,,,يا-مطول-الليل,,,

|--*¨®¨*--|,,,يا-مطول-الليل,,,|--*¨®¨*--|





[poem=font="Simplified Arabic,5,green,normal,normal" bkcolor="transparent" bkimage="backgrounds/1.gif" border="double,4,orange" type=1 line=0 align=center use=sp num="0,black"]
يا مَطوَل الليل يوم اتكون وحداني=ويا مَضيَق النفس يوم ايغيب غاليها
ويا مصعب الدار دون اهلي وخلاّني=ويا مَكرَه العيشة اللي عايشٍ فيها
لا فرق بين الفرح والعيد واحزاني=حتى المعيشة تكَدّر طعم صافيها
ما تمّ لي من دياري غير الألحاني=لي دايم أنشد قوافيها وأغنّيها


وين المكان الذي يحكي بما كاني=والذكريات التي دايم أراعيها
حلمت بالبيت شفت النخل عطشاني=والماي وديان يجري من حواليها
وحلمت بالسيح شفت السمر ولهاني=والحرمل ايفوح من حرّة لواظيها
وحلمت بالأهل قالوا: وينك فلاني؟=غرفَتْك للحين ماحد ساكنِ فيها
وعقب العصر أذن المغرب وناداني="الله أكبر" غروب الشمس يدعيها
الناس صَلّت وانا بالقاصي الداني=إلحق تلاحق على فروضك تصلّيها
وين الجماعة و وين الربع واخواني؟=وين الإمام الذي كَبّر ويبديها؟
أصحى من الحلم قبل ايثور بركاني=وأعود قبل البدايه في تواليها
أنا وصلاتي وتسبيحي وقرآني=وتجاربٍ لازم الانسان يحويها[/poem]

للشاعر احمد عبدالله الخاطري