عمانيات عمانيات
عودة   عمانيات > منتديات عامة > شعر و أدب
مواضيع اليوم
شعر و أدب واحة من الخيال والحقيقة ونشر المشاعر النبيلة الهـادفة من شعر وخواطر وروايات

عمانيات   عمانيات
الرد على الموضوع
 
خيارات الموضوع ابحث بهذا الموضوع طريقة العرض
  #1  
قديم 15/01/2006, 09:13 AM
بن مهنى
مُشــارك
 
ريالين اتصال

[align=center]ريالين اتصال / مدغم ابو شيبه

--------------------------------------------------------------------------------



للحـزن ساحـاتٍ بصـدري مـثـل سـاحـات القـتـال
فيـهـا الاصـيـل مــن المـهـار تـعـوّد بخيالـهـا

ولا يطفـي حـر مـابـي مــن حـرايـق واشتـعـال
الا الدمـوع الـلـي مــن عيـونـي يـهـل هلالـهـا

لازال فـيـهـا دمعـتـيـنٍ لـلـفـراق ولاتــــزال
ذكــرى هـنـوفٍ كــل يــوم أحطّـهـا وأشتالـهـا

راحـت عـسـى الله مايلحقـنـي مشـاريـه الـرجـال
تـقـول كـنّـي ماخلـقـت مــن الـتـراب إلاّ لـهـا

عـزّ الله أنّـي مانسـيـت أفعالـهـا بـنـت الـحـلال
لـعـل ربـــي مايجـازيـهـا بـســوء أفعـالـهـا

أكبـر جريمـه ترتكبهـا فـي الهـوى مـن وسـع بـال
هــذي ضحايـاهـا بقـلـبـي شـيــدوا تمثـالـهـا

وشلون تهجرنـي وأنـا مالـي علـى الهجـر أحتمـال!؟
وشلـون تهملنـي وأنـا مانـيـب أطـيـق إهمالـهـا!؟

وشلـون تقطعنـي بسيـف البـعـد قـطّـاع الـوصـال
وأنـا لـو أقطـع عـرق قلبـي ماقطعـت اوصالـهـا!؟

وشــلــون ماتشتاق,,ماترحم,,ماتـذكـر,,مـاتـسـال
وشـلـون ماتطـلـق يـديـنٍ كبـلـت بأغـلالـهـا!؟

وشلـون مايطـري عليـهـا لاتفـيَّـت فــي الـظـلال
متشـبـثٍ لاوقـفـت جـنـبـه قـعــد بظـلالـهـا!؟

مكسور خاطـر والسـوال.. أعـووووذ مـن ذل السـوال
يامـا أنتظـر مـن بـرج هاتفـهـا يـبـث أرسالـهـا

لكـنّ مـال الآدمــي حيـلـه لامــن الـحـظ مــال
الميلـه اللـي فـال ربـي خـيـر لــه مــن فالـهـا

هـي افقدتنـي مـن هنـا .. وأنـا فـقـدت الاتـصـال
مــن يــوم راحــت لارسايـلـهـا ولا جـوالـهـا

ياقـسـوة الايــام والـحــظ الـــردي والاتـكــال
عـلـى مقـولـة (للمـواقـف والـلـزوم ارجـالـهـا)

يالله دخيلـك مـن تـردّايـة نصـيـب وشـيـن فــال
مـن حيـرة آمـري ليـت عنـدي حيـلـةٍ وأحتالـهـا

ان أرخصـت قـدري وطاحـت قيمتـي والهجـر طــال
قـولـوا لـهـا تـتـرك مكابـرهـا وتـاخـذ بـالـهـا

أنا من اللي فوق .. فوق .. وفوق .. فوق .. وعال .. عال
تـركـد ويـركـد عمّـهـا معـهـا ويـركـد خالـهـا

لاوصـلـت للـحـد هـــذا لانـقــاش ولاجـــدال
تبـعـد وتنـكـف الامـــور دقـاقـهـا وجـلالـهـا

لـو المفـارق صعـب والنسيـان ضـرب مـن الخيـال
إرخــاي راســي لايــروق الـهــا ولايحـلالـهـا

احفـظ لهـا قيمـة غلاهـا وأنتظـرهـا مــن شـمـال


وإذا نستـنـي هــذي الـدنـيـا وهـــذا حـالـهـا

أمّا أنـي أنساهـا .. نسـى الله مـن نسـى ذاك القبـال
يـآآآآ صـبّ روحـي صـب دلتّهـا عـلـى فنجالـهـا

قولـوا لهـا لاستخـسـرت فيـنـي ريالـيـن أتـصـال
تهـدي عـلـى (جمعـيـة الـصـم البـكـم) جوالـهـا




من مواضيعي :
الرد باقتباس
  #2  
قديم 15/01/2006, 10:26 PM
المرتاح
Guest
 
بن مهنى / تحياتي ..

هذه الكلمات المعبّرة من الشعر الشعبي الجذاب .. نحسك عليها لو كنت أنت كاتبها .. ونتمنى التوضيح ..


أقو ل أنت رائع بحق وتستحق منا كل الشكر



من مواضيعي :
الرد باقتباس
الرد على الموضوع

مشاركة الموضوع:


إنتقل إلى

عناوين مشابهه
الموضوع الكاتب القسم ردود آخر مشاركة
اتصال من محشش PiNk PaNtHeR ترويح القلوب 8 25/12/2006 05:16 PM


الساعة الآن: 07:20 AM

vBulletin ©2000 - 2024
 
 
عمانيات  مراسلة الإدارة  تصفح سريع منتديات