قصيدي كيف انا ببداه دام انته بداياتي
دامك تدري انك دوم اصعب كلمه ابديها
حرفي توقف بصمت و توقف فيك ابياتي
و احساسي يبي يحكي كلمه احتار يحكيها
غالي عندي وجودك يرجعني انا لذاتي
يحسسني بأمان فوقت تخون الناس غاليها
ألا يا شمعة تضوي ليالي الهم بشتاتي
تذوب بصمت ثم ترجع تذوبني معانيها
تفوق بوصفك الأقمار تعجز فيك كلماتي
بوصفك لو كتبت اشعار اظن اني ابا امحيها
لأن الشعر ما يكفي و لا يوفي بحساباتي
انته من القصيد أكبر و أكبر من قوافيها
تنافس بالغلا دمي و غلا امي و نبضاتي
و تسرقني من الأيام و ابا ابقى دوم ناسيها
ألا يا اغلى ما عندي يا اسم يداعب شفاتي
عسى ربي من عيون الملا و الناس حاميها
ما في غيرها في الكون هي و بس اماراتي
حـبيبة قلبي بـــــــــلادي لنا يارب تبقيها
و ترزق من بناها قصور و انهار بجناتي
و تحفظ من هو تعهد يحقق كل مراميها