تعب ...تعب ...والمسألة .. اسم و نسب......!!!

تعب ..

كذبة بوح .. و غلطة محب !
تعب ..
رسم المشاعر .. ماهو غدر ..
معقول ؟!!!!
أفاااااااا .. حنّا نحب
بس لاصار بيدينا زمن ..
كيف ما نهوى اللعب ؟ !!!

تعب ...

يحبها حيل و تحبه
تعشقه .. بزيفه و صدقه
بس اللقا .... مستحيل
لو تنحي كتوف النخيل
لو تاقف الشمس بظلام
لو يبتسم حزن الأصيل
و كل السبب .. ما هو سبب
المسألة .. اسم و نسب !

تسكني الحيرة عمر
و يبكي بـ كفي القمر
و السهر .. اشتكى مني السهر
و دايم أسأل ..
هي الأرض .. كفو المطر ؟
إيه غبي
ضايع .. ولا أدري وش أبي
كل ما أقفى الشتا ..
مدري سكن .. أو مرّ بي

حزين .. مات قلبه من سنين
و عاث في نبضه .. حنينه
تايه .. و طيره سجين
و الفرح دونه يمينه
كل ما غفى جفنه بـ ليل
أوقظ جروحه أنينه
ليه يمه ما ترجعين ؟
و الله هالدنيا حزينه
إذا يزعجك البحر .. ما أروح
لو يشقيك همي ..
أسكت .. ما أبوح
و أمنياته .. تبكي أطلال المدينه
و على الطريق .. كان .. عَاله
و يُحكى .. مسكين .. يُرثى لِـ حاله

استبد بالحنين .. و بعثره
و الحلم .. عادي لو تقتله
استبيح الليل بغموضك ..
و إلبس الشمس .. أقنعه
و انتبه لا ترتمي ..
ترى المسافه .. موجعه
و إذكر إني ..
سافرت مره لأوراق الغياب ..
كنت أدوّر عن معنى
ذكرى .. أو حتى سراب
يدلّني من أنا
و ليه يعشقني الظما
و أنا أهتوي عطر السحاب
و رجعت
.
.
.
.
أحد .. بس أحد
مالقى مثله أحد ..
عاشقٍ فجر البياض
و خاينٍ ... غدر الوعد !