خلاص لاترجع ترى القلب ناسيك
انهيت حبك وانتهت كل ذكراك
ابعد ترى ماعاد لي رغبة فيـــــــك
عقب الغلا حبيت انا اليوم فرقاك
ابغضت شوفك لو تعذرت مابيك
خلاص انا قررت يالخاين اجفاك
ابعد تراني عفت انا اليوم طاريك
وكرهت وقتن فات لي قبل وياك
عز الله اني قبل كنت انا مغليك
لا شك عينك صابها عود يمناك
عزيت نفسك تحسب العز يغنيك
وغربلت نفسك لين تفكيرك اعماك
درب الغرور حطم اليوم معانيك
تبي جميع الناس تمشي برضاك
مسكين كانك بالمعزه تحديت
تعز نفسك لين اجيك اترضاك
والله لتبطي ماتعنيت اراضيك
بعز نفسي عنك لين اني انساك