بعد التحية/

[frame="5 80"]كفـكفـي العـبـرات وش داعي الدمـوع
انـتــهيـنـا وكـل مـــنا فــي طـــريــــق

كـلٍ بـيلقـى لـــه عـلى دربـــه شــموع
ومثـلمــا بــلـقـــى بــتـلـقـيـلــك رفـيــق

أدري الـخــفـاق بـالـفـرقـى يـلـــــوع
وادري بأن فـوادكـم مــرهــف رقـيــق

بـس هـذا اللي انكـتب مامـن رجــوع
غـصـب عنـا نبــتـعـد لــــو نــستـضيق

يافتـاتـي جـيـت لـك( ع) طـيب طـوع
ولا شـكيـت الجـرح لــو جرحي عـمـيق

جـيـت لك راعـي وفى عنـدي طبـوع
طـيــبٍ ســماح صــفـــاحٍ شـفــيــــق

جــيت لـك مـخلص بـلا كـــمٍ ونـوع


وافـيٍ بـفــواد لــو يـــشعـل حــريـــــق

ما هـنـالـك شـانكم دوم مـرفـوع
غـــرتـك يـا حيـف زيـفــات الــبــريــق

ربــك الـعــلام مـابــيـن الـــضلــوع
ولا يكــلف نـفـس فــوق إما تطــيق

ونفسي اللي عزتك ترفض خضوع
وسامحيـني حيــث انا سدي وثيـــق[/frame]
بن مهنى

(أشكر كل من طل على ما كتبت هنا)