في خاطري هالكلمتين ..
 

في خاطري هالكلمتين ..

لك في خاطري كلمتين ..
في حياتي كنت اشتهي بس نظرتك..
وكنت اموت حتى التمس منك كلمتك..
كنت .. اناظرك من بعيد لبعيد..
و اقول في بالي متى .. بس ..
و اقعد اتمنى ..
يا ليت قلبك عرفني من صغره..
و الله لاحضنك وما اخللي احد يقدر يلمحك لمح..
لين جا اليوم اللي حسيت فيه بحبك..
يومها ..
كنت اسعد من في هالدنيا ..
وكنت انت اجمل شخص بهالدنيا تشوفه عيني ..
و احلى قلب يحس فيه قلبي
و قلت خلاص ..
لازم انا كون لك وانت اتكون لي ..
ما في غير هالحل ..
بس جا اللي اقوى مني ومنك ..
وما قدرنا انكمل ..
وحتى ما قدرنا نبدا حتى انكمل ..
يمكن شي يضحك ..
و يبكي بنفس الوقت ..
ليه الظروف تحكم قلوبنا..
و ليه المسافات تقطع انفاسنا..
و ليه كل ما نبضنا نبض حب ..
صدك خليلك و جفا نبضك..
سهل وصعب بنفس الوقت ..
حلو ومر .. جروح ململمة ..
لطمات و ابتسامات ..
هاذا هو الانسان ..
مشاعر ملخبطة ما فيها شي يشبه الثاني..
و حنا كلنا رهن هالمشاعر ..
و المحزن ان مشاعرنا رهن لغيرنا ..
تخيل معي ..
انه شعورك قادر يتحكم فيك و بحياتك ..
وانت للاسف مانت قادر تتحكم حتى باصغر شعور فيه ..
بالعكس .. تلقى غيرك هو اللي يتحكم فيها بشكل عفوي ..
و اضحك معاي على هالمهزلة ..
بس تدري ترا هالشي صح احيانا ..
يمكن لو قدرنا نتحكم فيها كان ..
ما قدرنا انحب و لا حتى انحس في الحب ..
المهم ..
حبيبي ..
هالكلمتين حبيت اقولهم ..
و بنفس الوقت ما حبيت ..
لا تستغرب و لا تندهش ..
بالمختصر ..
هاذي هي حياتنا ..
وهاذا احنا اللي مستسلمين دووم لها ..
و ما فكرنا بيوم انخليها هي تستسلم لنا ..

رد: في خاطري هالكلمتين ..
 

ثانكس على الكلمات الحلوه

رد: في خاطري هالكلمتين ..
 

كلمات حلوه شاعريه رجعتني للوراء وذكرتني بالي اريد انساه
صحيح هذه حال حياتنا
شكرت اخوي ع الكلمات الرائعه

رد: في خاطري هالكلمتين ..
 

كلمات رنانه وجميله

رد: في خاطري هالكلمتين ..
 

رد: في خاطري هالكلمتين ..
 

مساء الخير

والسرور

والنور

والبنور

والعطر

والزهور

يابو حميد قول اللي في خاطرك

حتى أكثر من كلمتين ....ههههههه

الصراحة

كلمات في منتهى الروعة والاحساس

وها انا اقف في لحظات على تلك اللوحه

البراقه التي تبهر العيون في جمال رسمها

فدمت اخي الكريم على جمال ماسطرت

حبيت أسجل حضوري تحت مشاركتك

حسن الفارسي // الفتى الأصيل