قصة جميلة إن شاء الله تعجبكم
السلام عليكم ورحمة الله وبركاته
...قصة جميلة
اتمنى ان تقراوها وتعجبكم
منى بنت حلوة وطيبة ومؤدبة ومو كبيرة
يعني في عمر الزهور وماتزال تدرس في المدرسة
عمر شاب مؤدب وخلوق ومثل الشي مو كبير وايد
ويدرس في الجامعة
احمد شاب ايضا ومؤدب ونفس الشي مو كبير بس هو
اكبر من عمر بسنتين ويشتغل
مرت الايام وانتهت السنة الدراسية وجت العطلة .. في هذه
الفترة تعرفت منى على عمر وحبوا بعض
عمر: السلام عليكم
منى : عليكم السلام
عمر: شخبارج منى .؟
منى : الحمد لله انت شخبارك
عمر: انا تمام
عمر: صراحة انا حبيت اقولج شي صار لي
مدة كاتمنه ف يقلبي ومو عارف شو اسوي
منى : خير ان شاء الله وش هذا الشي
عمر: صراحة انا حبيتج من اول ما شفتج
وخفت اصارحج بشعوري ناحيتج وتكونين تحبين
شخص ثاني
منى : صراحة فاجئتني
عمر: بس انتي تحبين او مرتبطة مع احدبعلاقة
منى : لا صراحة انا حبيت لكن كتبني ونصيبي
كل واحد ارح في طريقه
عمر : الله يعوظج بغيره يحبج ويكون شريكج في الحياة
منى : ان شاء الله
منى :انا بروح الحين مع السلامة
عمر : الله معاج
كانت محادثة تلفون
راحت منى غرفتها وهي تفكر في الي قال لها عمر
هل تحب مرة ثانية .؟
فكرت منى وايد بعدين قالت انا ما بحبه الا بعد
مااعرف عنه كل شي اخلاقه وسلوكه وكل شي عنه
مرت ايام واسابيع
منى :شخبارك عمر
عمر :هلا حبيبتي الحمد لله
انتي شخبارج
منى : الحمد لله
منى : عمر .؟
عمر : امري
منى : احبك
عمر: صج اخيرا قلتيها
وانا احبج واموت فيج
....:منى
عمر : اش فيج ساكتة ؟
يعني خجلانة مني
منى : لا ما كوشي
عمر: ليش ساكتة اتكلمي قولي اي شي
منى : مرة ثانية مع السلامة
مرت ثلاثة اشهر على علاقة الحب
عمر: انا صراحة مليت
منى : من شنو وليش .؟
عمر : جوفي من متى علاقتنا بصيرون اربعة اشهر
انا لازم اخطبش
منى : تخطبني .؟؟
انت للحين تدرس وانا ادرس وحتى ما اشتغلت
شلون يعني
عمر : بدبرنفسي
منى : والله على كيفك
عمر: لو خطبتج بتوافقين
منى : في وحده يخطبها حبيبها وما توافق
صج ذكي هذا سؤال تساله
عمر : عارف انج بتوافقين
اقول عمري انا بروح تامرين على شي
لا سلامتك
عمر : مع السلامة
منى : مع السلامة
بعد مرور ستة اشهر
عمر: اموت فيج مو قادر اعيش من دونج
منى : وانا بعد بموت
عمر: والحين وش الحل
منى : ما ادري
اسمعني لا تتصل لي لمدة اسبوع اوكي
عمر : اوكي
منى : تدري ليش
عمر: ليش
منى : صراحة في واحد خاطبني وما ادري يمكن
عموما لا تتصل الا بعد اسبوع
وانا برفض عشانك وعشان حبك
يعني ما بوافق
عمر: لا حبيبتي وافقي ليش ترفضين اذا هو شاب مؤدب
وافقي
منى : ليش تبي الفكة مني
عمر: معقول حبيبتي انا جدي
يمكن ان ما اقدر اخطبج بعدين تقولين خدعني
منى : خلاص ..و هي تصيح
اذا الشاب زين وما فيه عيب بوافق
مع السلامة
عمر : مع السلامة
بعد مرور يومين
؟؟؟؟: السلام عليكم
منى : عليكم السلام
من معاي
؟؟؟؟: وياج واحد بس حبيت اقولج اختي ان الي
تحبينه عمر ما يحبج
منى : انت شلون تسمح لنفسك تقول جدي
؟؟؟؟: اذا مو مصدقه انا راح اعطيج عنوان
وروحي بنفسج وشوفي حبيبج مع وحده
وراح ارسل لج صور ومكالمته مع حبيبته
منى : متاكد من كلامك .؟
؟؟؟؟: اختي متاكد وما ابغي الا مصلحتج
على طول منى تروح الى عمها وتخبره بالسالفة وياخذها
ويروح معاها وتشوف عمر مع حبيبته
راحت له قالت له
ليش ياعمر انا حبيتك وانت حبيت غيري
وخنتني ليش وين الحب وين كلامك
لكن الله يسامحك
ومشيت بسرعة وهي تصيح لانها ما تبي تسمع كلمة من عمر
عمر وقف مكانه وقال خسارة .. ما تستاهل
انا الغلطان ليش اخونها ملاك ما يتعوض
وصلت منى البيت وهي تصيح وقالت الى عمها خلاص
قول الي ابوي اني موافقة على الي تقدم لي
وياريت تصير المقابلة في هذا الاسبوع
في يوم ثاني
ام حسين : حبيبتي منى اليوم المقابلة جهزي نفسج
منى : ان شاء الله يمى
جى الليل ومنى مرتبكة
ناداها ابوها
منى : نعم يبى
وكان الخوف في عينها
ابو حسين :يا الله روحي المجلس عشان المقابلة
منى : ان شا ءالله يبي
وتمت المقابلة وتعرفت منى على احمد وكل واحد عجبه الثاني
منى اخذا مدة طويلة عشان تفكر
والاهل كانوا رافضين عشان هي بعدها صغيرة وقالوا الى احمد
احمد : ولو كانت تدرس هو مو زواج بس خطوبة
ابو حسين : شوف ياولدي اذا البنت وافقت خلاص
احنا موافقين
فرح احمد لانه كان متاكد من قرار منى
احمد كان دائما يشوف منى وهي تمشي في الشارع اذا بتروح بيت جدها
وحبها من اول مرة شافها وقرر يخطبها
بعد اسبوع
رن التلفون
احمد : السلام عليكم
منى : عليكم السلام
احمد : عرفتيني يا منى ؟
منى : عفوا ما عرفتك منو انت
احمد : انااحمد
منى وقلبها يدق : احمد
اهلا احمد .. امر بغيت شي
احمد : ما يامر عليج عدو بس حبيت اعرف ردج
على الموضوع
منى : والله موعارفة شو اقولك
يعني انت ما فيك اي عيب ولا فيك شي ما زين
بس انت عارف اني للحين ادرس
احمد : ليش بس ارجوج بس خطوبة واذا خلصتي دراسة نتزوج
اوعدج
منى : يعني 3 سنوات خطوبة وايد طويلة الفترة
احمد : مو مهم الفترة المهم انج تكونين لي
صراحة انا حبينج من اول ما شفتح
وصدقيني اذا صرتين لغيري بتدمر
منى :سلامتك
احمد : الله يسلمج
منى : ان شاء الله انا راح اوافق
احمد : صج
منى :مع السلامة الرد بيوصل اهلك وبيقولو لك
منى فكرت في احمد وقررت انها توافق
منى : يمى بغيت اقولج شي
ام حسين : امري بنتي خير ان شاء الله
منى : يمى انتو موافقين على احمد ؟
ام حسين : والله يا منى الشاب ما فيه عيب
وانتي بعدج صغيرة ودرسين
منى : بس يمى ما فيها شي لو صارت الخطوبة الحين
وانا ادرس
ام حسين : افهم من كلامج انج موافقة ؟؟
منى :الصراحة اي موافقة
ام حسين : مبروك يبنيتي بقول لابوج
تكلمت ام حسين مع ابو حسين وقالت له ان البنت موافقة
على طول ابو حسين اتصل الى ابو احمد وخبره
في بيت بو احمد
بو احمد : باركي يم احمد وافقو
ام احمد : صج الله يبشرك بالخير يا فرحة احمد
احمد : اش صاير صوتكم واصل الى غرفتي
ام احمد : مبروك وافقو عليك
احمد : صج يمى .. اخيرا بتصير لي
وبعد اسبوع تمت الخطوبة
احمد ومنى صاروا لبعض .. وطبعا منى خبرت احمد عن حبيبها الخائن
بعد ما سمع احمد القصة كلها قال لها
انا راح اعوضج عن كل شي
وما راح اخليج تحسين بالحزن وانتي معاي راح اخليج اسعد انسانة في الدنيا
ان شاء الله عجبتكم القصة