عرض مشاركة مفردة
  #1  
قديم 26/05/2007, 09:26 AM
محمـد
مُبــدع
 
خويتي تبي 500 ريال :: بالله أحد يسلفني اياه ::


السلام عليكم ورحمة الله وبركاته




كيف حالكم أخواني اخواتي


بصراحة


الموضوع حساس


ولا ابي احراج بالموضوع



خويتي طلبت مني 500 ريال وابي أي أحد يسلفني اياها اول ما ينزل الراتب ارجعله اياها





بصراحة كثرت هالطلبات هالايام وصارو الشباب يركبو على انفسهم ديون بالالاف عشان خوياتهم



وربي انها ظاهرة مشمئزة


يعني تذل نفسك عشان خويتك !!!!!!!!!!!!!!!!!!!!!!!!!!!!!


ندخل بالموضوع يا شباب


هالايام كثرت المكالمات الهاتفية بين الشباب والبنات (( اسأل ربي أن لا يبلتينا بها قولو آمين ))


تلقى الشاب الي عمره 17ولا18 سنة مشبك له خويتين ولا ثلاث وتشوفه طوال الشهر نازل كد عليهم


كل يوم طلب وكل يوم مكالمات وتجيه بآخر الشهر تلقى فاتورته طاقه ال1500 ريال بالرااااااااااحة


وان سأله ابوه ليه هالفاتورة عالية يقوله ولده :

والله يا يبى أكلم اخويائي عشان المذكرات ولا أنقل حل واجب ولا اذاكر انا وخويي


الثاني

والله يا يبى طوال هالشهر كان جوالي مسروق وما قدرت اوقف الشريحة قالو لانها مو بإسمي وانحرجت اقول


وأعذااااااااااااااار كثيرة وتصريفاااااااااات بالهبل


والشين الي فيها ان هالتصريفات غبااااااااار


وتلقى الولد لما يكلم خويته عاد هو مفهم خويته ان عمره 25 ولا 23 سنة وان شاب كاش ماتهمه الفلوس

ويهمه الوفا والاخلاص وماتخونه خويته ووووو من هالكلام الي يسوي فيها انه كااااااش بكل معنى الكلمة


وتجي لما تطلب منه خويته طلب فلوس ولا بطاقة شحن يقولها ابشري ما طلبتي شي


عطيني ساعة والبطاقة عندك


ويبدى عاد هالشاب يدور الشباب اخويائه من واحد لواحد

ويدق على خويه ابو فلان


الولد : الو

ابو فلان : هلا والله

الولد : كيف حالك يابو فلان يا راعي الفزعات

ابو فلان : بخير يا مال الخير (( وراسه كبير طبعاً ))

الولد : بصراحة يابو فلان منحرج منك ولا ادري وش اقولك

ابو فلان : افا بس عليك تنحرج من اخوك وخوي دربك ماهقيتها والله اطلب الراس ينحط على يديك

الولد : (( عاد منحرج شوي )) والله يابو فلان ادري انك قدها وادري انك مارح تقصر واعرف اني مابطلب منك هالطلب الا لاني اعرفك راعي الفزعات ومايهون عليك خويك

ابو فلان : ابشر بعزك انت آمر بس

الولد : لا يامر عليك عدو ياخوي مضطر على 500 ريال وابيها ضروري وارجعلك اياها أول ما ينزل الراتب وما قدرت اطلبها من الوالد لانه حارمني من المصروف عشاني رجعت يوم الخميس متأخر

ابو فلان : ماطلبت شي الليلة تكون عندك

الولد : (( مستانس )) والله كنت داري انك قدها بس ما اقدر انتظر لين الليل اقدر امرك الحين وآخذها

ابو فلان : سم تعال الحين ولا تغلى عليك


طون طون طون


طيط طط طيييييييط

وصل الولد عند ابو فلان وأخذ ال500


وأرسلها لخويته


عاد بالله عليكم وش استفاد هنا هالولد

ركب على نفسه الدين

انجر ورى خويته

والله هالظاهرة انها انتشرت بشكل غرييييييييب وملفت للنظر


وصرت اشوف اخويائي مو كلهم مابي اظلمهم بس أغلبهم والله والله اني صرت اشوفهم خرفان

وان صارحتهم بهالشي زعلو علي

تلقى خويك بأول الشهر مستلم راتبه ومافي الا ثاني يوم من استلامه للراتب الا كله طاير


وعلى ايش ؟؟؟؟؟؟؟؟


لاحووووووووووول على بطاقات وفواتير


والله ماهي حاله يا شباب


24 ساعة التلفون على اذنك مخ خويتك وش تستفيد يعني ؟؟؟؟؟؟؟؟؟؟؟

اذا مفتكر ان خويتك مخلصة لك فأعرف انك غلطان (( 99% من البنات الي يكلموك على الجوال كلمو عشرين قبلك ))

لا تفتكر ان خويتك بالحالك تراها خويت عشرة غيرك

مابي اظلمها واقول كلهم بل أغلبهم


الامر صحيح حرام بس خلاص انتم ماعاد يفيد فيكم الحرام والحلال صرتكم تاخذو الوضع انه عادي


طيب اذا ماتبون تقسوه على انه حلال او حرام قيسوه على مبدأ كرامتكم وأخلاقكم


يعني تخلي بنت تخورفك؟؟؟؟؟؟؟؟!!!!!!!!!!!!!

تخلي بنت تجرجرك؟؟؟؟؟؟؟؟

بتقولي انا صاحي لهم ولايقدرون يجرجروني او يخورفوني


اقولك غلطان والله مستحيل تكون صاحي على نفسك لما تخش جو مع خويتك وتشلحك الي فوقك وتحتك والله


وخاصة لو تعلقت فيها والله لو تطلب دمك بتقولها فداكي


شباب والله العظيم ان ما من فايدة هالمكالمات مصاريف زايدة وعالفاضي


بتقولي انك كاش ومايهمك الفلوس


برجع اقولك هي على المبادئ والاخلاق


ولا توسخ فلوسك ببنات ما تستاهل وربي لو تتبرع بهالفلوس الي تكد فيها عالبنات للجمعيات الخيرية

ولا للفقراء الي يجلسون قدام المسجد بعد كل صلاة جمعة وربي أفضلك بمليووووووووون مره


شباب خليكم واقعيين


خلينا مع بعض صريحين


بقولكم عن بعض من اخويائي بس بدون ذكر اسماء


واحد من الشباب تو عمره 19 سنة يشتغل وراتبه 2500 ريال بالشهر

وهو عايش عند اهله يعني الراتب يكفيه ويخب عليه

مشبك بنت عمرها 17 سنة

وكل يوم هالبنت طالبه منه طلب

تصورو راتبه 2500 ريال بـ 10 الشهر مخلص راتبه كله


وين تظنو راح راتبه

راح راتبه على بطايق سوا لجواله وجوال خويته وطلبات لخويته فلانة وعلانة


وذهيك تبي بطاقة بو 100 وذي بو 50 ويلى ذي بو 10


وربي لما اشوفه احزن عليه


ودايماً اقوله بس هو مافي فايدة منه تصورو لما يخلص رصيده ياخذ جوال ابوه ويكمل كلامه مع خوياته


ولما يسألوه ليه تكلمنا من هالرقم يقول جوالي مستعيرة مني خويي<<< عليك تصريفات مثل خشتك غبااااار



وانتم يالبنات الي تتكلمو عالجوال


صحيح ان اغلبكم ماهي خسرانة فلوس

بس وربي انها خسرت أغلى شي عندها ومايتعوض بالفلوس


خسرت شرفها تسمع صوتها لواحد اجنبي عنها





شباب وبنات

غريب أمركم والله !!!!!!!!!!!



رسالة لكل شاب وبنت يكلمو بعض عالجوال


الشاب :

اليوم تكلم بنات الناس وبكره بتشوف عيال الناس يكلمو بناتك ولا خواتك (( مو الكل لكن على حديث الرسول عليه الصلاة والسلام فيما معناه ان الي يجي ببنات الناس بينرد لك بـ عرضك داخل بيتك ))


البنات :

والله يالبنات انكم خسرتو اشياء كثيرة وماسمعتو بالقصص ؟؟؟؟؟؟؟؟ كل يوم فضيحة عائلة فلان وعلان

وغير كذا انتم يالبنات مهما كبر عقلكم صدقوني ومهما قلتو عن انفسكم انك واعيين وربي ان من السهل جدا ايقاعكم اذا مو اليوم وربي لتوقعو بكره

الذئاب بعمرها ما صعب عليها شي وكل ما اكنت فريستها عنيدة كل ماكانت الذئاب أشرس و أذكى



هذا بعض مما اجادت نفسي لكم وعساني بس قدرت اوصل لكم ما بداخلي

وآسف على الاطالة لكن حبيت أبرد حرتي من الي اشوفه

منقووووووووووووووووووووووووووووول




من مواضيعي :
الرد باقتباس