تعجبني وايد هالكلمات اسمحيلي اختي الفراشه اشارككم فيها هنا بموضوعك ..
ألا ياليت الزمن يرجع وراوي و الليالي تدور
ويرجع وقتنا الأول وننعم في بساطتنا
زمان أول احس أنه زمان فيه صدق شعور
نحب ونخلص النيه وتجمعنا محبتنا
زمن مافيه لاغيبه ولاحتى نفاق وزور
ياليته بس لو يرجع ونسترجع طفولتنا
صغار قلوبنا بيضه نعيش بعالم محصور
ولا نعرف ابد أغراب ماغير عيال حارتنا
صحيح صغار في التفكير لكن ماعلينا قصور
نخطط نكسر اللعبه وتسعدنا شقاوتنا
نروح المدرسه بدري ونضحك داخل الطابور
نحاول نزعج العالم بروحتنا وجيتنا
وعشان نأخر الحصه نخبي علبة الطبشور
نشاغب بس في الاخر تميزنا براءتنا
نحب الضحك والهيصه نحب نط فوق السور
نفرفش ليه ما نفرفش مدام الضحك عادتنا
لكن دارت الأيام وبان الخافي المستور
وصار الهم متعلي على قمة سعادتنا
كبرنا وصارت الدنيا تصف أحزاننا بدور
وتهدينا اللألم والهم غصب عن عين رغبتنا
تعبنا من بلاوينا أحد طيب وأحد مقهور
وكلن غارق بهمه وفي الأخر تشتتنا
وانا مااقول غيرإلا ياليت إن الزمن يدور
ويرجع للوراء فتره نعدل وضع عيشتنا