عرض مشاركة مفردة
  #3  
قديم 26/03/2005, 08:09 PM
صورة لـ oman_boy
oman_boy
واعـــد
 

:: طريقة إغلاق الملفات والمجلدات والبرامج ::
بدل مانتعب ونعقد الموضوع ونروح للبرنامج كل مابغينا نقفل ملف او مجلد او برنامج
راح اشرح لكم اسهل واخف طريقه لغلاق الملفات او المجلدات او البرامج

نروح للملف او المجلد او البرنامج اللي نبي نسكره ونضغط عليه رايت كلك
انا سويت مثال لاحد المجلدات


نضغط رايت كلك على الملف اللي نبي نقفله وراح يطلع معنا زي اللي بالصوره اللي فوق
نأشر على اسم البرنامج حقنا وراح تطلع لنا قائمه فيها ثلاث اختيارات
احنا علينا من اول اختيارين بس
الاول Lock لاغلاق الملف
الثاني Unlock لفتح الملف
احنا نبي نسكر الملف يعني نختار الاختيار الاول

راح يطلع معنا هذا المربع بعد مانختار Lock



مثل ما نلاحظ ان المربع مقسم لثلاث اقسام
واحنا بنستخدم القسم اللي احنا اخترناه
يعني لو احنا مسوين هالطريقه على ملف بيكون اختيارنا للقسم اللي بالنص
ولو برنامج بيكون للقسم اللي على اليمين
واذا مجلد بيكون على اليسار

نختار الأمر اللي نبيه اما اغلاق الملف او نخليه للقراءه فقط او نخفيه
نختار من القائمه ثم نضغط OK

بكذا احنا اغلقنا الملف او المجلد او البرنامج اللي نبيه

طيب نفرض اننا سكرنا عشر مجلدات
وبغينا نفتحها
لكن عملية متعبه اننا نروح لكل ملف او مجلد ونختار Unlock ونفتحه

فيه طريقه اسهل واسرع

نشوف عند الساعه فيه ايقونة للبرنامج
نضغط عليها رايت كلك



راح تطلع لنا كذا اختيار احنا نبي اول اثنين بس
الاول راح يشغل كل عمليات البرنامج وبكذا راح يسكر كل الملفات اللي احنا سكرناها
والثاني بيسكر كل عمليات البرنامج البرنامج وبكذا راح يفتح كل الملفات اللي احنا سكرناها
نختار الاختيار الثاني
وراح يطلع معنا هذا المربع


نكتب الباسوورد ثم نضغط اوكي

بكذا فتحنا كل الملفات اللي سكرناها واذا بغينا نرجع نسكرها نسوي نفس العمليه ونختار الاختيار الاول

............................................

أتمنى إني قدرت أشرح الجزء المهم من البرنامج
والباقي راح تعرفونه بمجرد استخدام البرنامج

إن شاء الله اني وفقت بالشرح



من مواضيعي :