..
أنا(أنتبهت):هاه وش قلت؟؟؟
يوسف:طلعي أرتاحي..
أنا(أتغابى): عشوة ..فكرتك قلت شي ثاني
مثل ما توقعت..أرتبك يوسفوووووه. هيء هيء على أييييش يا ناس!
أخذت يدتي وطلعت..



من مواضيعي :
  #41  
قديم 16/02/2007, 11:20 AM
المتمردة
مُتـواصل
 
رد: مذكرات علايه

صبيحة الرحيل..>>خخخ حلوة الرحيل
بعد صلاة الفجر..
نزلت للصالة ..
شفت يوسف نايم عالكرسي..
جالي فضول إذا كان يشخر ولا لأ
قربت ..أكثر وأكثر ..
ما يشخر!..ساكت كأنه ميت..
خفت ..لا يكون جراله شيء
علطول أقتربت..ولا كأنه يتنفس
أنا ما قدرت أتحمل ..مسكته وهزززززززززززيته هز ..(ولا البدوية تقدر تهز القربة حجت اللبن مثل ما هزيته)
أنا:يوووووسف...يووووووووسف
أنا ما قدرت أتحمل ..مسكته وهزززززززززززيته هز ..(ولا البدوية تقدر تهز القربة حجت اللبن مثل ما هزيته)
أنا:يوووووسف...يووووووووسف
يوسف نش من رقاده مذعوور ..وأول ما شافني طاح من عالكرسي
أنا:يوووووووووووووووووسف
يوسف (يدعك عينه)
أنا رديت لورى وجلست عالأرض وتنهدت من أصل قلبي:الحمد لله..أنت حي!
يوسف (رد لوعيه):وش صار ؟؟حد في شيء؟؟
أنا حاطة أيدي على صدري عشان أتنفس..لأني إذا خفت نفسي ينقطع
أنا (دمعت):خفت ما تكون مفارق الحياة..شكلك كان يخوف!
يوسف سكت (ما فهمني)..
أنا : كنت ما تشخر و ما كنت فاتح فيك وأيديك على صدرك مثل الميت
إللي بالأفلام!!!!!
يوسف طالعني بنظرة حنينة مع أبتسامة تذووووووووب الحديد
يوسف(مبتسم):يعني لازم أشخر وأفتح فمي!!!


أنا (أشرح فلسفتي):أيه ..لازم كل رجال يكون شكله وععععععععع
إذا كان نايم ..وإذا كان يشخر وفاتح فيه يعني أهو حي يرزق>>>>أشوف حمد وحيان وأبويه وخوالي وعمامي
يوسف:ههههههههههههههههههههههههههههههههههههههههههه.. الله يلعن بليسج .
ما قدرت أنام الليله كلها ويوم دخل فيني النوم وحسيت إني نمت عملتي فيا هالحركة!
أنا:وليش ما نمت؟؟؟
يوسف حرك راسه وقام ..:إللحين الساعة كم؟؟>>>تجاهل سؤالي



من مواضيعي :
  #42  
قديم 16/02/2007, 11:22 AM
المتمردة
مُتـواصل
 
رد: مذكرات علايه

كملت لأن يمكن في في ناس مب مشتركين يقرون هالقصه
وماحبيت اظلمهم معاكم يا اعضااااااااااااااااااااااااااء
انتظروا الحلقه الجايه
سلام



من مواضيعي :
  #43  
قديم 17/02/2007, 04:06 PM
المتمردة
مُتـواصل
 
رد: مذكرات علايه

أنا ما قدرت أتحمل ..مسكته وهزززززززززززيته هز ..(ولا البدوية تقدر تهز القربة حجت اللبن مثل ما هزيته)
أنا:يوووووسف...يووووووووسف
يوسف نش من رقاده مذعوور ..وأول ما شافني طاح من عالكرسي
أنا:يوووووووووووووووووسف
يوسف (يدعك عينه)


أنا رديت لورى وجلست عالأرض وتنهدت من أصل قلبي:الحمد لله..أنت حي!
يوسف (رد لوعيه):وش صار ؟؟حد في شيء؟؟
أنا حاطة أيدي على صدري عشان أتنفس..لأني إذا خفت نفسي ينقطع
أنا (دمعت):خفت ما تكون مفارق الحياة..شكلك كان يخوف!
يوسف سكت (ما فهمني)..
أنا : كنت ما تشخر و ما كنت فاتح فيك وأيديك على صدرك مثل الميت
إللي بالأفلام!!!!!
يوسف طالعني بنظرة حنينة مع أبتسامة تذووووووووب الحديد
يوسف(مبتسم):يعني لازم أشخر وأفتح فمي!!!
أنا (أشرح فلسفتي):أيه ..لازم كل رجال يكون شكله وععععععععع
إذا كان نايم ..وإذا كان يشخر وفاتح فيه يعني أهو حي يرزق>>>>أشوف حمد وحيان وأبويه وخوالي وعمامي
يوسف:ههههههههههههههههههههههههههههههههههههههههههه.. الله يلعن بليسج .
ما قدرت أنام الليله كلها ويوم دخل فيني النوم وحسيت إني نمت عملتي فيا هالحركة!
أنا:وليش ما نمت؟؟؟
يوسف حرك راسه وقام ..:إللحين الساعة كم؟؟>>>تجاهل سؤالي
أنا: الساعة أربعة ونص.
يوسف:خليني ألحق الفجر..المهم شكرا ..
أنا(مستغربة من برودة أعصابه!):عفوا!
إذا هزيت حيانوه هالهزة أكون في خبر كاااااان ...أختفي من الوجود؟
ويوسف يقول لي شكرا؟؟؟؟؟!!!!!!!!!
لا تقولولي ..أكيد بعده حيران..



من مواضيعي :
  #44  
قديم 17/02/2007, 04:06 PM
المتمردة
مُتـواصل
 
رد: مذكرات علايه

الساعة سبعه ونص الصباح..
في الحديقة..
أنا قاعدة عالعشب ..قريب من حديقتي الصغيرة..
أنا:إسمعي يا ورود..ماري بتهتم فيكم من اليوم ورايح عشان
كذا ما أباكم تلعوزونها ...>>>>>أؤمن بنظرية التحدث الى النباتات..مب هي كائنات حية تتنفس وتاكل؟؟؟
يدتي:علااااااااااااايه..
أنا (علطول طرررررت):كااااااااااااني بالطررررررررريج

>>>>>>>>>>>>>>>>>>>>>>>>>>>>>>>

وصلت عايشه وزوجها مع ولدهم ليث الساعة 12 الظهر
وبعدهم بساعة ولد يدتي العود وزوجته..


العايلة كانت مكتمله تقريبا ..بس فاطمة المسافرة ويا زوجها الوحيدة الناقصة
أبوية وأماية وخواني كانوا بيوصلون العصر..
بعد ما وصلوا خوان يوسف ..
يدتي:علايه..شوفي يوسف..
أنا:إن شاء الله..
>>>>>>>>>>>>>>>
ورى باب غرفة يوسف..
دق..دق
أنا:يوسفووووه
محد رد
أنا:كفاك كسل ما شبعت إنت؟؟
أنا حسيت بالخوف..الولد ليش ما يرد..حالته الصباح كانت مب مطمنة أبدا
أنا(بيأس):يوسف!
يوسف مب من عادته ينام كثير حتى لو سهر !
قررت أفتح الباب..
دخلت الغرفة..
أنا(بقلق):يووووووسف..رد علي
محد بالغرفة ؟؟؟
السرير كان معفس شوية ..
أنا العورة (يعني نظر ما في>>بالهندي) توجهت للستاير وفتحتهم عشان أشوف زين
وأول رديت لورى تعكلت بالوسادة الصغيرة وطحت طيحة ولا المهرج يطيح هالطيحة!..
بس الحمد لله محد شافني..هذا المهم
غرفة يوسف ما شاء الله عليها واسعه كثيييييييير..يعني بصوب المكتبه قدام والسرير
مرتفع عند البلكون..فتحت البلكون وطلعت ..يا سلام كرسي هزاز وطاوله خشبية مليانه
جرايد..المنظر مرررررره حلو ..أقدر أشوف حديقتي الصغيرة من هالبلكونة..وفي نفس الوقت
أقدر أشوف المكتبة ..يعني يم أنا كنت أتناقز فرحانه عند المكتبة كان يوسف هنيه...كشفته..
وشفت ورودي بطرف البلكون بكامل تألقها..يعني يعتني بيها أكييد ..يا سلاااااااااام
هالغرفة مررررررة حلوة ..وأهي غرفته أهو وبسسس ..يا حظه!
طبعا ..جربت الكرسي الهزاز...أمووووووووووووووووووت بهالكراسي..
بعد فترة يمكن دقيقه..طلعت لأن الجو كان حاااااااااار
صكيت باب البلكون...
وينه؟؟؟
أبددددد ما جا بتفكيري ..أن الممر الصغير إللي عجنب فيه حمام ؟؟؟
(الفضول زاد )..السرير كان شكله مره غريب..أعمدته جايه غريبه وملتويه
بلون خشبي كأنها أخشاب...فطبعا أكبر ملقوفه (إللي هي أنا) قربت من السرير
أول شي (البدايه)لمست أعمدته بإعجاب ..بعدين الفراش الثقيل ..عجيب وغريب
بعدين جلست عالطرف ..ههههههه..أنتظروا التكملة..ههههههههههههههههه
>>>>>>>>>>>>>>>>>>>>>>>>>>>>>>>>>>>>>



من مواضيعي :
  #45  
قديم 17/02/2007, 04:08 PM
المتمردة
مُتـواصل
 
رد: مذكرات علايه

قفزت شويش..تحرك السرير بطريقة غريبة
بعدين كل شوي وأنا بهالحالة أزيد وتزيد الحركة..كأني تحت موية
بعدين أكتشفت أن السرير مائي!!
تعجبت >>>>>>أول مرة أشوف هالنوع عالطبيعة..
علطووووووووول بعد ما أكتشفت أن السرير مائي..طبعا فرحت
هههههه..بعدين الله يخليكم أنسدحت وكل شوي أتقلب وأدووووور
مستمتعه عالآخر..هههههههههههههههههههههههههه
آخر شي ممكن أسويه ..دخلت تحت الفراش الغريب وحطيت
راسي عالمخدة المائية وأتلحفت كويس و..ونمتتتتتتتتتتتتتتتتتتتتت
ههههههههههههههههههههه..نسيت أني موجودة عشان أنادي يوسف
ونسيت أن هالسرير سرير ريال مب أخوي ولا عمي ولا خالي
يعني أبدد ما فكرت بهالطريقة من كثر ما أرتاح له مثل حيانوه وعمامي
أنا أقول لكم وفيني غصصصصصة ..ما دري ليش سويت كذا ولا أقدر أتخيل إللحين
إني نمت بكل بساطة...يمكن لأني كنت حاسه بنعاس قوي لدرجةإني إذا غمضت عيوني
أروح بسابع نومه وهذا لأني سهرت حتى الساعة وحده بلليل ونشيت من رقادي الساعة
أربعه الفجر...
حسيت كأن حد كشف الفراش (أنا كنت تحته )
فتحت عيوني بصعوبة.........
إلا وأشوف يوسف كله موية وشعره مبلل وما لابس إلا منشفة على خصرة..
غمضت عيوني مره ثانيه كأني في حلم..لأن الجو كان غريب
بس بعد لحظة ..فتحت عيوني عالآخر...يوسف بعده موجود ..ما طار ما تحول ..بعده عنفس الشكل
أستويت في قعدتي ببطئ(حاسه كأني في حلم)
وجلست أناظر يوسف هههههههههههههههههههههههه
عين بعين..........
أنا(أقنع نفسي بأني أحلم):خلينا نطير!!!!!هههههههههههههههههههههههههههههههه
قلتها وأنا حاسه إنه يمكن أطير في أي لحظه.......
من كثر ما كنت واثقه بأني أحلم...لأني أبددددد بنوووووووووب ما أتوقع ولا يخطر أنه
ممكن هالوضع السخيف يصير لحد .أبداااااااااااا
وأنا نسيييييييييييت إني دخلت لغرفته أصلااااااااااااااااااااا
والغرفه جوها غريب مره..ألوان مثل السحب والسرير مائي!!
يوسف(بصوت متقطع ومتعجب):ها..
أنا(رجعت للواقع): .......
تذكرررررررررر ررررررررررررررررت كل شيء....
حطيت أيدي على راسي وأنا أفكر بالورطه الكبيرة......
وش أسويييييييييييييييي.......يااااااااااا الله
يوسف على نفس وضعيته >>>الولد متفاجئ أكثر مني بمليون مرة ههههههههههه معذور
تذكرت كلامي الأولي..خلينا نطير.....
هههههههههههههه..جاتلي ضحكه بس مسكتها وخفيتها وقررت إني أسوي نفسي حيرانه
حتى أبتعد من الإحراج فالوقت الحاضر....
نزلت من السرير ومشيت شويش وقلبي ينطططططططط
وأول ما طلعت من الغرفة صكيت الباب بقوووووووه..
>>>>>>>>>>>>>>>>>>>>>>>>>>>>>>>>>
مشيت بالحركة البطيئه وحاطة إيدي عراسي...الشيلة نسيتها في غرفة يوسف!!
بعدني مب مستوعبة السالفة....
قررت إني أبدد ما أكلمه حتى أروح...
كيف يكون لي ويه أقابله..كيف أبرر تصرفي القبيح الشنيع الحقير؟؟؟
وش أقول...عيبني السرير؟؟؟!!!!!! عذر أقبح من ذنب!
دخلت الحمام والدموع أربع أربع من الفشيلة...أول فشيله في حياتي تخليني أبكي من أصل قلبي
مريت بمواقف كثيييييييره ..وكان أشد موقف بالنسبة لي ..قبل هالفشيلة
يوم طاحت التنورة عند الضيوف ..بس الشورت الرياضي إللي لبسته بالصدفه..سترها الحمد لله
وبالرغم من كذا ما بكيت كثير كثييييييييير!!
وأنا جالسة عند المغسلة..أبكي بصمت وحاطة أيدي عويهي...
ماري:أليااااااااااااااااا
غسلت ويهي بموية باردة..ودخلت غرفتي عشان آخذ شيله ثانيه..
يدتي:علايه وين رحتي؟؟؟
أنا:أتأكد من أغراضي..
عايشة:علاية ..حصل شيء؟؟ (لاحظت حزني)
أنا(أبتسمت أبتسامة كذاابه):وش بيصير يعني؟؟
أخلي ماري تجهز الغداء؟؟
زوجة المنتصر:علمتها خلاص..تعالي عندي أباج..وحشتيني يا القاطعه!
>>>>>>>>>>>>>>>>>>>>>>>>>>>>>>>>>>>>>



من مواضيعي :
موضوع مغلق

مشاركة الموضوع:

خيارات الموضوع
طريقة العرض

إنتقل إلى

عناوين مشابهه
الموضوع الكاتب القسم ردود آخر مشاركة
مذكرات سائح 6 semo فيديو وكليبات 1 09/08/2012 09:03 PM
مذكرات سائح 5 semo فيديو وكليبات 26 02/01/2012 01:41 PM
ما هو الطفش و ما هي طريقة الوقايه منه وما علاجه؟؟؟ anime girl ترويح القلوب 14 29/09/2009 07:40 PM
أخطر مرض ... وأساليب علاجه ×Dead G!rl× موضوعات عامة 7 27/03/2006 01:54 PM
من مذكرات روح الليل روح الليل موضوعات عامة 20 13/02/2006 10:26 PM


الساعة الآن: 09:37 AM

vBulletin ©2000 - 2024
 
 
عمانيات  مراسلة الإدارة  تصفح سريع منتديات