إليكم كلمات القصيدة
للشاعر: جزاء النقمي وإنشاد: أبو قتيبة
وهي قصيدة نبطية مُنشدة على شكل قصة
ومنكم المعذرة إن كان فيها خطأ إملائي
[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا فلاح الهم خيم فوق قلبي يا فلاح = كيف تبغاني أسولف وانت خابرني عليل
ويش قولك في عليلٍ في حياته ما استراح = تنتثر دمعة عيونه لا أظلم الليل الطويل
حالته لا ما تباعد حال سلطان الرباح = بالخطأ راحت حياته والخطأ ماله مثيل
كان ويا صاحبه اثنين وفي ارض براح = يطردون الصيد دايم من صبح لين المقيل
إجمعتهم صحبة الدنيا على جد ومزاح = ما يهابون اليالي والحمول اللي تميل
ما قتل عامد ولكن ثور ابليس السلاح = بالخطأ ثار السلاح وين يلقى له دليل
إنعقد سجنه وربعه تنتظر فك السراح = والأكيد انه سجينٍ ما رضوا ربع القتيل
هل دمعه يوم صلى ركعتينٍ في الصباح = في نهار الجمعه اللي من ثقيل في ثقيل
هلل وكبر ونفسه تذكر اللي راح راح = كان في ربعه عزيزٍ ذله الوقت الذليل
لا محمد لا تهاني لا سعود ولا صلاح = كلهم كانوا على باله وهمه في هديل
طفلةٍ ما كملت عَامين صايبها كساح = وانتثر دمعه وحاله من سبايبها نحيل
حانطٍ في ذا القصاص وغطوا الراس بوشاح = جاك سيافه يشيل السيف بو حد صقيل
ارتخى راسه وزاد الموقف الحامي صياح = بين نوحُ وبين دمعُ وبين صيحاتُ وعويل
وارتفع صوت الحشودُ وزاده محمد وصاح = يا يبه تكفى دخيلك تستمع قول الدخيل
يا يبه وشلون نصبر كيف نهجع بإرتياح = وانت من دنيا عيالك ماخذك مره الرحيل
يا محمد هاك علمي واحفظه قبل المراح = انتبه لأخوانك وبالك عليهم لا تعيل
والله الله في الصلاة وفي الصيام وفي الصلاح = والله الله في امكم والله لكم بعدي كفيل
غمض عيونه ونفسه تطلب الله السماح = رافعٍ سبابته مظلوم والله الوكيل
سل سياف الصفا سيفه ودقه ثم طاح = راس سلطان المراجل وانتثر دمه يسيل
غسلوه وكفنوه وفاح طيب السدر فاح = وبالمصادف صار قبره جنب قبر ابن العقيل
يا فلاح الكارثه ما هي سوالف يا فلاح = خلني ساكت ودور غير هالقصه بديل[/poem]
الفارس الأخير تسلم على مشاركتك الطيبة
غربة الروح تسلم على كلماتك الجميلة
زهرة الخزامى تسلمي على معلوماتك المفيدة
كان عرض الدية 10 مليون ريال سعودي