الموضوع: تـوادعنــــا !!
عرض مشاركة مفردة
  #1  
قديم 25/02/2007, 09:48 AM
بدر
مُثــابر
 
تـوادعنــــا !!

قصيدة من ديواني أحببت أن أنشرها لكم في عمانيات

علّها تكون أحد منافذ الدخول الى قلوبكم



توادعنا على عجلة وضمت لهفتي بعناق
تقول إن طالت الغيبة : حبيبي حبنا من له ؟!!


سرى صمت العيون أقوى من اللي تكتبه الأوراق
خليط من الفرح ويّـا بقايا دمعة خجله


وراحت وأسرعت تمشي وتفكيري لها سبّاق
يسابقني الأمل فيها وخوفي والوله قبله


قبضت يدينها قصدي أباري لهفة العشاق
وقمت آطالع بوجه نوى هالصبح يوقف له


ألا يا مسافرة حنّي على قلب لواه فراق
أنا لامن تذكرتك نسيت الكون ذا كله


على نفس الخطوط اللي خذتك وسافرت الاشواق
حجزت احساسي وفكري معاك لاخر الرحله


معاك ولهفتي يمّك وقلبي للقا تواق
وطيفك جيت أهرول له اذا ما جا على مهله


تروحي / ترحلي / تسري تزيديني وله وأشتاق
تردّي / ترجعي / تلقي هوانا أجمل وأحلى


ولو طالت مسافات السفر والحال مني ضاق
بدوّر عن شبيهك لين ألاقي بالسما مثله


يا أجمل ما اندفن فيني من إحساس وهوى وأشواق
صحيح أن الفرح دونك سنينه ضاعت بوهله




من مواضيعي :
الرد باقتباس