تساؤلات
وش أقسى من صبر قلبي...؟ صبر قلبي على غيابك
وش اللي يجرح الخافق؟ سوى منك عذاب غياب
وش أطول من سهر ليل شروقه يرتجي بابك؟
وش اللي يقتل الفرحة سوى الحرمان واحنا أقراب
وش الي اللي يجعل عيون ذبحها الشوق تحيابك ؟
وش اللي يجبر فوادي يعدك آخر الأحباب؟
وش اللي يدمح الزلة إلى من جيت لاحبابك؟
وش اللي يبدل ذنوبك عل قلبي عسل وأطياب؟
أبد مابه سوى كلمه ... وحيدة والذي جابك
((أحبك)) ..ألبست قلبي من أطياف الهوى جلباب
((أحبك)) ما يشابها سوى اللي يالغلا صابك
وإذا ودك تصدقني تساءل وش الأسباب؟
وش اللي يدفع الدمعة تسيل وتجرح اهدابك؟
يلي من لاحت الفرقى وبانت للغياب أنياب
وليه تعاف هـ الدنيا وتهجر كل أصحابك
اذا راح الذي تهوى وخلّف هـ العيون أغراب
وليه يظل في بالك مثل ما العطر فـ ثيابك؟
وكل ما صافح النسيان فكرك تنفتح الأبواب
وليه تشوفه بكل الزوايا وصفحة كتابك؟
وكل ما تقلب الصفحة عــ الورق ينساب
وليه يعيش باحلامك وكل ما نمت يصحى بك ؟
وليه يمر في كل المرايا لو دقيقة غاب؟
وليه تعد أيامك وتحسب لاجله حسابك؟
وليه الناس ما تسوى بدونه حفنتين تراب؟
أبد ما به سوى كلمة .. وحيدة والذي جابك
((أحبك)) .. البست قلبك حنين يجرحه الغياب
شعر :عبدالله الخياط