عرض مشاركة مفردة
  #1  
قديم 19/01/2010, 07:54 PM
ابو سيف
مُشــارك
 
وردة المكان ابوذيات عراقيه مختاره

عليك القيت حجة والقيامة
وياما براسك أقرأ والقيامة
تدري الحشر شنهي والقيامة
القيامة والحشر زعلك عليه


اجروحي من رحت ونن ولاجن
وعيوني ما بقن يمي ولاجن
اصلك مو بشر عادي ولا جن
ملاك انته ويشع نورك عليه


طبع نمر وغزاله أتجمعن بيك
سبحان الجمع رقه وشراسه
الناس تكوم تحرس من يجي الليل
وانته الليل لازملك حراسه


قرص نعناع خدك وانته هيله
الحسن بس لجنابك وانته هيله
تراب اللحد بيدك وانته هيله
ويضل اسمك حلو وغالي عليه


حزينه الروح وبغيابك شعرنا
وقصايد بيك يمدلل شعرنا
الشعر لو شاب ما نصبغ شعرنا
شبابي يعود من تسأل عليه


وخاوي ذبل عود الكلب لجلك وخاوي
وبعد ما احط اخو غيرك واخاوي
الفخر مو للذي خاوه واخاوي
الفخر للبضيج من يذكر اخيه


كلبي ما فضى الغيرك وفضلاك
وروحي ما نست طيبك وفضلاك
اميزك بين الف وافضلك
لان انته الصنت معنى الاخوه


بعدنه احبابي اشلون حالتكم بعدنه
اشبدينه والدهر عنكم بعدنه
اذا انتم نسيتونه احنه بعدنه
بذكركم كل صباح وكل مسيه




من مواضيعي :