[frame="7 80"]جاني الخبر يا صاحبي واظلم الكون .... قدام عيني ثم نطقت الشهـاده
على العموم اقولها الف مليون ... مبروك مـن قلـب شكالـك ابعـاده
مبروك لا يهمك سواليف وضنون ... من عاشق يهديك فرحـة فـؤاده
سو الفرح اليوم وابليس ملعون ... واللي يشب النـار يجنـي رمـاده
انا اول العالم على القصر يلفـون ... اول معازيـم الفـرح والحـداده
ابشر انا برقص على العرس بالهون ... كل يعبـر فرحتـه باجتهـاده
لو البلا رقصي يقولـون مزيـون ... المشكلـه القلـب يفضـح وداده
يوم العذارى في دخولك يغنون ... وعروستك باحلى ثوانـي السعـاده
كنت اتمنى بدالها والله اكون .... واحط انا كفي تحت راسـك وسـاده
واشلون ابكتم صرختي يوم تمشون ... تكفى ..خذني للعروسـه قـلاده
حتى معازيم الفرح قامو يمشون ... واصبحت انا وحدي بدون استفـاده
وطفو علي النور من غير يدرون ... قصر الفرح يا قبر(منيرة) ومهاده
وصيتي لو جاك بنت وانا امون ... سميتها لك(منيرة) قبـل الـولاده [/frame]