بتحلف وفاكرني تاني أصدق
امتي؟ وفين؟وأني مره قلت كلمة حق
واذاي قلب كتير انخدع تاني يرق
وأخدت منه كل شيئ .كل شيئ منه انسرق
وقلب من الضياع على جمر بينحرق
كداب ولو تحلف الف مره كداب
دى غلطتي اني عرفتك من غير ما تدخل
من الباب
وقابلتك من ورا اهلي
يا قلبي تستاهل اللي يجرالك من العذاب
*******
أمنتلك وصدقتك أمنتلك
ونسيت وفي لحظة وقلتلك انا ملك لك
واستغليت قوة حبي وحنيتي لك
ووعدتنى .وعدتني وما كنتش عند وعدك
خدعتني سرقتني ضيعتني
وعايزني تاني آجي لك
دي غلطتي اني صدقتك دي غلطتي
ومشيت معاك من ورا اهلي وخنت محبتي
ولو كان حبك حقيقي كنت جيت لاسرتي
*****
دي حكايتي بقولها لكل بنت ولولد
اللى كبر واللي لسه حينولد
اللي قبلنا قالوا شرف البنت ذي عود الكبريت
دي حقيقه بقولها موش حكايه وحواديت
وياريت يا ريت كانت ساعتها الحكمه في بالي
ما كانشي ندمي وبكايا ولا كان دا حالي
ما بقتشي املك الا اني اقول يا رب
داوي جراحي ذيل الهم من القلب
واقبل توبتي وغيرك انت تانى ما قلبي يحب
اوهب حياتي ليك انت وصلاتي وقيامي
ولحد ما تيجي نهايتي احفظ نفسي بقيت أيامي
*****
مع تحياتي