عرض مشاركة مفردة
  #1  
قديم 20/07/2006, 06:33 AM
صورة لـ احب الدنيا
احب الدنيا
مُثــابر
 
خلك بني آدم تراها اختك ( مضوع للنقاش)

طبعا مستغربين من العنوان
العنوان هذا كان جملة قالتها ام لو لدها
الولد هذا كان يشتكي من مشكلة متفشية في مجتمعنا
واللي يخلي المشكلة هذي أكبر ان الولد يشوفها ما هي مشكله مثله مثل غيره

يعني الشاب يدخل البيت ويصارخ في اخته ويقولها جيبيلي مويه
وإذا كان عنده مباراة العصر ونام عنها يطير في اخته ويهاوشها ويقولها ليش ما صحيتيني

هو يطلع ويروح ويجي ويتمشى وهي من تقول لأخوها طلعنا بسيارتك الجديدة ينفخ فيها ويقولها ما عندنا بنات يطلعون

طيب انت يالشاب
ما سألت نفسك هالاسئلة
8
8
مين يطبخلك ويبيض وجهك قدام ضيوفك ؟؟؟؟ مو اختك
مين يكويلك ملابسك اللي ما تبي الخدامة تلمسهم ؟؟؟؟ مو اختك (خايف من سحر الآسيوين حضرته)
مين تجيبلك الموية وهي ايدها ترجف من الخوف منك ؟؟ مو اختك
مين اللي يدفع فلوس الكفالة إذا مسكتك الشرطة اثناء مخانقة افتعلتها انت وزملائك في الشارع؟؟ مو اختك

مين اللي تنضرب في الليل ظلم وتجي ثاني يوم الصبح ووجهها وارم وتعتذرلك مع انها مظلومة ؟؟؟ مو اختك

مين اللي همها لو وزعته على الدنيا يكفيها ويزيد ؟؟؟؟؟؟؟ مو اختك
مين اللي تبي اخ يسمعها مو يسطرها كف لأسباب واهيه ؟؟؟؟؟ مو اختك

خلك بني آدم تراها اختك


ابيكم تناقشون هالمشكلة بشكل ايجابي وراقي عشين نتوصل للأسباب والعلاج لهذي المشكلة العضال




من مواضيعي :