عرض مشاركة مفردة
  #1  
قديم 19/01/2012, 09:12 PM
صورة لـ هدوء انثى
هدوء انثى
سبحان من {علقك} فيني و {علقني} فيك ..
حواء واسرتها وشعر وأدب
 
قلب ينبض اختبار للعشاق....

إمتحاني صعْب .. ركّـز وانتبـه
وبعدهـا يالله عسـانـا نستـريـح

كل ( سـؤال ) يزيـد قـدرك مرتبـه
بس يـا ( شاطـر ) تركّـد لاتطيـح

و( الجـواب ) بكـف قلبـك تكتـبـه
وحبّذا لو كـان بالحبـر الصريـح

السؤال يقول : مـا وجـه الشبـه
بيـن خفّاقـي وهالكـون الفسـيـح ؟

(بس / أموت /و/ فيك) ما هي مرتّبه
رتّب الجمله على الشكل الصحيـح !

ودام عقلـك مرجعـك و المكتبـه
لومني واستشهـد بشعـرٍ فصيـح

وهاك (مختـار الصحـاح ) وقلّبـه
لين صفحاته مـن عيونـك تصيـح

وديّ اللـي تكتبـه مــا تشطـبـه
خلّـه بـ( مسـودّة ) القلـب الذبـيـح

وعلّل إنكارك غـرامٍ ضعـت بـه
وأذكر أسباب انجراحك يا جريـح

وبـ الحساب إجمع غرامك وإضربه
و( عطني ) الناتج ولـوّ أنـك شحيـح

وبـ العلوم إشرف علـى هالتجربـه
و(بخّر) أحزاني قبل دمعـي (يسيـح)

(الأمل) غير (الألـم) فـي منصبـه
غلطة إملاء تقلب الشّيْـن لمليـح !

وللهوى تاريـخ مـحـدٍ كـذّبـه
قبل الاسـلام وقبـل عهـد المسيـح

من يكـون اللـي قصيـدي يطربـه
وإن بَرَد يدفيه عـن بـردٍ وريـح ؟

ومن يكون اللـي روحي لـه مُعجبـه
للوصل قصـرٍ وللفرقـا ضريـح ؟

إنتهـى وقـت امتحـانٍ تهـت بـه ’
والإناء بمـا حـوى جوفـه نضيـح

فوق صدمـة خافقـي ..روحي مستغربـه
ولاْ هقيت إنّك بعلْم الحـب .. ميـح !
مما راق لي




من مواضيعي :
الرد باقتباس