عرض مشاركة مفردة
  #1  
قديم 23/11/2010, 03:57 PM
صورة لـ كفاح دهب
كفاح دهب
انثى شرقية غير عادية
 
إرسال رسالة عبر Yahoo إلى كفاح دهب
تغيب الناس عن عيني وشخصك يالغلا ماغاب...


تغيب الناس عن عيني وشخصك يالغلا ماغاب
اشوفك وين ما امشي وطيفك ساكن ابعيني

احبك والمحبه جت من الله ومالها اسباب
لقيتك تجري في دمي وتسكن في شراييني

ونا من كثر ما اغليك ابا البس من غلاك اثياب
واكحل ناظري ابشوفك ياطيفن ما يخليني

ابا اقهر كل عذالي عسى الله لا يجيب اغياب
واشوفك دوم في قربي احاكيك وتحاكيني

وابا اسكن في نظر عينك وابيك اتضمني باهداب
وابي كل ما شكيت الهم في بعدك تواسيني

وابي لو شانت الدنيا ابي نحيا ونموت احباب
وابي كل ما توله ناظرك تكفى تناديني

حبيبي لو تباعدنا ابا اصبر والقلوب اقراب
وانا في داخلك ساكن اذا ما قلتلي ويني

فديتك يابعد كل البشر والناس والاصحاب
فديتك يللي في قربك احس الدنيا بايديني

تغيب الناس عن عيني وشخصك يالغلا ماغاب
اشوفك وين ما امشي وطيفك ساكن ابعيني

احبك والمحبه جت من الله ومالها اسباب
لقيتك تجري في دمي وتسكن في شراييني

.... تحياتي....




من مواضيعي :
الرد باقتباس