28/12/2011, 04:40 PM
|
 |
المحبة لله ورسوله
السياحة وموضوعات عامة
|
|
|
|
طريقة تصنيع البلوبيف فى البيت زى العلب وأحلى
طريقة تصنيع البلوبيف فى البيت زى العلب وأحلى
المقادير::1/2 ك لحم مسلوق 80 % ومعه قطعه من دهن اللحم حوالى 100 جم ( ومتبل اثناء السلق بفلفل اسود وبهارات لحم ولورا وحبهان)
1 كوب فول صويا مجروش ( وده موجود عند اى عطار او سوبر ماركت قسم العطاره وانا اشتريته من خير زمان ب 16 ج الكيلو) ممكن تشترى ربع ك ب4 هيكون كتير قوى لانه خفيف الوزن وابقى استخدميه فى البلوبيف او البرجر ...
لون صحى احمر وبس مفيش اسهل من كده
الطريقه ::
نضع فول الصويا بطبق ونضع عليه شوية شوربه من سليق اللحمه ونضع عليه اللون الاحمر (حوالى ربع ملعقه صغيره ) ونقلب ونتركه خمس دقايق عشان يطرى ثم نطلع اللحمه من الشوربه ولازم تكون سخنه جدا ونقلبها فى الكبه ونضربها ضربتين ثم نضيف فول الصويا بشوربته لو لسه فيه شوربه لو كان شربها نضيف مغرفه واحده شوربه عليه فى الكبه ونضرب ضربتين ثم نضيف فى النهايه قطعة الده المسلوق مع اللحمه ونضبها معاهم ضربه أخيره وخلاص ..
نضعه فى اى قالب عندنا بس نفرش فيه نايلون وننساويه فى القالب ونغطيه بباقى النايلون مع ضغطه خفيفه عليه ثم نضعه بالثلاجه لتانى يوم او لو مستعجله سيبيه ساعتين وطلعيه وقطعى ودوقى وأدعيلى..
وكمان بينفع قوى فى سندوتشات اولادى فى المدرسه وطبعا مغذى وعجبهم قوى وطعم البلوبيف بالضبط ..وأسيبكوا مع الصور للتوضيح::
[img]https://im11.***********/2011-12-28/1325078434341.jpg[/img]دى اللحمه مسلوقه ومقطعه قطع صغيره ومعها الدهن الخاص باللحمه المسلوق
ده فول الصويا وعليه اللون والشوربه
[img]https://im11.***********/2011-12-28/132507843572.jpg[/img]
فضيتها فى الطبق عشان تشوفوا شكلها وعليها فول الصويا ودلوقتى هرجعهم للكبه تانى عشان اضربهم مع بعض
[img]https://im11.***********/2011-12-28/1325078440473.jpg[/img]
وأدى النتيجه بعد العلقه السخنه اللى أخدوها مع بعض فى الكبه بس لازم اللحمه تكون سخنه نقطه هامه ...
[img]https://im13.***********/2011-12-28/1325079598961.jpg[/img]طبعا انا فتحت كيس نايلون وفرشته فى القالب وفضيت المكونات وساويتها
وده لما طلع من الثلاجه بعد ساعتين عشان مقدرتش استنى من غير ما اعر ف النتيجه لتانى يوم
وبالهنا والشفا يا احبابى واللى تعجبها الطريقه متنساش التقييم لو سمحتوا
يا رب تكون الوصفه سهله وواضحه
واللتى تحب تعملوا من غير فول صويا طبعا ممكن وفى الحاله دى هتضع اللون على اللحمه وعليهم شوية شوربه وتضربهم بالكبه
|