على طاري صباح الورد, وإسمك, والحـلا والـذوق
ذكرتك يـا أجمـل أحلامـي , بقافـي واستهليتـه
على درب القصيد أسوق , قلبي والخطـاوي سـوق
وإذا مالت بـي الخطـوة , علـى دربـك تناسيتـه
يهز الشـوق بأعماقـي , عناقيـد الغـرام عـذوق
ويقطف بالغلا فيني , غـرامـ(ن) خنـت وأخفيتـه
أحبك كثر ما يشعل , غرامك فـي حشـاي حـروق
وشبٌه زود لو يحرق , ضلوعي مـت مـا اطفيتـه
أحبك دمعتـ(ن) طاحت , على خد الصباح اشـروق
يموت النور لـو طاحـت , علـى كفـي وضميتـه
أحبك , إيه أحب إسمك .وأمـوت بجيـدك المنتـوق
و تخيل كثـر مـا أكـره صـدودك , قمـت حبيتـه
تموت من البطا غيمه , طعنها مـن الغياب بـروق
وغشى روض الحشا وسمي , غيابي وإنت ما ارويته
قم إسهج لآخر ضلوعـي, تغلغـل داخلـي برفـوق
حلالك ما بقى منـي , مـع اللـي لأجلـك أفنيتـه
من اللي من غديت أجمل قصيدة ما غـدا لـه ذوق
ومن اللي كتـب باسمـك قصيـده وانكسـر بيتـه
وربي , من كتبت إسمـك وبروزتـه بقلبـي فـوق
وأنـا مـا دار فـي بالـي , قصيـد مـا تحاليتـه
يذكرني صباح الورد , وإسمـك , والحـلا والـذوق
وأردد يا أجمـل أحلامـي بقافـي يـوم هليتـه
" مما راق لى "