ابي اقول ان اي واحد يقرا هالموضوع لازم يكمله للآآآخر
خليك معاية
حط في بالك شخص تحبه
وما تقدر تعيش من غيره تقابله كل يوم
وإذا ما شفته تسمع اخباره
وإذا ما سمعت أخباره تفكر فيه وتتخيله
تخيلت خلاص ..
تخيل انه راح لمكان بعيييييييييد
مكان مستحيل يرجع منه
تخيل انه ماااااااااااااااااااات!!
قولي راح تقدر تعيش من غيره كيف
راح تضحك كيف
راح تقدر توقف بكاء ولا لا
ضحكة حبيبك وابتسامته ومزاجيته وعصبيته راح توحشك ولا لا
اظن انك في هاللحظة تذكر انك جرحته وما راضيته
تذكر انه طلب منك طلب وما نفذته
وتقول يااااااااريت الزمن يرجع لورا عشان ابسطه وأسعده وما اخلي الابتسامه تفارق وجهه
لحظة .....
انت بتحب ميين ؟
أمك
أبوك
اختك
اخوك
صاحبك
حبيبتك
زوجتك
أصلا ما تفرق انت تحب مين بس المهم انك تعرف ان حبيبك لسا جنبك وما اخذه الموت
خذها نصيحة مني
روح عند حبيبك وقوله كلمة وحده بسسسس
قوله أنا احبــــــــــــك
احبك
ردد الكلمة
وشوف هي قد إيش حلوة
وتغسل الروووووووح من جوا
وتخلي القلب يرقص من الفرح
قوله أحبك قبل ما ياخه الموت منك
يلا روح انت ايش منتظر
روح وقولها ولا تستحي
اتمنى من كل عضو قرأ هالكلمات اللي كتبتها انه يرد من قلبه
ويشوف قلبه وروحه ايش بيقولوا ويكتبه على طوووول
( سامحوني على الكتابة باللهجة الجداوية )