مساء الورد الفواح لكل من شارك وعقب على قصيدتي المتواضعة سواء كان بالقبول او المعارضة .
ومساء الزهور الجميلة لكل من طلب مني الرجوع وتفهم الظروف الي على اثرها اتخذت قرار الانسحاب .. بس ايش اسوي اكتشفت اني مااقدر استغني عنكم .

عزيزتي : madmozail اشكر جدا مرورك الكريم .

حبيبتي : دموع الليل كلماتك وردك اكثر من رائع تسلمين على المرور

الفارس الخير : اكيد منتدى عمانيات كله ينابيع صافية بس المشكلة اني ماكنت عطشانة عشان ارتوي منهم هههههه اسعدني مرورك وتاكد ان الظروف هي الي تحكم تصرفات الانسان

عمري مضاوي : انتي بالذات لك مكانة عندي ماعرف ليش . ردك اثلج صدري يمكن لاتك من مدينتي الغالية ؟ اتمنى اشوف مرورك الدائم على مشاركاتي .

دموع: احلى باقة ورد اقدمها لكي على مشاعرك الجميلة والله لايحرمني منكم

دلوعة : تسلمي ياعمري على مشاعرك الحلوة .

ابن الصحراء : انت لحالك بغالك صفحة ارد فيها عليك هههه بصراحة اخجلتني بردك المنمق والمهذب وبكلماتك الرائعة واكيد موجديد عليك هاشي لانك ماشاءالله عليك كامل والكمال لله
ههههههه تحياتي لك .....


الفاضل يوسف : كل الي اقدر اقوله اني لي الفخر اني قدرت اخليك تسجل مشاركة وحيدة ويتيمة من عام 2005 منذ اشتركت حضرتك بالمنتدى . وانا اكيدة ان اسم يوسف هو الاسم الي تستخدمه حضرتك في الحالات الي ماتقدر تتجرأ فيها على مواجهة اي شخص باسمك الي انت اصلا عضو دائم به في المنتدى . على العموم كل واحد يرى الناس بعين طبعه . واتمنى اشوف مشاركات لك تحت اسم يوسف غير مشاركتك الوحيدة الي رديت فيها علي .وارجع اقول جزاك الله كل خير عزيزي .

شاعرنا بدر: اشكر لك اعجابك بكلمات القصيدة رغم معاني الغرور الي فيها واحب أاكد لك وللجميع ان القصيدة كانت وليدة موقف فقط لاغير .ولي الفخر بردك على مشاركتي ورأيك اعتز فيه واتقبل منك كل انتقاد . بالنسبة للتفسير عن سر كتابتي القصيدة ليلة انسحابي أحب ان احتفظ فيه لنفسي فقط اذا سمحتوا. واتمنى ان مايكون احد منكم زعلان او في نفسه اي موقف ضدي واطلب السماح من الجميع الي فهمني صح والي فهمني غلط ..... واحب اهديكم هاذي القصيدة بس لاتقولون مغرورة والله ماني مغرورة والله والله.
هههههههه

وقفة مع النفس...

في غيبتي عن منتداكم وقفة مع النفس وبالقلب هوجاس



ليل ونهار اقضيه معاكم اقرأ ردود وافكار بالراس

أيقنت ان الدنيا عجيبة وفيها البشر اشكال واجناس

والجبن فيها أكبر مصيبة والذل والهون والهم والياس

يابخت من عاش فيها بطيبة عزيز وكريم صادق وحساس

لايحمل الحسد ولايبتليبه صافي النوايا من غير وسواس

له في خفوقي معزة غريبة وسط الحشا له مكانة ومقياس

بين الهدب والعين اسيبه أغليه واشيله على العين والراس

دنيا غريبة ودنيا عجيبه والحكم فيها ظالم ودهاس

وتبقى المشاعر فيها غريبة وفي النفس غاية ومعنى ونبراس

نور الجنوب........[/color]