كل سنه وانتي طيبه يا احلى نسومه

الاول ربنا يرحمهم وفي الجنه ان شاء الله

جو العيد عندى السنه دي له طعم جميل معايا لأني اشتركت في المنتدى

وعرفت اصدقاء لا بل اخوه واخوات قلوبهم مليانه صدق وخير ومحبه

( نسومه . عمرم . ميمي . فراشة السلطنه . ربحي . خفاش وعاشقة الاحمر )

اما بالنسبه ليوم العيد فترتيبه كالأتي :

صلاة العيد بعدها نيجي نفطر ونعيد على الاهل بعدها فترة قيلوله خفيفه

وبعد كده اغلب الاسر اللى عندها اولاد (في مكان بيكون فيه ملاهى شعبيه بنسميه (( سوق العيد )) بيودوا اولادهم ويشتروا لهم بعض الالعاب بيكون فيه مسرح اطفال وركوب للخيل وفقرات الساحر وكده يعني

فترة الليل بتبقى الخروج للجناين والكافيتريات العامه انا واخواتي وماما وبابا

لما نطلع الجناين لازم ناخد معانا تسالى ( كوتشينه/ لب / بيسموه في الخليج (حب )

البليله والترمس او ان احنا نلعب العابنا الشبابيه زي بدون كلام او صيادين السمك



وكفايه كده يا رب اكون نقلتلكم صورة يوم العيد

وكل عام وانتم بالف خير