عرض مشاركة مفردة
  #39  
قديم 29/08/2007, 11:35 AM
صورة لـ المـــآ،،،ـــه
المـــآ،،،ـــه
هــادف
 
رد : سعوديات في بريطانيا

الفصل الواحد والعشرين

اليوم الثاني الساعه 8 الصباح
نواره تصارخ باخر الدرج :يله يبه الطياره بتفوتنا
بو نواره من اعلى الدرج : غيرت رايي روحي لوحدك
نواره : يلعن بو الدلاخه توك تحكي يابو الشباب
بو نواره : روحي قبل لاغير رايي واجلسك هنا
نواره بعربجتها: اوكيه براحتك انت الخسران جد ماياخذ الواحد على سكاره
بو نواره: نووووووووووووووووووير سمعتك
نوار : امزح امزح .. اسمع لاتدق علي الا اذ عندك شي ضروري
بو نواره : ماعندي رقمك ارسليه رساله
نواره:ههههههههه الحمدلله والشكر ماعندي رقمك كيف برسلك رقمي رساله كمل مزاج ياشيخ الشباب
بو نواره: اهم شي في ثلج بالفريز
طنشته واخذت شنطتها وتلثمت وطلعت ..
نواره وهي تركب السياره : الحمدلله والشكر واحد سكير ووحده بايع نفسها هذولا اهل .. وينك ياصفواء انتي ومروي ...
***************
على طاولة الفطور
نوره : كم يوم وانا بلحقكم للبنان
الجوري بطفش : براحتك متى ماحبيتي تعالي ..
نوره: انا عندي حجز معكم وودي اروح بس عمك معي
نوره زوجت عمها صغيره مافي فرق بينهم الا 4 سنوات ... تزوجت عمهم وهي صغيره مره وعيالها ابرهم 1 متوسط ...علشان كذا تغار من الجوري وتحاول تقدها
الجوري : معه حق عيالك عندهم مدارس انتظري لبع بكره الاربعاء وتعالي
نوره: هاللحين تاكدت انك انتي اللي ضاحكه على عمك
الجوري: انتي كلامك كثير انا بروج امر على البندري احسن لي . .. من وجهك
نوره: انتي اخرتك بيصير لك شي على هذا الغرور
الجوري طلعت لسياره لان الشنط من نص ساعه حملوهم الخدم لبره...
********************
البندري تستشور شعرها ..دخلت نواره
نواره بابتسامه : صباح الخير
البندري:هلا والله ... هلا بالنور كله ... صباح النور
نواره :وش عندها الرايقه ..؟
البندري: في احد يصبح على هالوجه ومايروق
نواره: تسلمين ... وش عندك اخلصي اكيد تبغي شي
البندري:هههههه كل شي عندك مادي
نواره بفضول : وين امك ماشفتها
البندري: ها ماسمع لا
نواره: طفي هذا وتسمعين
بعد مااطفت الاستشوار: ها شتقولين
نواره بفضول : وين امك ماشفتها
عصبت : يالله صباح خير
نواره: اوكيه خلاص خلاص وين الجور اتوقعتها تجي لهنا قبلي
البندري: مادري تاخرت
نواره: خليني اكلمها
البندري: لا توني مسكره منها تقول بتفطر وبتجي ..
رفعت تلفون البيت : كنهم اذا جئت الجوري خليها تطلع على طول فوق
كنهم : اوكيه
******************
الجوري وهي بتركب السياره شافت سيارة بدر واقفه بنفس المكان .... وصلت معها مشت لعنده موصله معها ودق االنافذه بعصبيه ..
بدر استغرب وشفيها جايه يمكن طاح للي براسها او ببترجاه يتركها ..فتح النافذه مبتسم : هلا
الجوري عرفته نفس الشخص اللي تفلت بوجهه قبل اسبوعين ..
قالت وهي متلثمه : نعم خير صارلك اسبوعين مسنتر وراي وعند بيتنا نعم .. وشتبغى
بدر ابتسم بخبث: ممكن اتعرف
الجوري تقلد كلامه :هههه ممكن اتعرف .. اخلص وش تبغى ..؟
بدر فصخ نظارته وتكلم بجد: مو انا اللي وحده مثلك تتفل بوجهي
الجوري ابتسمت : اها وبعدين ..؟؟
ابتسم بدر : ولا ابلين
طلع صوره من درج اسياره .. رفعها بوجهها : تفضلي ياقلبي
مسكت الصوره تشوف اخرتها معاه يمكن تخلص الموضوع هاللحين لكن .. فجاءه اختفت ابتسامتها المستهزاءه وصارت ايدها ترتجف ..
كانت صوره لها بنفس الفستان اللي بحفلة مروه اخت نواره بس في واحد جالس جنبها بالكرسي وحط ايده على كتفها ..
الجوري خافت : ومن وين لك صورتي..؟؟ ومن هذا .؟
بدر: انا جبت رقمك واعرف مكان بيتك ... وعندي لك صور وعندي تسجيل فديو واقدر اسوي اكثر من كذا
الجوري ماستوعبت شي: كيف ..؟؟ وليه ..؟؟وش لك فيني ...؟؟
بدر : انا قتلك بدر واللي يتفلف بوجهي بدفعه الثمن ..اذا مادفعتك الثمن يالجوري ماكون ولد بو بدر
الجوري: بدر ..؟؟
الجوري كل حواس التفكير تعطلت ماهي قادره تفكر او تجمع
بدر : هذي الصوره ولاشي قدام الصور اللي معي
الجوري استوعبت وماقدرت تتكلم لسانها انشل
بدر:والله ارد لك تفلتك بكف ... اسمعي انا حطيتك ببالي ولد امه وابوه اللي يوقفني عن اللي افكر فيه
وحرك شفايفه بكلمات بطيئه : والله.... لاخليك ..... تبوسي ..... رجلي
الجوري استجمعت قوتها ..مع انها خايف موت بس بينت العكس وكلمته بنفس طريقته : اعلى ...مابخيلك ..... اركبه
بدر: اوكيه بس زوجة عمك من يفهمها انك بسه مغمضه
الجوري فتحت عينها لاخر حد مفجوعه
بدر بهدوء ورومنسيه: لا يابيبي لاتستغربين انا اعرف عنك كل شي.. ( بجديه وقسوه ) اسمعي اذا كلمتك باي وقت اكون طفشان فيه تردي واذ قتلك تعالي للمكان اللي ابغاه تجي
الجوري مصدومه ودموعها تنزل على خدها وبصوت مرتجف حولت تخليه قوي بس خانها صوتها : تحلم
بدر وانبسط انها تبكي وحس انه قرب يوصل لمراده : اسمعيني يابنت المرخ صورك وتصوير لك عندي ........... مكالمه وحد لعمامك يذببحونك داري ان امك بريطانيا بس انتي عايشه بالسعوديه مو ببريطانيا..
الجوري : السافل
بدر: لا وش قلنا احترمي نفسك واسمعي الكلام علشان مازعل عليك وانشر صورك
الجوري ركضت بسرعه لسياره تبكي
بدر:ههههههههههههههههه ... مابعد شفتي شي
الجوري: صندار على بيت البندري بسرعه ..
الجوري تدق جرس بيت البندري وتوقعت ان كنهم الخدامه بتفتح لها لان مافي حد احي بهذا الوقت الا هي
ام البندري وهي تنزل من الدرج : ارجعي كهنم انا بفتح
كهنم الخدامه : هذا اكيد جور
ام البندري : انتظري لاتنادي البندري
كهنم: اوكيه ماما
ام البندري افتحت الباب شافت بنت شكلها اجنبي وعيونها حمراء واضح انها تبكي
الجوري نست ان ام البندري رجعت : السلام عليكم
ام البندري حن قلبها على البنت شكلها يكسر الخاطر : وعليكم السلام ..
الجوري: سوري شكلي غلطانه .. مو هذا بيت البندري مشعل البرد
ام البندري بتسمت : ايوه يمه وصلتي خير .. شكلك ماعرفتيني انا ام البندري
الجوري عجبتها كلمة يمه اللي كلها حنان من ام البندري: هلا والله هلا خالتي ..انا الجوري صديقة البندري من الابتدائيه ...
ام البندري: تفضلي
بعد مادخلوا: هلا والله هلا ببنيتي
الجوري: هلا فيك وشخبارك ..؟
ام البندري: الحمدلله تمام وانتي وش اخبارك
الجوري:انا تمام
ام البندري: وش اخبار امك
الجوري بكذب : امي عطتك عمرها من زمان
كانت تحس انها يتيمه من غير ام لو عندها ام مثل البندري كان هاللحين الت لها مشلتها وهي تصرفت
ام البندري: الله يرحمها .. يمه البندري فوق تتجهز لسفر ومعها وحده من صديقتها
الجوري: صديقاتها... مين ..؟؟
ام البندري: والله مادري سمعت صوت بنت غريبه من عند غرفتها
الجوري انقهرت من البندري امها ماهي قادره تدخل غرفتها وامها عسل كذا : مشكوره خالتي
ام البندري بخوف ولهفه: ماأوصيك يالجوري على البندري حطيها بعيونك وانتبهي عليها تراها غاليه واذا شفتيها بتغلط او وسوس عليها الشيطان أمنعيها .. تكفين هذي مثل اختك ..ومريم حكت لي عن غلاتك عندها..
الجوري: امري ياخالتي ماطالبتي ..البندري بعيوني .. هي اكثر من اخت ومعله ياخاله استحمليها شوي ترى قلبها طيب بس هي زعلانه شوي ..
***************
-: ذوق .. ذوق ماما ذوق
ذوق فتحت عيونها بكسل .. تسمع صوت امها اكيد انها لحد هاللحين تحلم
ام ذوق: ذوذو حبيبتي ..حياتي
ذوق فتحت عيونها مستغربه : ماما ..
ام ذوق تبتسم : ايوه حبيبتي ماما ... حبيبتي ذوذو اغسلي وجهك وتعالي ابغاك ..
ذوق خافت : خير ماما في شي .. بابا فيها شي
ام ذوق:هههههههه لا مافي شي بس انا ابغاك تجلسي معي قبل لاسافر اسبانبا
ذوق: اوكيه ماما بتروش وبصلي وبلحقك
ام ذوق: لاتتاخري
ذوق: لا مراح اتاخر
طلعت ام ذوق وذوق مستغربه هذي اول مره تحصي ام ذوق ... ذوق في حياتها ... مستحيل تكون المساله سوالف اكيد في شي اكبر ...
*****************
الجوري: يالخاينات انتم هنا وانا جالسه تحت اهذر مع خالتي
البندري لفت باهتمام : هي تحت
الجوري تستهبل : مين..؟
البندري: مو توك تقولين خالتي يعني امي
الجوري: لا امك وانتي تعرفين امك ياقليلة الخاتمه امك ماهي قادره تدخل غرفتك ..
البندري وحست ان الجوري بتبداء محااضراتها :آف انا جاهزه يله نمشي
نواره كانت متمدده على السرير تقراء باندماج
الجوري تاشر للبندري قالت بهمس :وش تسوي
نواره: مادري ... ياهوه ياعرب
نواره مندمجه ماحست
الجوري: نويييييييييييييير
نواره مكمله ماترد
البندري: لا البنت فيها شي ..
قفزت لعند نواره وصرخت: نوييييييييييييييير
نواره: وجع ان شاء الله اسمعك مو انا بالمريخ
الجوري :ههههههههه وش خامره عليه
نواره : خامره ..خامره وش هالمصطلحات جلستك مع نوير زوجة عمك خربتك
الجوري:هههههههههه
البندري: لاتضيعين السالفه وش هالسكون اللي نازل عليك
نواره: آحم آحم انا من زمان ساكنه
البندري:ساكنه اي دور ههههههههه
الجوري:هههههههه
نواره: بايخه
الجوري تغير وجهها كانها تذكرت شي : فاتكم بنات ماشفتوا وش صار لي
نواره بحماس: وش صارلك
الجوري: بعدين اقولكم بالطياره
البندري:صحيح .... اكدتي على لوجين ان حنا ثلاث كراسي بجنب بعض
نواره : ايوه وقالت اذا تبغوا طيارتي الخاصه عادي ...بس انا قلت لا ماحبيت اثقل عليها ...
الجوري: ههههههههههه حركات تعرف الكرامه
نواره : ليه وش شايفتني ماحس
الجوري والبندري : هههههههههههه
نواره وحطت المجله بشنتطها : ايوه .. تتريقوا علي انتي معها ..
*****************
ذوق نزلت عند امها وجلست ساكتها ماتعرف وش تحكي معها ...ماتعودت عليها
ام ذوق: كيفك
ذوق: كويسه .. ماما بغيتي شي
ام ذوق : ههههههه معك حق انا ما ناديتك الا عندي شي .. والله ماني عارفه كيف اقولك بس انا حبيت اخذ رايك قبل لاقول لابوك
ذوق: وش تقولين لي
ام ذوق: ههههههههههه ماعندك صبر طالعه على ابوك
ذوق بنفاذ صبر: ماما ..
ام ذوق: صاحبتي ام عادل خاطبتك لولدها عادل وش رايك
ذوق : انا
ام ذوق: ايوه عادل بسم الله عليه دكتور ومثقف وماعليه كلام .. وامه تحبك من يوم انتي صغيره
ذوق: انا اتزوج......................... (غير فيصل)................ لا مستحيل
ام ذوق: ليه ياماما انتي كبيره .. وش المستحيل اللي بكبرك عندهم عيال بالمدارس
ذوق: ماما انا ( سكتت تفكر بغباءها كيف تنتظر فيصل او حتى تعطي نفسها امل ان هذا النذل اللي ملك قلبها ممكن يكون لها بيوم )
ام ذوق : اسمعي هذي صورته .. خذي وقتك وفكري انا بكلم ابوك يسال عليه
ذوق بتردد امسكت الصوره مقبول شكله لو بنت غيرها كان انبسطت فيه دكتور مزيون عايلته معروفه وش تبغى بعد ...
ذوق: بشوف رد بابا وبعدها ارد عليك
ام ذوق وقفت: انا طالعه للمطار فكري وردي لي خبر
طلعت
ذوق جلست تفر (معقوله اتزوج غير فيصل ... اسلم نفسي لواحد وانا قلبي مع واحد ثاني لا مستحيل حتى لو كان يضحك علي انا احبه ... مستحيل اوافق على هذا الدكتور ..)
نادبه مربية ذوق الحبشيه بعد ماسمعت كل اللي صار جلست عند ذوق: ايش فيكي حبيبتي ليه محتاره
ذوق : مادري مادري يا نادبه ( بكت) ..
بكت حبها لشخص مايستاهل لشخص منحط وسافل
***************************
لوجين
كانت جالسه بالنادي تسوي رياضتهاالصبحيه المعتاده .. دق جوالها (بشار يتصل بك)
لوجين خافت هذا شيبغى يكفي المصايب اللي سواها لها وهي بشهر لوحدها ببريطانيا ..
لوجين بقوه مصطنعه: خير
بشار: شخبارج ياعيوني
لوجين: انت ماتفهم شكلك ماتادبت ب الضرب اللي جاك
بشار: ضرب الحبيب مثل اكل الزبيب
لوجين: والله يابشار اذا مابعدت عن طريقي ماتلوم الا نفسك انا هذي المره قلت لبابا يضرب المره الجايه مايخلصني الا دمك
بشار: انا ماتهدد والا نسيتي انا ولد مين ..
لوجين: انت ماعندك كرامه ماتفهم قلتلك مابغاك
بشار: انتي اللي بتفهمين عدل .. على بالج طلعتي من المخدرات بسهوله لان سعيد الجلب قالج .. تفكرين ماقدر اسوي لج شي لا يابابا انا بشار
لوجين: مره ارعبتني اسمع روح العب على قدك .. مابقى الاانت
بشار سكت على لوجين فتره لانه كان بالمستشفى بعد ماضرب ناصر وربعه .. لان سعيد قال للوجين وابوها عن محاولات بشار ادمان لوجين المخدرات ..
سبحان الله الله يحب لوجين انقذها من كيده مرتين ..
بشار: اذا ماوريتج من بشار ماكون ولد السفر
لوجين تقلد لهجته الكويتيه : مش بوزك
سكرت السماعه وهي متضايقه وخايفه المره الاولى الله سلط لها سعيد هذي المره يمكن يقدر عليها ..
دقت على نواره مشغول وعلى ذوق مشغول وعلى الجوري والبندري مغلق :آف مع وجههم اربعه ولاوحده منهم فيها الخير
*********************************
ذوق رفعت جوالها ودقت عى نواره : الو
نواره: هلا بهالصوت وصاحبته
ذوق:ههههههه هلا فيك وش هالازعاج انتي وين ..؟؟
نواره: انا بالمطار مع الجوري والبندري ( وطت صوتها) ومعها المرافق محمد
ذوق: اوه نسيت رايحين اليوم للبنان صح
نواره: ايوه وتخيلي المطار كيف زحمه تقولي كل السعوديه مسافرين ...
ذوق: ههههههههه حتى رائد اخوي معكم
نواره:اف لاحقنا لاحقنا
ذوق/ههههههههههههه
{ في عيون من بعيد تراقب نواره ..... اللي واقفه بعيد عن الجوري البندري واخوهامحمد .. عيون طلال اللي تحاول تنروي بشوفة الغاليه نواره **
نواره:تصوري الاخت الجوري فشلتنا ماخذه معها كل العده ... كانها رايحه للحج مو للبنان
ذوق:ههههههههههه
نواره: المهم ليه داقه
ذوق: هههههه يلعن الاسلوب مافي علطول بالوجه ليه داقه
نواره بغرور : حبيبتي انا هاللحين بزي وراي مشغل مو فاضيه
ذوق:ههههههههه تكفين يالبزي عندي لك سالفه بمليون ريال بس اذا وصلتي للبنان قلتها لك
نواره: لا عادي سولفي وخذي راحتك .. الطياره الساعه 9 واذا على الخطوط السعووديه الاقلاع الساعه 4 العصر
ذوق:ههههههههه الله يقطع شيطانك .. والله بتوحشني سوالفك
نواره: لاحول بدت الدرامه وش سالفتك اخلصي علي
ذوق بحزن : انخطبت
نواره بانفعال : والله جد متى ..هههههههههه وناسه
ذوق: يالهبله انا اللي نخطبت مو انتي .ههههه
نواره: عادي كلنا واحد اصلا انتي بتجلسين عنده يوم وانا يوم
ذوق: لا انقلعي ههههههه
نواره بخبث: من هاللحين بدينا انقلعي مرضى عليه مادري وشو
ذوق تموت على نواره اذا كانت متضايقه تدق عليها لان اسلوبها ينسي الواحد همومه وشوفتها تسعد القلب :هههههههههههههههه
نواره: بسرعه انطقي تكلمي خلصينا وراي طياره من ولده.....؟ وش يشتغل...؟ وين شافك ...؟وكم راتبه...؟ وكم وزنه...؟ وكم طوله...؟ وكم مقاس جزمته...؟
ذوق تسدحت من الضحك :ههههههههههههههههههههههههههه
نواره: ايوه عرفت ..... من صوتك واضح ان شكله حلو وولد ناس ومقاس رجله 42 صح
ذوق:ههههههههههههههههههههههههه
نواره: اذا تسنعتي وخلصتي ضحك حاكيني كم مره قلتلك انا بزي
ذوق:ههههههههههه الله يرجك
نواره : ابعدي والله انتي ... خلصينا قري
ذوق:هههههههه ..اسمه عادل
نواره: وع عادل ليكون مدرس فيزياء
ذوق:هههههههه اي مدرس دكتور ويصير ولد صاحبت ماما
نواره شرقت بالكوفي : دكتور هههههههههههههههه عز الطلب ...طول الوقت بالمستشفى يعني بيمديني اجي بيتك
ذوق:هههههههه مالت عليك هذا للي هامك
نواره: ايوه يابنتي هذا بيت الزوجيه لاول عروس بشلة مانشستر
ذوق حست بمشاعر مختلفه عجبتها فكرت الزواج والبيت والاستقرار : حياك الله بس مو كل يوم تجي
نواره: انتي اعرسي بعطين اطردي من البيت .. لاتخافي دايم الدكاتره مقاس جزمتهم 52 وانا مايعجبني الرجالي اللي رجله طويله
ذوق:هههههههههه
****************************
طلال وعينه على نواره ( ياحلوها وياحلو ضحكتها كلها على بعضها حلوه ..وحشتيني ووحشتني ابتسامتك يانور حياتي ...احبك يابعدي هلي ..االله يحفظك ويدوم عليك الحصه والابتسامه يارب .. ويجمعنا ببيت واحد )
بدر وفيه النوم : من هذا اللي مع الجوري والبندري
طلال: مادري اكيد اخو البندري لانه جاء بحفل التخرج ببريطانيا
بدر يتثاوب: وهذا وقت يحطون فيه الرحلات جد ماعندهم سالفه
طلال ومارفع عينه عن نواره: من تكلم صار لها ساعه
بدر: مين ..؟؟
طلال: نواره صار لها ساعه تكلم بالجوال وميته ضحك
بدر: مادري وش عاجبك فيها..هذي البندري احلى
طلال عصب: مو لازم تعجبك اهم شي عاجبتني انا
نواره اقل البنات جمال لان جمالها متوسط بس روحها الحلوه تخلي اللكل يناظرها ملكة جمال ..
بدر: الزفته دانا تقولي نواره احلى من الجوري هذي من وين تشوف
طلال: وهذي دانا على اي اساس توفلك نوارتي
بدر: ماتعرفها حماره
*******************************
نواره بعد ماسكرت من ذوق ركضت بسرعه ل الجوري والبندري ومحمد : بنات فائتكم خبر بمليون ريال
محمد متعود عليهم : وش الخبر
نواره: هههههههه اترك اللقافه
البندري ماتكلم محمد من بعد ماضربها : قولي وش عندك
نواره والابتسامه ماليه الوجه : ذوق بتملك
البنات يصارخون: وااااااااااااااااو
محمد: وجع ان شاء الله انتي معها ..اخفضوا اصواتكم حنا بالمطار
الجوري بصوت واطي : والله متى ..؟ ولمين ..؟
البندري: لفيصل
نواره ارتبكت :لا ... لعادل ولد وحده من صديقات امها دكتور قد الدنيا ..
محمد حس بشي غامض : من فيصل ..؟
البندري بسرعه : ولد عمها كان يبغاها .. وتوقعنا هو
محمد انبسط ان اخته عطته وجه ابتسم : يمكن كان كلام بزارين
الجوري : اكيد .. ياحليلها ذوق بكلمها
نواره:لا قالت بتكلم لوجين هاللحين
***************
لوجين :هههههههههه وافقي على البركه
ذوق بضيقه: وفيصل
لوجين: فيصل ..وش فيه وش عليك منه
ذوق: لاتستهبلين انت عارفه وش يعنيلي فيصل
لوجين: يبغالك جلسه انتي وين هاللحين
ذوق: بالبيت ..ليه؟
لوجين : اجيلك والا تجيني ..
ذوق: انتي وين؟
لوجين: انابالنادي .. بعد ساعتين بروح للبنك
ذوق: اجل اسمعي .. اسبقيني لصحارى مول في كافي رايق وشرايك نروح له
لوجين: لا انتي مريني البيت
ذوق: لا مالي خلق تعالي انتي
لوجين: هاللحين بتروحين لصحارى ومانتي براضيه تجين لي البيت
ذوق: احس اني مخنوقه من جو البيوت .. ابغى.. ابغى اروح لملاهي
لوجين:هههههه الساعه 10 الصباح اي ملاهي هذا اللي فاتح
ذوق: وشرايك تبيعينها ونروح بطيارتك لجنقل لاند بجده ..
لوجين تحمست : اوكيه بس لازم حد منا يداوم بالبنك نواره بلبنان ومعها رائد اخوك وانا لازم
ذوق: اقول بيعيها
لوجين: اجل استعدي ...... بدق على ناصر ونطيرهههههه
ذوق: وانا بعطي بابا خبر عند نادبه
****************
اعزائي المسافرين على رحله رقم 609 الرجاء الاستعداد
نواره:لللللللوووووووووللللل واخيرا
الجوري: يله بسرعه ...مابغينا
البندري:آف شاب راسنا
وراحوا نواره والجوري .. بقيت البندري مع محمد بالعاده تسلم عليه وتضمه بس هذي المره غير القلوب شايله
محمد ابتسم : مالي ضمه
البندري بدلع لفت وجهها عنه : لا
محمد وهو اللي مربيها مثل بنته : شدعوه رايحه لبلد الذوق والبرستيج ولا تعرفين السلام العدل
البندري:هههه بسل..
قاطعها صوت رائد: لوسمحت اخوي
محمد لف مستغرب: نعم
البندري عرفت انه رائد اخو ذوق خافت انه عرفها انها بدران وجاي يحكي لمحمد
رائد كانت السماعات على كتفه : نادوا لرحله 609 للبنان
محمد: ايوه
رائد: مشكور يالاخو بس اناكنت اسمع بالهاتفون ومانتبهت
محمد: العفو
رائد ابتسم لهم وراح
البندري حست ان بعينه لمعه غريبه مقدرت تفسرها ...
**************
بالطياره
نواره:والله انا كلمتها وهي قالت انها اكدت عليهم
الجوري بعصبيه :لو انها ماكده عليهم.. كان ماصرت انا لوحدي مع هذا الرجال الغريب
البندري:روحي اجلسي وش نسويلك بعد
الجوري:لا استحي بوقف
نواره:هيه وين جالسين باص
البندري : ههههههه
الجوري : تكفين بنو لاتخليني اروح بادلي معي
وقفت البندري:اوكيه يالخوافه ماطلبتي
نواره وهي تغمز للبندري : لو انا منك مارضيت
الجوري بعد ماجلست : انتي انطمي يالحشاره
البندري وهي تناظر مقعد الجوري :ههههه معك حق ماترضي
نواره: حركات بنو روحي اجلسي بجنب هاشايب علشان يذكرك بحوادث وقوع الطيارات
البندري: وجع ان شاء اللله انطمي .. انتي قومي غيرت رايي
الجوري:ههههههه احلمي
المضيفه لبنانيه : ازاء بتريدي تفدلي لمعادك
البندري راحت مقهوره
نواره:ههههههه مسكينه بنو حتى الخدامه طردتها
الجوري:اي خدامه
نواره: المضيفه مو المضيفه خدامه على الهواء
الجوري:هههههههه الله يقطع بليسك
***********
البندري المسكينه اجلست بجنب الشايب ..بالعكس ماكان يهذر مثل ماتقول نواره كان هادي وحبوب ووجه سمح وطول الوقت عينه على الكراسي اللي وراء يناظر البنت المتنقبه
البندري(شكل عينه زايقه ههههه)
الشايب اول مره يحكي من اقلاع الطياره: يابنتي
البندري:هلا والله عمي سم (ماعندها وقت على طول سم ههههههه)
الشايب: بنتي وراء وجنبها رجال غريب وانا خايف عليها وش اسوي
البندري: لاتخاف اكيد ان هذا الرجال مراح ياكلها وبعدين مو هو لوحدهبالطياره لوغلط عليها اكيد بتناديك تتفاهم معه .زلان مشاء الله واضح على بنتك الاحترام
الشايب ارتاح شوي من كلامها :انا لازم اتاكد
قام لبنته .. ذكرها هذا الشايب باخوها محمد نفس خوفه عليها .. طلعت ورقه وجلست ترسماخوها محمد ... هي ذوق فنانات الشله
*******************
ذوق: ياي ياحلو جده
لوجين: مستانسه اللي يشوفك حنا بديزني لاند مو بجنقل لاند
ذوق: ياحبيبتي لعلمك بس هذا بنظري احلى من ديزني لاند
لوجين بحماس : تكفين هههههه
وهي تناظر الملاهي : يله ياحبيبتي الالعابب قدامك يله نلعب
ذوق: والله لاستهبل استهبال
دخلوا الالعاب يستهبلون ويصارخون وكان الجنقل فاضي مافيه ناس كثير يعني واضح انهم هم اللي يسوا قلقل من غير مبرر
*************
نواره جالسه تناظر المجله اللي اخذتها معها وحاطه السماعات على اذنها تسمع لشعبان عبدالرحيم مطربها المفضل (حبطل السجاير وحبدى من جديد ..)
تناظر الموضوع اللي شدها قبل دقايق ..صورة طلال على جنب بزاوية المجله ومقاله بعنوان ( ابن السياسي اصبح تاجر)
نواره(اول مره ادري ان طلال ولد سياسي ..انا غبيه كيف ماركزت انه ولد " حمدان الرمح "والله اني مفهيه )
كان من بين الاسئله
س:لماذا لم تتبع والدك بالسلك السياسي .؟
ج:لاني لااكترث بالامور السياسيه لمما فيها من دبلوماسيه وانا بطبيعتي احب الحسابات والامور التجاريه
نواره( يالكذاب انت ماتحب الدبلوماسيه انت ضحكت علي وخليتني اصدق انك حبيب وخفيف دم .. وانت من هناك متفق علينا مع خويك فيصل ..)
س:هل تفكر بالزواج والاستقرار.؟
ج: في الحقيقه انا قادر على تحمل المسوليه ولكني انتظر الاستقرار بوظيفتي والجلوس مع عائلتي قبل الخوض بعائله جديده ... والعروس لحمد لله موجوده
س: هذا يعني بانك خاطب
ج:هههههههه لا ولكن توجد فتاه معينه ببالي ..
نواره(حركات طلول يحب ويقولها صريحه بالمجله هههههههههه)
س: هل يعني حديثك هذا اننا سنسمع خبر خطبتك غريبا
ج: انا اخر تواصل كان بيننا ببريطانيا فلا اعلم ربما تكون قد تزوجت ..وانا مهما كان سعودي لاومن بالحب بل الزواج ..(ثم ضحك طلال ) يبدو اننا خرجنا عن اطار حديثنا
نواره( ببريطانيا من يقصد يارا ..لا مستحيل هو مايطيقها مين اجل وحده ماشفتها اكيد)
قطع عليها تفكيرها حركة الجوري لها بيدها
نواره تصارخ: خير وش تبين
الجوري تحط ايدها على فمها: اسكتي الله يفضح ليه الصراخ
نواره انتبهت انها صارخت كالعاده تنفعل ..والناس يناظرونها
**********
طلال:هههههه لحد هاللحين هبله
بدر: هههههههههه صوتها واصل للكابتن
طلال: خساره يليتني جنبها
بدر: روح وجيب الجوري عندي
طلال:لا ياشيخ احلف ..
بدر: وشرايك نسويها بالرجعه
طلال: والله فكره بس انت اللي تتصرف انا ماعرف احد بالخطوط السعوديه
بدر: بس ماطلبت
طلال: موقعنا حلو نقدر نشوفهم ..
بدر: قصدك اقدر اشوفها انا ماني قادر اشوف الا راسها من وراء
طلال: ليه الحسد انا ماشوف الا نصها.. بعدين ياشاطر هذي حبيبتي انا الاولى بشوفتها اما انت يادوب تحطيم
بدر: اصبر بعد خمس دقايق شوف وش بسوي
******************
ذوق وهي مندمجه بالرسم باقي لها اشياء بسيطه وتخلص من رسم ملامح محمد شمت ريحة عطر قويه من اللي جلس جنبها (معقوله الشايب راح تطرمن بنته وجاء) رفعت راسها شافت رائد اخ ذوق جالس جنبها طاحت الكراسه من ايدها
رائد رفعها من الارض وقال وهو يبتسم: مسكين الشايب رحمته خايف على بنته ..
البندري مرتبكه وهي تاخذ الكراسه (شكله عرفني الله يستر ):شكرا
رائد: العفو
رائد يناظرها( وجهها مو غريب علي وين شفتها ايوه كانت واقفه مع هذاك الرجال اللي خبرني عن بدايت الرحله ..لا عيونها شفتها من قبل بس وين وين مادري )
البندري خافت من نظراته ولهت نفسها بتكملت الرسمه
رائد: شكلك فنانه
البندري: احلف اذا كنت ناوي تهذر وعلى بالك بعطيك وجه ..فارجع مكانك احسن لك
رائد : بهذر وبسولف ورجعه ماني براجعه
البندري تاكدت انه عرفها : شف من يعطيك وجه
رائد: مره ميت عليك .. انا ماسولف مع متزوجات
البندري:متزوجات.؟؟؟؟؟؟؟؟؟؟؟؟
رائد: ايوه مو هذا زوجك اللي ترسمينه
ناظرت البندري الرسمه (ايوه عرفت هاللحين على باله اني كنت اودع زوجي وهاللحين ارسمه ايوه خل اللعب فيه ههههههه)
البندري: تقصد محمد .. انا اكره الشرطه زوجي شرطي وانت عارفه الشرطه مايقدرون يسافرون وانا رايحه لهلي
رائد المسكين صدقها: انت امك لبنانيه
البندري ملامحها سعوديه مملوحه واضح ان مافيها عرق لبناني
- بلهجه لبنانيه : اي الماما لبنانيه
رائد: مو واضح شكلك بدوي
البندري عصبت : شقصدك يعني بكذب بامي
رائد: اسمحيلي وجهك بدوي مره
البندري عصبت اكثر : انتم يالسعودين ماتعرفون شي
رائد:ههههههههه ليه انتي من وين بعد ابوك من بلجيكا
البندري تفشلت لانه قدر يعرف انها كذابه :تتريق حظرتك قلتلك لاتحكي معي انت اللي رزية الفيس
رائد تخصص مغازل طلع كرت من جيبه:اختي معك رائد اذا حتجتي اي شي هناك انا بالخدمه
البندري وهي تقطع الكرت: حركاتكم مكشوفه ياخ رائد ..انا متزوجه يعني بذمة واحد فاحترم نفسك احسن لك
رائد وماكان متوقع ردت فعلها : اوكيه براحتك عرضت عليك خدماتي
البندري: مشكور ..ماصار لك نص ساعه من جلست ترقم
رائد:هههههههههههه
*******************
الجوري كانت مندمجه مع اللي تتابعه بالتلفزين مسلسل اجنبي "فرندز"..مر من جنبها بدر ودز ايدها بقوه
الجوري وهي تمسك ايدها : اي
رفعت راسها بتكلم اللي دزها ووقف ..انصدمت لما شافته دقات قلبها زادت حست بخوف مو طبيعي
ابتسم لها بدر بخبث: سفره سعيده
وراح ... نواره كانت مشغوله مع المجله
الجوري :نواره نونو
نواره: ها
حكت الجوري لنواره كل شي من اول يوم لاخر شي صار بالطياره الا سالفة الصور ماحبت تقولها لان الصوره كانت من زواج اختها مروه
نواره: وانتي ساكته من هذاك اليوم ليه ماحكيتي
الجوري: فكرته خرابيط لكن الحين تاكدت انه ملعون
نواره: غطي وجهك قبل لايجي ويشوف دموعك ويصدق نفسه
طلع بدر من الحمام ومر عندهم وهو يبتسم للجوري ونواره تناظره مفهيه مادرت انه هو لانه ماتعرف شكله
الجوري: شفتيه مره مع وجهه
نواره: مين
الجوري: يالغبيه انتي كيف تفكرين اللي مره هاللحين وابتسم
نواره: ليكون قصد المزيون اللي لابس برتغالي
الجوري: ايوه ... وبعدين اي مزيون انتي وجهك
نواره: وانا اقول شفيه هالمزيون يتبسم اثاريه نفسه بدر ..
الجوري: بدر الزفت
نواره:والله انه اسم على مسمه بسم الله عليه وشحلاته
الجوري: انا وين وانتي وين ..؟
نواره حطت ايدها على فمها :ها سكت
المضيفه اللبنانيه :لوسمحتي حطرتك نواره مشعل
نواره: ايوه
المضيفه عطتها بوكيه ورد جوري احمر ..وعلبة شوكلاته سويسريه انيقه : تفزلي
الجوري ونواره:؟؟؟؟؟؟؟؟
المضيفه: وهيدي الكرت معن
نواره: من مين
المضيفه : مابعرف
تركتهم مصدومين ومشت
الجوري:من مين هذا
نواره وهي مبسوطه :هههه من الذوق اللي عطاني هذا ههههههه انا خبري ماعرف احد مذوق كلهم همج
الجوري:حركات شكل احد معجب فيك بالطياره
نواره:ههههههههه انا كنت عارفه اني قمر
الجوري بفضول: افتحي البطاقه
نواره: البطاقه والا الشوكلاته قبل ..
الجوري: ياربيي هذي كيف تفكر ..هاللحين همك بطنك وناسيه الكرت
نواره وهي تفتح الشكولاته : طيب بس اذوقها
الجوري بتقطع شعرها من القهر: جيبي انا افتحه
*************



من مواضيعي :