عرض مشاركة مفردة
  #1  
قديم 27/11/2006, 11:39 PM
أصيله
مُشــارك
 
زهرة المكان مرثية الحزن...((مصافحة أولى))



مصافحة أولى

علها تصل لشموخ ذائقتكم

وشكراً لـ أستاذي بدر القمشوعي


على دعوته الكريمة

،
،

لـ روح تركتني مما يقارب 9 سنوات

لـ جدي المرحوم سيف

الطهر مازال يعم أركان الصدور
وصيحة آذانك تتوق لها الأذان


مرثية الحزن إليكم

فاليوم تصرخ الأرواح


:
:
:
:

يضيق همّي بك و حزنـي يعزيـك
كل المشاعر لـك حزينـه حزينـه


ذكراك قلبٍ ماخفـق يـوم ناسيـك
تنبض لـك أشواقـه وقمّـة حنينـه


الأرض تدعي والسما فـوق تبكيـك
لو يتكلّم هالشجـر قـال: وينـه..؟!


وأصيح يا جدي كثـر مانـي آبيـك
تركتنـي لعبـة زمـن فـي يدينـه


اسمعني يا آبويَـه وربـي يخليـك
احمل معي حـزنٍ يضيّـق مدينـه


جف الكلام وكـل هالنـاس تدعيـك
حتى الطيور تشيّعـك فـي سكينـه


هذي الأماكن همها اليـوم ترضيـك
ياكيـف أجاوبهـا وروحـك دفينـه


ماتنفع دموعـي لـو تهـلّ ترثيـك
دام القـدر مـا فيـه شـيٍّ يدينـه


إيه أذكرك والشوق فينـي يناجيـك
وذرفت حرفٍ صـادقٍ فـي حنينـه


قلت بحروفي بعض من بعض مافديك
لعلّي اشفـي حـزن قلبـي و انينـه


يا جدي المرحوم يا(سيف) أبا أهديك
حرفي و قلبي مـع دعـاه و يقينـه


ينعيك طيبك قبـل هالشعـر ينعيـك
وكل الأماكن مـن فراقـك حزينـه






أصيلة




من مواضيعي :